Chet davlat fuqarolari va fuqaroligi boʻlmagan shaxslarning Oʻzbekiston Respublikasiga kelishi va ketishi, shuningdek, Oʻzbekiston Respublikasida boʻlishini tartibga solish tizimini yanada takomillashtirish maqsadida Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirishlar kiritilsin.

2. Oʻzbekiston Respublikasi Ichki ishlar vazirligi manfaatdor vazirlik va idoralar bilan birga mazkur qaror asosida joriy etilayotgan tartibga muvofiq, Oʻzbekiston Respublikasiga kelish-ketish tartibini hamda bu yerda boʻlish qoidalarini buzib yashayotgan chet el fuqarolari va Oʻzbekiston Respublikasida doimiy yashamaydigan fuqaroligi boʻlmagan shaxslarni aniqlash hamda qonunchilik hujjatlariga muvofiq Oʻzbekiston Respublikasi hududidan chiqarib yuborish choralarini koʻrsin.

3. Mazkur qaror 2021-yil 10-sentabrdan eʼtiboran kuchga kiradi.

4. Mazkur qarorning bajarilishini nazorat qilish Oʻzbekiston Respublikasi ichki ishlar vaziri P.R. Bobojonov zimmasiga yuklansin.

1. Vazirlar Mahkamasining 1996-yil 21-noyabrdagi 408-son qarori bilan tasdiqlangan Xorijiy fuqarolar va fuqaroligi boʻlmagan shaxslarning Oʻzbekiston Respublikasiga kelishlari va Oʻzbekiston Respublikasidan ketishlari tartibining 6⁵-bandi oʻz kuchini yoʻqotgan deb hisoblansin.

2. Vazirlar Mahkamasining “Oʻzbekiston Respublikasida chet el fuqarolari va fuqaroligi boʻlmagan shaxslarni roʻyxatga olish tartibini soddalashtirish chora-tadbirlari toʻgʻrisida” 2020-yil 28-sentabrdagi 593-son qaroriga 4-ilovasi 2-bandida:

uchinchi xatboshida “6⁴ va 6⁵ bandlar” soʻzlari “6⁴-band” soʻzlari bilan almashtirilsin;

oltinchi — toʻqqizinchi xatboshilar chiqarib tashlansin.