Oʻzbekiston Respublikasi Markaziy bankining Oʻzbekiston Respublikasi davlat mustaqilligining oʻttiz yilligiga bagʻishlangan esdalik tangalarini chiqarish boʻyicha taklifini koʻrib chiqib, “Oʻzbekiston Respublikasining Markaziy banki toʻgʻrisida”gi Oʻzbekiston Respublikasi Qonunining 40-moddasiga muvofiq Oʻzbekiston Respublikasi Oliy Majlisi Senatining Kengashi qaror qiladi:

1. Oʻzbekiston Respublikasi davlat mustaqilligining oʻttiz yilligiga bagʻishlangan esdalik tangalarining namunalari va dizaynlari maʼqullansin.

2. Oʻzbekiston Respublikasi Markaziy banki Oʻzbekiston Respublikasi davlat mustaqilligining oʻttiz yilligiga bagʻishlangan esdalik tangalarining muomalaga chiqarilishi toʻgʻrisidagi xabar, shuningdek ularning tavsiflarini ommaviy axborot vositalarida eʼlon qilsin.

3. Mazkur Qarorning ijrosini nazorat qilish Oʻzbekiston Respublikasi Oliy Majlisi Senati Raisining birinchi oʻrinbosari S. Safoyev zimmasiga yuklansin.

4. Ushbu Qaror qabul qilingan kundan eʼtiboran kuchga kiradi.