Oʻzbekiston Respublikasining “Sudlar toʻgʻrisida”gi va 2019-yil 30-iyuldagi OʻRQ-551-son “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi qonunlari, Oʻzbekiston Respublikasi Prezidentining 2020-yil 24-iyuldagi PF-6034-son “Sudlar faoliyatini yanada takomillashtirish va odil sudlov samaradorligini oshirishga doir qoʻshimcha chora-tadbirlar toʻgʻrisida”gi va 2020-yil 22-sentabrdagi PF-6065-son “Oʻzbekiston Respublikasida identifikatsiya ID-kartalarni joriy etish chora-tadbirlari toʻgʻrisida”gi farmonlariga muvofiq buyuraman:

1. Oʻzbekiston Respublikasi ichki ishlar vazirining 2018-yil 28-oktabrdagi 228-son buyrugʻi (roʻyxat raqami 3097, 2018-yil 11-dekabr) (Qonun hujjatlari maʼlumotlari milliy bazasi, 12.12.2018-y., 10/18/3097/2314-son) bilan tasdiqlangan Davlat yongʻin nazorati organlari faoliyatini tashkil etish va amalga oshirish tartibi toʻgʻrisidagi yoʻriqnomaga ilovaga muvofiq oʻzgartirishlar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. 92-bandning ikkinchi xatboshisidagi va 15-ilova matnidagi “maʼmuriy ishlar boʻyicha tuman (shahar) sudyasiga” degan soʻzlar “tumanlararo maʼmuriy sudiga” degan soʻzlar bilan almashtirilsin.

2. 97-bandning ikkinchi xatboshisidagi va 18-ilova matnidagi “sud ijrochisiga” degan soʻzlar “davlat ijrochisiga” degan soʻzlar bilan almashtirilsin.

3. 13-ilova matnidagi “shaxsiy pasportingiz (shaxsni tasdiqlovchi hujjat)” degan soʻzlar “shaxsni tasdiqlovchi hujjatingiz (biometrik pasport yoki identifikatsiya ID-kartasi)” degan soʻzlar bilan almashtirilsin.

4. 26-ilova matnidagi “xoʻjalik” degan soʻz “iqtisodiy” degan soʻz bilan almashtirilsin.

5. 30-ilova matnidagi “pasport” degan soʻz “biometrik pasport yoki identifikatsiya ID-kartasi” degan soʻzlar bilan almashtirilsin.