Oʻzbekiston Respublikasining “Dehqon xoʻjaligi toʻgʻrisida” 2021-yil 1-apreldagi OʻRQ-680-son va “Tomorqa xoʻjaligi toʻgʻrisida” 2021-yil 1-apreldagi OʻRQ-681-son qonunlariga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.

2. Manfaatdor vazirlik va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha oʻrinbosari Sh. Gʻaniyev zimmasiga yuklansin.

1. Vazirlar Mahkamasining 1995-yil 11-apreldagi 126-son qarori bilan tasdiqlangan Savdo va xizmat koʻrsatish sohasi obyektlarini ular joylashgan yer maydonlari bilan birgalikda hamda yer maydonlarini meros qilib qoldirish sharti bilan umrbod egalik qilish uchun xususiy mulk sifatida sotish tartibi toʻgʻrisidagi nizomning 13-bandidagi “va dehqon xoʻjalik yuritish uchun 0,06 gektar” soʻzlari chiqarib tashlansin.

2. Vazirlar Mahkamasining 2011-yil 8-sentabrdagi 252-son qarori bilan tasdiqlangan Davlat pensiyalarini tayinlash va toʻlash tartibi toʻgʻrisidagi nizomda:

a) 2-bandning sakkizinchi xatboshidagi “shaxsiy yordamchi va dehqon xoʻjaligida” soʻzlari “tomorqa va dehqon xoʻjaliklarida” soʻzlari bilan almashtirilsin;

b) 35-bandning “a” kichik bandi oʻninchi xatboshidagi va “g” kichik bandidagi “shaxsiy yordamchi” soʻzlari “tomorqa” soʻzlari bilan almashtirilsin;

v) 46-bandning birinchi xatboshidagi “shaxsiy yordamchi” soʻzlari “tomorqa” soʻzlari bilan almashtirilsin.

3. Vazirlar Mahkamasining 2012-yil 28-avgustdagi 253-son qarori bilan tasdiqlangan Oʻzbekiston Respublikasi bozorlarida savdo faoliyatini tashkil etish qoidalarining 48-bandi ikkinchi xatboshidagi “dehqon va fermer” soʻzlari “dehqon, fermer va tomorqa” soʻzlari bilan almashtirilsin.

4. Vazirlar Mahkamasining 2013-yil 7-oktabrdagi 274-son qarori bilan tasdiqlangan Fuqarolar yigʻini toʻgʻrisidagi namunaviy nizomning 11-bandida:

quyidagi mazmundagi yigirma oltinchi — yigirma toʻqqizinchi xatboshilar qoʻshilsin:

“shaxsiy tomorqa yer uchastkalari egalarining faoliyatini rivojlantirishga koʻmaklashadi;

tomorqa xoʻjaliklarini erkin va mustaqil boshqarishda, shu jumladan, yetishtirilgan (qayta ishlangan) qishloq xoʻjaligi mahsulotlarini mustaqil tasarruf etish, ularga mustaqil narx belgilashda va daromadlarni tasarruf etishda shaxsiy tomorqa yer uchastkalari egalariga koʻmaklashadi;

tomorqa xoʻjaligini yuritadigan aholi oʻrtasida shaxsiy tomorqa yer uchastkalaridan samarali foydalanish masalalariga doir tushuntirish ishlarini olib boradi;

shaxsiy tomorqa yer uchastkalaridan maqsadli va oqilona foydalanish monitoringini amalga oshiradi”;

yigirma oltinchi xatboshi tegishli ravishda oʻttizinchi xatboshi deb hisoblansin.

5. Vazirlar Mahkamasining 2014-yil 18-avgustdagi 235-son qarori bilan tasdiqlangan Qishloq xoʻjaligi ekin maydonlarining normativ qiymatini aniqlash tartibi toʻgʻrisidagi nizomning 1-bandi uchinchi xatboshidagi “polizchilik shirkatlarining” soʻzlaridan keyin “, shaxsiy tomorqa yer uchastkalarining” soʻzlari qoʻshilsin.

6. Vazirlar Mahkamasining 2016-yil 22-fevraldagi 46-son qarori bilan tasdiqlangan Chet elda ishlayotgan Oʻzbekiston Respublikasi fuqarolari hamda ish vaqtini hisobga olib boʻlmaydigan shaxslarning ayrim toifalari tomonidan Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga yagona ijtimoiy toʻlov toʻlash tartibini, shuningdek ularning pensiyani hisoblash uchun olinadigan ish stajini va ish haqi miqdorini hisobga olish tartibi toʻgʻrisidagi nizomning 35-bandidagi “dehqon xoʻjaligida,” soʻzlaridan keyin “maydoni kamida 0,04 gektar boʻlgan shaxsiy” soʻzlari qoʻshilsin.

7. Vazirlar Mahkamasining 2018-yil 18-martdagi 205-son qarori bilan tasdiqlangan Dehqon xoʻjaliklari va tomorqa yer uchastkalaridan samarali foydalanishni tashkil etish va monitoringini yuritish tartibi toʻgʻrisidagi nizom 2-bandining uchinchi xatboshi quyidagi tahrirda bayon qilinsin:

“tomorqa yer uchastkasi — tomorqa xoʻjaligini yuritish uchun qishloq xoʻjaligi mahsulotlarini yetishtirish yoki yakka tartibda uy-joy qurish va uy-joyni obodonlashtirish maqsadida ajratilgan yer uchastkasi”.

8. Vazirlar Mahkamasining 2018-yil 31-dekabrdagi 1066-son qarori bilan tasdiqlangan Oʻzbekiston Respublikasi Bandlik va mehnat munosabatlari vazirligi toʻgʻrisidagi nizom 10-bandi 1-kichik bandining beshinchi xatboshidagi “shaxsiy” soʻzi chiqarib tashlansin.

9. Vazirlar Mahkamasining 2020-yil 30-yanvardagi 52-son qarori bilan tasdiqlangan Intensiv bogʻ va tokzorlar barpo etish, issiqxonalar qurish hamda ularni aholiga lizing va kredit shartlari asosida berish tartibi toʻgʻrisidagi nizomga 1-ilovaning 10-pozitsiyasi quyidagi tahrirda bayon qilinsin: