331-сон 27.05.2021. Maktabdan tashqari taʼlim tizimini takomillashtirishning qoʻshimcha chora-tadbirlari toʻgʻrisida

Oʻzbekiston Respublikasi Vazirlar Mahkamasining qarori, 27.05.2021 yildagi 331-son

Кучга кириш санаси

28.05.2021

Рус

Eng

Ўзб

O’zb

O‘zb|Рус

Hujjat 28.05.2021 sanasi holatiga

Joriy versiya

Oʻzbekiston Respublikasi Vazirlar Mahkamasining

qarori

Maktabdan tashqari taʼlim tizimini takomillashtirishning qoʻshimcha chora-tadbirlari toʻgʻrisida

Xalq taʼlimi sohasidagi maktabdan tashqari taʼlim tizimining huquqiy va tashkiliy asoslarini takomillashtirish, yoshlar taʼlim-tarbiyasi uchun qoʻshimcha sharoitlar yaratishga qaratilgan kompleks chora-tadbirlarni oʻz ichiga olgan beshta tashabbusni amaliyotga tatbiq etish, shuningdek, Oʻzbekiston Respublikasi Prezidentining “Xalq taʼlimi tizimidagi maktabdan tashqari taʼlim samaradorligini tubdan oshirish chora-tadbirlari toʻgʻrisida” 2019-yil 30-sentabrdagi PQ-4467-son qarori ijrosini taʼminlash maqsadida Vazirlar Mahkamasi qaror qiladi:

1. Quyidagilar:

“Barkamol avlod” respublika bolalar maktabining tuzilmasi 1-ilovaga muvofiq;

Qoraqalpogʻiston Respublikasi, viloyatlar va Toshkent shahar, shuningdek, tuman (shahar) “Barkamol avlod” bolalar maktablarining namunaviy tuzilmalari tegishlicha 2 va 3-ilovalarga muvofiq;

“Barkamol avlod” bolalar maktablari toʻgʻrisidagi nizom 4-ilovaga muvofiq;

Respublika “Bolalar kutubxonasi”ning tuzilmasi 5-ilovaga muvofiq;

Qoraqalpogʻiston Respublikasi, viloyatlar va Toshkent shahar “bolalar kutubxonalari”ning namunaviy tuzilmasi 6-ilovaga muvofiq;

Qoraqalpogʻiston Respublikasi, viloyatlar va Toshkent shahar Bolalar kutubxonalarining boshqaruv, texnik, xizmat koʻrsatuvchi va oʻquv-yordamchi xodimlarining namunaviy shtatlari va mehnatga haq toʻlash shartlari 6-ilovaga muvofiq;

“Bolalar kutubxonalari” toʻgʻrisidagi nizom 7-ilovaga muvofiq tasdiqlansin.

2. Oʻzbekiston Respublikasi xalq taʼlimi vaziriga Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi, Axborot texnologiyalari va kommunikatsiyalarini rivojlantirish vazirligi hamda Monopoliyaga qarshi kurashish qoʻmitasi bilan kelishgan holda xalq taʼlimi tizimidagi umumiy oʻrta va maktabdan tashqari taʼlim muassasalari uchun oʻquvchilarning muhandislik, robototexnika, mexatronika va dasturiy taʼminot yoʻnalishlari boʻyicha oʻquv mashgʻulotlarida foydalanish hamda innovatsion ishlanmalarni amalga oshirish yuzasidan respublikada ishlab chiqarilmaydigan, xorijdan olib kelinadigan xom ashyolar va jihozlar roʻyxatini tasdiqlash huquqi berilsin.

3. Oʻzbekiston Respublikasi Xalq taʼlim vazirligi:

“Barkamol avlod” respublika bolalar maktabi, Qoraqalpogʻiston Respublikasi, viloyatlar va Toshkent shahar, shuningdek, tuman (shahar) “Barkamol avlod” bolalar maktablari, Respublika “Bolalar kutubxonasi”, Qoraqalpogʻiston Respublikasi, viloyatlar va Toshkent shahar “bolalar kutubxonalari”ni yuqori malakali mutaxassislar (toʻgarak rahbarlari, kutubxonachilari, instruktor-uslubchilari, uslubchilar) bilan taʼminlash choralarini koʻrsin;

Tashqi ishlar vazirligi bilan birgalikda A. Avloniy nomidagi xalq taʼlimi muammolarini oʻrganish va istiqbollarini belgilash ilmiy-tadqiqot instituti tomonidan har yili nufuzli xorijiy taʼlim muassasalari professor-oʻqituvchilarini jalb etish orqali, ular ishtirokida anjumanlar, vebinar, amaliy mahorat va namunali oʻquv darslarini oʻtkazsin hamda oʻquv va ilmiy-tadqiqot ishlari yuzasidan hamkorlik oʻrnatsin;

maktabdan tashqari taʼlim muassasalaridagi taʼlim-tarbiya jarayoni sifatini tizimli nazorat qilish va faoliyatini tashkil qilish monitoringini amalga oshirsin.

4. “Barkamol avlod” bolalar maktablari, “Bolalar sayyohlik bazasi”, “Bolalar kutubxona”lari bino va inshootlarini qurish, rekonstruksiya qilish va kapital taʼmirlash hamda jihozlash ishlarini amalga oshirish boʻyicha:

Oʻzbekiston Respublikasi Xalq taʼlimi vazirligi huzuridagi “Xalq taʼlimi sohasida loyiha hujjatlariga texnik topshiriqlarni ishlab chiqish va qurilish obyektlari sifatini monitoring qilish boʻyicha injiniring kompaniyasi” davlat unitar korxonasi — qurilish-montaj ishlari buyurtmachisi etib;

Oʻzbekiston Respublikasi Xalq taʼlimi vazirligi huzuridagi “Oʻquv taʼlim-taʼminot” davlat unitar korxonasi — jihozlarni xaridi buyurtmachisi etib belgilansin;

bosh loyihachi va pudratchi tashkilotlar belgilangan tartibda tanlov (tender) savdolari asosida aniqlansin.

2. Oʻzbekiston Respublikasi maktabgacha va maktab taʼlimi vaziriga Iqtisodiyot va moliya vazirligi, Raqamli texnologiyalar vazirligi hamda Raqobatni rivojlantirish va isteʼmolchilar huquqlarini himoya qilish qoʻmitasi bilan kelishgan holda maktabgacha va maktab taʼlimi tizimidagi umumiy oʻrta va qoʻshimcha taʼlim muassasalari uchun oʻquvchilarning muhandislik, robototexnika, mexatronika va dasturiy taʼminot yoʻnalishlari boʻyicha oʻquv mashgʻulotlarida foydalanish hamda innovatsion ishlanmalarni amalga oshirish yuzasidan respublikada ishlab chiqarilmaydigan, xorijdan olib kelinadigan xom-ashyolar va jihozlar roʻyxatini tasdiqlash huquqi berilsin.

5. Oʻzbekiston Respublikasi Hukumatining 8-ilovaga muvofiq ayrim qarorlariga oʻzgartirish va qoʻshimchalar kiritilsin.

6. Oʻzbekiston Respublikasi Hukumatining 9-ilovaga muvofiq ayrim qarorlari oʻz kuchini yoʻqotgan deb hisoblansin.

7. Oʻzbekiston Respublikasi Xalq taʼlimi vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

8. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari B.A. Musayev va Oʻzbekiston Respublikasi xalq taʼlimi vaziri Sh.X. Shermatov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2021-yil 27-may,

331-son

Vazirlar Mahkamasining 2021-yil 27-maydagi 331-son qaroriga
1-ILOVA

“Barkamol avlod” respublika bolalar maktabining

TUZILMASI

Ilmiy-metodik kengash

Direktor

Direktorning oʻquv ishlari boʻyicha birinchi oʻrinbosari

Direktorning tashkiliy va marketing masalalari boʻyicha oʻrinbosari

Direktorning innovatsion texnologiyalarni joriy etish boʻyicha oʻrinbosari

Direktorning moliya va xoʻjalik ishlari boʻyicha oʻrinbosari

Xodimlar bilan ishlash boʻyicha bosh mutaxassis

Uslubiy boʻlim

Madaniy — ommaviy tadbirlarni tashkillashtirish boʻlimi

Zamonaviy texnologiyalar va jihozlar boʻlimi

Moliya va buxgalteriya boʻlimi

Media boʻlim

Hududlar bilan ishlash va monitoring qilish boʻlimi

Nazorat va devonxona boʻlimi

Davlat- xususiy sheriklik va xizmatlar boʻlimi

Yangi tashabbuslar va loyihalar boʻlimi

Marketing boʻlimi

Investitsiyalarni jalb etish va xalqaro aloqalar boʻlimi

Malaka oshirish va qayta tayyorlash boʻlimi

Xizmat koʻrsatuvchi

xodimlar**

Strategik tahlil va iqtidorli bolalar bilan ishlash boʻlimi

“Bolalar sayyohlik bazasi”***

Yuriskonsult

Toʻgarak rahbarlari*

Xodimlarning umumiy cheklangan soni — 70 nafar, shu jumladan, boshqaruv xodimlari — 18 nafar.

* Toʻgaraklar rahbarlari soni guruhlarning shakllanishi va mashgʻulotlar hajmiga qarab belgilanadi.

** Xizmat koʻrsatuvchi xodimlar soni belgilangan normativlar boʻyicha aniqlanadi.

*** “Bolalar sayyohlik bazasi” xodimlari soni namunaviy shtatlarga muvofiq belgilanadi.

Vazirlar Mahkamasining 2021-yil 27-maydagi 331-son qaroriga
2-ILOVA

Qoraqalpogʻiston Respublikasi, viloyatlar va Toshkent shahar “Barkamol avlod” bolalar maktablarining

NAMUNAVIY TUZILMASI

Uslubiy kengash

Direktor

Direktorning oʻquv ishlari boʻyicha oʻrinbosari

Direktorning tashkiliy masalalari boʻyicha oʻrinbosari

Innovatsion texnologiyalarni joriy etish va iqtidorli bolalar bilan ishlash boʻlimi

Xodimlar bilan ishlash boʻyicha bosh mutaxassis

Moliya va xoʻjalik ishlari boʻlimi

Uslubiy boʻlim

Madaniy — ommaviy tadbirlarni tashkillashtirish boʻlimi

Maktablar faoliyatini monitoring qilish boʻyicha bosh mutaxassis

Media boʻyicha bosh mutaxassis

Xizmat koʻrsatuvchi xodimlar**

Toʻgarak rahbarlari*

“Bolalar sayyohlik bazasi”***

Xodimlarning umumiy cheklangan soni — 15 nafar, shu jumladan, boshqaruv xodimlari — 8 nafar.

* Toʻgaraklar rahbarlari soni guruhlarning shakllanishi va mashgʻulotlar hajmiga qarab belgilanadi.

** Xizmat koʻrsatuvchi xodimlar soni belgilangan normativlar boʻyicha aniqlanadi.

*** “Bolalar sayyohlik bazalari” Buxoro, Qashqadaryo, Namangan, Samarqand, Xorazm viloyatlari va Toshkent shahrida tashkil etiladi hamda ular xodimlari soni namunaviy shtatlarga muvofiq belgilanadi.

Vazirlar Mahkamasining 2021-yil 27-maydagi 331-son qaroriga
3-ILOVA

Tuman (shahar) “Barkamol avlod” bolalar maktablarining

NAMUNAVIY TUZILMASI

Direktor

Direktorning oʻquv va tashkiliy masalalari boʻyicha oʻrinbosari

Innovatsion texnologiyalarni joriy etish va iqtidorli bolalar bilan ishlash boʻlimi

Xoʻjalik mudiri

Xizmat koʻrsatuvchi xodimlar**

Uslubiy boʻlim

“Bolalar sayyohlik bazasi”***

Monitoring yurituvchi, madaniy — ommaviy tadbirlar tashkilotchisi

Buxgalter****

Toʻgarak rahbarlari*

Xodimlarning umumiy cheklangan soni — 9 nafar, shu jumladan, boshqaruv xodimlari — 4 nafar.

* Toʻgaraklar rahbarlari soni guruhlarning shakllanishi va mashgʻulotlar hajmiga qarab belgilanadi.

** Texnik, xizmat koʻrsatuvchi va oʻquv-yordamchi xodimlar soni belgilangan meʼyorlar boʻyicha aniqlanadi.

*** “Bolalar sayyohlik bazalari” Shahrisabz shahrida tashkil etiladi va uning xodimlari soni namunaviy shtatlarga muvofiq belgilanadi.

**** Ota-onalar toʻlovlari va budjetdan tashqari mablagʻlarning hisob-kitobini yuritish maqsadida ushbu toʻlovlar hisobidan kiritilishi mumkin.

Vazirlar Mahkamasining 2021-yil 27-maydagi 331-son qaroriga
4-ILOVA

“Barkamol avlod” bolalar maktablari toʻgʻrisida

NIZOM

1-bob. Umumiy qoidalar

1. Ushbu Nizom “Barkamol avlod” bolalar maktablari (keyingi oʻrinlarda — Maktab)ning asosiy vazifalari va funksiyalari, huquq va majburiyatlari, shuningdek, faoliyatini tashkil etish tartibini belgilaydi.

2. Maktab davlat muassasasi shaklidagi yuridik shaxs hisoblanadi, oʻz ustaviga, bank hisobvaragʻiga, Oʻzbekiston Respublikasi Davlat gerbi tasviri tushirilgan va oʻz nomi yozilgan muhrga, shtampga va blankalarga ega boʻladi.

3. Maktab oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, Oʻzbekiston Respublikasi xalq taʼlimi vazirining buyruqlariga, shuningdek ushbu Nizomga, oʻz ustaviga va boshqa qonunchilik hujjatlariga amal qiladi.

4. “Barkamol avlod” bolalar maktablarining namunaviy ustavi Oʻzbekiston Respublikasi Xalq taʼlimi vazirligi (keyingi oʻrinlarda — Vazirlik) tomonidan tasdiqlanadi. Maktab mazkur namunaviy ustav asosida oʻz ustavini ishlab chiqadi. Ustav muassis tomonidan tasdiqlanadi.

5. Vazirlik, Qoraqalpogʻiston Respublikasi Xalq taʼlimi vazirligi, Toshkent shahar xalq taʼlimi bosh boshqarmasi va viloyatlar xalq taʼlimi boshqarmalari hamda xalq taʼlimi tuman (shahar) boʻlimlari tegishlicha maktablarning muassislari hisoblanadi.

6. Maktablarning umumiy faoliyati Vazirlik tomonidan muvofiqlashtiriladi.

“Barkamol avlod” respublika bolalar maktabi Vazirlik tizimida faoliyat yuritadi, Qoraqalpogʻiston Respublikasi, viloyatlar va Toshkent shahrida joylashgan maktablar tegishlicha, Toshkent shahar va viloyatlar Maktablari tegishli xalq taʼlimi boshqarmalari tizimidagi hamda tuman (shahar)da joylashgan maktablar tegishli xalq taʼlimi tuman (shahar) boʻlimlari tizimida faoliyat yuritadi.

2-bob. Maktabning asosiy vazifalari va funksiyalari

7. Quyidagilar Maktabning asosiy vazifalari hisoblanadi:

yosh avlodni maʼnaviy barkamol etib tarbiyalash, ularning boʻsh vaqtlarini mazmunli oʻtkazishini taʼminlash, bunda ularning robototexnika, mexatronika, injenerlik, mental arifmetika, sanʼat, art dizayn, axborot texnologiyalari boʻyicha Java, Scratch, 3D dizayn yoʻnalishlariga boʻlgan qiziqishini oshirish;

Maktablarda “STEAM — taʼlim” (Science — tabiiy fanlar, Technology — texnologiyalar, Engineering — muhandislik, Art — sanʼat, Mathematics — matematika) dasturini joriy etish va toʻgaraklar mazmuniga singdirish;

beshta muhim tashabbus doirasida oʻquvchi-yoshlar bilan ishlashni samarali tashkil etishda madaniyat, sanʼat, sport, axborot-texnologiyalariga qiziqishni oshirish, oʻquvchi-qizlarni ijtimoiy faol hayotga jalb etish boʻyicha umumtaʼlim tashkilotlariga amaliy va uslubiy yordam koʻrsatish;

bolalarning ehtiyojlari va qiziqishlariga muvofiq ularning ijodiy va badiiy qobiliyatlarini rivojlantirish, ularning foydali dam olishini tashkil etish, mehnatsevarlikni, kasb tayyorgarligining dastlabki oʻquv va koʻnikmalarini singdirish, fan va texnikani rivojlantirishning istiqbolli yoʻnalishlariga muvofiq texnik vositalar va kompyuter texnologiyalari ishini oʻrganishni tashkil etgan holda bolalar texnik ijodkorligini rivojlantirish;

oʻquvchi yoshlarning ijodiy ishlarini ommalashtirish, targʻib qilish hamda sotuvini yoʻlga qoʻyish boʻyicha oʻquvchi-yoshlarning ijodiy ishlarini “Art shop” elektron doʻkonlari orqali dunyo bozoriga olib chiqish;

oʻquvchilarda jonajon oʻlka tarixi, arxeologik va boy madaniy merosini chuqur oʻrgatish, mamlakatimizning tabiiy boyliklari bilan tanishtirish hamda ekologiya va atrof-muhit muhofazasi sohasidagi asosiy bilimlarni egallab olishlariga imkon yaratish hamda bolalar va taʼlim turizmlarini rivojlantirishga qaratilgan loyihalarni amalga oshirish;

xorijiy tillarni oʻrgatish orqali intellektual yoshlar safini kengaytirish, rivojlangan davlatlar tajribasini oʻrganishga imkon yaratish;

oʻquvchilar oʻrtasida sogʻlom turmush tarzini targʻib qilish, ularning sportning ayrim yoʻnalishlariga qiziqishlarini oshirish;

maktabdan tashqari taʼlim tizimiga ilgʻor pedagogik usullar va metodlardan, zamonaviy axborot-kommunikatsiya texnologiyalaridan foydalangan holda oʻqitishning yangi shakllarini keng joriy etish;

bolalarni individual rivojlantirishga qaratilgan dasturlar va uslubiy materiallarni doimiy takomillashtirib borish;

toʻgarak rahbarlarining malaka oshirish va qayta tayyorlash boʻyicha istiqbol rejalarini ishlab chiqish va tegishli takliflarni kiritish;

bolalar texnik ijodkorligini rivojlantirish uchun xorijiy davlatlarning ilgʻor tajribalari asosida Maktablarda davlat-xususiy sheriklik shartlari asosida loyihalarini amalga oshirish.

8. Maktab oʻzining asosiy vazifalarini amalga oshirishda quyidagi funksiyalarni bajaradi:

toʻgaraklar oʻquv-reja va dasturlari ishlab chiqishda koʻmaklashadi;

oʻquvchilarni toʻgaraklarga qamrab olish choralarini koʻradi;

toʻgarak mashgʻulotlarini tahlil qilib boradi, rivojlanishdan ortda qolayotgan toʻgaraklar faoliyatini kuchaytirishga qaratilgan chora-tadbirlarni amalga oshiradi;

Maktabda “Ochiq eshiklar” kuni tadbirlarini alohida jadval asosida tashkil etadi;

uslubchilar va toʻgarak rahbarlari uchun har chorakda turli oʻquv-seminarlar, vebinar mashgʻulotlari oʻtkazadi;

festival va tadbirlarni sifatli oʻtkazilishi boʻyicha ssenariylar ishlab chiqadi va tadbirlarni tashkil etadi;

oʻquvchilarning maktabdan tashqari taʼlimga qoʻyilgan davlat talablari asosida toʻgaraklar oʻquv rejaning oʻzlashtirilishini monitoring qilib boradi;

toʻgarak rahbarlari ishlarini ommalashtirishga va ularning istiqboldagi vazifalarini bajarilishida amaliy yordam koʻrsatadi;

tanlov va tadbirlarni ommaviy axborot vositalari va ijtimoiy tarmoqlarda keng yoritib boradi.

3-bob. Maktabning huquq va majburiyatlari

9. Maktab quyidagi huquqlarga ega:

Maktab xodimlari, toʻgarak aʼzolari va ularning ota-onalari (yoki ularning oʻrnini bosuvchi shaxslar)dan oʻz Ustavi va ichki tartib-qoidalariga rioya etilishini nazorat qilish;

toʻgarak mashgʻulotlarini oʻtkazishni takomillashtirish va taʼlim jarayonini metodik taʼminlash boʻyicha takliflar kiritish;

moliyalashtirishning qonunchilik hujjatlarida taqiqlanmagan turli manbalari hisobiga budjetdan tashqari mablagʻlarni shakllantirish;

toʻgarak mashgʻulotlari uchun belgilangan toʻlovni ota-onalar (yoki ularning oʻrnini bosuvchi shaxslar)dan oʻz vaqtida undirishni nazorat qilish;

Maktabning boʻsh turgan bino va yer maydonlaridan samarali foydalanishni taʼminlash uchun davlat-xususiy sheriklik shartlari asosida maqsadli loyihalarni amalga oshirish.

10. Maktabning majburiyatlari:

xalq taʼlimi organlari hamda mahalliy davlat hokimiyati organlarining qarorlari va boshqa hujjatlari, koʻrsatmalarini bajarish;

oʻz Ustavida nazarda tutilgan vazifalarni ijro etish;

maktabdan tashqari taʼlimga qoʻyilgan davlat talablari, belgilangan tartibda tasdiqlangan oʻquv qoʻllanmalari va dasturlari asosida taʼlim-tarbiya jarayonini tashkil etish;

oʻquvchilarning maktabdan tashqari taʼlimga boʻlgan ehtiyojini oʻrganish, nazarda tutilayotgan toʻgarak aʼzolari kontingentini aniqlash;

oʻquv rejasini tegishli xalq taʼlimi organlari bilan kelishish;

taʼlim-tarbiya jarayonini belgilangan tartibda sanitariya normalari, qoidalari va gigiyena normativlariga hamda xavfsizlik qoidalariga muvofiq tashkil etish;

bino va inshootlar, yer uchastkalari, toʻgarak xonalarini davlat-xususiy sheriklik shartlari asosida ijaraga berish;

Maktabning moddiy-texnik taʼminoti va kadrlar salohiyatini rivojlantirish;

toʻgaraklarni tashkil etishda toʻgarak aʼzolarining yoshi, ruhiy-fiziologik holati, layoqati va qiziqishlarini inobatga olish.

4-bob. Maktab faoliyatini tashkil etish

11. Maktab koʻp tarmoqli boʻlib, u faoliyat yuritadigan hududning oʻziga xos xususiyati, oʻquvchilarning qiziqishlari va ehtiyojlariga koʻra, ularning ijodiy imkoniyatlarini yanada rivojlantirishga qaratilgan texnik ijodiyot, badiiy ijodiyot, yoshlar turizmi va ekologiya, xorijiy tillar, sport, maktabga va oliy taʼlim muassasalariga tayyorlov, shuningdek ota-onalar xohishlaridan kelib chiqib, Vazirlik bilan kelishuv asosida boshqa yoʻnalishlarini oʻz ichiga olgan holda faoliyat koʻrsatadi.

Maktab 6 yoshdan 18 yoshgacha boʻlgan bolalarga ularning har tomonlama kamol topishlari va boʻsh vaqtlarini mazmunli oʻtkazishlari uchun keng imkoniyatlar yaratadi va pullik xizmatlar koʻrsatadi.

Maktab tomonidan pullik xizmat asosida tashkil etiladigan toʻgaraklarga 6 yoshgacha va 18 yoshdan yuqori boʻlgan shaxslar ham jalb qilinishi mumkin.

Maktab muassis tomonidan tashkiliy-huquqiy shakliga koʻra davlat muassasasi sifatida tashkil etiladi va qonunchilik hujjatlarida belgilangan tartibda davlat roʻyxatidan oʻtkaziladi.

12. Umumtaʼlim tashkilotlarida joylashgan mavjud maktablar shaharsozlik norma va qoidalariga rioya etilgan alohida binoda, yangi qurilgan va rekonstruksiya qilingan bino va inshootlarda yoki istisno tariqasida umumtaʼlim tashkilotlari binolarining alohida oʻquv bloklarida, alohida chegara hududini belgilagan holda, kirish joyi bilan taʼminlangan va maktabdagi umumiy oʻrta taʼlim jarayoniga xalaqit bermaydigan tarzda tashkil qilinadi hamda mustaqil ravishda faoliyat koʻrsatadi.

13. Umumtaʼlim tashkilotlari binolarining alohida oʻquv bloklarida tashkil qilingan maktablarda elektr energiyasini hisobga olishning alohida priborlari oʻrnatiladi va elektr energiyasi uchun toʻlovlar elektr taʼminoti tashkiloti bilan belgilangan tartibda tuzilgan shartnoma boʻyicha amalga oshiriladi. Qolgan kommunal xarajatlar esa Maktab egallab turgan binoning maydoni va hajmidan kelib chiqib, umumtaʼlim tashkilotlariga moliya organlari bilan kelishuv boʻyicha qoplab beriladi.

Shuningdek, Maktab uchun umumtaʼlim tashkilotlarida tashkil etiladigan tarmoq toʻgaraklari, oʻquv tajriba-sinov maydonchalari, bogʻlar, issiqxonalar, virtual maydonlar, ixtiro va kashfiyotlarni sinovdan oʻtkazish maydonchalari, texnoparklar hamda ichki imkoniyatlardan kelib chiqib, chekka hududlarda ularning filiallari ham tashkil etilishi mumkin.

14. Maktab tegishli mahalliy davlat hokimiyati organlari bilan birgalikda har yili moddiy-texnika bazasini mustahkamlashga oid chora-tadbirlarni amalga oshiradi.

15. Maktabda Vazirlik tomonidan tasdiqlanadigan toʻgaraklar roʻyxati asosida toʻgaraklar va kurslar tashkil etiladi.

Maktabda “STEAM — taʼlim” dasturi boʻyicha tabiiy fanlar, texnologiyalar, muhandislik, sanʼat, matematika yoʻnalishidagi toʻgarak faoliyati mazkur sohada yetuk xorijiy davlatlar tajribasini oʻrgangan holda joriy etiladi.

Vazirlik bilan kelishgan holda Maktabda davlat-xususiy sheriklik shartlari asosida oʻquvchi-yoshlar uchun robototexnika, injenerlik, mental arifmetika, Java, Scratch, 3D dizayn va boshqa yoʻnalishlar boʻyicha zamonaviy kurslar hamda kunning kechki vaqtida maktabda aholi uchun ijodiy ishlar xaridi, sogʻlomlashtirish va psixologik qoʻllab-quvvatlash xizmatlari, turli seminar va treninglar tashkil etilishi mumkin.

16. Maktabda tashkil etiladigan toʻgarak mashgʻulotlari maktabdan tashqari taʼlimga qoʻyilgan davlat talablariga muvofiq tegishli oʻquv dasturlari asosida sinflarga boʻlib oʻtkaziladi.

Toʻgarak mashgʻulotlari oʻquv dasturlari talablariga koʻra butun oʻquv yili uchun hamda qisqaroq muddatlarda ham tashkil etiladi.

Maktabda toʻgarak mashgʻulotlari oʻquv yilining 15-sentabridan boshlanib, 25-mayida yakunlanadi. Yozgi taʼtil kunlarida Maktab tomonidan toʻgarak mashgʻulotlari alohida reja asosida (oʻquvchilarni sayohatlarga olib chiqish, turli toʻgaraklar, pullik oromgohlarni tashkil etish, festival va tanlovlar tashkil etilishini oʻz ichiga olgan holda) tashkil etiladi.

Maktabda toʻgarak rahbarlari yilning 26-mayidan 1-iyuniga qadar oʻquv yili yakuni munosabati bilan jurnallarni rasmiylashtirish, toʻgarakning yoz mavsumi oʻquv rejasini ishlab chiqish va tasdiqlatish, shuningdek, 2-sentabrdan 15-sentabrga qadar yoz mavsumi oʻquv rejasi yakuni boʻyicha jurnallarni rasmiylashtirish, yangi oʻquv yili rejasini tuzish va tasdiqlatish, bolalarni sinflarga (guruhlarga) boʻlish kabi ishlarini amalga oshiradi.

Maktabning toʻgarak mashgʻulotlari jadvali toʻgarak aʼzolari uchun qulay tartibda, ularning yoshi, psixofiziologik xususiyatlari va sanitariya normalari qoidalari va gigiyena normativlari inobatga olingan holda pedagogik xodimlarning taqdimnomasiga koʻra Maktab maʼmuriyati tomonidan tuziladi va tasdiqlanadi.

Yoz mavsumi davomida toʻgarak rahbarlarini statsionar oromgohlarga jalb qilish, ularning roziligi asosida ikki tomonlama fuqarolik-huquqiy tusdagi shartnoma asosida amalga oshiriladi.

17. Maktabda toʻgarak mashgʻulotlarining tashkil etilishi uchun haftada 6 akademik soat ajratiladi. 6 yoshli bolalar uchun olib boriladigan toʻgarak mashgʻulotlari vaqti 35 daqiqa etib belgilanadi va u haftada 2 akademik soatdan oshmasligi kerak.

Maktabning tarmoq toʻgarak mashgʻuloti imkoniyati cheklangan bolalar uchun ixtisoslashtirilgan maktab va maktab-internatlarida tashkil etilishi uchun haftada 6 akademik soat ajratiladi. Bunda toʻgarak rahbari 2 akademik soat guruh bilan 4 akademik soat yakka mashgʻulotlar olib boradi.

Maktabda har bir sinf (guruh)dagi toʻgarak aʼzolarining soni oʻquv yili davomida 10 nafardan, xorijiy tillar, dasturiy taʼminot, robototexnika, mexatronika va injenerlik toʻgaraklarida 8 nafardan kam boʻlmasligi lozim. Toʻgarak guruhlari 6 tagacha tashkil etilishi mumkin.

Ota-onalarning xohishlariga koʻra ikki tomonlama shartnoma asosida oʻquvchilar bilan yakka tartibda (individual) pullik toʻgarak mashgʻulotlari tashkil etilishi mumkin. Bu turdagi toʻgarak mashgʻulotlari (pullik xizmat) uchun toʻlov miqdori Vazirlik bilan kelishilgan kalkulyatsiya asosida, oʻquv rejaga taʼsir qilmagan holda amalga oshiriladi.

18. Maktab taʼtil paytlarida oʻquvchilarning boʻsh vaqtlarini mazmunli oʻtkazishlari va dam olishlarini toʻlaqonli amalga oshirish maqsadida tashkilotlar va mahallalarda (ovullarda) ota-onalar (yoki ularning oʻrnini bosuvchi shaxslar) va tashabbuskorlar bilan hamkorlikda turli yoʻnalishdagi ommaviy tadbirlarni tashkil etishi mumkin.

19. Maktab tomonidan oʻquvchilarga qoʻshimcha taʼlim olganligi toʻgʻrisida ushbu Nizomning ilovasiga muvofiq shaklda guvohnoma beriladi.

Toʻgarak aʼzolariga guvohnoma toʻgaraklarning yoʻnalishlar boʻyicha oʻquv dasturlarini toʻliq bajargan taqdirda beriladi.

20. Maktab tegishli xalq taʼlimi organlari bilan kelishgan holda Vazirlik tomonidan tasdiqlangan yoʻnalishlar boʻyicha umumiy oʻrta taʼlim muassasalarida tarmoq toʻgaraklarini tashkil etadi va ularga amaliy-uslubiy yordam koʻrsatadi.

21. “Barkamol avlod” respublika bolalar maktabi A. Avloniy nomidagi Xalq taʼlimi muammolarini oʻrganish va istiqbollarini belgilash ilmiy-tadqiqot instituti bilan hamkorlikda Maktab xodimlarining malakasini oshirish va qayta tayyorlash ishlarini tashkil etadi, ilgʻor tajribalar asosida toʻgarak oʻquv dasturlarini tuzish va takomillashtirishga oid ishlarni olib boradi.

Maktab oʻquv yili natijalari boʻyicha toʻgarak aʼzolari bilim, koʻnikma va malakalarining maktabdan tashqari taʼlimga qoʻyilgan davlat talablariga mosligini soʻrovnomalar, tanlanma oʻrganishlar, koʻrik-tanlovlar, musobaqalar, testlar va boshqa shakllarda muntazam nazorat qilib boradi.

“Barkamol avlod” respublika bolalar maktabi belgilangan tartibda vazirlik va idoralar, oliy taʼlim muassasalari, ilmiy-tadqiqot institutlari, ijodiy uyushmalar, jamgʻarmalar, boshqa tashkilotlar, mahallalar (ovullar), ota-onalar (yoki ularning oʻrnini bosuvchi shaxslar) va tashabbuskorlar bilan uzviy hamkorlikda ish olib boradi.

22. Maktabning rahbar va xodimlari belgilangan tartibda malaka oshiradi va qayta tayyorlovdan oʻtadi.

5-bob. Taʼlim jarayoni ishtirokchilari

23. Toʻgarak aʼzolari, ota-onalar (yoki ularning oʻrnini bosuvchi shaxslar), tashabbuskorlar va pedagog xodimlar Maktab taʼlim jarayonining ishtirokchilari hisoblanadi. Toʻgarak aʼzolari:

Maktabda ixtiyoriy ravishda maktabdan tashqari taʼlimga qoʻyilgan davlat talablari asosida taʼlim olish;

qiziqishlariga koʻra toʻgarak turini tanlash;

bir necha toʻgaraklarda qatnashish, yil davomida qiziqish va istaklariga qarab boʻsh oʻrinlar mavjud boʻlsa boshqa toʻgaraklarga oʻtish;

Maktabning jamoatchilik organlarini saylashda ishtirok etish va ularga saylanish;

Maktabning ish faoliyatini takomillashtirishga oid takliflar kiritish huquqiga ega.

24. Toʻgarak aʼzolari:

qonunchilik hujjatlariga rioya qilishga;

Maktabning moddiy-texnika bazasidan samarali foydalanish va uni asrab-avaylashga;

Maktab ustavi va ichki tartib-qoidalariga rioya qilishga majbur.

25. Ota-onalar (yoki ularning oʻrnini bosuvchi shaxslar):

oʻz farzandlari uchun toʻgarak turini tanlash;

Maktab maʼmuriyatidan uning ustaviga muvofiq zarur shart-sharoitlarni yaratishni talab qilish;

bola shaxsiga hurmat bilan munosabatda boʻlishni talab qilish;

Maktabni jamoatchilik asosida boshqarishda ishtirok etish huquqiga ega.

26. Ota-onalar (yoki ularning oʻrnini bosuvchi shaxslar):

farzandining jismoniy va ruhiy sogʻlom boʻlishi uchun gʻamxoʻrlik qilishga;

bolaning qadr-qimmatiga hurmat bilan qarash, uni mehnatsevarlik, ezgulik, vatanparvarlik ruhida tarbiyalashga;

farzandida qonunlarga itoatkorlik, inson huquqlari va erkinliklariga hurmat tuygʻusini tarbiyalashga;

farzandiga toʻgarak mashgʻulotlarida ishtirok etishi uchun zarur shart-sharoitlar yaratishga;

ota-ona toʻlovlarini belgilangan tartibda oʻz vaqtida toʻlab borishga majbur.

27. Maktabning pedagog xodimlari:

oʻz kasbiy obroʻsi va qadr-qimmatini himoya qilish;

Maktab faoliyatini boshqarishda ishtirok etish;

Maktab maʼmuriyatiga Maktabning va toʻgaraklar faoliyatini yaxshilash boʻyicha takliflar kiritish;

kasb faoliyati uchun sharoitlar bilan taʼminlanish, malakasini oshirish, qayta tayyorgarlikdan oʻtish, taʼlim shakli, uslubi va vositalarini tanlash huquqiga ega.

28. Maktabning pedagog xodimlari:

maktabdan tashqari taʼlimga qoʻyilgan davlat talablari hamda belgilangan tartibda tasdiqlangan oʻquv qoʻllanmalari va dasturlari asosida taʼlim-tarbiya jarayonini tashkil etishga;

pedagog axloq-odobiga qatʼiy rioya qilishga;

oʻquv-tarbiyaviy ishlarni yuqori saviyada olib borish, taʼlim mazmunini takomillashtirish, oʻqitish vositalarini yaratishda faol qatnashishga;

bolaning qadr-qimmatiga hurmat bilan munosabatda boʻlish, ularda mehnatsevarlik, ezgulik, mehr-shafqat kabi fazilatlarni shakllantirish, ona Vataniga sadoqat, davlat tiliga, milliy va umuminsoniy, tarixiy va madaniy qadriyatlarga, ota-onaga va oʻzidan katta yoshdagilarga hurmat, atrof-muhitga ehtiyotkorlik bilan munosabatda boʻlish ruhida tarbiyalashga;

belgilangan tartibda va muddatlarda oʻz malakasini oshirib borishga;

oʻzining nazariy bilim darajasini, pedagogik mahorati va kasb malakasini uzluksiz ravishda oshirib borish va oʻz ustida muntazam ishlashga;

oʻquv-tarbiyaviy va uslubiy ishlarni takomillashtirish yuzasidan takliflar ishlab chiqishga;

oʻquvchilarning ota-onalari (yoki ularning oʻrnini bosuvchi shaxslar) va tashabbuskorlar bilan hamkorlikni yoʻlga qoʻyishga majbur.

6-bob. Maktabda pedagogik faoliyat bilan shugʻullanish

29. Oliy taʼlim muassasalarini turli yoʻnalishlari (pedagog va pedagogik mutaxassislikka ega boʻlmagan) boʻyicha mutaxassislikka ega, professional taʼlim tashkilotlari (kasb-hunar kollejlari)ning tegishli maʼlumotga hamda kasbiy tayyorgarlikka, yuksak axloqiy fazilatlarga ega shaxslar Maktabda pedagogik faoliyati bilan shugʻullanishga haqli.

Zarur hollarda, tegishli pedagogik maʼlumotga ega boʻlmagan, ammo kasbiy tayyorgarlikka va yuksak axloqiy sifatlarga hamda “Usta”, “Hunarmand”, texnik, sport va sayyohlik sohasi boʻyicha “Sport ustasi” yoki “Sport ustaligiga nomzod”, “Xizmat koʻrsatgan sportchi”, “Sport ustozi”, “Artist” va “Meʼmor” maqomiga ega boʻlgan shaxslar ham Maktabda pedagogik faoliyat bilan shugʻullanishga jalb qilinishi mumkin.

30. Maktab direktori, direktor oʻrinbosarlari, uslubchilarning hamda toʻgarak rahbarlarining mehnat taʼtili 36 ish kuni etib belgilanadi.

31. Maktabda toʻgarak mashgʻulotlarini oʻtkazishga asosan umumtaʼlim maktablari, akademik litseylar va professional taʼlim tashkilotlari (kasb-hunar kollejlari) oʻqituvchilari oʻtilgan mashgʻulotlar hajmiga proporsional ravishda soatbay haq toʻlangan holda shartnoma asosida jalb etilishi mumkin.

32. Pedagogik faoliyat bilan shugʻullanish huquqidan sud qaroriga koʻra yoki tibbiy xulosaga asosan mahrum qilingan shaxslarning Maktabda toʻgarak rahbari boʻlishiga va pedagogik faoliyat bilan shugʻullanishiga yoʻl qoʻyilmaydi.

Yetarli malakaga ega boʻlmaganligi, shuningdek taʼlim faoliyati prinsiplariga zid boʻlgan axloqsiz xatti-harakatlar toʻgarak rahbari lavozimidan mahrum qilish uchun asos boʻladi.

33. Maktab toʻgarak rahbarlarining haftalik ish yuklamasi 24 soatni tashkil etadi.

34. Maktab pedagog xodimlarining faoliyati oʻquvchilar shaxsini faol, mustaqil, masʼuliyatli, uyushqoq va tartibli boʻlishini rivojlantirishga yoʻnaltirilgan boʻlishi lozim.

7-bob. Maktabni boshqarish

35. Maktabga belgilangan tartibda muassis tomonidan tayinlanadigan direktor rahbarlik qiladi.

Maktab direktori va uning oʻrinbosarlarini lavozimga tayinlash va lavozimidan ozod qilish Vazirlik tomonidan amalga oshiriladi.

36. Maktabning faoliyatiga doir asosiy masalalarni kollegial muhokama qilish, Maktabning toʻgarak mashgʻulotlari jarayonini rivojlantirish, takomillashtirish, uning faoliyati bilan bogʻliq barcha tashkiliy masalalarni muvofiqlashtirish uchun doimiy faoliyat yuritadigan Pedagogik kengash faoliyati jamoatchilik asosida tashkil etiladi.

Pedagogik kengash tarkibi Maktab direktori, direktor oʻrinbosarlari va pedagog xodimlardan iborat boʻladi. Maktabning har bir pedagog xodimi ishga qabul qilingan paytdan boshlab ushbu Kengashning aʼzosi hisoblanadi.

Maktab direktori pedagogik kengash raisi hisoblanadi va uning kotibi pedagog xodimlar orasidan toʻgʻridan-toʻgʻri ochiq ovoz berish yoʻli bilan saylanadi.

Pedagogik kengash raisi oʻz vazifasini bajara olmaydigan (kasal boʻlgan, xizmat safariga ketgan va b.) holatlarda uning vazifalari vaqtincha vazifani bajarish yuklatiladigan direktor oʻrinbosari tomonidan amalga oshiriladi.

Pedagogik kengash yigʻilishi har chorakda kamida bir marta oʻtkaziladi. Zaruratga koʻra, navbatdan tashqari yigʻilishlar oʻtkazilishi mumkin.

Pedagogik kengash yigʻilishi Maktab faoliyatini takomillashtirish va rivojlantirish, uning faoliyati sifat va samaradorligini oshirishning asosiy yoʻnalishlarini belgilaydi.

37. Oʻquv-tarbiya jarayonini rivojlantirish va takomillashtirish, pedagog xodimlarning kasb mahoratlarini va ijodiy oʻsishlarini kuchaytirish maqsadida “Barkamol avlod” respublika bolalar maktabi huzurida Ilmiy-metodik kengash tuziladi. Ilmiy-metodik kengash tarkibiga uning faoliyatini samarali tashkil etish maqsadida Vazirlikning tegishli masʼul xodimi kiritiladi.

“Barkamol avlod” respublika bolalar maktabi direktori oʻz navbatida Ilmiy-metodik kengash raisi ham hisoblanadi.

Ilmiy-metodik kengash yigʻilishi har yarim yilda va navbatdan tashqari yigʻiladi hamda uning nizomi “Barkamol avlod” respublika bolalar maktabi tomonidan tasdiqlanadi.

Ilmiy-metodik kengashda oʻquv rejalar, dasturlar, oʻquv qoʻllanmalar, tajriba-sinov ishlari muhokama qilinadi, pedagogik xodimlarning ijodiy tashabbuslarini qoʻllab-quvvatlash va rivojlantirish, ilgʻor tajribalarni ommalashtirish ishlarini tashkil qilish yuzasidan qarorlar qabul qilinadi.

Toʻgarak rahbarlari tomonidan toʻgaraklar oʻquv reja va dasturlariga 15 foiz doirasida oʻzgartirishlar kiritilishi mumkin.

38. Tuman (shahar)dagi maktablarda faoliyat koʻrsatayotgan toʻgaraklar faoliyatini rivojlantirish, ularga metodik yordam koʻrsatish, uslubchi va toʻgarak rahbarlarining tavsiya, qoʻllanma va ijodiy ishlarini takomillashtirish boʻyicha Uslubiy kengash tashkil etiladi. Uslubiy kengash tarkibiga uning faoliyatini samarali tashkil etish maqsadida hududiy xalq taʼlimi boshqarmasi metodik xizmat boʻlimi vakili kiritiladi.

Viloyatdagi Maktab direktori oʻz navbatida Uslubiy kengash raisi ham hisoblanadi.

Uslubiy kengash aʼzolari har chorakda bir marta yigʻiladi, tavsiya, qoʻllanma va ijodiy ishlarni sifatini tahlil qiladi va amaliyotga joriy etish uchun ruxsat beradi.

8-bob. Maktabning mol-mulki va pul mablagʻlari

39. Muassis yoki vakolatli davlat organi Maktabga mol-mulkni qonunchilik hujjatlarida belgilangan tartibda biriktiradi.

Maktab oʻziga biriktirilgan mol-mulkni hamda daromadlar va xarajatlar smetasi boʻyicha oʻziga ajratilgan mablagʻlar hisobiga sotib olingan mol-mulkni qonunchilik hujjatlariga muvofiq tasarruf etadi.

Maktablar faoliyati Oʻzbekiston Respublikasi Davlat budjeti va budjetdan tashqari hamda qonunchilik hujjatlarida taqiqlanmagan boshqa mablagʻlar hisobidan moliyalashtiriladi.

Quyidagilar Maktab faoliyatini moliyalashtirish manbalari hisoblanadi:

Oʻzbekiston Respublikasi Davlat budjeti mablagʻlari;

ota-onalar toʻlovidan tushadigan mablagʻlar;

oʻquvchilar va pedagog xodimlar tomonidan oʻquv jarayonida tayyorlangan mahsulotlar va buyumlari sotuvidan tushgan mablagʻlar;

asosiy mashgʻulotlardan tashqari paytda boʻsh binolar, inshootlar, asbob-uskunalarni ijaraga berishdan tushgan mablagʻlar;

xoʻjalik faoliyatidan, qonunchilik hujjatlarida taqiqlanmagan shartnoma asosida pullik xizmat koʻrsatishdan olingan daromadlar;

davlat-xususiy sheriklik shartlari asosida tushgan mablagʻlar;

oʻquvchilar va pedagog xodimlar tomonidan oʻquv-tarbiya jarayoniga taʼsir etmagan holda badiiy kechalar, konsert va teatr tomoshalari tashkil etishdan olingan mablagʻlar;

jismoniy va yuridik shaxslarning homiylik xayriyalari, mahalliy va xalqaro tashkilotlarning grantlari;

qonunchilik hujjatlarida taqiqlanmagan boshqa manbalar.

40. Maktab aholiga, turli tashkilotlarga xizmatlar koʻrsatishga, qonun bilan taqiqlanmagan, muassasaning asosiy faoliyatiga salbiy taʼsir koʻrsatmaydigan faoliyat turlari bilan shugʻullanishga haqli.

Yuqori turuvchi tashkilotlar tomonidan toʻgarak aʼzolarining taʼlimga aloqasi boʻlmagan tadbirlarga jalb etilishiga, konsert-tomosha dasturlari va koʻrgazmalarni tashkil etishga yoʻl qoʻyilmaydi, toʻlov-shartnoma asosida koʻrsatiladigan xizmatlar bundan mustasno.

41. Maktabning budjetdan tashqari jamgʻarmalar, shu jumladan, bolalari oʻqiganligi uchun ota-onalar toʻlovi hisobiga shakllangan jamgʻarma oylik, choraklik yoki yillik tushgan mablagʻlari boʻyicha (maqsadli homiylik xayriyalaridan tashqari) jami summasidan oʻn foizgacha boʻlgan miqdori mazkur maktab rahbarini moddiy ragʻbatlantirish uchun yoʻnaltiriladi.

42. Qonunchilik hujjatlarida taqiqlanmagan faoliyatdan olingan daromad hisobiga sotib olingan mol-mulk maktab mol-mulki tarkibiga kiritiladi.

43. Pedagog xodimlarni bir martalik pul mukofotlari bilan taqdirlash bazaviy hisoblash miqdorining bir baravari budjet hisobidan va uch baravarigacha budjetdan tashqari mablagʻlar hisobidan amalga oshiriladi.

44. Maktabning moddiy-texnika bazasi yer, bino va inshootlarni, kutubxonalarni, sport zallarini, kommunikatsiya, texnik jihozlar va uskunalarni, transport vositalarini hamda taʼlim va tarbiya jarayonida foydalaniladigan boshqa anjomlarni oʻz ichiga oladi.

45. Maktablar tomonidan budjetdan tashqari va ota-onalar toʻlovlaridan tushgan mablagʻlarni toʻgʻri tasarruf etish uchun budjetdan tashqari mablagʻlar hisobidan Maktab uchun buxgalter (hisobchi) ishga qabul qilinishi mumkin.

Maktab buxgalteri (hisobchisi) tuman (shahar) xalq taʼlimi boʻlimiga tushumlarni ishlatilishi yuzasidan har chorakda hisobot berishi lozim.

Toʻgarak mashgʻulotlari jarayoni samaradorligini oshirish va oʻquvchilar bilan individual ishlash maqsadida maktab tomonidan budjetdan tashqari mablagʻlar hisobidan toʻgarak rahbari, uslubchi va maktab uchun zarur boʻlgan boshqa shtatlar ochilishi yoki fuqarolik-huquqiy shartnoma asosida mutaxassislar jalb qilishi mumkin.

9-bob. Yakunlovchi qoidalar

46. Maktab qonunchilik hujjatlarida belgilangan tartibda maktabdan tashqari taʼlim yoʻnalishi boʻyicha xalqaro hamkorlikni yoʻlga qoʻyishi mumkin.

Ularning xalqaro hamkorligi shartnomalar asosida xorijiy tashkilotlar bilan pedagogik axborot va tajriba almashish, pedagog xodimlarning malaka oshirishi hamda amaliyot oʻtashi, konferensiyalar, xalqaro anjumanlar oʻtkazishi shaklida amalga oshirilishi mumkin.

47. Maktablar qonunchilik hujjatlarida belgilangan tartibda qayta tashkil etiladi va tugatiladi.

Maktab tugatilgan taqdirda uning mablagʻlari va mol-mulkidan, uning majburiyatlarini qoplash boʻyicha toʻlovlar chegirilgan holda, qonunchilik hujjatlariga hamda Maktab ustaviga muvofiq foydalaniladi.

48. Maktablarni qayta tashkil etish yoki tugatish, qoidaga koʻra, oʻquv yilining oxirida amalga oshiriladi, bunda Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari va Toshkent shahar xalq taʼlimi bosh boshqarmasi oʻquvchilarning ota-onalari (qonuniy vakillari) bilan kelishilgan holda, ularni boshqa maktablarga oʻtkazish uchun javobgarlikni oʻz zimmalariga oladilar.

49. Ushbu Nizom yuzasidan kelib chiqadigan nizoli masalalar qonun hujjatlarida belgilangan tartibda hal etiladi.

50. Mazkur Nizom talablarini buzgan shaxslar qonun hujjatlarida belgilangan tartibda javob beradilar.

“Barkamol avlod” bolalar maktablari toʻgʻrisidagi nizomga
ILOVA

‎	‎			‎	‎
‎	‎	‎	‎	‎	‎
‎	Oʻzbekiston Respublikasi ‎“Barkamol avlod” bolalar maktabida ‎maktabdan tashqari taʼlim olganligi haqida ‎‎‎				‎
‎	‎	‎	‎	‎	‎
‎	‎	G U V O N N O M A ‎‎		‎	‎
‎	‎	‎	‎MT № ________‎		‎
________________________________________________________‎
‎	(oʻquvchining familiyasi, ismi, otasining ismi)‎‎			‎	‎
________________________________________________________‎
‎	(Respublika, viloyat, tuman, shahar nomi)‎‎			‎	‎
“Barkamol avlod” bolalar maktabida‎
20___-yil ___- ____________dan — 20__ -yil ___- ______________ gacha‎
‎	(kun) (oy)‎	‎	(kun) (oy)‎‎
________________________________________________________‎
‎	‎	(toʻgarak nomi)‎‎		‎	‎
toʻgaragida maktabdan tashqari taʼlimga qoʻyilgan davlat talablari asosida taʼlim oldi.‎
Maktab direktori _____‎‎		‎	______________________________‎‎‎
‎	‎	(imzo)‎	(familiyasi, ismi)‎‎‎		‎
‎	Muhr oʻrni‎	‎	‎	‎	‎
Sana: _____________ Qayd raqami: _____________ ‎
‎	‎	‎	‎	‎	‎

Guvohnoma tavsifi
“Barkamol avlod” bolalar maktabida maktabdan tashqari taʼlim
olganligi haqida davlat namunasidagi

GUVOHNOMA

“Barkamol avlod” bolalar maktabida maktabdan tashqari taʼlim olganligi haqidagi guvohnoma A5 formatli qalin oq qogʻozda toʻrt xil rangdan foydalangan holda: matn uchun — qora rangda, rasmlar tasviri uchun — yashil, koʻk, qizil ranglarda chiqariladi.

Varaqning yuqori qismidan 20 mm. chekingan holda diametri 46 mm. boʻlgan Oʻzbekiston Respublikasi Davlat gerbi joylashtiriladi. Varaqning ikki yon tarafidan 15 mm. va quyi qismidan 15 mm. chekingan tasmaning eni 6 mm. ni tashkil etadi.

Varaqning qolgan qismida yuqorida lotin yozuvi bilan davlat tilida “Oʻzbekiston Respublikasi “Barkamol avlod” bolalar maktabida maktabdan tashqari taʼlim olganligi haqida GUVONNOMA” soʻzlari bosiladi. Guvohnomaga ikki lotin harfi — MT va tartib raqami qoʻyiladi.

Vazirlar Mahkamasining 2021-yil 27-maydagi 331-son qaroriga
5-ILOVA

Respublika “Bolalar kutubxonasi”ning

TUZILMASI

Ilmiy-metodik kengash

Direktor

Direktorning tashkiliy va marketing masalalari boʻyicha oʻrinbosari

Direktorning axborot texnologiyalari boʻyicha oʻrinbosari

Direktorning xoʻjalik ishlari boʻyicha oʻrinbosari

Xodimlar bilan ishlash boʻyicha bosh mutaxassis

Media boʻlim

Uslubiy boʻlim

Axborot resurslari va texnologiyalari boʻlimi

Moliya va buxgalteriya boʻlimi

Nazorat va devonxona boʻlimi

Madaniy — ommaviy tadbirlarni tashkillashtirish boʻlimi

Adabiyotlarni saqlash boʻlimi

Kitoblarni jamlash va katalog yaratish boʻlimi

Xizmat koʻrsatuvchi xodimlar*

Investitsiyalarni jalb etish va xalqaro aloqalar mutaxassisi

Hududiy kutubxonalar bilan ishlash va monitoring boʻlimi

Maʼlumot va bibliografiya boʻlimi

Yuriskonsult

Marketing boʻlimi

Kitobxonlarga xizmat koʻrsatish boʻlimi

Ilmiy-metodik kengash

Direktor

Direktorning tashkiliy va marketing masalalari boʻyicha oʻrinbosari

Direktorning axborot texnologiyalari boʻyicha oʻrinbosari

Direktorning xoʻjalik ishlari boʻyicha oʻrinbosari

Xodimlar bilan ishlash boʻyicha bosh mutaxassis

Media boʻlim

Uslubiy boʻlim

Axborot resurslari va texnologiyalari boʻlimi

Moliya va buxgalteriya boʻlimi

Nazorat va devonxona boʻlimi

Madaniy — ommaviy tadbirlarni tashkillashtirish boʻlimi

Adabiyotlarni saqlash boʻlimi

Kitoblarni jamlash va katalog yaratish boʻlimi

Xizmat koʻrsatuvchi xodimlar*

Investitsiyalarni jalb etish va xalqaro aloqalar mutaxassisi

Hududiy kutubxonalar bilan ishlash va monitoring boʻlimi

Maʼlumot va bibliografiya boʻlimi

Yuriskonsult

Marketing boʻlimi

Kitobxonlarga xizmat koʻrsatish boʻlimi

Xodimlarning umumiy cheklangan soni — 60 nafar, shu jumladan, boshqaruv xodimlari — 17 nafar.

* Xizmat koʻrsatuvchi xodimlar soni belgilangan normativlar boʻyicha aniqlanadi.

Vazirlar Mahkamasining 2021-yil 27-maydagi 331-son qaroriga
6-ILOVA

Qoraqalpogʻiston Respublikasi, viloyatlar va Toshkent shahar “bolalar kutubxonalari”ning

NAMUNAVIY TUZILMASI

Direktor

Direktorning tashkiliy ishlar boʻyicha oʻrinbosari

Direktorning axborot texnologiyalari boʻyicha oʻrinbosari

Direktorning xoʻjalik ishlari boʻyicha oʻrinbosari

Yuriskonsult

Ish yurituvchi

Uslubiy boʻlim

Axborot resurslari va texnologiyalari boʻlimi

Buxgalteriya

Madaniy — ommaviy tadbirlar boʻlimi

Xizmat koʻrsatuvchi xodimlar**

Kitoblarni jamlash va katalog yaratish boʻlimi

Kitobxonlarga xizmat koʻrsatish boʻlimi

Maʼlumot va bibliografiya shuʼbasi

Maktablarga amaliy va uslubiy yordam koʻrsatish boʻlimi*

Adabiyotlarni saqlash shuʼbasi

Xodimlarning umumiy cheklangan soni — 32 nafar,

shu jumladan, boshqaruv xodimlari — 11 nafar.

* Maktablarga amaliy va uslubiy yordam koʻrsatuvchi xodimlar soni hududlardagi tuman (shahar)lar sonidan kelib chiqib belgilanadi.

** Texnik, xizmat koʻrsatuvchi va oʻquv-yordamchi xodimlar soni belgilangan meʼyorlar boʻyicha aniqlanadi

Vazirlar Mahkamasining 2021-yil 27-maydagi 331-son qaroriga
6-ILOVA

1. Direktor, direktor oʻrinbosarlari, boshqaruv va boshqa xodimlar namunaviy shtatlari va mehnatga haq toʻlash shartlari

T/r	Lavozimlar nomi	Qoraqalpogʻiston Respublikasi	Andijon viloyati	Buxoro viloyati	Jizzax viloyati	Qashqadaryo viloyati	Navoiy viloyati	Namangan viloyati	Samarqand viloyati	Surxondaryo viloyati	Sirdaryo viloyati	Toshkent viloyati	Fargʻona viloyati	Xorazm viloyati	Toshkent shahar	Jami shtat birlik soni	Mehnatga haq toʻlashning eng kam miqdoriga nisbatan (koeffitsiyentda)
	Direktor	1	1	1	1	1	1	1	1	1	1	1	1	1	1	14	*
	Direktor oʻrinbosari	3	2	2	2	2	2	2	3	2	2	2	3	2	2	31	*
	Boʻlim boshliqlari	5	2	3	2	3	2	2	5	3	2	3	5	2	3	42	*
	Bosh buxgalter	1	1	1	1	1	1	1	1	1	1	1	1	1	1	14	*
	Shoʻba mudiri-bosh kutubxonachi	1							1				1			3	*
	Shoʻba mudiri-bosh bibliograf	1							1				1			3	*
	Bosh kutubxonachi	3	3	3	3	3	3	3	3	3	3	3	3	3	3	42	*
	Bosh bibliograf	1	1	1	1	1	1	1	1	1	1	1	1	1	1	14	*
	Yetakchi kutubxonachi	5	2	2	2	2	2	2	5	2	2	2	5	2	2	37	*
	Uslubchi	7	2	2	2	2	2	2	7	2	2	2	7	2	2	43	*
	Maktablarga amaliy va uslubiy yordam koʻrsatish boʻlimi uslubchisi****																*
	Madaniyat ishlari boʻyicha tashkilotchi	1							1				1			3	**
	Buxgalter	1							1				1			3	2,870
	Yuriskonsult	1							1				1			3	***
Jami		31	14	15	14	15	14	14	31	15	14	15	31	14	15	252

Izoh.

* Ushbu lavozimlarga Vazirlar Mahkamasining “Davlat madaniyat muassasalari va davlat arxivlari xodimlari mehnatiga haq toʻlash va ularni moddiy ragʻbatlantirishning takomillashtirilgan tizimini tasdiqlash haqida” 2018-yil 19-iyundagi 458-son qaroriga muvofiq I guruh boʻyicha ish haqi toʻlanadi.

** Ushbu lavozimga Vazirlar Mahkamasining “Xalq taʼlimi xodimlari mehnatiga haq toʻlashning takomillashtirilgan tizimini tasdiqlash toʻgʻrisida” 2005-yil 21-dekabrdagi 275-sonli qaroriga asosan ish haqi toʻlanadi.

*** Yuriskonsultga Vazirlar Mahkamasining “Oʻzbekiston Respublikasi Prezidentining “Yuridik xizmat faoliyatini tubdan takomillashtirish chora-tadbirlari toʻgʻrisida” 2017-yil 19-yanvardagi PQ-2733-son qarorini amalga oshirish chora-tadbirlari haqida” 2017-yil 1-maydagi 250-son qaroriga muvofiq ish haqi toʻlanadi.

**** Maktablarga amaliy va uslubiy yordam koʻrsatuvchi boʻlimiga har 10 ta tuman (shahar)lar uchun 1,0 birlik hisobidan kelib chiqqan holda (mutanosib ravishda) uslubchi lavozimi kiritiladi.

Xodimlarning umumiy cheklangan soni — 14 — 31 nafargacha (bunda, Maktablarga amaliy va uslubiy yordam koʻrsatuvchi boʻlimi uslubchi soni inobatga olinmagan), shundan, boshqaruv xodimlari — 6 — 12 nafargachani tashkil etadi.

2. Qoraqalpogʻiston Respublikasi, viloyatlar va Toshkent shahar Bolalar kutubxonalari texnik, xizmat koʻrsatuvchi va boshqa lavozimlarining mehnatiga haq toʻlash shartlari

T/r	Lavozimlar nomi	Mehnatga haq toʻlashning eng kam miqdoriga nisbatan (koeffitsiyentda)
1.	Garderobchi	1,000
2.	Oʻt yoquvchi	1,384
3.	Binolarga kompleks xizmat koʻrsatish va taʼmirlash boʻyicha ishchi	1,269
4.	Xizmat xonalari farroshi	1,053
5.	Hovli supuruvchi	1,053
6.	Bogʻbon	1,106
7.	Qorovul	1,106
8.	Avtomobil haydovchisi (yengil, yuk tashuvchi), avtobus haydovchisi	*
9.	Elektromontyor	1,384
10.	Chilangar-santexnik	1,384
11.	Rahbar kotibi (referent-kotib)	1,269
12.	Xoʻjalik mudiri	1,505

Izoh.

Mazkur lavozimlar boʻyicha mehnatga haq toʻlash amaldagi qonunchilikka asosan belgilanadi.

3. Texnik, xizmat koʻrsatuvchi va boshqa lavozimlarni kiritish meʼyorlari ilovaga muvofiq belgilanadi.

Bolalar kutubxonalarining texnik, xizmat koʻrsatuvchi va boshqa lavozimlarini kiritish

MEʼYORLARI

1. Garderobchi lavozimi Qoraqalpogʻiston Respublikasi, viloyatlar va Toshkent shahar Bolalar kutubxonalarida (keyingi oʻrinlarda — kutubxona) kiyim-bosh saqlash uchun moʻljallangan xona mavjud boʻlsa mavsumiy 5 oy uchun 1,0 birlik kiritiladi.

2. Uy-joy kommunal xoʻjalik tizimiga oʻtkazilmagan kutubxonada isitish mavsumida (5 oy) oʻt yoquvchi lavozimi:

markazlashgan isitish tizimida koʻmir, torf, mazut, tabiiy gaz kabilar bilan isitiladigan har bir qozonxonaga bir oʻrin almashish ish vaqti (smena) uchun 1,0 birlik hisobidan;

lokal isitish qozonlari bilan isitiladigan har bir alohida manzilda joylashgan binolar majmuasiga har bir oʻrin almashish ish vaqti (smena) uchun qozonlar soni 6 tagacha boʻlsa 1,0 birlikdan, keyingi har 6 ta qozonga 1,0 birlik hisobidan kelib chiqqan holda (mutanosib ravishda);

isitish pechlari orqali isitiladigan muassasalarda har 10 dona pech uchun 1,0 birlik va keyingi har 5 — 9 dona pech uchun qoʻshimcha 0,5 birlik, biroq 0,5 birlikdan kam boʻlmagan holda;

Kutubxona markaziy isitish tizimi orqali isitilganda hamda hududida issiqlik punkti yoki elevator joylashgan boʻlsa 1,0 birlik binolarga kompleks xizmat koʻrsatish va taʼmirlash boʻyicha ishchi lavozimi, agar muassasada boyler va nasoslar (yer ostidan nasos orqali suv tortib oladigan suv yigʻuvchi minora (inshoot)) mavjud boʻlsa, bir oʻrin almashish ish vaqti(smena)ga 1,0 birlikdan kiritiladi.

Yil davomida yuvinish xonasi yoki oshxona ichki qozonxona hisobidan issiq suv bilan taʼminlanadigan kutubxonada yuqorida qayd etilgan oʻt yoquvchi lavozimi bittasi doimiy kiritiladi.

3. Binolarning barcha ichki qismlari shu jumladan, xizmat xonalari, toʻgarak va mashgʻulot xonalari, yoʻlak (koridor)lar, tomosha zallari, basseyn joylashgan hududlar, zinapoyalar va yotoqxona maydonini tozalovchi xizmat xonalari farroshi lavozimi har 400 kv. metr tozalash maydoni uchun 0,5 birlik hisobidan kelib chiqqan holda (mutanosib ravishda) kiritiladi. Ushbu lavozim 0,5 birlikdan kam boʻlmasligi lozim.

4. Kutubxonaning har qoplama toʻshalgan (asfalt, beton. bruschatka) maydonining har 2500 kv.metr maydoni uchun 1,0 birlik hisobidan kelib chiqqan holda (mutanosib ravishda) hovli supuruvchi lavozimi kiritiladi.

5. Bogʻbon lavozimi mevali bogʻ, gulzor va koʻkalamzorlashtirilgan 0,5 tadan 2,0 gagacha maydoni uchun 1,0 birlik, keyingi har 2,0 ga maydon uchun 1,0 birlik hisobidan kelib chiqqan holda (mutanosib ravishda) bogʻbon lavozimi kiritiladi, ijaraga berilgan maydon bundan mustasno.

6. Kutubxonaning har bir alohida manzilda joylashgan binosi uchun dam olish, bayram va mehnat taʼtili vaqtida oʻrin almashishni hisobga olgan holda 3,0 birlikdan qorovul lavozimi kiritiladi.

7. Avtomobil haydovchisi (yengil, yuk tashuvchi), avtobus haydovchisi lavozimi har bir soz holatdagi avtotransport vositasi uchun 1,0 birlikdan kiritiladi.

8. Elektromontyor lavozimi har 500 yoritish va elektr nuqtalariga (vklyuchatel, chiroq, rozetka, balansda boʻlgan koʻcha yoritkichlari soni hisobga olinadi) 1,0 birlik hisobidan kelib chiqqan holda (mutanosib ravishda), biroq ushbu lavozim 0,5 birlikdan kam boʻlmagan holda kiritiladi.

9. Chilangar-santexnik lavozimi suv quvurlari, kanalizatsiya va issiqlik quvvati bilan jihozlangan har 2 000 kv metr maydoniga 1,0 birlik hisobidan kelib chiqqan holda (mutanosib ravishda), biroq ushbu lavozim 0,5 birlikdan kam boʻlmagan holda kiritiladi.

10. Kutubxona uchun 1,0 birlik rahbar kotibi (referent-kotib) lavozimi kiritiladi.

11. Kutubxona uchun 1,0 birlik xoʻjalik mudiri lavozimi kiritiladi.

12. Ish sharoitlari va hajmi boʻyicha mazkur Namunaviy shtatlarni qoʻllab boʻlmaydigan ayrim kutubxonaning shtatlariga ular faoliyatining oʻziga xos xususiyatlaridan kelib chiqib, umumiy xodimlar sonining 10 foizidan koʻp boʻlmagan miqdorda ajratilgan ish haqi jamgʻarmasi doirasida oʻzgartirish kiritilishiga ruxsat etiladi.

Vazirlar Mahkamasining 2021-yil 27-maydagi 331-son qaroriga
7-ILOVA

“Bolalar kutubxonalari” toʻgʻrisidagi

NIZOM

1-bob. Umumiy qoidalar

1. Ushbu Nizom “Bolalar kutubxonalari”ning maqomi, asosiy vazifalari va funksiyalari, huquq va majburiyatlari, shuningdek, faoliyatini tashkil etish tartibini belgilaydi.

2. “Bolalar kutubxonalari” davlat muassasasi shaklidagi yuridik shaxs hisoblanadi, oʻz ustaviga, bank hisobvaragʻiga, Oʻzbekiston Respublikasi Davlat gerbi tasviri tushirilgan va oʻz nomi yozilgan muhrga, shtampga va blankalarga ega boʻladi.

3. “Bolalar kutubxonalari” oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, Oʻzbekiston Respublikasi xalq taʼlimi vazirining buyruqlariga, shuningdek ushbu Nizomga va boshqa qonunchilik hujjatlariga amal qiladi.

Respublika “Bolalar kutubxonasi” Oʻzbekiston Respublikasi Xalq taʼlimi vazirligi (keyingi oʻrinlarda — Vazirlik) tizimiga kiradi.

Respublika bolalar kutubxonasi Oʻzbekiston Respublikasi Vazirlar Mahkamasi huzuridagi Madaniyat va sanʼatni rivojlantirish jamgʻarmasi (keyingi oʻrinlarda — Jamgʻarma) tizimiga kiradi.

4. “Bolalar kutubxonalari”ning namunaviy ustavi Vazirlik tomonidan tasdiqlanadi. “Bolalar kutubxonasi” mazkur namunaviy ustav asosida oʻz ustavini ishlab chiqadi. Ustav muassis tomonidan tasdiqlanadi.

5. Vazirlik, Qoraqalpogʻiston Respublikasi Xalq taʼlimi vazirligi, Toshkent shahar xalq taʼlimi bosh boshqarmasi va viloyatlar xalq taʼlimi boshqarmalari tegishlicha “Bolalar kutubxonalari”ning muassislari hisoblanadi.

Jamgʻarma Respublika bolalar kutubxonasining muassisi hisoblanadi.

6. “Bolalar kutubxonalari”ning umumiy faoliyati Vazirlik tomonidan muvofiqlashtiriladi.

Respublika bolalar kutubxonasi Vazirlik tizimidagi barcha kutubxonalar ish faoliyatini muvofiqlashtiruvchi metodik markaz hisoblanadi.

7. Qoraqalpogʻiston Respublikasi, viloyatlar va Toshkent shahar “Bolalar kutubxonalari” umumiy oʻrta taʼlim maktablari kutubxonalariga kutubxonachilik va bibliografik xizmat koʻrsatish boʻyicha metodik yordam beradi va ularning ishlarini muvofiqlashtirib boradi. Kutubxonalar fondini bolalarning yoshi va psixologik xususiyatlarini hisobga olgan holda, turli janrdagi bolalar adabiyotlari bilan toʻldirib boradi.

8. “Bolalar kutubxonalari” bolalarga kitob mutolaasi va kitobxonlik madaniyatini oshirish hamda targʻib qilishga xizmat qiladigan, ularni xalqimizning boy intellektual madaniy merosi va umumbashariy qadriyatlari, fan-texnikaga oid adabiyotlarga boʻlgan talab-ehtiyojlarini yangi axborot-kutubxona texnologiyalari orqali qondirishga moʻljallangan milliy va xorijiy bolalar nashrlarini (bosma, audiovizual, elektron va boshqa) saqlaydigan, kutubxona xizmati koʻrsatadigan madaniy-maʼrifiy muassasadir.

9. “Bolalar kutubxonalari”ning axborot-kutubxona fondi davlat mulki hisoblanadi.

2-bob. “Bolalar kutubxonalari”ning asosiy vazifalari va funksiyalari

10. Quyidagilar “Bolalar kutubxonalari”ning asosiy vazifalari hisoblanadi:

zamonaviy va yuqori samarali axborot texnologiyalaridan foydalangan holda axborotlar olishning manbai, shakl va metodlarini tanlash imkoniyatini taʼminlash orqali oʻquvchilarning intellektual, bilim, maʼnaviy-axloqiy va madaniy ehtiyojlarini har tomonlama qondirish uchun qulay shart-sharoitlar yaratish;

kitobxonlarga xizmat koʻrsatish shart-sharoitlarini, shakl va usullarini takomillashtirish, maxsus dasturlarni joriy etish, elektron axborot-maʼlumot xizmatlari yaratish, zamonaviy kompyuter vositalaridan va maʼlumotlar uzatish texnologiyalaridan foydalanish asosida kutubxonalar faoliyati jarayonlari avtomatlashtirilishini taʼminlash;

xorijiy ilmiy-taʼlim maʼlumotlar bazalariga ulangan holda yigʻma elektron katalogini va kitob fondini shakllantirish va yuritish;

yigʻma elektron katalogni shakllantirish va yuritish;

kutubxona fondini milliy va chet el nashrlari bilan tizimli toʻldirib borish, nashrlarning bibliografik hisobini yuritish;

yurtimiz hamda jahon tajribalariga tayangan holda tizimdagi kutubxonalar uchun book reader milliy model standartlarini amaliyotga joriy qilish;

umumiy oʻrta taʼlim maktablari kutubxonalari fondini tahlil qilish, yangi adabiyotlar bilan boyitish boʻyicha takliflar ishlab chiqish;

audio va audiovizual resurslar tayyorlash va tarqatish;

foydalanuvchilarga kataloglar, kartotekalar va bibliografik maʼlumot berishning boshqa shakllari orqali kutubxona fondi tarkibi toʻgʻrisida maʼlumot taqdim etish;

oʻquvchilarning umumiy va yakka tartibda kitob oʻqish madaniyatini, ijodiy fikrlashini rivojlantirishga yordam beruvchi ommaviy kitobxonlikni tashkil etish;

ommaviy axborot vositalarida targʻibot va tashviqot ishlarini amalga oshirish, tegishli muassasalar bilan hamkorlikni yoʻlga qoʻyish;

kutubxonaning maʼlumot-qidiruv apparati (kataloglar, kartotekalar, maʼlumotlar bazalari) bilan ishlash boʻyicha foydalanuvchilarga maslahatlar berish;

madaniy-maʼrifiy tadbirlar, jumladan, adabiyotlarning ochiq va mavzuli koʻrgazmalari, turli ommaviy tadbirlar, kitobxonlik klublarini tashkil etish;

foydalanuvchilarga masofadan turib hujjatlarni elektron yetkazib berish (elektron pochta orqali);

maktab oʻquvchilarining axborot madaniyati va mediasavodxonligini shakllantirish.

11. “Bolalar kutubxonasi” oʻz asosiy vazifalarini amalga oshirishda quyidagi funksiyalarni bajaradi:

umumiy oʻrta taʼlim maktablari kutubxonalarini oʻzbek va jahon adabiyoti durdonalari bilan boyitish boʻyicha takliflar ishlab chiqadi;

“Bolalar kutubxonalari” rahbar va xodimlarini malaka oshirish va qayta tayyorlash boʻyicha yaqin, oʻrta va uzoq istiqbolga moʻljallangan rejalarini ishlab chiqadi;

axborot-kutubxona faoliyatini amalga oshirish doirasida, shu jumladan axborotlarni almashish va oʻzaro foydalanish borasida samarali hamkorlikni taʼminlaydi;

oʻquvchilar oʻrtasida reading (oʻqish), writing (yozish), poetry (sheʼriyat) tanlov va aksiyalarini amalga oshiradi;

Internet jahon axborot tarmogʻining milliy segmentida oʻquvchilarning qiziqishlari va axborotga boʻlgan ehtiyojlarini oʻrganish asosida oʻz veb-saytlarini yaratadi;

ijtimoiy tarmoqlarda sahifalarini tashkil etadi, “Yilning eng yaxshi kitobi”, “Eng yaxshi kitobxon-targʻibotchi” tadbirlarini yoʻlga qoʻyadi;

axborot kunlari, yangi kelgan adabiyotlar taqdimotlarini oʻtkazadi;

axborot manbalarini qidirish va tanlashda maslahatlar beradi;

maʼlumot-bibliografik xizmat koʻrsatadi (bibliografik maʼlumotnomalarni tayyorlaydi);

oʻquvchilar uchun taniqli yozuvchi va shoirlar bilan ijodiy uchrashuvlar tashkil etib boradi;

kitobxonlikni targʻib qilishga qaratilgan turli tanlov, festival va tadbirlarni oʻtkazadi;

axborot-kutubxona faoliyati sohasidagi xorijiy tajribani oʻrganish boʻyicha stajirovkalarni tashkil etadi;

“Bolalar kutubxonalari”ni yuqori malakali mutaxassislar bilan taʼminlashni tashkil etadi;

tajribali kutubxonachilar faoliyatini ommalashtirib boradi;

kutubxonachilarni sohaga oid yangi qonun hujjatlari va boshqa turdagi yangiliklar bilan oʻz vaqtida tanishtirib borish boʻyicha tuman (shahar)larda oʻquv-seminar, konferensiya va ilmiy-amaliy tadbirlar tashkil etadi;

kutubxonachilarni sohaga oid yangi qonunchilik hujjatlari va boshqa turdagi yangiliklar bilan oʻz vaqtida tanishtirib borish boʻyicha tuman (shahar)larda oʻquv-seminar, konferensiya va ilmiy-amaliy tadbirlar tashkil etadi;

kitobxonlarga qulaylik yaratish uchun qoʻshimcha xizmat turlari, shu jumladan pullik xizmatlar, shuningdek tarjima qilish, skanerlash, nashr etish kabi xizmatlar koʻrsatadi, pullik xizmatlar roʻyxati va narxnoma (preyskurant)larini qonun hujjatlarida belgilangan tartibda tasdiqlatadi.

3-bob. “Bolalar kutubxonalari” faoliyatini tashkil etish

12. “Bolalar kutubxonasi” bolalar uchun turli kitobxonlik koʻrik-tanlov va tadbirlarni tashkil etadi, umumiy oʻrta taʼlim muassasalari kutubxonalariga uslubiy-amaliy yordam koʻrsatadi.

13. “Bolalar kutubxonasi” har chorakda oʻquvchilarning qoʻshimcha adabiyotlarga boʻlgan qiziqishlarini oʻrganadi, ular uchun milliy va jahon adabiyoti durdonalariga kiradigan eng sara asarlar haqida maʼlumot berib boradi.

14. “Bolalar kutubxonasi” qardosh tillarda oʻqitiladigan umumtaʼlim muassasalarining kitob fondini oʻrganadi va badiiy adabiyotlar bilan boyitish boʻyicha takliflar ishlab chiqadi.

15. “Bolalar kutubxonalari” bolalar uchun moʻljallangan ilmiy, maʼrifiy, maʼnaviy adabiyotlar, ovozli, audiovizual va boshqa formatdagi elektron resurslarni yigʻadi va saqlaydi.

Oʻquvchilar “Bolalar kutubxonasi”da oʻz yoshlariga mos badiiy adabiyotlar, sanʼatga doir kitoblar, notalar va boshqa mediaresurslarni oʻrganadi.

16. “Bolalar kutubxonasi” bolalarning oʻqishiga bevosita rahbarlik qiluvchi soha xodimlari, pedagoglar va kutubxona xodimlari uchun ilmiy-uslubiy nashrlar, audiovizual va elektron resurslar zaxirasini yaratadi hamda ular bilan muntazam ishlaydi.

17. “Bolalar kutubxonasi” kitob zaxirasini sanitariya normalari, qoidalari va gigiyena normativlari talablari darajasida saqlaydi, muqovalash, taʼmirlash tadbirlarini reja asosida amalga oshiradi hamda audiovizual materiallar, elektron nashrlar va boshqa axborot tashuvchi manbalarni, mediaresurslarni saqlaydi.

18. “Bolalar kutubxonasi” elektron kutubxona va elektron katalogni shakllantiradi, yigʻma elektron katalogni shakllantirishda ishtirok etadi, boshqa axborot-kutubxona muassasalari bilan hamkorlikni amalga oshiradi.

19. “Bolalar kutubxonasi” umumiy oʻrta taʼlim tashkilotlari kutubxonalariga kutubxona xizmati koʻrsatish boʻyicha tavsiyalar beradi, xizmat koʻrsatish holatini tahlil qiladi va uni takomillashtirish boʻyicha takliflar ishlab chiqadi.

20. “Bolalar kutubxonalari” kutubxonachilik sohasidagi ilgʻor xorijiy ish tajribalarini oʻrganadi va ommalashtiradi.

21. “Bolalar kutubxonalari” Vazirlik bilan kelishgan holda oʻz xodimlarini respublikadagi barcha hududlarga va xorijiy davlatlarga xizmat safariga yuboradi hamda amaliy yordam koʻrsatadi.

21. Respublika bolalar kutubxonasi Jamgʻarma bilan, boshqa “Bolalar kutubxonalari” esa Vazirlik bilan kelishgan holda oʻz xodimlarini respublikadagi barcha hududlarga va xorijiy davlatlarga xizmat safariga yuboradi hamda amaliy yordam koʻrsatadi.

22. “Bolalar kutubxonalari”da oʻquvchilarga xizmat koʻrsatishni yaxshilash, ularda notiqlik madaniyatini rivojlantirishga qaratilgan notiqlik, boshlovchilik va teatr toʻgaraklari, yosh kitobxonlar klublari tashkil etilishi mumkin.

23. “Bolalar kutubxonalari”da kitob doʻkonlari va “Kitob kafelari” kabi turli pullik va ijtimoiy xizmat turlari yoʻlga qoʻyilishi mumkin.

4-bob. “Bolalar kutubxonalari”ning huquq va majburiyatlari

24. “Bolalar kutubxonalari” quyidagi huquqlarga ega:

respublika axborot-kutubxona muassasalaridan ularning axborot-kutubxona faoliyati toʻgʻrisida zarur materiallarni soʻrash va olish;

axborot-kutubxona muassasalariga ega boʻlgan vazirliklar va idoralar tomonidan axborot-kutubxona muassasalarining ilmiy-metodik va ilmiy-tadqiqot masalalari boʻyicha ishlab chiqiladigan qoidalar, nizomlar, yoʻriqnomalar, oʻquv dasturlari va boshqa hujjatlarni kelishish;

tasdiqlangan xizmatlar roʻyxati va narxlar preyskurantlariga muvofiq axborot-kommunikatsiya texnologiyalari asosida pulli kutubxona xizmatlari koʻrsatish;

adabiyotlarga va axborot manbalarining boshqa turlariga kutubxonachilik uslubida qayta texnik va ilmiy ishlov berishni amalga oshirish;

gʻoyaviy, mazmunan eskirgan va maʼnaviy jihatdan eskirib, yaroqsiz holga kelib qolgan adabiyotlarni oʻrnatilgan tartibda hisobdan chiqarish;

oʻz kutubxona fondlaridan, ularning toʻliqligi va butligiga zarar yetkazmasdan kutubxona resurslarining ortiqcha soni va nusxalarini hisobdan chiqarish, shuningdek ularni hisobdan chiqarish tartibi toʻgʻrisidagi yoʻriqnomaga muvofiq sotish;

kitobxonlarga kutubxona va uning oʻquv zallarida, abonementda, koʻchma kutubxonada, sirtqi abonement va kutubxonalararo abonement orqali xizmat koʻrsatish;

oʻquvchilar oʻrtasida kitob mutolaasi va kitobxonlikni keng targʻib qilish yuzasidan ommaviy kitobxonlik tadbirlari, kitoblar koʻrgazmalari, festivallarini tashkil etish;

xodimlarni zamonaviy axborot texnologiyalaridan professional foydalanishi, chet tilni bilishi, foydalanuvchilarga xizmat koʻrsatishning samarali shakllarini joriy etganligi uchun moddiy ragʻbatlantirish;

axborot mahsulotini yaratish, axborotlarga tahliliy qayta ishlov berishni amalga oshirish, maʼlumotnoma-bibliografiya apparatini tashkil etish va yuritish, shu jumladan:

elektron kataloglar (alfavit va tizimli tartibdagi) yaratish;

elektron kartotekalar — maqolalarning mazmun jihatdan va tizimli kartotekalarini yaratish;

tavsiyaviy bibliografik qoʻllanmalar (adabiyotlar roʻyxatlari, bibliografik koʻrsatkichlar, bibliografik sharhlar) ishlab chiqish;

foydalanuvchilarni axborot mahsulotidan xabardor etishni taʼminlash;

foydalanuvchilarning axborot olish ehtiyojlarini oʻrganish asosida turli tashuvchilardagi axborot-resurslarini taqdim etish;

axborot olish va kitobxonlik madaniyatini rivojlantirishga yoʻnaltirilgan, tanqidiy tafakkurni oʻstirishga, mediamakonni oʻzlashtirishga yordam beradigan tadbirlarni tashkil etish;

innovatsion texnologiyalar asosida axborot olish ehtiyojlarini aniqlash va soʻrovlarni qanoatlantirish;

oʻquv fanlari, boʻlimlar, mavzular boʻyicha axborot toʻplash va tizimga solish, axborot banklarini vujudga keltirish.

25. “Bolalar kutubxonalari” quyidagi majburiyatlarni oʻz zimmasiga oladi:

kitob fondini moliyaviy imkoniyatlardan kelib chiqib, oʻzbek va jahon bolalar adabiyoti, ensiklopediyalar, pedagogikaga oid adabiyotlar, iqtisodiy sohaga doir xorijiy tillardagi (axborot) adabiyotlar va lugʻatlar bilan toʻldirish;

ortiqcha (takror) adabiyotlarni almashtirish, zaxira fondi orqali ularni boshqa kutubxonalarga oʻtkazish hamda kam foydalaniladigan adabiyotlarni tanlash ishlarini amalga oshirish va depozitlarda saqlash uchun topshirish;

chop etilgan nashrlarning umumiy va yakka hisobini olib borish;

kitoblar fondi tarkibini boyitish ishini taʼminlash.

5-bob. “Bolalar kutubxonalari”ni boshqarish

26. Respublika bolalar kutubxonasiga Oʻzbekiston Respublikasi xalq taʼlimi vaziri tomonidan lavozimga tayinlanadigan va lavozimidan ozod qilinadigan direktor rahbarlik qiladi.

26. Respublika bolalar kutubxonasiga Jamgʻarma raisi tomonidan lavozimga tayinlanadigan va lavozimdan ozod qilinadigan direktor rahbarlik qiladi.

Qoraqalpogʻiston Respublikasi, viloyatlar va Toshkent shahar “Bolalar kutubxonasi”ga direktor Vazirlik bilan kelishilgan holda Qoraqalpogʻiston Respublikasi xalq taʼlimi vaziri, Toshkent shahar xalq taʼlimi bosh boshqarmasi va viloyatlar xalq taʼlimi boshqarmalari boshligʻining buyrugʻi bilan lavozimga tayinlanadi va lavozimidan ozod qilinadi.

Vazirlik tizimidagi hududiy “Bolalar kutubxonalari”ning direktorlari Vazirlik bilan kelishilgan holda Respublika “Kelajak” markazi direktori tomonidan lavozimga tayinlanadi va lavozimdan ozod etiladi.

27. Direktor:

Respublika bolalar kutubxonasiga yuklangan vazifalarning bajarilishi uchun shaxsan javob beradi;

kutubxonaga yuklangan vazifalarning bajarilishi uchun shaxsan javob beradi;

kutubxonaning tarkibiy boʻlinmalari toʻgʻrisidagi nizomlarni tasdiqlaydi;

oʻz oʻrinbosarlari oʻrtasida vazifalarni taqsimlaydi;

kutubxona xodimlarini belgilangan tartibda lavozimga tayinlaydi va lavozimidan ozod qiladi, ular bilan mehnat shartnomalari (kontraktlari) tuzadi va ularning amal qilishini toʻxtatadi;

qonunchilik hujjatlariga muvofiq kutubxona xodimlarini ragʻbatlantirish chora-tadbirlarini koʻradi va ularga nisbatan intizomiy jazo choralarini qoʻllaydi;

belgilangan tartibda kutubxonaning mol-mulki va mablagʻlarini tasarruf etadi, kutubxonaning axborot-kutubxona resurslaridan samarali foydalanilishini taʼminlaydi;

kutubxonaning moddiy-texnika bazasini saqlash va rivojlantirish, kutubxona foydalanuvchilari va xodimlari uchun zarur shart-sharoitlar yaratish chora-tadbirlarini belgilangan tartibda amalga oshiradi, axborot-kutubxona fondlari, shuningdek binolar, inshootlar, asbob-anjomlar, kutubxonaning boshqa mol-mulki saqlanishi va ulardan zarur darajada foydalanilishi uchun javob beradi.

28. Respublika bolalar kutubxonasi har chorakda bir marta direktorlar kengashini tashkil etadi, ular bajarishi lozim boʻlgan vazifalarni belgilaydi va amalga oshirilayotgan ishlarni monitoring qilib boradi.

28. Vazirlik har chorakda bir marta direktorlar kengashini tashkil etadi, ular bajarishi lozim boʻlgan vazifalarni belgilaydi va amalga oshirilayotgan ishlarni monitoring qilib boradi.

29. Qoraqalpogʻiston Respublikasi, viloyatlar va Toshkent shahar “Bolalar kutubxonasi” direktorlari tashabbuskor, fidokor va tajribali kutubxonachilarini turli mukofotlarga tavsiya qiladi va ularning ishini ommalashishiga koʻmaklashadi.

30. Respublika bolalar kutubxonasi “Bolalar kutubxonalari” faoliyatini rivojlantirishga qaratilgan konsepsiya, “yoʻl xaritalari” va dasturlari ishlab chiqadi hamda ularning kutubxonalarda bajarilishini monitoring qilib boradi.

30. Vazirlik “Bolalar kutubxonalari” faoliyatini rivojlantirishga qaratilgan konsepsiya, “yoʻl xaritalari” va dasturlari ishlab chiqadi hamda ularning kutubxonalarda bajarilishini monitoring qilib boradi.

31. Bolalar kutubxonasi direktori Muassis bilan kelishgan holda direktor oʻrinbosarlarini lavozimga tayinlaydi.

32. Respublika bolalar kutubxonasida kitoblarning mazmun va mohiyatini oʻrganish, milliy mentalitetga yot boʻlgan kitoblarni taʼlim muassasalariga kirib borishining oldini olish va mazmunan boy, bolalarni vatanparvarlikka undaydigan va kitob oʻqishga qiziqtira oladigan asarlarni muhokama qilishga qaratilgan Ilmiy-metodik kengash tuziladi.

32. Vazirlikda kitoblarning mazmun va mohiyatini oʻrganish, milliy mentalitetga yot boʻlgan kitoblarni taʼlim muassasalariga kirib borishining oldini olish va mazmunan boy, bolalarni vatanparvarlikka undaydigan va kitob oʻqishga qiziqtira oladigan asarlarni muhokama qilishga qaratilgan Ilmiy-metodik kengash tuziladi.

Ilmiy metodik kengash raisi Respublika bolalar kutubxonasi mutaxassislari tomonidan ochiq ovoz berish yoʻli bilan saylanadi.

Ilmiy metodik kengash raisi Vazirlik mutaxassislari tomonidan ochiq ovoz berish yoʻli bilan saylanadi.

Ilmiy metodik kengash aʼzolari har chorakda bir marotaba yigʻiladi, ilmiy, uslubiy, badiiy va publitsistik kitoblarni amaliyotga joriy etish hamda ilgʻor ish tajribalarni ommalashtirish ishlarini tashkil qilish yuzasidan qarorlar qabul qiladi.

6-bob. “Bolalar kutubxonalari”ni moliyalashtirish

33. Muassis yoki vakolatli davlat organi “Bolalar kutubxonalari”ga mol-mulkni qonunchilik hujjatlarida belgilangan tartibda biriktiradi.

“Bolalar kutubxonalari” oʻziga biriktirilgan mol-mulkni hamda daromadlar va xarajatlar smetasi boʻyicha oʻziga ajratilgan mablagʻlar hisobiga sotib olingan mol-mulkni qonunchilik hujjatlariga muvofiq tasarruf etadi.

“Bolalar kutubxonalari” faoliyati Oʻzbekiston Respublikasi Davlat budjeti va budjetdan tashqari hamda boshqa mablagʻlar hisobidan moliyalashtiriladi.

34. Quyidagilar “Bolalar kutubxonalari”ning faoliyatini moliyalashtirish manbalari hisoblanadi:

Oʻzbekiston Respublikasi Davlat budjeti mablagʻlari;

oʻquvchilarga xizmat koʻrsatishdan tashqari paytda boʻsh binolar, inshootlar, asbob-uskunalarni ijaraga berishdan tushgan mablagʻlar;

xoʻjalik faoliyatidan, qonunchilik hujjatlarida taqiqlanmagan shartnoma asosida pulli xizmat koʻrsatishdan olingan daromadlar;

jismoniy va yuridik shaxslarning homiylik xayriyalari, mahalliy va xalqaro tashkilotlarning grantlari;

qonunchilik hujjatlari bilan taqiqlanmagan boshqa manbalar.

35. Qonunchilik hujjatlari bilan taqiqlanmagan faoliyatdan olingan daromad hisobiga sotib olingan mol-mulk “Bolalar kutubxonalari”ning mol-mulki tarkibiga kiritiladi.

36. “Bolalar kutubxonalari” xodimlarini mukofotlash belgilangan tartibda budjet va budjetdan tashqari mablagʻlar hisobidan amalga oshiriladi.

“Bolalar kutubxonalari”ning budjetdan tashqari jamgʻarmalarning oylik, choraklik yoki yillik tushgan mablagʻlari boʻyicha (maqsadli homiylik xayriyalaridan tashqari) jami summasidan oʻn foizgacha boʻlgan miqdori mazkur kutubxona rahbarini moddiy ragʻbatlantirish uchun yoʻnaltiriladi.

7-bob. Yakunlovchi qoidalar

37. “Bolalar kutubxonalari” qonunchilik hujjatlarida belgilangan tartibda kutubxonachilik boʻyicha xalqaro hamkorlikni yoʻlga qoʻyishi mumkin.

Ularning xalqaro hamkorligi shartnomalar asosida xorijiy tashkilotlar bilan pedagogik axborot va tajriba almashish, mutaxassislarning malaka oshirishi hamda stajirovka oʻtashi shaklida amalga oshirilishi mumkin.

38. “Bolalar kutubxonalari” qonunchilik hujjatlarida belgilangan tartibda qayta tashkil etiladi va tugatiladi.

“Bolalar kutubxonalari” tugatilgan taqdirda uning mablagʻlari va mol-mulkidan, uning majburiyatlarini qoplash boʻyicha toʻlovlar chegirilgan holda, qonunchilik hujjatlariga hamda “Bolalar kutubxonalari” ustaviga muvofiq foydalaniladi.

39. Ushbu Nizom yuzasidan kelib chiqadigan nizoli masalalar qonunchilik hujjatlarida belgilangan tartibda hal etiladi.

40. Mazkur Nizom talablarini buzgan shaxslar qonunchilik hujjatlarida belgilangan tartibda javob beradilar.

Vazirlar Mahkamasining 2021-yil 27-maydagi 331-son qaroriga
8-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining 1995-yil 18-fevraldagi 59-son qarori bilan tasdiqlangan Maktabdan tashqari muassasa toʻgʻrisidagi nizomning I bobi 2-bandi ikkinchi xatboshisidagi “Barkamol avlod” bolalar markazlari” soʻzlari “Barkamol avlod” bolalar maktablari” soʻzlari bilan almashtirilsin.

2. Vazirlar Mahkamasining 2005-yil 21-dekabrdagi 275-son qarori bilan tasdiqlangan Xalq taʼlimi xodimlari mehnatiga haq toʻlash toʻgʻrisida Nizomning 3-bandi sakkizinchi xatboshisi quyidagi tahrirda bayon etilsin:

“Xalq taʼlimi muassasalari rahbarlarining bazaviy tarif stavkalari quyidagi jadvalga binoan oʻquvchilar (tarbiyalanuvchilar) kontingentiga qarab muassasalar guruhidan kelib chiqib belgilanadi:

Xalq taʼlimi muassasasining tipi	Kontingent soni (kishi)
Xalq taʼlimi muassasasining tipi	I guruh	II guruh	III guruh	IV guruh
Umumtaʼlim maktablari*	1601 nafar va undan ortiq	881 — 1600	401 — 880	400 nafargacha
“Mehribonlik” uylari	201 nafar va undan ortiq	200 nafargacha
Musiqa maktablari va sanʼat maktablari	401 nafar va undan ortiq	400 nafargacha
Maktabdan tashqari muassasalar	601 nafar va undan ortiq	301 — 600	300 nafargacha
Bolalar va oʻsmirlar sport maktablari	Muassasalarni tegishli guruhga kiritish Oʻzbekiston Respublikasi Jismoniy tarbiya va sport vazirligi tomonidan belgilangan tartibda amalga oshiriladi.				”.

Xalq taʼlimi muassasasining tipi	Kontingent soni (kishi)
Xalq taʼlimi muassasasining tipi	I guruh	II guruh	III guruh	IV guruh
Umumtaʼlim maktablari*	1601 nafar va undan ortiq	881 — 1600	401 — 880	400 nafargacha
“Mehribonlik” uylari	201 nafar va undan ortiq	200 nafargacha
Musiqa maktablari va sanʼat maktablari	401 nafar va undan ortiq	400 nafargacha
Maktabdan tashqari muassasalar	601 nafar va undan ortiq	301 — 600	300 nafargacha
Bolalar va oʻsmirlar sport maktablari	Muassasalarni tegishli guruhga kiritish Oʻzbekiston Respublikasi Jismoniy tarbiya va sport vazirligi tomonidan belgilangan tartibda amalga oshiriladi.				”.

3. Vazirlar Mahkamasining “Maktabdan tashqari taʼlim tizimini yanada takomillashtirish chora-tadbirlari toʻgʻrisida” 2011-yil 28-fevraldagi 50-son qarorida:

a) 2, 3, 6-bandlar oʻz kuchini yoʻqotgan deb hisoblansin;

b) 8-band quyidagi tahrirda bayon etilsin:

“Barkamol avlod” bolalar maktablarida oʻqiganlik uchun ota-onalardan olinadigan toʻlovlar oyiga bazaviy hisoblash miqdoriga nisbatan quyidagi miqdorlarda belgilanadi:

Qoraqalpogʻiston Respublikasining Nukus va Xorazm viloyatining Urganch shaharlarida — 5 foiz, Qoraqalpogʻiston Respublikasi va Xorazm viloyatining qolgan tuman (shahar)larida — 2,5 foiz;

viloyatlar markazlari va Toshkent shahrida — 10 foiz;

respublikaning qolgan tuman (shahar)larida — 5 foiz.

Ijtimoiy himoyaga muhtoj oila farzandlari, Mehribonlik uylari va Bolalar shaharchasi tarbiyalanuvchilari, imkoniyati cheklangan bolalar uchun ixtisoslashtirilgan taʼlim muassasalari oʻquvchilari va ichki ishlar organlarining profilaktik hisobiga olingan oʻquvchilar “Barkamol avlod” bolalar maktablarida oʻqiganlik uchun ota-onalar toʻlovidan ozod qilinadi.

Texnik ijodkorlik yoʻnalishidagi toʻgaraklar uchun ota-onalar toʻlovi Qoraqalpogʻiston Respublikasi, Toshkent shahar va viloyatlar maktablarida 25 foiz, tuman (shahar) maktablarida 20 foiz etib belgilanishi mumkin.

Agar maktabga oiladan bittadan ortiq bola borsa, ularning har biri uchun oʻqiganlik uchun ota-onalardan olinadigan toʻlovlar miqdorining 70 foizi, toʻgarak aʼzosi maktabda tashkil etilgan bittadan ortiq toʻgarakka aʼzo boʻlgan taqdirda 60 foizi toʻlanadi.

Ota-onalar toʻlovidan tushgan mablagʻlar:

a) “Barkamol avlod” bolalar maktablari faoliyati uchun zarur boʻlgan xom ashyo va materiallar, moddiy boyliklar (mebel, asbob-uskuna va jihozlar, kompyuter texnikasi va boshqalar) va transport vositalarini xarid qilishga;

b) madaniy-ommaviy tadbirlarni oʻtkazish va ularda qatnashish bilan bogʻliq xarajatlarga;

v) toʻgarak rahbarlari va xodimlarni 50 foizgacha ragʻbatlantirishga;

g) oʻquvchilari xalqaro miqyosida oʻtkaziladigan koʻrik-tanlov va festivallarda gʻoliblikni qoʻlga kiritgan toʻgarak rahbarlari bazaviy hisoblash miqdorining quyidagi miqdorlarida bir martalik pul mukofotlari bilan taqdirlanadi:

1-oʻrin uchun — 20 baravarigacha;

2-oʻrin uchun — 15 baravarigacha;

3-oʻrin uchun — 12 baravarigacha;

d) oʻquvchilari respublika miqyosida oʻtkaziladigan koʻrik-tanlov va festivallarda gʻoliblikni qoʻlga kiritgan toʻgarak rahbarlari bazaviy hisoblash miqdorining quyidagi miqdorlarida bir martalik pul mukofotlari bilan taqdirlanadi:

1-oʻrin uchun — 10 baravarigacha;

2-oʻrin uchun — 7 baravarigacha;

3-oʻrin uchun — 5 baravarigacha.”.

4. Vazirlar Mahkamasining 2019-yil 19-fevraldagi 146-son qarori bilan tasdiqlangan Oʻzbekiston Respublikasi Xalq taʼlimi vazirligi toʻgʻrisidagi nizomda:

a) 11-bandda:

7-kichik bandga quyidagi mazmundagi beshinchi va oltinchi xatboshilar qoʻshilsin:

“oʻquvchi yoshlarning ijodiy ishlarini ommalashtirish, shu jumladan dunyo bozoriga milliy anʼanalarimiz asosida “Barkamol avlod” bolalar maktablarining toʻgarak aʼzolari tomonidan yaratilgan mahsulotlarni olib chiqish maqsadida “Art shop” elektron doʻkonlarini tashkil etish va sotuvini yoʻlga qoʻyish;

bolalar texnik ijodkorligini rivojlantirish uchun xorijiy davlatlarning ilgʻor tajribalari asosida “Barkamol avlod” bolalar maktablarida davlat-xususiy sheriklik shartlari asosida “Bolalar texnoparki” loyihalarini tashkil etish”;

11-kichik bandda:

oltinchi xatboshidagi “shakllantiradi” soʻzlaridan keyin “koʻchma kutubxonalar faoliyatini tashkillashtiradi, bolalar va maktab kutubxonalarini badiiy adabiyotlar bilan taʼminlash tizimini takomillashtiradi,” soʻzlari qoʻshilsin;

yettinchi xatboshidagi “Barkamol avlod” bolalar markazlaridagi” soʻzlari “Barkamol avlod” bolalar maktablaridagi” soʻzlari bilan almashtirilsin.

5. Vazirlar Mahkamasining 2019-yil 13-maydagi 391-son qarori bilan tasdiqlangan Maktabgacha taʼlim tashkilotlaridagi qisqa muddatli guruhlar toʻgʻrisidagi nizomning 20-bandi toʻqqizinchi xatboshisidagi “Barkamol avlod” bolalar markazlari” soʻzlari “Barkamol avlod” bolalar maktablari” soʻzlari bilan almashtirilsin.

6. Vazirlar Mahkamasining 2018-yil 19-iyundagi 458-son qarori bilan tasdiqlangan Madaniy-maʼrifiy muassasalarning ijodiy va boshqa xodimlari mehnatiga haq toʻlash boʻyicha bazaviy lavozim maoshlari Miqdorlarida izohdagi “Xalq taʼlimi vazirligining Respublika bolalar kutubxonasi” soʻzlari “Xalq taʼlimi vazirligining Respublika bolalar kutubxonasi, Qoraqalpogʻiston Respublikasi, viloyatlar va Toshkent shahar “Bolalar kutubxonalari” soʻzlari bilan almashtirilsin.

Vazirlar Mahkamasining 2021-yil 27-maydagi 331-son qaroriga
9-ILOVA

Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan ayrim qarorlari

ROʻYXATI

1. Vazirlar Mahkamasining “Barkamol avlod” bolalar markazlari toʻgʻrisidagi nizomni tasdiqlash haqida” 2011-yil 11-maydagi 130-son qarori.

2. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2017-yil 12-maydagi 275-son qaroriga ilovaning 2-bandi.

3. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2017-yil 30-dekabrdagi 1039-son qarorining 6-bandi.

4. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2019-yil 30-sentabrdagi 822-son qaroriga ilovaning 14-bandi.

Кўриниш

Кўриниш