Bosqich | Subyekt | Tadbirlar | Ijro muddati |
1-bosqich | Ommaviy kommunikatsiyalar masalalari bo‘yicha Markaz va shaxsga doir ma’lumotlar sohasidagi vakolatli davlat organi | O‘zbekiston Respublikasi fuqarolarining shaxsga doir ma’lumotlariga ishlov berishning alohida shartlari buzilish holatlarini aniqlash maqsadida Internet jahon axborot tarmog‘ida shaxsga doir ma’lumotlarga ishlov beruvchi mulkdor va (yoki) operatorlar faoliyati monitoringini amalga oshiradi. | Doimiy ravishda |
Yuridik yoki jismoniy shaxslar | Markazga o‘rnatilgan tartibda, shu jumladan, O‘zbekiston Respublikasi qonunchiligi bilan shaxsga doir ma’lumotlariga ishlov berishning alohida shartlari buzilishi mavjud Internet tarmog‘i veb-saytidan va (yoki) veb-sayt sahifalari hamda resurslarida shaxsga doir ma’lumotlarga ishlov beruvchi tashkilotlar haqida murojaat qilish orqali ma’lumot berish. | Doimiy ravishda | |
2-bosqich | Ommaviy kommunikatsiyalar masalalari bo‘yicha Markaz | Internet jahon axborot tarmog‘ida shaxsga doir ma’lumotlarga ishlov beruvchi mulkdor va (yoki) operatorlar tomonidan O‘zbekiston Respublikasi fuqarolarining shaxsga doir ma’lumotlariga axborot texnologiyalaridan foydalangan holda, shu jumladan Internet jahon axborot tarmog‘ida ishlov berishning alohida shartlari buzilganligi holatlari aniqlanganda, bu haqida shaxsga doir ma’lumotlar sohasidagi vakolatli davlat organiga xulosa berish uchun ma’lumot kiritadi. | Aniqlangan muddatdan boshlab 24 soat davomida |
Shaxsga doir ma’lumotlar sohasidagi vakolatli davlat organi | Shaxsga doir ma’lumotlar sohasidagi vakolatli davlat organi Markaz tomonidan taqdim egilgan ma’lumotni olgandan so‘ng “O‘zkomnazorat” davlat inspeksiyasiga shaxsga doir ma’lumotlarga ishlov beruvchi mulkdor va (yoki) operatorlar tomonidan O‘zbekiston Respublikasi fuqarolarining shaxsga doir ma’lumotlariga ishlov berishning alohida shartlari buzilganligi yuzasidan xulosa taqdim etadi. | Aniqlangan muddatdan boshlab 24 soat davomida | |
3-bosqich | “O‘zkomnazorat” davlat inspeksiyasi | Taqdim etilgan xulosa asosida aniqlangan kamchiliklarni bartaraf etish yuzasidan shaxsga doir ma’lumotlar bazasi mulkdori yoki operatoriga aniq muddat belgilagan holda tegishli ko‘rsatma beradi. | Xulosa kelib tushgan kundan boshlab bir kun muddatda |
Shaxsga doir ma’lumotlar bazasi mulkdor yoki operator | Shaxsga doir ma’lumotlar bazasi mulkdori yoki operatori ko‘rsatmada keltirilgan kamchiliklarni bartaraf etish chorasini ko‘radi va “O‘zkomnazorat” davlat inspeksiyasiga o‘z vaqtida ma’lumot kiritadi. | Taqdimnomada belgilangan muddatlarda | |
4-bosqich | “O‘zkomnazorat” davlat inspeksiyasi | Ko‘rsatmada belgilangan muddat ichida ko‘rsatmada nazarda tutilgan qonun buzilishi holatlari bartaraf etilmagan taqdirda, shaxsga doir ma’lumotlar bazasi mulkdor va (yoki) operator to‘g‘risidagi ma’lumotlar “Shaxsga doir ma’lumotlar subyektlari huquqlarini buzuvchilar reyestri”ga kiritiladi. | Ko‘rsatmadagi muddatdan so‘ng |
5-bosqich | “O‘zkomnazorat” davlat inspeksiyasi | “Shaxsga doir ma’lumotlar subyektlari huquqlarini buzuvchilar Reyestri”ga kiritilgandan so‘ng shaxsga doir ma’lumotlar bazasi mulkdori yoki operatorining Internet tarmog‘i axborot resurslaridan foydalanishini cheklash bo‘yicha Axborot texnologiyalari va kommunikatsiyalarini rivojlantirish vazirligiga taqdimnoma beradi. | 12 soat davomida |
Axborot texnologiyalari va kommunikatsiyalarini rivojlantirish vazirligi | “Shaxsga doir ma’lumotlar subyektlari huquqlarini buzuvchilar Reyestri”ga kiritilgandan so‘ng shaxsga doir ma’lumotlar bazasi mulkdori yoki operatorining Internet tarmog‘i axborot resurslaridan foydalanishini cheklashni amalga oshiradi. | 12 soat davomida | |
6-bosqich | Ommaviy kommu�ikatsiyalar masalalari bo‘yicha Markaz va shaxsga doir ma’lumotlar sohasidagi vakolatli davlat organi | Shaxsga doir ma’lumotlar sohasidagi vakolatli davlat organ Markaz bilan hamkorlikda mulkdor va (yoki) operator tomonidan Internet tarmog‘i axborot resursida kamchiliklar bartaraf etilganligi yuzasidan ma’lumotini o‘rganib chiqadi va “O‘zkomnazorat” davlat inspeksiyasiga xulosa beradi. | 24 soat davomida |
“O‘zkomnazorat” davlat inspeksiyasi | Shaxsga doir ma’lumotlar sohasidagi vakolatli davlat organi xulosasiga asosan Internet tarmog‘i axborot resursini “Shaxsga doir ma’lumotlar subyektlari huquqlarini buzuvchilar reyestri”dan chiqaradi va Axborot texnologiyalari va kommunikatsiyalarini rivojlantirish vazirligiga taqdimnoma beradi. | 24 soat davomida | |
Axborot texnologiyalari va kommunikatsiyalarini rivojlantirish vazirligi | Shaxsga doir ma’lumotlar bazasining mulkdorini va (yoki) operatorini (yoki axborot resursi identifikatsiya ma’lumotlarin�) “Shaxsga doir ma’lumotlar subyektlari huquqlarini buzuvchilar Reyestri”dan chiqarilgach, Davlat nazoratini amalga oshiruvchi organ taqdimnomasi asosida foydalanishni cheklovchi to‘siqlarni oladi. | 12 soat davomida |
O‘zbekiston Respublikasi Vazirlar Mahkamasining qarori, 29.04.2021 yildagi 255-son
Кучга кириш санаси
30.04.2021
Рус
Ўзб
O’zb
O‘zb|Рус
“Shaxsga doir ma’lumotlar to‘g‘risida”gi O‘zbekiston Respublikasining Qonuniga muvofiq, shuningdek, O‘zbekiston Respublikasi fuqarolarining shaxsga doir ma’lumotlariga ishlov berishda qonunchilik talablariga rioya etilishi ustidan davlat nazoratini samarali tashkil etish maqsadida Vazirlar Mahkamasi qaror qiladi:
1. Vazirlar Mahkamasining “Butunjahon Internet tarmog‘ida axborot xavfsizligini yanada takomillashtirish chora-tadbirlari to‘g‘risida” 2018-yil 5-sentabrdagi 707-son qaroriga ilovaga muvofiq o‘zgartirish va qo‘shimchalar kiritilsin.
2. O‘zbekiston Respublikasi Vazirlar Mahkamasi huzuridagi Davlat personallashtirish markazi, Axborot texnologiyalari va kommunikatsiyalarini rivojlantirish vazirligi boshqa manfaatdor vazirliklar va idoralar bilan birgalikda o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
3. Mazkur qarorning bajarilishini nazorat qilish O‘zbekiston Respublikasi Bosh vazirining maslahatchisi — IT-texnologiyalar, telekommunikatsiyalar va innovatsion faoliyatni rivojlantirish masalalari departamenti boshlig‘i O.M. Umarov zimmasiga yuklansin.
“O‘zbekiston Respublikasi qonunchiligi bilan tarqatilishi taqiqlangan axborot mavjud bo‘lgan Internet tarmog‘i veb-saytidan va (yoki) veb-sayt sahifalaridan foydalanishni cheklash sxemasi 2-ilovaga muvofiq;
O‘zbekiston Respublikasi fuqarolarining shaxsga doir ma’lumotlariga ishlov berishning alohida shartlariga rioya etilishi ustidan davlat nazoratini amalga oshirish tartibi to‘g‘risidagi nizom 3-ilovaga muvofiq tasdiqlansin”;
1. Ushbu Nizom mulkdor va (yoki) operatorlar tomonidan O‘zbekiston Respublikasi fuqarolarining shaxsga doir ma’lumotlariga axborot texnologiyalaridan foydalangan holda ishlov berishda, shu jumladan Internet jahon axborot tarmog‘ida ishlov berishda ularning jisman O‘zbekiston Respublikasi hududida joylashgan texnik vositalarda hamda belgilangan tartibda Shaxsga doir ma’lumotlar bazalarining davlat reyestrida ro‘yxatdan o‘tkazilgan shaxsga doir ma’lumotlar bazalarida yig‘ilishi, tizimlashtirilishi va saqlanishiga oid qonunchilik hujjatlari talablarini bajarilishi ustidan davlat nazoratini amalga oshirish tartibini belgilaydi.
O‘zbekiston Respublikasi fuqarolarining shaxsga doir ma’lumotlariga ishlov berishning alohida shartlari — O‘zbekiston Respublikasi fuqarolarining shaxsga doir ma’lumotlariga axborot texnologiyalaridan foydalangan holda ishlov berishda, shu jumladan Internet jahon axborot tarmog‘ida ishlov berishda ularning jisman O‘zbekiston Respublikasi hududida joylashgan texnik vositalarda hamda belgilangan tartibda Shaxsga doir ma’lumotlar bazalarining davlat reyestrida ro‘yxatdan o‘tkazilgan shaxsga doir ma’lumotlar bazalarida yig‘ilishi, tizimlashtirilish va saqlanishiga oid shartlar;
foydalanishni cheklash — mulkdor va (yoki) operatorlarning O‘zbekiston Respublikasi hududida Internet jahon axborot tarmog‘idagi resursdan foydalanishini to‘xtatishga yoki tezlikni kamaytirishga doir tashkiliy va dasturiy-texnik chora-tadbirlar majmuasi;
shaxsga doir ma’lumotlar — muayyan jismoniy shaxsga taalluqli bo‘lgan yoki uni identifikatsiya qilish imkonini beradigan, elektron tarzda, qog‘ozda va (yoki) boshqa moddiy jismda qayd etilgan axborot;
shaxsga doir ma’lumotlar bazasi — tarkibida shaxsga doir ma’lumotlar mavjud bo‘lgan axborot tizimi tarzidagi ma’lumotlar bazasi;
shaxsga doir ma’lumotlar bazasining mulkdori (keyingi o‘rinlarda — mulkdor) — shaxsga doir ma’lumotlar bazasiga egalik qilish, undan foydalanish va uni tasarruf etish huquqiga ega bo‘lgan davlat organi, jismoniy va (yoki) yuridik shaxs;
shaxsga doir ma’lumotlar bazasining operatori (keyingi o‘rinlarda — operator) — shaxsga doir ma’lumotlarga ishlov berishni amalga oshiruvchi davlat organi, jismoniy va (yoki) yuridik shaxs;
shaxsga doir ma’lumotlar sohasidagi vakolatli davlat organi — O‘zbekiston Respublikasi Vazirlar Mahkamasi huzuridagi Davlat personallashtirish markazi;
shaxsga doir ma’lumotlar subyekti (keyingi o‘rinlarda — subyekt) — shaxsga doir ma’lumotlar o‘ziga taalluqli bo‘lgan jismoniy shaxs;
Shaxsga doir ma’lumotlar subyektlari huquqlarini buzuvchilar reyestri — O‘zbekiston Respublikasi fuqarolarining shaxsga doir ma’lumotlariga ishlov berishning alohida shartlariga rioya etmagan shaxsga doir ma’lumotlar bazasining mulkdorlari va (yoki) operatorlarining ro‘yxati;
shaxsga doir ma’lumotlarga ishlov berish — shaxsga doir ma’lumotlarni yig‘ish, tizimlashtirish, saqlash, o‘zgartirish, to‘ldirish, ulardan foydalanish, ularni berish, tarqatish, uzatish, egasizlantirish va yo‘q qilish bo‘yicha bir harakatni yoki harakatlar majmuini amalga oshirish.
3. O‘zbekiston Respublikasi fuqarolarining shaxsga doir ma’lumotlariga ishlov berishning alohida shartlariga rioya etilishi ustidan davlat nazorati Shaxsga doir ma’lumotlar subyektlari huquqlarini buzuvchilar reyestrini (keyingi o‘rinlarda — Reyestr) yuritish orqali amalga oshiriladi.
4. O‘zbekiston Respublikasi fuqarolarining shaxsga doir ma’lumotlariga axborot texnologiyalaridan foydalangan holda, shu jumladan Internet jahon axborot tarmog‘ida ishlov berishning alohida shartlariga rioya etilishi ustidan davlat nazorati O‘zbekiston Respublikasi Axborotlashtirish va telekommunikatsiyalar sohasida nazorat bo‘yicha davlat inspeksiyasi (keyingi o‘rinlarda — “O‘zkomnazorat” davlat inspeksiyasi) tomonidan amalga oshiriladi.
mulkdor va (yoki) operatorlarning O‘zbekiston Respublikasi fuqarolarining shaxsga doir ma’lumotlariga ishlov berishning alohida shartlariga rioya etishini o‘rganish va tekshirish hamda monitoring va tahlil qilish ishlarini amalga oshiradi;
O‘zbekiston Respublikasi fuqarolarining shaxsga doir ma’lumotlariga axborot texnologiyalaridan foydalangan holda, shu jumladan Internet jahon axborot tarmog‘ida ishlov berishning alohida shartlari buzilgan taqdirda ushbu qonun buzilish holatini bartaraf etish yuzasidan davlat organi, jismoniy va (yoki) yuridik shaxslar tomonidan ijro etilishi majburiy bo‘lgan ko‘rsatmalar beradi;
fuqarolarning shaxsga doir ma’lumotlariga axborot texnologiyalaridan foydalangan holda, shu jumladan Internet jahon axborot tarmog‘ida ishlov beruvchi mulkdor va (yoki) operatorlarga nisbatan O‘zbekiston Respublikasi fuqarolarining shaxsga doir ma’lumotlariga ishlov berishning alohida shartlarini buzganliklari yuzasidan ma’muriy huquqbuzarlik to‘g‘risida bayonnomalarni tuzadi va ko‘rib chiqish uchun sudga yuboradi;
mulkdor va (yoki) operatorlarning axborot texnologiyalaridan foydalangan holda, shu jumladan Internet jahon axborot tarmog‘ida shaxsga doir ma’lumotlarga ishlov berish faoliyatlari yuzasidan O‘zbekiston Respublikasi Vazirlar Mahkamasiga axborot kiritib boradi;
Reyestrni yuritadi hamda xorijiy davlatlarning vakolatli organlari va xalqaro tashkilotlar bilan shaxsga doir ma’lumotlar sohasida hamkorlikni amalga oshiradi.
6. O‘zbekiston Respublikasi fuqarolarining shaxsga doir ma’lumotlariga ishlov berishning alohida shartlarini buzgan mulkdor va (yoki) operatorlarni Reyestrga kiritish va Reyestrdan chiqarish ushbu Nizomga sxemaga muvofiq amalga oshiriladi.
7. O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligining Ommaviy kommunikatsiyalar masalalari bo‘yicha markazi (keyingi o‘rinlarda — Markaz) O‘zbekiston Respublikasi Prezidentining “Axborot sohasi va ommaviy kommunikatsiyalarni yanada rivojlantirishga oid qo‘shimcha chora-tadbirlar to‘g‘risida” 2019-yil 2-fevraldagi PF-5653-son Farmoniga asosan o‘z zimmasiga yuklatilgan vazifalar doirasida O‘zbekiston Respublikasi fuqarolarining shaxsga doir ma’lumotlariga axborot texnologiyalaridan foydalangan holda, shu jumladan Internet jahon axborot tarmog‘ida ishlov berishning alohida shartlari buzilish holatlarini aniqlash maqsadida Internet jahon axborot tarmog‘ida shaxsga doir ma’lumotlarga ishlov beruvchi mulkdor va (yoki) operatorlar faoliyati monitoringini amalga oshiradi.
8. Markaz tomonidan Internet jahon axborot tarmog‘ida shaxsga doir ma’lumotlarga ishlov beruvchi mulkdor va (yoki) operatorlar tomonidan O‘zbekiston Respublikasi fuqarolarining shaxsga doir ma’lumotlariga ishlov berishning alohida shartlari buzilganligi holatlari aniqlanganda, bu haqda, 24 soat davomida shaxsga doir ma’lumotlar sohasidagi vakolatli davlat organiga xulosa berish uchun ma’lumot kiritadi.
9. Shaxsga doir ma’lumotlar sohasidagi vakolatli davlat organi Markaz tomonidan taqdim etilgan ma’lumotni olgandan so‘ng 24 soat ichida “O‘zkomnazorat” davlat inspeksiyasiga shaxsga doir ma’lumotlarga axborot texnologiyalaridan foydalangan holda, shu jumladan Internet jahon axborot tarmog‘ida ishlov beruvchi mulkdor va (yoki) operatorlar tomonidan O‘zbekiston Respublikasi fuqarolarining shaxsga doir ma’lumotlariga ishlov berishning alohida shartlari buzilganligi yuzasidan xulosa taqdim etadi.
10. Shaxsga doir ma’lumotlar sohasidagi vakolatli davlat organi xulosasida quyidagilar aks etgan bo‘lishi kerak:
o‘rganish predmeti (O‘zbekiston Respublikasi fuqarolarining shaxsga doir ma’lumotlariga ishlov berishning alohida shartlarini buzgan mulkdor va (yoki) operatorlar resurslari ro‘yxati);
Reyestrga kiritish va shaxsga doir ma’lumotlar bazasining mulkdorlari va (yoki) operatorlariga nisbatan choralar ko‘rish yuzasidan takliflar.
11. “O‘zkomnazorat” davlat inspeksiyasi taqdim etilgan xulosa kelib tushgan kundan boshlab bir kun muddatda aniqlangan kamchiliklarni bartaraf etish yuzasidan shaxsga doir ma’lumotlar bazasi mulkdori yoki operatoriga aniq muddat belgilagan holda tegishli ko‘rsatma beradi.
12. Shaxsga doir ma’lumotlar bazasi mulkdori yoki operatori ko‘rsatmada keltirilgan kamchiliklarni bartaraf etish chorasini ko‘rishi va “O‘zkomnazorat” davlat inspeksiyasiga o‘z vaqtida ma’lumot kiritishi lozim.
13. “O‘zkomnazorat” davlat inspeksiyasi ko‘rsatmasida belgilangan muddat ichida ko‘rsatmada nazarda tutilgan qonun buzilishi holatlari bartaraf etilmagan taqdirda, mulkdor va (yoki) operator to‘g‘risidagi ma’lumotlar Reyestrga kiritiladi.
14. O‘zbekiston Respublikasi fuqarolarining shaxsga doir ma’lumotlariga axborot texnologiyalaridan foydalangan holda, shu jumladan Internet jahon axborot tarmog‘ida ishlov berishning alohida shartlarini buzgan mulkdor va (yoki) operatorlarni Reyestrga kiritilishiga asos bo‘lgan shaxsga doir ma’lumotlar sohasidagi vakolatli davlat organ xulosasi ustidan sudga shikoyat qilishga haqli.
15. O‘zbekiston Respublikasi fuqarolarining shaxsga doir ma’lumotlariga axborot texnologiyalaridan foydalangan holda, shu jumladan Internet jahon axborot tarmog‘ida ishlov berishning alohida shartlarini buzgan mulkdor va (yoki) operatorlar faoliyatini Internet jahon axborot tarmog‘i milliy segmentida cheklash O‘zbekiston Respublikasi Axborot texnologiyalari va kommunikatsiyalarini rivojlantirish vazirligi (keyingi o‘rinlarda — Vazirlik) tomonidan amalga oshiriladi.
16. Foydalanishni cheklash identifikatsiya ma’lumotlari Reyestrga kiritilgan shaxsga doir ma’lumotlar bazasining mulkdori va (yoki) operatorining Internet jahon axborot tarmog‘i axborot resurslariga nisbatan tatbiq etiladi.
17. “O‘zkomnazorat” davlat inspeksiyasi Reyestrga kiritilgandan so‘ng 12 soat davomida shaxsga doir ma’lumotlar bazasi mulkdori yoki operatorining Internet jahon axborot tarmog‘i axborot resurslaridan foydalanishini cheklash bo‘yicha Vazirlikka taqdimnoma beradi.
18. Vazirlik Reyestrga kiritilgandan so‘ng 12 soat davomida shaxsga doir ma’lumotlar bazasi mulkdori yoki operatorining Internet jahon axborot tarmog‘i resurslaridan foydalanishini cheklashni amalga oshiradi.
4-bob. Shaxsga doir ma’lumotlar bazasining mulkdor va (yoki) operatorni Reyestrdan chiqarish tartibi
19. “O‘zkomnazorat” davlat inspeksiyasi tomonidan shaxsga doir ma’lumotlar bazasining mulkdorini va (yoki) operatorini Reyestrdan chiqarilishi uchun quyidagilar asos bo‘ladi:
Markaz ma’lumotiga asosan shaxsga doir ma’lumotlar sohasidagi vakolatli davlat organining mulkdor va (yoki) operator tomonidan Internet jahon axborot tarmog‘i resursida kamchiliklar bartaraf etilganligi yuzasidan xulosasi;
O‘zbekiston Respublikasi fuqarolarining shaxsga doir ma’lumotlariga axborot texnologiyalaridan foydalangan holda, shu jumladan Internet jahon axborot tarmog‘ida ishlov berishning alohida shartlarini buzgan mulkdor va (yoki) operatorlarni Reyestrga kiritilishi uchun asos bo‘lgan shaxsga doir ma’lumotlar sohasidagi vakolatli davlat organi xulosasini bekor qilish to‘g‘risida sud qarorining qonuniy kuchga kirishi.
20. “O‘zkomnazorat” davlat inspeksiyasi Internet jahon axborot tarmog‘i resursi egasining Internet jahon axborot tarmog‘i resursida kamchiliklar bartaraf etilganligi yuzasidan bildirgan yozma (elektron) murojaatini o‘rganib, bir kun muddatda shaxsga doir ma’lumotlar sohasidagi vakolatli davlat organiga xulosa berish uchun taqdim etadi.
21. Shaxsga doir ma’lumotlar sohasidagi vakolatli davlat organi Markaz bilan birgalikda mulkdor va (yoki) operator tomonidan Internet jahon axborot tarmog‘i resursida kamchiliklar bartaraf etilganligi yuzasidan ma’lumotini 24 soat davomida o‘rganib chiqadi va “O‘zkomnazorat” davlat inspeksiyasiga xulosa beradi.
22. “O‘zkomnazorat” davlat inspeksiyasi mazkur Nizomning 16-bandida keltirilgan holatlar asosida 24 soat davomida shaxsga doir ma’lumotlar bazasining mulkdorini va (yoki) operatorini (yoki axborot resursi identifikatsiya ma’lumotlarini) Reyestrdan chiqaradi.
23. Shaxsga doir ma’lumotlar bazasining mulkdorini va (yoki) operatorini (yoki axborot resursi identifikatsiya ma’lumotlarini) Reyestrdan chiqarilgach, Vazirlik “O‘zkomnazorat” davlat inspeksiyasi taqdimnomasi asosida foydalanishni cheklovchi to‘siqlarni 12 soat davomida oladi.
24. Reyestrda qayd etilgan, ishlov berilgan va boshqa amalga oshirilgan ma’lumotlar hamda ularning o‘zgarish tarixi o‘rnatilgan tartibda saqlanadi.
25. Mazkur Nizom talablarining buzilishida aybdor bo‘lgan shaxslar qonunchilik hujjatlarida belgilangan tartibda javob beradilar.