Oʻzbekiston Respublikasi Prezidentining “Shaxsiy yordamchi va dehqon xoʻjaliklarini davlat yoʻli bilan qoʻllab-quvvatlash hamda mamlakatni oziq-ovqat bilan taʼminlashda ularning rolini kuchaytirish borasidagi chora-tadbirlar toʻgʻrisida” 1997-yil 18-martdagi PF-1737-son Farmoniga muvofiq Vazirlar Mahkamasi qaror qiladi:

1. Oʻzbekiston Respublikasi Moliya vazirligi Shaxsiy yordamchi va dehqon xoʻjaliklari uyushmasini Uyushmaning asoslangan hisob-kitoblari boʻyicha 175 mln. soʻm miqdorida oʻz aylanma mablagʻlari bilan taʼminlasin.

2. Shaxsiy yordamchi va dehqon xoʻjaliklari uyushmasi talabni oʻrganish asosida shaxsiy yordamchi va dehqon xoʻjaliklarining sifatli sabzavot va ozuqa ekinlari urugʻligiga, omixta yemga, yosh mollarga, boshqa moddiy resurslarga boʻlgan ehtiyojini aniqlasin, ularni mahsulot yetishtiruvchilarga sotish boʻyicha punktlar tarmogʻini tashkil etsin. Bunday punktlarni tashkil etishni Uyushma huzurida tashkil etilgan Shaxsiy yordamchi va dehqon xoʻjaliklarini qoʻllab-quvvatlash jamgʻarmasi mablagʻlari hisobidan taʼminlasin.

3. “Oʻzqishloqxoʻjaliktaʼminottuzatish” davlat-kooperativ qoʻmitasi:

mexanizatsiyalashtirilgan ishlar va boshqa xizmatlar shaxsiy yordamchi va dehqon xoʻjaliklarining buyurtmanomalari va shartnomalar boʻyicha mashina-traktor parklarining kuchi bilan oʻz vaqtida bajarilishini taʼminlasin;

shaxsiy yordamchi va dehqon xoʻjaliklariga sotish uchun traktorlar va qishloq xoʻjaligi mashinalari, birinchi navbatda kichik texnika, shuningdek, ehtiyot qismlar va tuzatish materiallari yetkazib berilishini tashkil etsin;

Oʻzbekiston Respublikasi Moliya vazirligi huzuridagi Monopoliyadan chiqarish va raqobatni rivojlantirish qoʻmitasi hamda Shaxsiy yordamchi va dehqon xoʻjaliklari uyushmasi bilan birgalikda bajariladigan ishlar va koʻrsatiladigan xizmatlarga tariflarni, shuningdek, yetkazib beriladigan qishloq xoʻjaligi texnikasi narxlarini koʻrib chiqsin.

Oʻzbekiston Respublikasi Moliya vazirligi shaxsiy yordamchi va dehqon xoʻjaliklariga texnika va servis xizmati koʻrsatishni tashkil etish uchun “Oʻzqishloqxoʻjaliktaʼminottuzatish” davlat-kooperativ qoʻmitasiga 130 mln. soʻm miqdorida aylanma mablagʻlar ajratsin.

4. Chorvachilikning sifatli omixta yemga boʻlgan ehtiyojlarini qondirish uchun “Oʻzdonmahsulot” davlat-aksiyadorlik korporatsiyasi:

1997-yilda 1-ilovaga muvofiq don mahsulotlari kombinatlarini omixta yem ishlab chiqarishga ixtisoslashtirsin;

omixta yem sanoatining ixtisoslashtirilgan korxonalari uchun zarur xomashyo, shuningdek, 3 ming tonna duragay makkajoʻxori urugʻi keltirilishini 2-ilovaga muvofiq taʼminlasin.

“Oʻzdonmahsulot” davlat-aksiyadorlik korporatsiyasi Oʻzbekiston Respublikasi Tashqi iqtisodiy faoliyat milliy banki, “Fallabank” va Moliya vazirligi bilan birgalikda omixta yem sanoati uchun komponentlar va duragay makkajoʻxori urugʻi keltirilishini mablagʻ bilan taʼminlash manbalari yuzasidan oʻn kun muddatda Vazirlar Mahkamasiga taklif kiritsin.

Qishloq va suv xoʻjaligi vazirligi tasdiqlangan limitlardan dehqon xoʻjaliklari ehtiyojlari uchun 1997-yilda 3-ilovaga muvofiq miqdorda paxta shroti ajratsin.

Shaxsiy yordamchi va dehqon xoʻjaliklari uyushmasi Qishloq va suv xoʻjaligi vazirligi hamda “Oʻzdonmahsulot” korporatsiyasi bilan birgalikda shaxsiy yordamchi va dehqon xoʻjaliklariga ularning buyurtmanomalari boʻyicha omixta yem va paxta shroti sotilishini taʼminlasin.

5. 1997-yilgi respublika budjetida qishloq va suv xoʻjaligi vazirligiga respublika tashqarisidan 4-ilovaga muvofiq veterinariya preparatlari sotib olish uchun 365 mln. soʻm mablagʻ nazarda tutilganligi, ularning asosiy qismi aholiga qarashli boʻlgan chorva mollarini emlash uchun foydalanilishi maʼlumot uchun qabul qilinsin. Belgilab qoʻyilsinki, respublikaga keltirilayotgan koʻrsatib oʻtilgan veterinariya preparatlari boj poshlinalaridan ozod qilinadi.

Shaxsiy yordamchi va dehqon xoʻjaliklari uyushmasi shaxsiy yordamchi va dehqon xoʻjaliklari ehtiyojlari uchun veterinariya preparatlari joylarga yetib borishi ustidan nazoratni taʼminlasin.

“Oʻzistiqbolstat” davlat qoʻmitasi, Oʻzbekiston Respublikasi qishloq va suv xoʻjaligi vazirligi, Moliya vazirligi, Markaziy banki, Oʻzbekiston Qishloq xoʻjaligi ilmiy-ishlab chiqarish markazi bilan birgalikda Oʻzbekiston biokombinatini rekonstruksiya qilish va respublika chorvachiligi ehtiyojlari uchun veterinariya preparatlari ishlab chiqarishni tashkil etish yuzasidan bir oy muddatda Vazirlar Mahkamasiga taklif kiritsinlar.

7. Oʻzbekiston Respublikasi Qishloq va suv xoʻjaligi vazirligi (Davkimyokomissiya) Sogʻliqni saqlash vazirligi bilan birgalikda oʻsimliklarni kasalliklar va zararkunandalardan himoya qilish maqsadida dehqon va shaxsiy yordamchi xoʻjaliklarga sotishga ruxsat etilgan kimyoviy preparatlar roʻyxatini bir oy muddatda belgilasin.

“Oʻzkimyosanoat” uyushmasi ikki oy muddatda oʻsimliklarni himoya qilishning ushbu vositalarini kichik hajmda qadoqlab ishlab chiqarish dasturini ishlab chiqsin.

8. “Oʻzdavneftmahsulot” birlashmasi fermer xoʻjaliklari ehtiyojlari uchun 1997-yilda 5-ilovaga muvofiq yonilgʻi-moylash materiallari ajratsin.

10. “Oʻzagrotrans” kompaniyasi, “Oʻzmevasabzavotuzumsanoat” uyushmasi tuman uyushmalari bilan birgalikda tegishli shartnomalar tuzgan holda shaxsiy yordamchi va dehqon xoʻjaliklariga transport xizmati koʻrsatish, yetishtirilgan mahsulotni sotish joylariga yetkazib berish masalalarini ishlab chiqsinlar.

11. Oʻzbekiston Respublikasi Mehnat vazirligi, Moliya vazirligi,. Ijtimoiy taʼminot vazirligi va Adliya vazirligi bir oy muddatda:

shaxsiy yordamchi xoʻjaliklarda ishlovchilarga mehnat daftarchalari berish, mehnat faoliyati stajini belgilash va ularni ijtimoiy himoya qilish tartibini;

shaxsiy yordamchi xoʻjalikda ishlayotgan shaxslar pensiya jamgʻarmasiga toʻlaydigan badallarning tabaqalashtirilgan shkalasini ishlab chiqsinlar.

12. “Oʻzistiqbolstat” davlat qoʻmitasi, Moliya vazirligi, Qishloq va suv xoʻjaligi vazirligi, “Oʻzmevasabzavotuzumsanoat” uyushmasi, Oʻzbekiston Qishloq xoʻjaligi ilmiy-ishlab chiqarish markazi, Shaxsiy yordamchi va dehqon xoʻjaliklari uyushmasi bilan birgalikda erning sifat parametrlaridan kelib chiqib, xoʻjaliklar balansida boʻlgan ijtimoiy-madaniy-maishiy obyektlar, yoʻllar, sugʻorish va kollektor-drenaj tarmoqlaridan, elektr uzatish liniyalaridan foydalanish va ularni qurish uchun dehqon xoʻjaliklari tomonidan mablagʻ ajratish normalari toʻgʻrisidagi takliflarni ikki oy muddatda ishlab chiqsinlar va Vazirlar Mahkamasiga kiritsinlar.

13. Shaxsiy yordamchi va dehqon xoʻjaliklari uyushmasi Oʻzbekiston Qishloq xoʻjaligi ilmiy-ishlab chiqarish markazi, Qishloq va suv xoʻjaligi vazirligi, Adliya vazirligi, Moliya vazirligi, tijorat banklari bilan birgalikda dehqon xoʻjaliklari rahbarlari bozor iqtisodiyoti prinsiplariga, qishloq xoʻjaligi ishlab chiqarishini mustaqil yuritishning huquqiy normalari va usullariga oʻqitishni tashkil etsin.

14. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari Q. Gʻ. Obidov va Oʻzbekiston Respublikasi Bosh vazirining oʻrinbosari M. 3. Usmonov zimmasiga yuklansin.

“Jizzax un zavodi” jamoa korxonasi

“Kattaqoʻrgʻon don mahsulotlari” aksiyadorlik jamiyati

“Chimboy don mahsulotlari” aksiyadorlik jamiyati

Fuzor “Don — xalq rizqi” aksiyadorlik jamiyati

“Fargʻona don mahsulotlari” aksiyadorlik uyushmasining bosh korxonasi