LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Korxonalarning yakka tartibda va jamoa tartibida himoya qilish vositalariga ehtiyojlarini eng to‘liq ta’minlash, ularni bevosita respublikaning o‘zida ishlab chiqarishni ancha kengaytirish maqsadida Vazirlar Mahkamasi qaror qiladi:
1. Mehnatni muhofaza qilish sohasida yakka tartibda va jamoa tartibida himoya qilish vositalarini yaratish hamda ishlab chiqarish tadbirlari 1 — 4-ilovalarga* muvofiq tasdiqlansin.
2. Belgilab qo‘yilsinki, ko‘rsatib o‘tilgan tadbirlarda nazarda tutilgan ishlarni mablag‘ bilan ta’minlash Ish bilan ta’minlashga ko‘maklashish jamg‘armasi mablag‘lari hisobiga amalga oshiriladi.
3. O‘zbekiston Respublikasi Mehnat vazirligi (Obidov) himoya qilish vositalarini sertifikatsiya sinovlaridan o‘tkazish uchun ishlanmalar, uslubiyotlar va apparatlar sohasidagi, shuningdek Ish bilan ta’minlashga ko‘maklashish jamg‘armasi hisobiga yangi himoya qilish vositalarini ishlab chiqaruvchi kichik va qo‘shma korxonalarni tashkil etish bo‘yicha Mehnatni muhofaza qilish respublika ilmiy-tadqiqot instituti va Toshkent to‘qimachilik va yengil sanoat instituti tomonidan o‘tkaziladigan ilmiy-tadqiqot, tajriba-tadqiqot, tajriba-konstruktorlik ishlarini muvofiqlashtirib borsin.
4. “O‘zkimyosanoat” uyushmasi uzunlik zichligi past bo‘lgan nitron tolasi ishlab chiqarishni yo‘lga qo‘ysin, shuningdek ilmiy-tadqiqot ishlarini o‘tkazish uchun zarur polimer materiallarga bo‘lgan ehtiyojni hamda himoya qilish vositalarini tadbirlarda nazarda tutilgan muddatlarda ishlab chiqarishni ta’minlasin.
5. “O‘zbekyengilsanoat” davlat uyushmasi ular bazasida belgilangan himoyalash xossalariga ega bo‘lgan maxsus gazlamalar ishlab chiqarish o‘zlashtiriladigan, shuningdek maxsus kiyimlar ishlab chiqarish tashkil etiladigan korxonalarni ikki hafta muddatda belgilasin.
tajriba-konstruktorlik ishlarini o‘tkazish uchun Mehnatni muhofaza qilish respublika ilmiy-tadqiqot instituti, Toshkent to‘qimachilik va yengil sanoat instituti, “O‘zbekyengilsanoat” davlat uyushmasi buyurtmasi bo‘yicha anjomlar ishlab chiqarishni hamda asbob-uskunalarni modernizatsiya qilishni ta’minlasin;
mehnatni muhofaza qilish sohasida yakka tartibda va jamoa tartibida himoya qilish vositalarini ishlab chiqarishni o‘zlashtirayotgan korxonalar bilan to‘g‘ridan to‘g‘ri shartnomalar bo‘yicha anjomlar va asbob-uskunalar tayyorlashni ta’minlasin.