Gidrometeorologik asbobsozlikni takomillashtirish, gidrometeorologiya xizmati ishlab chiqarish-texnik bazasini mustahkamlash maqsadida Vazirlar Mahkamasi qaror qiladi:

1. “Boshgidromet” boshqarmasi “Oʻzistiqbolstat” davlat qoʻmitasi va Oʻzbekiston Respublikasi Fan va texnika davlat qoʻmitasi bilan birgalikda ishlab chiqqan Oʻzbekiston Respublikasida gidrometeorologik kuzatishlar olib borish uchun zamonaviy priborlar va asbob-uskunalarni ishlab chiqish hamda ishlab chiqarish dasturi ilovaga* muvofiq tasdiqlansin.

2. “Oʻzistiqbolstat” davlat qoʻmitasi va Oʻzbekiston Respublikasi Moliya vazirligi Dasturni bajarish uchun 1996-yildan boshlab respublika budjetidan mablagʻ bilan taʼminlanadigan kapital qoʻyilmalar ajratishni nazarda tutsinlar.

Oʻzbekiston Respublikasi Moliya vazirligi priborlar va asbob-uskunalarni ishlab chiqish tadbirlarini “Boshgidromet” boshqarmasi Oʻzbekiston Respublikasi Fan va texnika davlat qoʻmitasi bilan kelishgan holda taqdim etadigan tegishli hisob-kitoblarga muvofiq hajmdagi operatsion xarajatlar smetasi boʻyicha mablagʻ bilan taʼminlashni nazarda tutsin.

3. Oʻzbekiston Respublikasi Fan va texnika davlat qoʻmitasi tanlov dasturlarida atrof-muhitning ahvolini nazorat qilish va aviatsiyani meteorologik maʼlumotlar bilan taʼminlash sohasida koʻp bilim talab qiladigan priborlar hamda texnologiyalar yaratishni nazarda tutsin.

4. Mazkur qarorning bajarilishini nazorat qilish Vazirlar Mahkamasining Dehqonchilik sanoati kompleksi boʻlimiga yuklansin.