Investitsiya faoliyatini, yer bilan bogʻliq garov munosabatlarini yanada rivojlantirish, bank xizmatlarini kengaytirish va respublikaning yer fondidan samarali foydalanish maqsadida Vazirlar Mahkamasi qaror qiladi:

1. Davlat mulki qoʻmitasi, Qishloq va suv xoʻjaligi vazirligi, Tashqi iqtisodiy faoliyat milliy banki, “Oʻzsanoatqurilishbank”, “Oʻzjamgʻarmabank”, “Paxtabank”, “Gʻallabank”, “Oʻztadbirkorbank”, “Oʻzsavdogarbank”, “Mevasabzavotbank”ning boshlangʻich ustav fondi million soʻm miqdorida boʻlgan ochiq turdagi aksionerlik jamiyati shaklidagi “Zamin” davlat-aksionerlik ipoteka bankini tashkil etish va taʼsischilarning ulushlarini foiz hisobida quyidagicha taqsimlash toʻgʻrisidagi taklifi qabul qilinsin:

“Zamin” bankining taʼsischilari bir oy muddatda taʼsis badallarini bankning ustav fondiga oʻtkazsinlar.

2. Quyidagilar “Zamin” bankining asosiy vazifalari etib belgilansin:

er uchastkalarini va boshqa koʻchmas mulkni garovga qoʻyish asosida moliya mablagʻlarini jamlash va investitsiyalash;

er egalariga kredit-hisob-kitob sohasida kompleks xizmat koʻrsatish;

ipoteka obligatsiyalarini chiqarish va tarqatish;

ipoteka krediti berish sohasidagi jahon ilgʻor tajribasini joriy etish.

“Zamin” banki Dehqon va fermer xoʻjaliklari uyushmasi faoliyatida uning aʼzosi sifatida qatnashadi

3. Belgilab qoʻyilsinki, quyidagilar “Zamin” bankiga garovga qoʻyilishi mumkin:

korxonalar mulki, binolar, inshootlar va boshqa imoratlar;

xususiy mulk boʻlgan savdo va xizmat koʻrsatish sohasi obyektlari, ular joylashgan yer uchastkalari bilan birga;

xorijiy yuridik va jismoniy shaxslarning mulki boʻlgan turar joy binolari, ular joylashgan yer uchastkalari bilan birga;

dehqon xoʻjaligini yuritish, yakka tartibda uy-joy qurish uchun xarid qilingan, shu jumladan, kimoshdi savdosida xarid qilingan, shuningdek, qonunda yer maydonini ijaraga olish shartnomasida nazarda tutilgan hollarda fermer xoʻjaligi yer maydonini ijaraga olish huquqi meros qilib qoldiriladigan yer uchastkasiga umrbod egalik qilish huquqi.

Bank oldidagi majburiyatlarning muddati oʻtkazib yuborilgan hollarda garovga qoʻyilgan koʻchmas mulk obyektlari, kimoshdi savdosida xarid qilingan meros qilib qoldiriladigan yer uchastkasiga umrbod egalik qilish huquqi qonunchilikda belgilangan tartibda kimoshdi savdosiga qoʻyiladi.

5. Oʻzbekiston Respublikasi Markaziy bankiga:

Davlat mulki qoʻmitasi va Moliya vazirligi bilan birgalikda bir oy muddatda ipoteka kreditlarini berish hamda ularni uzish tartibini belgilovchi zarur normativ hujjatlarni tasdiqlash;

Oʻzbekiston Respublikasi Tijorat banklari uyushmasi bilan birgalikda “Zamin” bankini tashkil etish va uning faoliyati bilan bogʻliq masalalarni hal qilishda amaliy yordam berish, “Paxtabank”, “Oʻzjamgʻarmabank” va “Oʻzsanoatqurilishbank” bilan birgalikda “Zamin” bankini malakali kadrlar bilan taʼminlashda koʻmaklashish tavsiya qilinsin.

6. Oʻzbekiston Respublikasi Davlat mulki qoʻmitasi, “Oʻzistiqbolstat” davlat qoʻmitasi, Moliya vazirligi, Qishloq va suv xoʻjaligi vazirligi, Adliya vazirligi boshqa manfaatdor organlar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda bir oy muddatda yer uchastkalari egalarining roʻyxatini yuritish tartibi toʻgʻrisida takliflar kiritsinlar.

7. “Zamin” bankining qishloq xoʻjaligiga kredit berish imkoniyatlarini kengaytirish maqsadida belgilab qoʻyilsinki:

meros qilib qoldiriladigan yer uchastkasiga umrbod egalik qilish huquqini kimoshdi savdosida sotishdan tushgan mablagʻning 74,5 foizi;

yil yakunlari boʻyicha bank faoliyatidan olingan davlat ulushiga toʻgʻri keladigan dividendlar bank roʻyxatga olingan paytdan boshlab besh yil mobaynida uning ustav fondini toʻldirishga sarflanadi.

8. Toshkent shahar hokimligi va “Oʻzsanoatqurilishbank” “Zamin” banki Boshqaruvi apparatini Toshkent shahar, P. Rjevskiy koʻchasi, 3-uyga joylashtirsinlar.

Qoraqalpogʻiston Respublikasi Vazirlar Kengashi, viloyatlar hokimliklari bir oy muddatda “Zamin” banki filiallari uchun tegishli xizmat xonalari ajratib bersinlar.

9. “Toshshaharyoʻlovchitrans” uyushmasi, “Oʻzavtotrans” korporatsiyasi, Oʻzbekiston Respublikasi Aloqa vazirligi “Zamin” banki buyurtmanomalariga koʻra transport va aloqa vositalari ajratib berilishini taʼminlasinlar.

10. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.S. Hamidov va Oʻzbekiston Respublikasi Markaziy banki raisi F. M. Mullajonov zimmasiga yuklansin.