“Oʻzbekiston Respublikasining Konstitutsiyasiga oʻzgartishlar va qoʻshimchalar kiritish toʻgʻrisida” Oʻzbekiston Respublikasining 2003-yil 24-apreldagi Qonuni, “Oʻzbekiston Respublikasi Oliy Majlisining Senati toʻgʻrisida” va “Oʻzbekiston Respublikasi Oliy Majlisining Qonunchilik palatasi toʻgʻrisida”gi Oʻzbekiston Respublikasining Konstitutsiyaviy qonunlari kuchga kiritilganligi munosabati bilan:

Oʻzbekiston Respublikasi Prezidentining baʼzi farmonlariga ilovaga muvofiq oʻzgartish va qoʻshimchalar kiritilsin.

1. Oʻzbekiston Respublikasi Prezidentining 1992-yil 20-noyabrdagi PF-500-sonli Farmoni bilan tasdiqlangan Oʻzbekiston Respublikasining fuqaroligi bilan bogʻliq masalalarni koʻrib chiqish tartibi toʻgʻrisidagi Nizom II boʻlimi “b” kichik boʻlimining 4-bandi quyidagi tahrirda bayon etilsin:

“4. Oʻzbekiston Respublikasining fuqaroligiga qabul qilish toʻgʻrisida chet el fuqarosi yoki fuqaroligi boʻlmagan shaxsning arizasini konsullik muassasasi barcha materiallar va oʻz xulosasi bilan birgalikda Oʻzbekiston Respublikasining Tashqi ishlar vazirligiga yuboradi. Tashqi ishlar vazirligi Oʻzbekiston Respublikasi Prezidenti huzuridagi Fuqarolik masalalari komissiyasi uchun xulosa tayyorlaydi. Komissiya Milliy xavfsizlik xizmatidan ham materiallar oladi”.

2. Oʻzbekiston Respublikasi Prezidentining 2001-yil 24-sentabrdagi PF–2943-sonli Farmoni bilan tasdiqlangan Oʻzbekiston Respublikasi Prezidenti huzuridagi sudyalarni tanlash va lavozimlarga tavsiya etish boʻyicha Oliy malaka komissiyasi toʻgʻrisidagi nizomning 19-bandidagi “Oliy Majlisining deputatlaridan” degan soʻzlar “Oliy Majlisi Qonunchilik palatasining deputatlari va Senati aʼzolaridan” deb oʻzgartirilsin.

3. Oʻzbekiston Respublikasi Prezidentining “Oʻzbekiston Respublikasi Hisob palatasini tashkil etish toʻgʻrisida” 2002-yil 21-iyundagi PF-3093-sonli Farmoni 1-bandining uchinchi xatboshidagi “Oliy Majlisiga” soʻzlari “Oliy Majlisi palatalariga” deb oʻzgartirilsin.

4. Oʻzbekiston Respublikasi Prezidentining 2002-yil 4-noyabrdagi PF-3157-sonli Farmoni bilan tasdiqlangan Oʻzbekiston Respublikasi Hisob palatasi toʻgʻrisidagi nizomda:

a) 2-banddagi “Oliy Majlisiga” soʻzlari “Oliy Majlisining palatalariga” deb oʻzgartirilsin;

b) 3-band quyidagi tahrirda bayon etilsin:

“3. Oʻz faoliyatida Hisob palatasi Oʻzbekiston Respublikasi Konstitutsiyasiga, Oʻzbekiston Respublikasi Qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, shuningdek mazkur Nizomga amal qiladi”;

v) 14-banddagi beshinchi xatboshi quyidagi tahrirda bayon etilsin:

“Hisob palatasining faoliyatiga taalluqli masalalar koʻrib chiqilishi chogʻida Oʻzbekiston Respublikasi Oliy Majlisi Qonunchilik palatasi va uning qoʻmitalari majlislarida, Oʻzbekiston Respublikasi Oliy Majlisi Senati va uning qoʻmitalari majlislarida, shuningdek Oʻzbekiston Respublikasi Vazirlar Mahkamasining majlislarida qatnashadi”;

oltinchi xatboshidagi “Oliy Majlisiga” soʻzlari “Oliy Majlisi palatalariga” deb oʻzgartirilsin;

g) 15-bandning toʻrtinchi xatboshidagi “Oliy Majlis qoʻmitalarining” soʻzlari “Oliy Majlis palatalari qoʻmitalarining” deb oʻzgartirilsin;

d) 25-banddagi “Oliy Majlisiga” soʻzlari “Oliy Majlisi palatalariga” deb oʻzgartirilsin.