Budjet va iqtisodiy islohotlar qoʻmitasining Oʻzbekiston Respublikasi Oliy Majlisi Qonunchilik palatasi tomonidan 2020-yil 14-oktabrda birinchi oʻqishda qabul qilingan “Oʻzbekiston Respublikasining Soliq kodeksiga qoʻshimcha kiritish toʻgʻrisida”gi QL-701-sonli Oʻzbekiston Respublikasi qonuni loyihasini rad etish haqidagi taklifini koʻrib chiqib hamda Oʻzbekiston Respublikasi Oliy Majlisi Qonunchilik palatasi Reglamentining 135¹ va 135²-moddalariga muvofiq Oʻzbekiston Respublikasi Oliy Majlisining Qonunchilik palatasi qaror qiladi:

1. Oʻzbekiston Respublikasi Oliy Majlisi Qonunchilik palatasi deputatlari K. Ernazarov, M. Qurbonboyev va A. Umirov tomonidan 2020-yil 12-oktabrda kiritilgan “Oʻzbekiston Respublikasining Soliq kodeksiga qoʻshimcha kiritish toʻgʻrisida”gi QL-701-sonli Oʻzbekiston Respublikasi qonuni loyihasi rad etilsin.

2. Ushbu Qaror hamda Budjet va iqtisodiy islohotlar qoʻmitasining xulosasi qonunchilik tashabbusi huquqi subyektiga yuborilsin.

3. Ushbu Qaror qabul qilingan kundan eʼtiboran kuchga kiradi.