Oʻzbekiston Respublikasi Oliy Majlisining Senati qaror qiladi:

Oʻzbekiston Respublikasi Oliy Majlisi Senati beshinchi yalpi majlisining quyidagi kun tartibi tasdiqlansin:

1. Oʻzbekiston Respublikasi Oliy Majlisi Senatining Raisi haqida.

2. Oʻzbekiston Respublikasi Oliy Majlisi Senatining oʻtgan davrdagi faoliyati toʻgʻrisidagi hisobot hamda Senat Kengashi, qoʻmitalari va komissiyalari ishi taʼsirchanligini kuchaytirish chora-tadbirlari haqida.

3. “Avtomatlashtirilgan bank tizimida axborotni muhofaza qilish toʻgʻrisida”gi Oʻzbekiston Respublikasi Qonuni haqida.

4. “Mahsulotlar va xizmatlarni sertifikatlashtirish tartib-taomillari soddalashtirilganligi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi Oʻzbekiston Respublikasi Qonuni haqida.

5. “Isteʼmol krediti toʻgʻrisida”gi Oʻzbekiston Respublikasi Qonuni haqida.

6. “Xususiy uy-joy mulkdorlarining shirkatlari toʻgʻrisida”gi Oʻzbekiston Respublikasi Qonuni haqida.

7. Mudofaa va xavfsizlik masalalari qoʻmitasining raisi toʻgʻrisida.

8. “Kredit uyushmalari toʻgʻrisida”gi Oʻzbekiston Respublikasi Qonuniga oʻzgartish va qoʻshimchalar kiritish haqida”gi Oʻzbekiston Respublikasi Qonuni toʻgʻrisida.

9. “Tadbirkorlik subyektlarini tekshirishlar soni qisqartirilganligi hamda tekshirishlar tizimi takomillashtirilganligi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi Oʻzbekiston Respublikasi Qonuni haqida.

10. “Tadbirkorlik faoliyatini amalga oshirish uchun ruxsat berish tartib-taomillari turlari qisqartirilganligi hamda soddalashtirilganligi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi Oʻzbekiston Respublikasi Qonuni haqida.

11. “Davlat tasarrufidan chiqarish va xususiylashtirish toʻgʻrisida”gi Oʻzbekiston Respublikasi Qonunining 4-moddasiga oʻzgartishlar kiritish, shuningdek Oʻzbekiston Respublikasining davlat tasarrufidan chiqarish va xususiylashtirish masalalariga oid ayrim qonun hujjatlarini oʻz kuchini yoʻqotgan deb topish haqida”gi Oʻzbekiston Respublikasi Qonuni toʻgʻrisida.

12. “Umumiy harbiy majburiyat va harbiy xizmat toʻgʻrisida”gi Oʻzbekiston Respublikasi Qonuniga oʻzgartishlar kiritish haqida”gi Oʻzbekiston Respublikasi Qonuni toʻgʻrisida.

13. “Oʻzbekiston Respublikasi bilan Rossiya Federatsiyasi oʻrtasida ittifoqchilik munosabatlari toʻgʻrisidagi Shartnomani (Moskva, 2005-yil 14-noyabr) ratifikatsiya qilish haqida”gi Oʻzbekiston Respublikasi Qonuni toʻgʻrisida.

14. “Oʻzbekiston Respublikasining 1968-yil 8-oktabrda Lokarnoda imzolangan Sanoat namunalarining xalqaro tasnifini taʼsis etish toʻgʻrisidagi Lokarno bitimiga qoʻshilishi haqida”gi Oʻzbekiston Respublikasi Qonuni toʻgʻrisida.

15. “Oʻzbekiston Respublikasining 2000-yil 1-iyunda Jenevada Diplomatik konferensiya tomonidan qabul qilingan Patent huquqi toʻgʻrisidagi Shartnomaga qoʻshilishi haqida”gi Oʻzbekiston Respublikasi Qonuni toʻgʻrisida.

16. “Oʻzbekiston Respublikasining Yevrosiyo iqtisodiy hamjamiyatini taʼsis etish toʻgʻrisida 2000-yil 10-oktabrdagi Shartnomaga qoʻshilishi toʻgʻrisidagi Bayonnomani (Sankt-Peterburg, 2006-yil 25-yanvar) ratifikatsiya qilish haqida”gi Oʻzbekiston Respublikasi Qonun toʻgʻrisida.

17. “Yevrosiyo iqtisodiy hamjamiyatini taʼsis etish toʻgʻrisida 2000-yil 10-oktabrdagi Shartnomaga oʻzgartishlar va qoʻshimchalar kiritish toʻgʻrisidagi Bayonnomani (Sankt-Peterburg, 2006-yil 25-yanvar) ratifikatsiya qilish haqida”gi Oʻzbekiston Respublikasi Qonuni toʻgʻrisida.

18. “GOʻUOM ishtirokchi davlatlarning konsullik masalalari boʻyicha oʻzaro yordam koʻrsatish toʻgʻrisidagi Konvensiyani (Yalta, 2001-yil 7-iyun) denonsatsiya qilish haqida”gi Oʻzbekiston Respublikasi Qonuni toʻgʻrisida.

19. Oʻzbekiston Respublikasi Oliy Majlisi Inson huquqlari boʻyicha vakilining (ombudsmanning) 2005-yilgi faoliyati toʻgʻrisida.

20. Oʻzbekiston Respublikasi Prezidentining “R.A. Muhitdinovni Oʻzbekiston Respublikasi Bosh prokurorining oʻrinbosari etib tayinlash toʻgʻrisida”gi Farmonini tasdiqlash haqida.

21. Oʻzbekiston Respublikasi Oliy sudi tarkibiga oʻzgartish kiritish toʻgʻrisida.

22. Oʻzbekiston Respublikasining Ukrainadagi Favqulodda va Muxtor Elchisi vazifasiga tayinlash toʻgʻrisida.

23. Oʻzbekiston Respublikasining Isroil Davlatidagi Favqulodda va Muxtor Elchisini vazifasidan ozod qilish toʻgʻrisida.

24. Oʻzbekiston Respublikasining Pokiston Islom Respublikasidagi Favqulodda va Muxtor Elchisi vazifasiga tayinlash toʻgʻrisida.