Oʻzbekiston Respublikasi Oliy Majlisining Qonunchilik palatasi qaror qiladi:

Oʻzbekiston Respublikasi Oliy Majlisi Qonunchilik palatasi majlisining quyidagi kun tartibi tasdiqlansin:

1. “Oʻzbekiston Respublikasining ayrim qonun hujjatlariga qoʻshimcha va oʻzgartirishlar kiritish toʻgʻrisida”gi QL-593-sonli Oʻzbekiston Respublikasining qonuni loyihasi haqida (ikkinchi oʻqish).

2. “Oʻzbekiston Respublikasining Soliq kodeksiga oʻzgartish va qoʻshimchalar kiritish toʻgʻrisida”gi QL-599-sonli Oʻzbekiston Respublikasi qonuni loyihasi haqida (birinchi oʻqish).

3. “Oʻzbekiston Respublikasining Soliq kodeksi qabul qilinishi munosabati bilan Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish, shuningdek ayrim qonun hujjatlarini oʻz kuchini yoʻqotgan deb topish toʻgʻrisida”gi QL-600-sonli Oʻzbekiston Respublikasi qonuni loyihasi haqida (birinchi oʻqish).

4. “Davlat boji toʻgʻrisida”gi QL-601-sonli Oʻzbekiston Respublikasi qonuni loyihasi haqida (birinchi oʻqish).

5. “Maxsus iqtisodiy zonalar toʻgʻrisida”gi QL-602-sonli Oʻzbekiston Respublikasi qonuni loyihasi haqida (birinchi oʻqish).

6. Oʻzbekiston Respublikasining 2019-yilgi Davlat budjeti xarajatlariga oʻzgartishlar kiritish toʻgʻrisida.

7. Inson huquqlari boʻyicha Oʻzbekiston Respublikasi Milliy markazi direktori A. Saidovga “Inson huquqlari boʻyicha Osiyo forumi (Samarqand shahri, 2018-yil 22-23-noyabr) yakunlariga doir takliflar va tavsiyalarni amalga oshirish yuzasidan “Yoʻl xaritasi” toʻgʻrisida”gi Oʻzbekiston Respublikasi Oliy Majlisi Qonunchilik palatasi Kengashi va Oʻzbekiston Respublikasi Oliy Majlisi Senati Kengashining 2019-yil 2-fevraldagi 2308-III/KQ-501-III-sonli Qoʻshma Qarorining ijro etilishi haqida” parlament soʻrovi yuborish toʻgʻrisida.

8. Oʻzbekiston Respublikasi madaniyat vaziri B. Sayfullayevning “Respublikamizdagi mavjud moddiy madaniy meʼros obyektlarini tiklash, saqlash hamda muhofaza qilish maqsadlari uchun Oʻzbekiston Respublikasi Davlat budjetidan va davlat maqsadli jamgʻarmalari budjetlaridan ajratilayotgan mablagʻlardan samarali foydalanish borasida olib borilayotgan ishlar toʻgʻrisida”gi masala yuzasidan Oʻzbekiston Respublikasi Oliy Majlisi Qonunchilik palatasining parlament soʻroviga javobi haqida.

9. Oʻzbekiston Respublikasi axborot texnologiyalari va kommunikatsiyalarini rivojlantirish vaziri Sh. Sadikovning “Erkin iqtisodiy zonalarda zamonaviy axborot-kommunikatsiya texnologiyalarini ishlab chiqarish borasida amalga oshirilayotgan ishlar va bu sohadagi mavjud muammolarni bartaraf etish boʻyicha koʻrilayotgan choralar toʻgʻrisida”gi Oʻzbekiston Respublikasi Oliy Majlisi Qonunchilik palatasining parlament soʻroviga javobi haqida.

10. Oʻzbekiston Respublikasi Oliy Majlisi Qonunchilik palatasi Kengashining qarorini tasdiqlash toʻgʻrisida.