Oʻzbekiston Respublikasi Oliy Majlisining Qonunchilik palatasi qaror qiladi:

Oʻzbekiston Respublikasi Oliy Majlisi Qonunchilik palatasi majlisining quyidagi kun tartibi tasdiqlansin:

1. “Mulkdorlar huquqlari va qonuniy manfaatlarining kafolatlari yanada kuchaytirilishi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi QL-668-sonli Oʻzbekiston Respublikasi qonuni loyihasi haqida (birinchi oʻqish).

2. “Fazoviy maʼlumotlar milliy infratuzilmasi toʻgʻrisida”gi QL-672-sonli Oʻzbekiston Respublikasi qonuni loyihasi haqida (birinchi oʻqish).

3. “Xalq deputatlari Kengashlari faoliyati takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartishlar kiritish toʻgʻrisida”gi QL-673-sonli Oʻzbekiston Respublikasi qonuni loyihasi haqida (birinchi oʻqish).

4. Oʻzbekiston Respublikasi Bosh vazirining birinchi oʻrinbosari A.J. Ramatovga “Oʻzbekiston Respublikasi hududida suv obyektlarining suvni muhofaza qilish zonalarini belgilash boʻyicha amalga oshirilayotgan ishlar holati toʻgʻrisida” Oʻzbekiston Respublikasi Oliy Majlisi Qonunchilik palatasining parlament soʻrovini yuborish haqida.

5. “Oʻzstandart” agentligi bosh direktori D.N. Sattarovga “Import mahsulotlarini bojxona tekshiruvidan oʻtkazish tizimini yanada qulaylashtirish maqsadida hududlarda agentlikning maxsus laboratoriyalarini tashkil etish borasida olib borilayotgan ishlar toʻgʻrisida” Oʻzbekiston Respublikasi Oliy Majlisi Qonunchilik palatasining parlament soʻrovini yuborish haqida.

6. Oʻzbekiston Respublikasi Bosh vazirining oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorovning “Kambagʻallik darajasini aniqlash mezonlarini, ijtimoiy taʼminotning minimal standartlari va meʼyoriy asoslarini ishlab chiqish borasida amalga oshirilayotgan ishlarning holati toʻgʻrisida”gi Oʻzbekiston Respublikasi Oliy Majlisi Qonunchilik palatasining parlament soʻroviga javobi haqida.

7. Oʻzbekiston Respublikasi Oliy Majlisi Qonunchilik palatasining ayrim qoʻmitalari tarkibiga oʻzgarishlar kiritish toʻgʻrisida.