Chet mamlakatlarda Oʻzbekistondagi ijtimoiy-iqtisodiy va siyosiy islohotlarning borishi toʻgʻrisida haqqoniy axborotlar tarqatish, milliy axborot agentliklari va xalqaro axborot markazlari bilan aloqalarni rivojlantirish, respublikaning jahon axborot makoniga qoʻshilishini jadallashtirish maqsadida Vazirlar Mahkamasi qaror qiladi:

1. Oʻzbekiston Respublikasi Tashqi ishlar vazirligi huzurida yuridik shaxs huquqlariga ega boʻlgan Axborot agentligi tashkil etilsin.

Agentlik toʻgʻrisidagi Nizom va uning tuzilmasi 1 va 2-ilovalarga muvofiq tasdiqlansin.

2. Axborot agentligi xodimlari soni 67 kishidan, shu jumladan, Oʻzbekiston Respublikasining chet mamlakatlardagi vakolatxonalaridagi – 10 kishidan iborat qilib belgilansin.

3. Quyidagilar Axborot agentligining asosiy vazifalari etib belgilansin:

chet mamlakatlarni Oʻzbekistonning siyosiy, ijtimoiy-iqtisodiy va madaniy hayoti toʻgʻrisida oʻz vaqtida hamda malakali xabardor qilish uchun milliy axborot agentliklari va xalqaro axborot markazlari bilan doimiy aloqani taʼminlash;

keng xalqaro hamkorlik uchun respublikaning mavjud imkoniyatlarini aks ettiruvchi axborot byulletenlari, maʼlumotnomalar, kataloglar, bukletlar, gazetalar va jurnallarni, boshqa bosma, kompyuter, foto hamda audiovizual mahsulotlarni nashr etish va chet mamlakatlarda tarqatish;

chet mamlakatlardagi iqtisodiy faoliyatning siyosiy-huquqiy va boshqa shart-sharoitlari, jahon bozori konyunkturasi, xalqaro tashkilotlar, Oʻzbekiston bilan hamkorlik qilishdan manfaatdor boʻlgan yetakchi xorijiy kompaniyalar va firmalarning faoliyati toʻgʻrisida axborotlar toʻplash va respublikada ommalashtirish.

4. Belgilab qoʻyilsinki, Axborot agentligi faoliyatini mablagʻ bilan taʼminlash budjet mablagʻlari, oʻz xoʻjalik faoliyati, shuningdek, yuridik shaxslarning ixtiyoriy badallari hisobiga, keyinchalik agentlikning moliyaviy-xoʻjalik faoliyatini xoʻjalik hisobi prinsiplariga oʻtkazgan holda, amalga oshiriladi.

5. Moliya vazirligi Tashqi ishlar vazirligi buyurtmanomasiga binoan, Axborot agentligi faoliyatini tashkil etish uchun belgilangan tartibda Vazirlar Mahkamasining zaxira jamgʻarmasidan soʻmlarda zarur mablagʻlar ajratsin.

6. Axborot agentligi, boʻshagan mablagʻlarni agentlikning moddiy-texnika bazasini rivojlantirishga yoʻnaltirish sharti bilan roʻyxatdan oʻtkazilgan kundan boshlab besh yil muddatga daromad (foyda) soligʻi, bojxona poshlinalari va yigʻimlari toʻlashdan ozod qilinsin.

7. Axborot agentligi Tashqi ishlar vazirligining Toshkent shahar, Oʻzbekiston koʻchasi, 9-uydagi binosiga joylashtirilsin.

8. “Toshshaharyoʻlovchitrans” uyushmasi Axborot agentligi direksiyasini shartnoma asosida xizmat transporti bilan taʼminlasin.

9. Oʻzbekiston Respublikasi Aloqa vazirligi:

Axborot agentligini, uning boʻlimlarini va muxbirlik punktlarini zarur aloqa kanallari va vositalari bilan taʼminlasin;

Axborot agentligining va unga qarashli tashkilotlar xat-xabarlarining uzatilishini hukumat telegrammalari toifasi boʻyicha, telefondagi soʻzlashuvlarini ikkinchi shoshilinchlik toifasi boʻyicha taʼminlasin.

10. Tashqi iqtisodiy aloqalar vazirligi, Fan va texnika davlat qoʻmitasi, Davlat matbuot qoʻmitasi, Oʻzbekiston milliy axborot agentligi, Davlat matbuot qoʻmitasi, Oʻzbekiston milliy axborot agentligi, “Oʻzdavteleradio” kompaniyasi Oʻzbekiston Respublikasi Tashqi ishlar vazirligi huzuridagi Axborot agentligiga xalqaro aloqalarni amalga oshirishda, chet mamlakatlardagi xuddi shunday axborot va boshqa turdosh tashkilotlar bilan aloqalar oʻrnatishda, xalqaro axborot markazlari bilan bitimlar tuzishda koʻmaklashsinlar.

11. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari Oʻ.T.Sultonov, B.S.Hamidov, S.S.Saidqosimov zimmasiga yuklansin.

1. Oʻzbekiston Respublikasi Tashqi ishlar vazirligi huzuridagi Axborot agentligi, bundan keyin “Agentlik” deb ataladi, chet mamlakatlarni Oʻzbekistondagi ijtimoiy-iqtisodiy va siyosiy islohotlarning borishi toʻgʻrisida xabardor qilishni yaxshilash, milliy axborot agentliklari va xalqaro axborot markazlari bilan aloqalarni oʻrnatish hamda kengaytirish, respublikaning axborot almashlash tizimiga qoʻshilishini jadallashtirish maqsadida tashkil etilgan.

2. Agentlik Oʻzbekiston Respublikasi Tashqi ishlar vazirligiga qarashli tashkilot hisoblanadi.

3. Agentlik yuridik shaxs hisoblanadi, oʻz nomi oʻzbek va ingliz tillarida yozilgan muhrga ega boʻladi. Agentlik amaldagi qonunchilikka muvofiq ijodiy va xoʻjalik mustaqilligiga, oʻz mol-mulkiga, mustaqil balansga, banklarda, shu jumladan, chet mamlakatlar banklarida schyotlarga ega boʻladi, oʻz nomidan mulkiy va nomulkiy huquqlarga ega boʻladi, tegishli majburiyatlar boʻyicha javob beradi.

4. Agentlik oʻz faoliyatini axborotlarning haqqoniyligi va ochiqligi prinsiplariga muvofiq amalga oshiradi, Oʻzbekiston Respublikasi Konstitutsiyasiga, qonunlariga va Oliy Majlisining boshqa qarorlariga, Prezident farmonlariga, Vazirlar Mahkamasining qarorlari va farmoyishlariga, Oʻzbekiston Respublikasi Tashqi ishlar vazirligining buyruqlariga, Oʻzbekiston Respublikasi qatnashchisi boʻlgan ommaviy axborot vositalari sohasidagi xalqaro shartnomalarga, shuningdek, ushbu Nizomga amal qiladi.

5. Agentlikka Oʻzbekiston Respublikasi Tashqi ishlar vaziri tomonidan lavozimga tayinlanadigan va lavozimdan ozod etiladigan direktor boshchilik qiladi.

6. Agentlikning axborot, boshqa mahsulot va xizmatlardan foydalanuvchilar bilan, moliya-xoʻjalik faoliyati boʻyicha boshqa sheriklar bilan oʻzaro munosabatlari shartnomaviy asoslarda amalga oshiriladi.

7. Agentlikning milliy va chet el valyutasidagi daromadlarini shakllantirish amaldagi qonunchilikka muvofiq turli manbalar, shu jumladan, xorijiy yuridik shaxslarning ixtiyoriy badallari hisobiga amalga oshiriladi.

8. Agentlikning tijorat faoliyat natijalarida va badallar hisobiga tashkil topadigan valyuta mablagʻlari ustavdagi maqsad vazifalarni amalga oshirishga, moddiy-texnika va ijtimoiy rivojlanishga, shu jumladan, ishga jalb etiladigan xorijiy fuqarolar koʻrsatadigan xizmatlarga haq toʻlashga sarflanadi.

9. Quyidagilar Agentlikning asosiy vazifalari hisoblanadi:

chet mamlakatlarni Oʻzbekistonning siyosiy, ijtimoiy-iqtisodiy va madaniy hayoti toʻgʻrisida oʻz vaqtida hamda malakali xabardor qilish uchun milliy axborot agentliklari va xalqaro axborot markazlari bilan doimiy aloqani taʼminlash;

keng xalqaro hamkorlik uchun respublikaning mavjud imkoniyatlarini aks ettiruvchi axborot byulletenlari, maʼlumotnomalar, kataloglar, bukletlar, gazetalar va jurnallarni, boshqa bosma, kompyuter, foto hamda audioviziual mahsulotlarni nashr etish va chet mamlakatlarda tarqatish;

chet mamlakatlardagi iqtisodiy faoliyatning siyosiy-huquqiy va boshqa shart-sharoitlari, jahon bozori konyunkturasi, xalqaro tashkilotlar, Oʻzbekiston bilan hamkorlik qilishdan manfaatdor boʻlgan yetakchi xorijiy kompaniyalar va firmalarning faoliyati toʻgʻrisidagi axborotlarni toʻplash va respublikada ommalashtirish.

10. Agentlik koʻrsatilgan vazifalarni taʼminlash uchun Oʻzbekiston Respublikasi qonunchiligiga muvofiq:

Oʻzbekiston va chet mamlakatlarda axborot mahsulotlarining barcha turlari va toifalarini toʻplash, ishlash, tahlil qilish, chiqarish va tarqatishni amalga oshiradi;

boshqa axborot agentliklari, shu jumladan, chet el xalqaro axborot markazlari bilan, almashish yoki tijorat shartlarida axborotning barcha turlarini berish (sotib olish) toʻgʻrisida bitimlar tuzadi;

Oʻzbekiston Respublikasi qonunchiligiga muvofiq, Agentlikning ushbu Nizom bilan belgilangan maqsad va vazifalariga zid boʻlmagan turli shakllardagi tashqi iqtisodiy faoliyatni amalga oshiradi;

Agentlik oldida turgan vazifalarni bajarish uchun belgilangan tartibda Oʻzbekiston Respublikasi va chet mamlakatlarda, shu jumladan, xorijiy sheriklar bilan tarkibiy tuzilmalar tashkil qiladi;

axborotlarni tarqatish maqsadida Oʻzbekiston Respublikasi qonunchiligiga muvofiq tasvir, ovoz va maʼlumotlarni uzatishning chastotalari va boshqa kanallaridan foydalanadi;

Oʻzbekiston Respublikasi vazirliklari, idoralari, hokimliklari, yuridik shaxslari va xorijiy muassasalardan oʻz vazifalari va faoliyatini amalga oshirish uchun Agentlikka zarur boʻlgan axborotlarni belgilangan tartibda soʻrab oladi;

respublikada va chet mamlakatlarda oʻzining axborotnomalarini, boshqa matbuot, kompyuter, foto va audiovizual va boshqa mahsulotlarni nashr etadi va tarqatadi, ushbu faoliyatni yuritish uchun xorijiy fuqarolarni yollaydi yoki bu vazifalarni bitimlar asosida xorijiy fuqarolarni yollaydi yoki bu vazifalarni bitimlar asosida xorijiy agentliklarga, firmalarga va boshqa tashkilotlarga topshiradi;

axborotlarni shartnoma asosida xorijiy va Oʻzbekiston gazetalariga, jurnallariga, radio, televideniyesiga, axborot agentliklariga va boshqa ommaviy axborot vositalariga, hukumat hamda nohukumat muassasalariga, jamoat tashkilotlariga va xususiy shaxslarga beradi;

oʻzlari tomonidan tayyorlanadigan va tarqatiladigan axborotlarni, Oʻzbekiston Respublikasi qonunchiligi bilan taqiqlanmagan boshqa mahsulotlar va xizmatlarni shartnoma asosida belgilanadigan narxlar va tariflar boʻyicha sotadi;

Oʻzbekiston bilan chet mamlakatlar ommaviy axborot vositalari oʻrtasidagi axborot almashinuvida vositachilik va vakillik vazifasini amalga oshiradi;

Oʻzbekiston Respublikasi qonunchiligiga muvofiq Oʻzbekiston Respublikasida va chet mamlakatlarda axborot, madaniyat, xayriya, insonparvarlik va boshqa xil jamgʻarmalarni, shuningdek, uyushmalar, jamiyatlar, tashkilotlar, korxonalar va boshqa xil xoʻjalik yurituvchi subyektlarni taʼsis etishda va ularning ishida qatnashadi;

Oʻzbekistonning tashqi iqtisodiy aloqalarini kengaytirishga koʻmaklashadi;

kreditlar oladi, oʻz nomidan shartnomalar va kontraktlar tuzadi, mulkiy huquqlarga ega boʻladi, sudda, xoʻjalik va xolislik sudida daʼvogar va javob beruvchi boʻladi;

chet mamlakatlardagi axborot agentliklari ish tajribasini, axborot toʻplash, tahlil qilish va tarqatish sohasida yuridik va jismoniy shaxslarga xizmat koʻrsatishning boshqa turlarini oʻrganadi;

bir xil shaklga keltirilgan dasturlar va texnik vositalardan foydalangan holda mahalliy, mintaqaviy va xorijiy axborot-analitik markazlar, muammoli axborotlar bazalarini va maʼlumotlar banki tarmogʻini, shuningdek, axborot berishning rivojlangan tarmoqlarini tashkil etadi.

11. Agentlik mazkur Nizom bilan belgilangan vazifalarni hal etish uchun Oʻzbekiston Respublikasi qonunchiligi bilan taqiqlanmagan faoliyatning boshqa turlarini amalga oshirish huquqiga egadir.

12. Agentlik direktori amaldagi qonunchilikka, mazkur Nizomga va Oʻzbekiston Respublikasi Tashqi ishlar vazirligining normativ hujjatlariga muvofiq:

Agentlikka rahbarlik qiladi va uning joriy faoliyatiga javob beradi, yuridik va jismoniy shaxslar bilan shartnomalar tuzadi;

Agentlikning barcha xizmatlari va boʻlinmalari tomonidan ijro etilishi majburiy boʻlgan buyruqlar, farmoyishlar, yoʻriqnomalar chiqaradi;

Oʻzbekiston Respublikasi Tashqi ishlar vaziriga:

amaldagi qonunchilikka muvofiq Agentlikning tarkibiy birliklari, boʻlimlari, muxbirlik punktlari va oʻziga qarashli boshqa korxonalarni va tashkilotlarni tashkil etish, qayta tashkil etish va tugatish;

tuzilmani va shtatlarni takomillashtirish, Agentlik, uning boʻlimlari, muxbirlik punktlari va oʻziga qarashli korxonalar va tashkilotlar xodimlari sonini hamda ish haqini belgilash;

Oʻzbekiston Respublikasi amaldagi qonunchiligi bilan nazarda tutilgan tartibda va ishga kiruvchilar bilan kontraktlar imzolash asosida xodimlarni, shu jumladan, xorijiy mutaxassislarni ishga qabul qilish yuzasidan takliflar kiritadi.

13. Agentlikning mol-mulki va mablagʻlari:

Agentlikning toʻliq xoʻjalik ixtiyorida boʻlgan asosiy fondlar va oborot mablagʻlardan, shuningdek, oʻziga qarashli tarkibiy boʻlinmalarga foydalanish uchun berilgan asosiy fondlar va oborot mablagʻlardan;

axborot va boshqa xizmatlar koʻrsatishdan, Agentlik mahsulotlarini Oʻzbekiston va xorijiy ommaviy axborot vositalariga, korxonalar, tashkilotlar va xususiy shaxslarga sotishdan olingan daromadlardan;

aksiyalar va qimmatli qogʻozlarga dividendlardan, oʻziga qarashli va qoʻshma korxonalarning ustav sarmoyasidagi ulushlardan;

depozit va boshqa xil moliyaviy omonatlar va operatsiyalar boʻyicha foizlardan;

yuridik shaxslarning, shu jumladan, xorijiy yuridik shaxslarning tekin badallaridan;

Oʻzbekiston Respublikasi qonunchiligi bilan taqiqlanmagan boshqa daromadlardan tashkil topadi.

14. Agentlik majburiyatlari boʻyicha oʻziga tegishli barcha mol-mulk bilan javob beradi.

Davlat Agentlikning majburiyatlari boʻyicha javob bermaydi, Agentlik esa davlat majburiyatlari boʻyicha javob bermaydi.