“Oʻzbekiston Respublikasi Oliy Majlisining Qonunchilik palatasi toʻgʻrisida”gi Oʻzbekiston Respublikasi Konstitutsiyaviy Qonunining 12-moddasiga va “Parlament nazorati toʻgʻrisida”gi Oʻzbekiston Respublikasi Qonunining 14-moddasiga muvofiq Oʻzbekiston Respublikasi Oliy Majlisining Qonunchilik palatasi qaror qiladi:

1. Oʻzbekiston Respublikasi Oliy Majlisi Qonunchilik palatasi Xalqaro ishlar va parlamentlararo aloqalar qoʻmitasining Oʻzbekiston Respublikasi madaniyat vaziri O.A. Nazarbekovga “Oʻzbekiston Respublikasi hududidagi madaniy meros obyektlarini YUNESKOning Umumjahon madaniy merosi roʻyhatiga hamda Insoniyat nomoddiy madaniy merosining reprezentativ roʻyhatiga kiritish boʻyicha takliflar tayyorlash, bu borada xalqaro tashkilotlar bilan hamkorlikni kengaytirish boʻyicha amalga oshirilayotgan ishlar toʻgʻrisida” Oʻzbekiston Respublikasi Oliy Majlisi Qonunchilik palatasining parlament soʻrovini yuborish haqidagi taklifi qabul qilinsin.

2. Ushbu Qaror va parlament soʻrovi Oʻzbekiston Respublikasi madaniyat vaziri O.A. Nazarbekovga yuborilsin.

3. Ushbu Qaror qabul qilingan kundan eʼtiboran kuchga kiradi.