Oʻzbekiston Respublikasi Oliy Majlisi Qonunchilik palatasining Kengashi qaror qiladi:

1. Oʻzbekiston Respublikasi Vazirlar Mahkamasi tomonidan 2018-yil 2-avgustda kiritilgan Oʻzbekiston Respublikasi Oliy Majlisi Qonunchilik palatasining “Navoiy viloyatining Konimex tumani va Buxoro viloyatining Gʻijduvon tumani chegaralarini oʻzgartirish toʻgʻrisida”gi QL-401(Q)-sonli qarori loyihasini dastlabki tarzda koʻrib chiqish uchun Sanoat, qurilish va savdo masalalari qoʻmitasi masʼul etib belgilansin.

2. Qonun loyihalarini va boshqa normativ-huquqiy hujjatlar loyihalarini koʻrib chiqishni tashkil etish boʻyicha muvofiqlashtiruvchi guruh ushbu qaror loyihasini Sanoat, qurilish va savdo masalalari qoʻmitasiga, siyosiy partiyalar fraksiyalariga hamda Oʻzbekiston ekologik harakati deputatlar guruhiga topshirsin.

3. Sanoat, qurilish va savdo masalalari qoʻmitasi siyosiy partiyalar fraksiyalari hamda Oʻzbekiston ekologik harakati deputatlar guruhining fikrlari va takliflarini hisobga olgan holda Qonunchilik palatasi Kengashiga mazkur qaror loyihasini Oʻzbekiston Respublikasi Oliy Majlisi Qonunchilik palatasi koʻrib chiqishi uchun qabul qilish mumkinligi toʻgʻrisida xulosa taqdim etsin.