Tumandagi bir-birini takrorlovchi koʻchalar nomini qayta nomlash, jumladan joylarning qadimiy nomlarini tiklash yuzasidan tushgan takliflar koʻrib chiqildi va mazkur takliflar atroflicha muhokama qilinib, koʻchalarni qayta nomlash hamda tumandagi mavjud koʻcha nomlarini tasdiqlash toʻgʻrisida Geografik obyektlarni nomlash va qayta nomlash masalalari boʻyicha tuman komissiyasi tomonidan taqdim etilgan xulosalar hamda Oʻzbekiston Respublikasining “Geografik obyektlarning nomlari toʻgʻrisida”gi Qonuni va Oʻzbekiston Respublikasi Vazirlar Mahkamasining 2012-yil 16-oktabrdagi “Geografik obyektlarning nomlarini tartibga solish chora-tadbirlari toʻgʻrisida”gi 295-sonli qarori hamda tuman komissiyasi takliflarini inobatga olib, Xalq deputatlari Sharof Rashidov tumani Kengashi qaror qiladi:

1. Sharof Rashidov tumani hududidagi bir-birini takrorlovchi koʻcha nomlarini oʻzgartirish hamda mavjud koʻchalarga yangi nom berish boʻyicha tuman hokimligi huzuridagi geografik obyektlarni nomlash va qayta nomlash masalalari boʻyicha tuman komissiyasi (keyingi oʻrinlarda Komissiya deb ataladi) xulosalari maʼlumot va ijro uchun qabul qilinsin.

2. Komissiyaning Sharof Rashidov tuman hududidagi mavjud qonunga zid nomlarni qayta nomlash hamda nomsiz koʻchalarga nom berish boʻyicha takliflari maʼqullansin.

3. Sharof Rashidov tumanida joylashgan mahalla fuqarolari yigʻinlaridagi qayta nomlangan koʻchalar roʻyxati 1-ilovaga muvofiq;

tuman hududidagi nomi oʻzgarmaydigan koʻchalar roʻyxati 2-ilovaga muvofiq;

tuman hududidagi nomlari oʻzgartirilayotgan mahalla fuqarolari yigʻinlari roʻyxati 3-ilovaga muvofiq;

tuman hududidagi nomsiz koʻchalarga berilgan yangi nomlar roʻyxati 4-ilovaga muvofiq tasdiqlansin.

4. Tuman statistika boʻlimi (X. Shokirov), Jizzax viloyati “Yermulkkadastr” davlat korxonasi Sharof Rashidov tumani filiali (N. Imomqulov), tuman arxitektura va qurilish boʻlimi (J. Komilov) hamda tegishli mutasaddi va davlat organlariga amaldagi tartibda nom berilgan va nomlari oʻzgartirilgan mahalla fuqarolar yigʻini, aholi punktlari va koʻchalarning tarkibiy qismlarini davlat roʻyxatidan oʻtkazish va elektron bazasini shakllantirish, ish yuritish hujjatlariga oʻzgartirish kiritish bilan bogʻliq barcha tadbirlarni amalga oshirish vazifasi yuklatilsin.

5. Tuman Ichki ishlar boʻlimi (Oʻ. Asqarov) nom berilgan va nomlari oʻzgartirilgan hududlarda aholining fuqarolik pasportlariga tegishli oʻzgartirishlar kiritish ishlarini tashkiliy ravishda amalga oshirsin.

6. Geografik obyektlarga nom berish va ularning nomlarini oʻzgartirish boʻyicha tuman komissiyasi (O. Meliboyev, N. Rahmonqulov) nom berilgan va nomi oʻzgartirilgan mahalla fuqarolar yigʻini, aholi punktlari va koʻchalarga ularning nomlari yozilgan metall koʻrsatkich va belgilar, peshlavhalar bosqichma-bosqich oʻrnatilishini taʼminlasin.

7. Belgilansinki, geografik obyektlarning nomlari sohasidagi ishlarini moliyalashtirish mahalliy budjet mablagʻlari va qonun hujjatlarida taqiqlanmagan boshqa manbalar hisobidan amalga oshiriladi.

8. “Jizzax ovozi” gazetasi (A. Mustofoqulov) ushbu qaror gazeta sahifasida yoritilsin.

9. Mazkur qarorning ijrosini taʼminlash xalq deputatlari tuman Kengashining ijtimoiy-madaniy sohani rivojlantirish, oila, xotin-qizlar va yoshlar masalalari doimiy komissiyasi (G. Mamaraximova)ga va qaror ijrosini taʼminlash geografik obyektlarga nom berish va ularning nomlarini oʻzgartirish masalalari boʻyicha tuman komissiyasi (O. Meliboyev) zimmasiga yuklatilsin.

10. Ushbu qaror rasmiy eʼlon qilingan kundan eʼtiboran kuchga kiradi.