Oʻzbekiston Respublikasi Prezidentining 25.09.2020-yildagi “Ichimlik suvi taʼminoti va oqova suv tizimini yanada takomillashtirish hamda sohadagi investitsiya loyihalari samaradorligini oshirish chora-tadbirlari toʻgʻrisida”gi PF-6074-son Farmoniga muvofiq hamda Xalq deputatlari Jizzax viloyati Kengashi qaror qiladi:

1. Oʻzbekiston Respublikasi Prezidentining 2020-yil 25-sentabrdagi “Ichimlik suvi taʼminoti va oqova suv tizimini yanada takomillashtirish hamda sohadagi investitsiya loyihalari samaradorligini oshirish chora-tadbirlari toʻgʻrisida”gi PF-6074-son Farmoni ijro uchun qabul qilinsin.

2. “Jizzax Suv taʼminoti” masʼuliyati cheklangan jamiyati direktori “2021 — 2023-yillarga moʻljallangan ichimlik suvi taʼminoti va kanalizatsiya tizimini kompleks rivojlantirish dasturi”ga viloyat boʻyicha kiritilayotgan loyihalar hamda ichimlik suvi va kanalizatsiya xizmatlari tariflari yuzasidan taqdimoti maʼlumot uchun qabul qilinsin.

3. Viloyatda “2021 — 2023-yillarga moʻljallangan ichimlik suvi taʼminoti va kanalizatsiya tizimini kompleks rivojlantirish” Dasturi (keyingi oʻrinlarda Dastur) ilovaga muvofiq tasdiqlansin.

4. Viloyat hokimining sanoatni rivojlantirish, kapital qurilish, kommunikatsiyalar va kommunal xoʻjalik masalalari boʻyicha oʻrinbosari, viloyat moliya bosh boshqarmasi , viloyat uy-joy kommunal xizmat koʻrsatish boshqarmasi, “Suv taʼminoti va oqova suv obyektlari qurilishi boʻyicha injiniring kompaniyasi” davlat unitar korxonasi Jizzax viloyat boshqarmasi bilan birgalikda “Dastur”ga kiritilgan loyihalarni belgilangan tartibda va oʻz muddatida moliyalashtirish choralarini koʻrsin.

5. “Suv taʼminoti va oqova suv obyektlari qurilishi boʻyicha injiniring kompaniyasi” davlat unitar korxonasi Jizzax viloyat boshqarmasi dasturga kiritilgan loyihalarni oʻz vaqtida sifatli qurib foydalanishga topshirilishini taʼminlasin.

6. Viloyat qurilish bosh boshqarmasi, viloyat arxitektura va qurilish nazorati inspeksiyasi bilan birgalikda xar bir obyektda ishlarning sifati boʻyicha alohida nazorat oʻrnatilishini taʼminlasin.

7. Viloyat hokimining sanoatni rivojlantirish, kapital qurilish, kommunikatsiyalar va kommunal xoʻjalik masalalari boʻyicha oʻrinbosari, viloyat uy-joy kommunal xizmat koʻrsatish boshqarmasi, “Suv taʼminoti va oqova suv obyektlari qurilishi boʻyicha injiniring kompaniyasi” davlat unitar korxonasi Jizzax viloyat boshqarmasi, Uy-joy kommunal xizmat koʻrsatish vazirligi huzuridagi “Suvinspeksiya”ning Jizzax viloyati bosh inspektoriga:

Dastur ijrosini monitoring qilib borish boʻyicha ishchi guruhini tuzish;

ishchi guruhi tomonidan taqdim etilgan tahliliy maʼlumotlar asosida Dastur ijrosini xar oyda bir marotaba majlislarda tanqidiy muhokama qilib borish;

oʻz vaqtida va toʻliq bajarilmagan loyihalar yuzasidan masʼul boshqarma, tashkilot va muassasalar rahbarlariga nisbatan tegishli choralarni koʻrish boʻyicha takliflarni kiritish;

Dastur ijrosi yuzasidan amalga oshirilgan ishlar boʻyicha xar oyda xalq deputatlari viloyat Kengashi kotibiyatiga maʼlumot kiritib borilishini taʼminlash vazifalari yuklansin.

8. Dastur doirasida qurilishi tugallangan ichimlik suvi taʼminoti va oqova suv tizimlari obyektlaridan samarali foydalanilishini taʼminlash maqsadida foydalanuvchi balansiga qabul qilishdan oldin viloyat arxitektura va qurilish nazorati inspeksiyasining ijobiy xulosasi olinishi belgilab qoʻyilsin.

9. Xalq deputatlari viloyat Kengashi deputatlari:

Dastur ijrosini taʼminlanishi yuzasidan doimiy nazorat oʻrnatish;

ichimlik suvi taʼminoti va kanalizatsiya tizimlarida amalga oshirilayotgan xar bir loyihani toʻliq yakuniga qadar joyiga chiqqan xolda oʻrganib borilishini hamda bu borada qatʼiy deputatlik nazorati oʻrnatishni amalga oshirsin.

10. “Jizzax Suv taʼminoti” MChJ tomonidan taqdim etilgan maʼlumotlar asosida korxonani modernizatsiya qilish xarajatlarini inobatga olib, viloyat Moliya bosh boshqarmasi va viloyat Monopoliyaga qarshi kurashish qoʻmitasi Jizzax viloyati boshqarmalari tomonidan berilgan xulosalarga asosan ichimlik suvi1 metr kubi tarif narxi aholi isteʼmolchilari uchun 2500 soʻm, yuridik tashkilotlari uchun 3500 soʻm (qoʻshimcha qiymat soligʻisiz), kanalizatsiya xizmati uchun aholiga 1000 soʻm, yuridik tashkilotlariga 1500 soʻm (qoʻshimcha qiymat soligʻisiz) etib tariflar tasdiqlansin.

11. Axborotlashtirish va ommaviy kommunikatsiyalar viloyat boshqarmasi, viloyat televideniyesi, “Jizzax haqiqati” gazetasi tahririyatiga dastur ijrosi yuzasidan olib borilayotgan ishlarni doimiy ravishda ommaviy axborot vositalarida keng yoritib borish tavsiya etilsin.

12. Mazkur qaror bajarilishini nazorat qilish xalq deputatlari viloyat Kengashining Sanoat, transport, qurilish, aloqa, kommunal xoʻjalik hamda aholiga xizmatlar koʻrsatish masalalari boʻyicha doimiy komissiyasi (T. Usmonov) va viloyat hokimining oʻrinbosarlari (N. Rajabov, A. Raxmonqulov) zimmasiga yuklatilsin.