Respublikaning barcha oliy taʼlim muassasalarini birlashtiruvchi va ularning xalqaro taʼlim resurslari bilan integratsiyalashuvini taʼminlovchi yagona axborot-kompyuter tarmogʻini yaratish, oʻquv jarayoniga zamonaviy axborot va pedagogik texnologiyalarni, shu jumladan masofaviy taʼlimni keng joriy etish maqsadida:

1. “Oʻzbektelekom” AK va “Nuawei Technologies Co., Ltd” kompaniyasi oʻrtasida “Oʻzbekiston Respublikasida “Elektron taʼlim” milliy tarmogʻini tashkil etish” investitsiya loyihasini amalga oshirish uchun: (XXR) kompaniyasi bilan 2011-yil 26-mayda umumiy qiymati 12 480,0 ming AQSH dollariga teng boʻlgan telekommunikatsiya uskunalarini yetkazib berish boʻyicha 000860 110511AA-son kontrakt tuzilganligi maʼlumot uchun qabul qilinsin.

2. “Oʻzbekiston Respublikasida “Elektron taʼlim” milliy tarmogʻini yaratish” investitsiya loyihasining asosiy texnik-iqtisodiy parametrlari bilan birgalikdagi texnik-iqtisodiy hisob-kitobi ilovaga muvofiq tasdiqlansin.

3. Belgilansinki, koʻrsatib oʻtilgan kontraktni amalga oshirishni mablagʻ bilan taʼminlash “Oʻzbektelekom” AKning oʻz mablagʻlari hisobiga quyidagi tartibda amalga oshiriladi:

kontrakt qiymatining 15 foizi — avans toʻlovi tarzida;

kontrakt qiymatining 85 foizi — yillik 2,2 foizli stavka bilan teng miqdorda oʻttiz oylik toʻlovlar boʻyicha boʻlib-boʻlib toʻlanadi.

4. “Oʻzbektelekom” AK tomonidan “Oʻzbekiston Respublikasida “Elektron taʼlim” milliy tarmogʻini yaratish” loyihasini amalga oshirish doirasida olib kelinadigan, Oʻzbekiston Respublikasi Vazirlar Mahkamasi tomonidan tasdiqlanadigan roʻyxatlar boʻyicha respublikada ishlab chiqarilmaydigan telekommunikatsiya asbob-uskunalari, materiallar va ehtiyot qismlar 2013-yilning 1-yanvarigacha bojxona toʻlovlaridan (bojxona yigʻimlaridan tashqari) ozod qilinsin.

5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.N. Aripov zimmasiga yuklansin.