Oʻzbekiston Respublikasining Budjet kodeksi, “Buxgalteriya hisobi toʻgʻrisida”gi va “Xoʻjalik yurituvchi subyektlar faoliyatining shartnomaviy-huquqiy bazasi toʻgʻrisida”gi qonunlariga muvofiq, Oʻzbekiston Respublikasi Vazirlar Mahkamasi huzuridagi Davlat zaxiralarini boshqarish qoʻmitasi, Moliya vazirligi va Markaziy banki boshqaruvi qaror qiladi:

1. Oʻzbekiston Respublikasi Vazirlar Mahkamasi huzuridagi Davlat moddiy zaxiralar Bosh boshqarmasi, Moliya vazirligi va Markaziy banki tomonidan 1997-yil 10-martda 116, 11-02-15/55 va 38-son bilan tasdiqlangan Davlat rezervidagi mahsulot va tovarlarning hisob-kitob tartibi toʻgʻrisidagi yoʻriqnoma (roʻyhat raqami 319, 1997-yil 2-aprel) oʻz kuchini yoʻqotgan deb topilsin.

2. Mazkur qaror rasmiy eʼlon qilingan kundan eʼtiboran kuchga kiradi.