“Oʻzbekiston paxtani qayta ishlash va paxta mahsulotlarini sotish davlat-aksionerlik uyushmasi (“Oʻzdavpaxtasanoatsotish”) ni tashkil etish toʻgʻrisidagi Farmonni ijro etish yuzasidan Vazirlar Mahkamasi qaror qiladi:

1. Vazirlar Mahkamasining dehqonchilik sanoati majmui Oʻzbekiston Respublikasi Qishloq xoʻjaligi vazirligi huzuridagi “Oʻzpaxtasanoat” respublika ishlab chiqarish birlashmasi va “Oʻzboshengiltaʼminotsotish” boshqarmasi ishtirokida bir oy muddat ichida “Oʻzpaxtasanoat” respublika ishlab chiqarish birlashmasini va “Oʻzboshengiltaʼminotsotish” boshqarmasini tugatish hamda Oʻzbekiston paxtani qayta ishlash va paxta mahsulotlarini sotish davlat-aksionerlik uyushmasi (“Oʻzdavpaxtasanoatsotish”) ni taʼsis etishga doir tashkiliy tadbirlarni amalga oshirsin.

2. Belgilab qoʻyilsinki, “Oʻzdavpaxtasanoatsotish” uyushmasi:

paxta xarid qiluvchi, uni qayta ishlovchi va paxta mahsuloti yetkazib beruvchi hududiy davlat-aksionerlik birlashmalari hamda paxta mahsulotining asosiy isteʼmolchilar boʻlgan boshqa manfaatdor yuridik shaxslar, jumladan xorijiy shaxslar ishtirokida tuziladi;

oʻz faoliyatini ishtirokchilarning pay va kirish badallari hamda ular bergan vakolatlar va vazifalar asosida tashkil etadi;

ishlab chiqarish — xoʻjalik va moliyaviy faoliyat masalalarini toʻla xoʻjalik hisobi qoidalari asosida mustaqil hal etadi, markazlashtirilgan sugʻurta, zaxira va boshqa jamgʻarmalarni tuzadi;

uyushmaga kiruvchi korxonalar va tashkilotlarning xoʻjalik faoliyatini boshqaradi hamda davlat mulkini davlat tasarrufidan chiqarish va xususiylashtirish toʻgʻrisida belgilangan tartibda takliflar kiritadi;

fan va texnika yutuqlarini, jumladan xorijiy ilgʻor tajribani joriy etish, uskunalarni yangilash va jahon namunalari darajasidagi eng yangi texnologiyalarni oʻzlashtirish asosida eng muhim vazifa sifatida yagona ilmiy-texnikaviy siyosat amalga oshirilishini, texnologiya va tola ishlab chiqarish takomillashtirilishini taʼminlaydi;

Oʻzbekiston Respublikasi Vazirlar Mahkamasi belgilaydigan miqdorda va Tashqi iqtisodiy aloqalar vazirligining ruxsatnomasi boʻyicha davlat ehtiyoji va eksportga paxta tolasi yetkazib berilishi uchun javob beradi;

uyushmaga kiruvchi korxonalar va tashkilotlar uchun moddiy-texnika resurslari jamgʻarmasining egasi boʻladi;

oʻz faoliyatida Vazirlar Mahkamasiga hisob beradi.

3. “Oʻzdavpaxtasanoatsotish” uyushmasi tarkibida Oʻzbekiston Respublikasi Qishloq xoʻjaligi vazirligi qaramogʻidan beriladigan “Paxtasanoat” ilmiy ishlab chiqarish birlashmasi, Markaziy loyihalash konstruktorlik byurosi, Markaziy nazorat-ishlab chiqarish laboratoriyasi va tugatilgan “Oʻzpaxtasanoat” respublika ishlab chiqarish birlashmasining Toshkentdagi kadrlar tayyorlash kursi negizida Respublika paxta tozalash sanoati ilmiy markazi tashkil etilsin.

4. “Oʻzpaxtasanoatsotish” uyushmasiga:

uyushmaning paxta va kanopni qayta ishlovchi korxonalari orqali respublikada yetishtiriladigan paxta va kanopni xarid qilish;

Vazirlar Mahkamasi tasdiqlagan miqdor asosida respublikadagi va undan tashqaridagi isteʼmolchilarga paxta tolasi yetkazib berish uchun shartnomalar tuzish;

mahsulotni oʻz muddatida va belgilangan hajmda joylarga, shuningdek eksport bitimlari asosida tashib berish toʻgʻrisida yuk joʻnatuvchi korxonalarning buyurtmalarini bajarish yuzasidan transport tashkilotlari bilan ishlarni muvofiqlashtirish (bunda tashib beriladigan mahsulot hajmi mahsulot yetkazib beruvchilarning respublika bozoriga va Hamdoʻstlik mamlakatlariga mahsulot yetkazib berishga oid shartnomalardagi majburiyatlariga muvofiq belgilanadi);

qancha paxta mahsuloti va kanop tolasi ishlab chiqarilganligi, yetkazib berilganligi va qancha qolganligi toʻgʻrisida mulkchilikning barcha shakllaridagi korxonalar, tashkilotlar va xoʻjaliklardan belgilangan statistika hisoboti olib turish;

paxta va kanopni qabul qilib olish, quritish, tozalash, tashish, saqlash va qayta ishlash, tozalangan paxta mahsulotini sotish masalalariga, davlat ehtiyojlari uchun paxta tolasi yetkazib berishga oid hisob-kitoblarga doir uslubiy, yoʻriqnoma va meʼyoriy hujjatlarni ishlab chiqish va tasdiqlash (bu hujjatlar mulkchilik shaklidan qatʼi nazar, respublika hududidagi barcha korxonalar va tashkilotlarning ijro etishi uchun majburiydir);

belgilangan tartibda, jumladan xorijiy sarmoya yordamida qoʻshma korxonalar tashkil etish, paxtani qayta ishlash va undan tayyorlangan mahsulotlarni jahon bozorida sotishni taʼminlovchi xalqaro kompaniyalarga aʼzo boʻlish, kooperatsiya tartibda ular bilan uyushma boʻlinmalari uskunalari texnika parkini yangilash;

tashqi iqtisodiy faoliyat yuritish, Oʻzbekiston Respublikasi Tashqi iqtisodiy aloqalar vazirligi bilan birgalikda Toshkent shahrida xalqaro paxta birjasini tashkil etish va uning faoliyatiga oid ishlarni muvofiqlashtirish huquqi berilsin.

5. “Oʻzdavpaxtasanoatsotish” davlat-aksionerlik uyushmasi boshqaruvining yuqori organi Kengash hisoblanadi, u boshqaruvni saylaydi, mehnatga haq toʻlash jamgʻarmalarini va tizimini, xodimlari moddiy ragʻbatlantirish shartlarini belgilaydi. Uyushma boshqaruv apparatining tuzilmasi 1-ilovaga muvofiq tasdiqlansin.

“Oʻzdavpaxtasanoatsotish” uyushmasiga boshqaruv apparatining eng koʻp miqdorini 200 kishidan (xizmat koʻrsatuvchi xodimlar bu hisobga kirmaydi) iborat qilib belgilash, raisning 3 nafar oʻrinbosarga, jumladan bir nafar birinchi oʻrinbosarga ega boʻlishga ruxsat etilsin. Uyushma boshqaruvining raisi va uning oʻrinbosarlari uyushma Kengashi tomonidan saylanadi va Vazirlar Mahkamasi tomonidan tasdiqlanadi.

Uyushma boshqaruvining raisi oʻz maqomiga, maishiy taʼminot, tibbiy va transport xizmati koʻrsatish sharoitlariga koʻra respublika vaziriga, raisning birinchi oʻrinbosari — vazirning birinchi oʻrinbosariga, rais oʻrinbosarlari — vazir oʻrinbosarlariga tenglashtirilsin.

6. “Oʻzdavpaxtasanoatsotish” uyushmasi bir oy muddat ichida oʻzining Ustavini ishlab chiqsin va tasdiqlash uchun Vazirlar Mahkamasiga kiritsin.

7. Paxta xarid qiluvchi, uni qayta ishlovchi va paxta mahsulotlari yetkazib beruvchi hududiy davlat-aksionerlik birlashmalari taʼsis etilgunga qadar “Oʻzpaxtasanoat” respublika ishlab chiqarish birlashmasining qayta tashkil etilgan viloyat ishlab chiqarish birlashmasi va “Oʻzboshengiltaʼminotsotish” boshqarmasining taʼminot-sotish boshqarmalari rahbarlari zimmasiga ilgari yuklatilgan vazifalarni amalga oshirish ularning zimmasida saqlab qolinsin.

8. Oʻzbekiston Respublikasi Davlat mulki qoʻmitasi “Oʻzdavpaxtasanoatsotish” uyushmasi hamda paxta tozalash sanoatining qayta tashkil qilingan viloyat birlashmalari va boshqarmalari, korxonalari, shuningdek, Oʻzbekiston Respublikasi qishloq xoʻjaligi vazirligi va “Oʻzboshengiltaʼminotsotish” boshqarmasi tizimidan oʻtkaziladigan boshqa boʻlinmalar rahbarlari bilan birgalikda 2-ilovaga muvofiq belgilangan tartibda paxta xarid qiluvchi, uni qayta ishlovchi va paxta mahsulotlari yetkazib beruvchi hududiy davlat-aksionerlik birlashmalarini tashkil etishga oid tadbirlarni amalga oshirsin.

9. Paxta xarid qiluvchi, uni qayta ishlovchi va paxta mahsulotlarini yetkazib beruvchi hududiy davlat-aksionerlik birlashmasining namunaviy tuzilmasi 3-ilovaga muvofiq tasdiqlansin.

Belgilab qoʻyilsinki:

hududiy davlat-aksionerlik birlashmalari yopiq turdagi aksionerlik jamiyatlari shaklida tashkil topib, paxta tozalash va kanop zavodlari, davlat nomidan ish koʻruvchi Oʻzbekiston Respublikasi Moliya vazirligi huzuridagi Oʻzbekiston Davlat mulki jamgʻarmasi, shuningdek respublikaning paxta va kanop ekuvchi manfaatdor xoʻjaliklari va toʻqimachilik korxonalari uning ishtirokchilari hisoblanadi;

taʼsis paytida hududiy davlat-aksionerlik birlashmalarining ustav jamgʻarmasi birlashmalarning davlat tasarrufidan chiqarilgan viloyat paxta omborlari, mexanika ustaxonalari, transport-ekspeditsiya bazalari va boshqa yordamchi korxonalarining mulkidan tashkil topadi;

hududiy davlat-aksionerlik birlashmalari aksiyalarining nazorat paketi davlat ixtiyorida saqlanadi va belgilangan tartibda Oʻzbekiston Respublikasi Moliya vazirligi huzuridagi Davlat mulki jamgʻarmasiga oʻtkaziladi.

10. Paxta xarid qiluvchi, uni qayta ishlovchi va paxta mahsulotlari yetkazib beruvchi hududiy davlat-aksionerlik birlashmalari zimmasiga:

paxta xarid qilish uchun paxtakor xoʻjaliklar bilan oʻz vaqtida shartnomalar tuzish, paxta uchun oʻzaro hisob-kitoblar qilish, urugʻlik chigit tayyorlash va xoʻjaliklarni urugʻlik bilan taʼminlash;

paxtaga dastlabki ishlov beradigan texnika va texnologiyani takomillashtirish, amaldagi andozalarga muvofiq mahsulot ishlab chiqarishni tashkil etish, xom ashyo meʼyoridan ortiq chiqitga chiqishiga yoʻl qoʻymaslik hamda xom ashyo va tayyor mahsulotning saqlanishiga oid tadbirlar oʻtkazish;

“Oʻzdavpaxtasanoatsotish” uyushmasi bergan topshiriqlarga koʻra isteʼmolchilarni paxta zavodlariga biriktirib qoʻyish hamda belgilangan turda va muddatda topshiriqlarni bajarish;

Vazirlar Mahkamasi tasdiqlagan tartibga muvofiq mustaqil ravishda sotish uchun xoʻjaliklar ixtiyorida qoldiriladigan paxta tolasi hajmini belgilash vazifalari yuklatilsin.

12. Oʻzbekiston Respublikasi Moliya vazirligi huzuridagi Davlat mulki jamgʻarmasi:

aksionerlik jamiyatlarini rivojlantirish uchun davlatga qarashli aksiyalar boʻyicha dividendlarning bir qismini shartnoma asosida ularga berishni.

“Oʻzdavpaxtasanoatsotish” davlat-aksionerlik uyushmasi boshqaruviga paxta xarid qiluvchi, uni qayta ishlovchi va paxta mahsulotlari yetkazib beruvchi davlat-aksionerlik birlashmalari faoliyatini davlatga qarashli aksiyalarga muvofiq boshqarish huquqlari berishni;

hududiy davlat-aksionerlik birlashmalarining boshqaruvlariga aksionerlik jamiyatlariga aylantirilgan paxtani qayta ishlovchi va lub korxonalarining faoliyatiga davlatga qarashli aksiyalar ulushiga muvofiq rahbarlik qilishga doir huquqlar berishni joriy etsin.

13. “Oʻzistiqbolstat” davlat qoʻmitasi “Oʻzdavpaxtasanoatsotish” uyushmasi bilan birgalikda 20 kun muddat ichida paxta tolasi yetkazib berish boʻyicha respublikalararo va eksport uchun tola yetkazib berishni oʻz ichiga olgan statistika hisobotining yagona shaklini ishlab chiqsin va belgilangan tartibda tasdiqlasin.

14. “Oʻzdavpaxtasanoatsotish” uyushmasining boshqaruv apparati Toshkent shahrining Shota Rustaveli koʻchasidagi 8-a-maʼmuriy binoda, yaʼni hozirgi vaqtda “Oʻzboshengiltaʼminotsotish” boshqarmasi va “Oʻzpaxtasanoatsotish” respublika ishlab chiqarish birlashmasi egallab turgan xonalarda joylashtirilsin.

15. Oʻzbekiston SSR Vazirlar Kengashining 1990-yil 11-iyundagi 227-son, 1990-yil 13-iyuldagi 259-son qarorlari, Vazirlar Mahkamasining 1991-yil 4-sentabrdagi 184-son farmoyishi oʻz kuchini yoʻqotgan deb hisoblansin.

16. Mazkur qarorning bajarilishini nazorat qilish Vazirlar Mahkamasi Raisining Birinchi oʻrinbosari oʻrtoq I.H. Joʻrabekov zimmasiga yuklatilsin.

Qarorning qanday bajarilayotganligi 1992-yil dekabr oyida koʻrib chiqilsin.

1. Rahbariyat

2. Tayyorlash boshqarmasi

3. Mahsulot yetkazib berish boshqarmasi

4. Iqtisodiy tahlil va tijorat boshqarmasi

5. Moliya boshqarmasi

6. Hududiy davlat-aksionerlik birlashmalari ishini muvofiqlashtirish boshqarmasi

7. Ishlab chiqarish-texnika boshqarmasi

8. Standartlash va sifat boʻlimi

9. Moddiy-texnika taʼminoti boʻlimi

10. Mehnatni muhofaza qilish va yongʻin xavfsizligi boʻlimi

11. Kapital qurilish boʻlimi

12. Uyushma bazasini rivojlantirish boʻlimi

13. Xalq isteʼmol mollari va yordamchi xoʻjalik boʻlimi

14. Birinchi va ikkinchi boʻlim

15. Kadrlar boʻlimi

16. Hakamlik sudi boʻlgan yuridik boʻlim

17. Rahbariyat huzuridagi kotibiyat

18. Ishlar boshqarmasi

1. Qoraqalpogʻiston davlat-aksionerlik birlashmasi

Mangʻit paxta zavodi

Xoʻjayli paxta zavodi

Chimboy paxta zavodi

Beruniy paxta zavodi

Qoʻngʻirot paxta zavodi

Toʻrtkoʻl paxta zavodi

Viloyat mexanika ustaxonalari

Taxiatosh moddiy-texnika taʼminoti firmasi

2. Andijon davlat-aksionerlik birlashmasi

Andijondagi 1-paxta zavodi

Andijondagi Z-paxta zavodi

Qoʻrgʻontepa paxta zavodi

Qoʻqonqishloq paxta zavodi

Asakadagi 1-paxta zavodi

Asakadagi 2-paxta zavodi

Shahrixon paxta zavodi

Boytoq paxta zavodi

Soʻfiqishloq paxta zavodi

Boʻz paxta zavodi

Chinobod paxta zavodi

Xoʻjaobod paxta zavodi

Boytoq viloyat tuzatish-mexanika ustaxonalari

Kuyganyor moddiy-texnika taʼminoti firmasi

Xarabek paxtani saqlash bazasi

Oqoltin paxta zavodi

3. Buxoro davlat-aksionerlik birlashmasi

Kogon paxta zavodi

Buxoro paxta zavodi

Qorakoʻl paxta zavodi

Fijduvon paxta zavodi

Peshku paxta zavodi

Shofirkon paxta zavodi

Buxoro viloyat tuzatish-mexanika ustaxonalari

Buxoro paxtani saqlash bazasi

4. Jizzax davlat-aksionerlik birlashmasi

Jizzax paxta zavodi

Paxtakor paxta zavodi

Yerjar paxta zavodi

Doʻstlik paxta zavodi

Uchtepa paxta zavodi

Akmal Ikromov paxta zavodi

Ulyanov paxta zavodi

Oktabr paxta zavodi

Jizzax viloyat tuzatish-mexanika ustaxonalari

Jizzax paxtani saqlash bazasi

5. Qashqadaryo davlat-aksionerlik birlashmasi

Shahrisabz paxta zavodi

Qarshi paxta zavodi

Yakkabogʻ paxta zavodi

Guzor paxta zavodi

Kosondagi 1 paxta zavodi

Kosondagi 2-paxta zavodi

Chiroqchi paxta zavodi

Ulyanov paxta zavodi

Beshkent paxta zavodi

Nishon paxta zavodi

Jeynov paxta zavodi

Qarshi viloyat tuzatish-mexanika ustaxonalari

Nishon paxtani saqlash bazasi

Yakkabogʻ paxtani saqlash bazasi

Qamashi paxtani saqlash bazasi

6. Navoiy davlat-aksionerlik birlashmasi

Navoiy paxta zavodi

Xatirchi paxta zavodi

Qiziltepa paxta zavodi

7. Namangan davlat-aksionerlik birlashmasi

Namangandagi 3-paxta zavodi

Norin paxta zavodi

Uchqoʻrgʻon paxta zavodi

Chust paxta zavodi

Koʻgay paxta zavodi

Gulbaxt paxta zavodi

Pop paxta zavodi

Chortoq paxta zavodi

Toshbuloq paxta zavodi

Kosonsoy paxta zavodi

Uychi notoʻqima materiallar fabrikasi

Chortoq viloyat tuzatish-mexanika ustaxonalari

Namangan moddiy-texnika taʼminoti firmasi

Chust paxtani saqlash bazasi

8. Samarqand davlat-aksionerlik birlashmasi

Kattaqoʻrgʻon paxta zavodi

Zirabuloq paxta zavodi

Jomboy paxta zavodi

Juma paxta zavodi

Chelak paxta zavodi

Ulugʻbek paxta zavodi

Ziyodin paxta zavodi

Yangiqoʻrgʻon paxta zavodi

Miton paxta zavodi

Juma viloyat tuzatish-mexanika ustaxonalari

9. Surxondaryo davlat-aksionerlik birlashmasi

Denov paxta zavodi

Termiz paxta zavodi

Xayrobod paxta zavodi

Uzun paxta zavodi

Shoʻrchi paxta zavodi

Jarqoʻrgʻon paxta zavodi

Komsomolobod paxta zavodi

Leninyoʻli paxta zavodi

Shurchi viloyat tuzatish-mexanika ustaxonalari

Gagarin moddiy-texnika taʼminoti firmasi

10. Sirdaryo davlat-aksionerlik birlashmasi

Guliston paxta zavodi

Boyovut paxta zavodi

Baxt paxta zavodi

Malik paxta zavodi

Sh. Rashidov paxta zavodi

Volkov paxta zavodi

Turon paxta zavod

Sardoba paxta zavodi

Sayhun paxta zavodi

Oqoltin paxta zavodi

Baxt viloyat tuzatish-mexanika ustaxonalari

Oqoltin paxtani saqlash bazasi

11. Toshkent davlat-aksionerlik birlashmasi

Alimkent paxta zavod

Yangiyoʻl paxta zavodi

Chinoz paxta zavodi

Oqoʻrgʻon paxta zavodi

Piskent paxta zavodi

Boʻka paxta zavodi

Oʻzbekiston besh yilligi paxta zavodi

Oʻzbekiston paxta zavodi

Xalqobod viloyat tuzatish-mexanika ustaxonalari

Kuchlik paxtani saqlash bazasi

Kuchlik moddiy-texnika taʼminoti firmasi

12. Fargʻona davlat-aksionerlik birlashmasi

Quva paxta zavodi

Toshloq paxta zavodi

Fargʻona paxta zavodi

Qoʻqondagi 1-paxta zavodi

Qoʻqondagi 2-paxta zavodi

Oʻzbekiston paxta zavodi

Oltiariq paxta zavodi

Kirov paxta zavodi

Fargʻona viloyat tuzatish-mexanika ustaxonalari

Qoʻqon paxtani saqlash bazasi

13. Xorazm davlat-aksionerlik birlashmasi

Urganch paxta zavodi

Gurlan paxta zavodi

Xonqa paxta zavodi

Xiva paxta zavodi

Hazorasp paxta zavodi

Shovot paxta zavodi

Yangiariq paxta zavodi

Yangibozor paxta zavodi

Bogʻot paxta zavodi

Qoʻshkoʻpir paxta zavodi

Xonqa viloyat tuzatish-mexanika ustaxonalari

Urganch paxtani saqlash bazasi

14. Lub sanoati korxonalarining Toshkentdagi davlat-aksionerlik birlashmasi

Yangihayot lub zavodi

Qoʻrgʻoncha lub zavodi

Uyali lub zavodi:

Gul lub zavodi

Novomixaylov lub zavodi

Jumabozor lub zavodi

Chiyratma buyumlar fabrikasi

Piskent kanop fabrikasi

Soldatskoye tajriba mexanika zavodi

1. Andijon, Qashqadaryo, Namangan, Surxondaryo birlashmalari — 50 — 55 kishi

2. Qoraqalpogʻiston, Buxoro, Jizzax, Samarqand, Sirdaryo, Toshkent, Toshkent lub sanoati, Fargʻona, Xorazm birlashmalari — 40 — 45 kishi

3. Navoiy birlashmasi — 30 — 35 kishi