Oʻzbekiston Respublikasi Oliy Majlisi qaror qiladi:

1. «Notariat toʻgʻrisida»gi Oʻzbekiston Respublikasi Qonuni 1997-yil 1-martdan eʼtiboran amalga kiritilsin.

2. Belgilab qoʻyilsinki, ushbu Qonun kabul qilingan kunda notarius boʻlgan shaxslarga notarial faoliyat bilan shugʻullanish huquqini beruvchi ruxsatnoma malaka imtihonlari topshirilmay beriladi.

3. Oʻzbekiston Respublikasi Vazirlar Mahkamasi hukumat qarorlarini «Notariat toʻgʻrisida»gi Oʻzbekiston Respublikasi Qonuniga muvofiq holga keltirsin, vazirliklar va idoralar ushbu Qonunga zid boʻlgan oʻz normativ hujjatlarini qayta koʻrib chiqishlari va bekor qilishlarini taʼminlasin.

4. Oʻzbekiston Respublikasining quyidagi qonunlari oʻz kuchini yoʻqotgan deb topilsin:

1974-yil 7-avgustda qabul qilingan «Davlat notariati toʻgʻrisida»gi Oʻzbekiston Respublikasi Qonuni (Oʻzbekiston Respublikasi Oliy Sovetining Vedomostlari, 1974-yil, № 22, 251-modda);

1974-yil 7-avgustda qabul qilingan «Davlat notariati toʻgʻrisida»gi Oʻzbekiston Respublikasining Qonunini amalga kiritish haqida»gi Oʻzbekiston Respublikasi Oliy Sovetining Qarori (Oʻzbekiston Respublikasi Oliy Sovetining Vedomostlari, 1974-yil, № 22, 252-modda);

1974-yil 28-noyabrda qabul qilingan «Davlat notariati toʻgʻrisida»gi Oʻzbekiston Respublikasi Qonunini amalga kiritish tartibi haqida»gi Oʻzbekiston Respublikasi Oliy Soveti Prezidiumining Farmoni (Oʻzbekiston Respublikasi Oliy Sovetining Vedomostlari, 1974-yil, № 33, 406-modda);

1979-yil 26-aprelda qabul qilingan «Davlat notariati toʻgʻrisida»gi Oʻzbekiston Respublikasi Qonuniga oʻzgartishlar kiritish haqida»gi Oʻzbekiston Respublikasi Oliy Soveti Prezidiumining Farmoni (Oʻzbekiston Respublikasi Oliy Sovetining Vedomostlari, 1979-yil, № 13, 173-modda);

1979-yil 24-iyulda qabul qilingan «Davlat notariati toʻgʻrisida»gi Oʻzbekiston Respublikasining Qonuniga oʻzgartishlar kiritish haqida»gi Oʻzbekiston Respublikasi Oliy Soveti Prezidiumining Farmonini tasdiqlash toʻgʻrisida»gi Oʻzbekiston Respublikasi Qonuni (Oʻzbekiston Respublikasi Oliy Sovetining Vedomostlari, 1979-yil, № 21, 278-modda).