O‘zbekiston Respublikasi Prezidentining “Respublika suv ta’minoti tizimini yanada takomillashtirish to‘g‘risida” 2019-yil 26-noyabrdagi PQ-4536-son qarorini ijro etish yuzasidan, shuningdek, uy-joy kommunal xizmat ko‘rsatish sohasi xodimlarining moddiy ta’minotini yanada yaxshilash maqsadida Vazirlar Mahkamasi qaror qiladi:
1. Vazirlar Mahkamasining 2017-yil 22-iyundagi 409-son qarori (O‘zbekiston Respublikasi QT, 2017-yil, 6-son, 112-modda) bilan tasdiqlangan Uy-joy kommunal xizmat ko‘rsatish sohasi xodimlari mehnatiga haq to‘lash va ularni moddiy rag‘batlantirish tartibi to‘g‘risidagi nizomga ilovaga muvofiq o‘zgartirishlar kiritilsin.
2. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari A.J. Ramatov va O‘zbekiston Respublikasi uy-joy kommunal xizmat ko‘rsatish vaziri M.X. Saliyev zimmasiga yuklansin.
“13. Budjet tashkilotlarining alohida tashabbuskor va yuqori malakali xodimlariga O‘zbekiston Respublikasi uy-joy kommunal xizmat ko‘rsatish vaziri tomonidan tasdiqlanadigan Budjet tashkilotlari xodimlari faoliyatini baholashning tarmoq reyting tizimiga muvofiq lavozim maoshiga quyidagi miqdorlarda har oylik shaxsiy ustamalar to‘lanishi mumkin:
“21. Ko‘p xonadonli uy-joy fondidan foydalanishni nazorat qilish inspeksiyasi va Ichimlik suvidan foydalanishni nazorat qilish inspeksiyasi xodimlarini moddiy rag‘batlantirish O‘zbekiston Respublikasi Uy-joy kommunal xizmat ko‘rsatish vazirligi huzuridagi Uy-joy kommunal xo‘jaligini rivojlantirish jamg‘armasi mablag‘lari hisobiga amalga oshiriladi.
22. Ko‘p xonadonli uy-joy fondidan foydalanishni nazorat qilish inspeksiyasi va Ichimlik suvidan foydalanishni nazorat qilish inspeksiyasi xodimlariga ushbu Nizomning 4-bobida nazarda tutilganlardan tashqari qo‘shimcha rag‘batlantiruvchi to‘lovlar qonun hujjatlarida belgilangan tartibda solingan jarimalar bo‘yicha tushumlar summasidan foizlar nisbatida amalga oshiriladi;
Ko‘p xonadonli uy-joy fondidan foydalanishni nazorat qilish inspeksiyasi va Ichimlik suvidan foydalanishni nazorat qilish inspeksiyasi xodimlarini moddiy rag‘batlantirishga yo‘naltiriladigan jarimalar bo‘yicha tushumlar summasidan foizlar nisbati tegishli mansabdor shaxslarga solingan jarimalar O‘zbekiston Respublikasi Uy-joy kommunal xizmat ko‘rsatish vazirligi huzuridagi Uy-joy kommunal xo‘jaligini rivojlantirish jamg‘armasining bankdagi hisobvarag‘iga 100 foiz tushishi ta’minlanishi sharti bilan ushbu jarimalar darajasiga bog‘liq ravishda, biroq 10 foizdan ortiq bo‘lmagan miqdorda O‘zbekiston Respublikasi Uy-joy kommunal xizmat ko‘rsatish vazirligi tomonidan belgilanadi”.