Oʻzbekiston Respublikasi Prezidentining 2019-yil 2-avgustdagi PQ-4412-son “Oʻzbekiston Respublikasining sugʻurta bozorini isloh qilish va uning jadal rivojlanishini taʼminlash chora-tadbirlari toʻgʻrisida”gi qarori va Oʻzbekiston Respublikasi Vazirlar Mahkamasining 2019-yil 24-iyuldagi 620-son “Xorijiy davlatlarda taʼlim olganlik toʻgʻrisidagi hujjatlarni tan olish tartibini takomillashtirish haqida”gi qaroriga muvofiq buyuraman:

1. Oʻzbekiston Respublikasi moliya vazirining 2009-yil 3-iyuldagi 68-son buyrugʻi (roʻyxat raqami 1982, 2009-yil 16-iyul) (Oʻzbekiston Respublikasi qonun hujjatlari toʻplami, 2009-y., 29-son, 340-modda) bilan tasdiqlangan Sugʻurtalovchi va qayta sugʻurtalovchining investitsion faoliyati toʻgʻrisidagi nizomga ilovaga muvofiq oʻzgartirishlar va qoʻshimcha kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. 2-bandda:

uchinchi xatboshi chiqarib tashlansin;

toʻrtinchi — toʻqqizinchi xatboshilar tegishli ravishda uchinchi — sakkizinchi xatboshilar deb hisoblansin.

2. 3-band quyidagi mazmundagi xatboshilar bilan toʻldirilsin:

“ipotekani qayta moliyalashtirish tashkilotlari ustav kapitalida ulushli ishtirok etish, shuningdek ipoteka qimmatli qogʻozlarini sotib olish;

lizing tashkilotlariga qarzlar (moliyaviy yordam).”.

3. 21-bandning “a” kichik bandi quyidagi tahrirda bayon etilsin:

“a) Oʻzbekiston Respublikasi oliy taʼlim muassasalarida olingan oliy (iqtisodiy, moliyaviy, buxgalteriya, matematik) maʼlumotga yoki xorijiy davlatlarning taʼlim muassasalarida olingan, hamda qonun hujjatlariga muvofiq, Oʻzbekiston Respublikasida tan olingan oliy (iqtisodiy, moliyaviy, buxgalteriya, matematik) maʼlumotga ega boʻlishi;”.