Oʻzbekiston Respublikasi Oliy Majlisi qaror qiladi:

1. “Xoʻjalik yurituvchi subyektlar faoliyatining shartnomaviy-huquqiy bazasi toʻgʻrisida”gi Oʻzbekiston Respublikasi Qonuni 1998-yil 1-noyabrdan amalga kiritilsin.

2. Oʻzbekiston Respublikasi Vazirlar Mahkamasi hukumat qarorlarini “Xoʻjalik yurituvchi subyektlar faoliyatining shartnomaviy-huquqiy bazasi toʻgʻrisida”gi Qonunga muvofiqlashtirsin, respublika vazirliklari va idoralari oʻzlarining mazkur Qonunga zid boʻlgan normativ hujjatlarini qayta koʻrib chiqishlari va bekor qilishlarini taʼminlasin.

3. Oʻzbekiston Respublikasi Adliya vazirligi “Xoʻjalik yurituvchi subyektlar faoliyatining shartnomaviy-huquqiy bazasi toʻgʻrisida”gi Oʻzbekiston Respublikasining Qonuni mazkur Qonunga aloqador boʻlgan normativ hujjatlar, shuningdek xoʻjalik shartnomalari shakllarining namunalarini ilova qilgan holda chop etilishini taʼminlasin.