Oʻzbekiston Respublikasi Prezidentining 2019-yil 5-fevraldagi PQ-4160-son “Jahon banki va Xalqaro moliya korporatsiyasining “Biznes yuritish” yillik hisobotida Oʻzbekiston Respublikasining reytingini yaxshilashga doir qoʻshimcha chora-tadbirlar toʻgʻrisida”gi, 2019-yil 2-avgustdagi PQ-4412-son “Oʻzbekiston Respublikasining sugʻurta bozorini isloh qilish va uning jadal rivojlanishini taʼminlash chora-tadbirlari toʻgʻrisida”gi qarorlari, Oʻzbekiston Respublikasi Vazirlar Mahkamasining 2019-yil 24-iyuldagi 620-son “Xorijiy davlatlarda taʼlim olganlik toʻgʻrisidagi hujjatlarni tan olish tartibini takomillashtirish haqida”gi va 2019-yil 31-dekabrdagi 1060-son “Oʻzbekiston Respublikasi Moliya vazirligi huzuridagi Sugʻurta bozorini rivojlantirish agentligi faoliyatini tashkil etish chora-tadbirlari toʻgʻrisida”gi qarorlariga muvofiq buyuraman:

1. Oʻzbekiston Respublikasi moliya vazirining 2013-yil 30-apreldagi 42-son buyrugʻi (roʻyxat raqami 2462, 2013-yil 30-may) (Oʻzbekiston Respublikasi qonun hujjatlari toʻplami, 2013-y., 22-son, 296-modda) bilan tasdiqlangan Sugʻurtalovchining, sugʻurta brokerining hamda ular alohida boʻlinmalarining rahbariga va bosh buxgalteriga qoʻyiladigan malaka talablari toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. 3-banddagi “Oʻzbekiston Respublikasi Moliya vazirligiga (bundan buyon matnda Moliya vazirligi deb yuritiladi)” degan soʻzlar “Oʻzbekiston Respublikasi Moliya vazirligi huzuridagi Sugʻurta bozorini rivojlantirish agentligiga (bundan buyon matnda Sugʻurta bozorini rivojlantirish agentligi deb yuritiladi)” degan soʻzlar bilan almashtirilsin.

2. 6-bandning “a” kichik bandi quyidagi tahrirda bayon etilsin:

“a) Oʻzbekiston Respublikasi oliy taʼlim muassasalarida olingan oliy maʼlumotga yoki xorijiy davlatlarning taʼlim muassasalarida olingan, hamda qonun hujjatlariga muvofiq, Oʻzbekiston Respublikasida tan olingan oliy maʼlumotga ega boʻlishi;”.

3. 7-bandning “a” kichik bandi quyidagi tahrirda bayon etilsin:

“a) Oʻzbekiston Respublikasi oliy taʼlim muassasalarida olingan oliy (buxgalterlik, moliyaviy, iqtisodiy) maʼlumotga yoki xorijiy davlatlarning taʼlim muassasalarida olingan, hamda qonun hujjatlariga muvofiq, Oʻzbekiston Respublikasida tan olingan oliy (buxgalterlik, moliyaviy, iqtisodiy) maʼlumotga ega boʻlishi;”.

4. 8-bandning “a” kichik bandi quyidagi tahrirda bayon etilsin:

“a) Oʻzbekiston Respublikasi oliy taʼlim muassasalarida olingan oliy maʼlumotga yoki xorijiy davlatlarning taʼlim muassasalarida olingan, hamda qonun hujjatlariga muvofiq, Oʻzbekiston Respublikasida tan olingan oliy maʼlumotga ega boʻlishi;”.

5. 9-bandning “a” kichik bandi quyidagi tahrirda bayon etilsin:

“a) Oʻzbekiston Respublikasi oliy taʼlim muassasalarida olingan oliy (buxgalterlik, moliyaviy, iqtisodiy) maʼlumotga yoki xorijiy davlatlarning taʼlim muassasalarida olingan, hamda qonun hujjatlariga muvofiq, Oʻzbekiston Respublikasida tan olingan oliy (buxgalterlik, moliyaviy, iqtisodiy) maʼlumotga ega boʻlishi;”.

6. 11-bandda:

birinchi xatboshidagi “Moliya vazirligiga” degan soʻzlar “Sugʻurta bozorini rivojlantirish agentligiga” degan soʻzlar bilan almashtirilsin;

uchinchi xatboshi quyidagi tahrirda bayon etilsin:

“oliy maʼlumot toʻgʻrisidagi diplomning ish joyida tasdiqlangan nusxasi yoki oliy maʼlumot toʻgʻrisidagi xorijiy hujjatning tan olish toʻgʻrisida vakolatli davlat organi guvohnomasining ish joyida tasdiqlangan nusxasi (xorijiy davlatlarning taʼlim muassasalarida olingan oliy maʼlumot mavjud boʻlgan taqdirda);”.

7. 12-banddagi “Moliya vazirligi” degan soʻzlar “Sugʻurta bozorini rivojlantirish agentligi” degan soʻzlar bilan almashtirilsin.

8. 13-bandning birinchi xatboshisi quyidagi tahrirda bayon etilsin:

“13. Sugʻurtalovchining (sugʻurta brokerining) rahbarlari va bosh buxgaltyerlari lavozimlariga tavsiya etilayotgan nomzodlar mazkur Nizom bilan belgilangan malaka talablariga mos kelishi taqdim etilgan hujjatlarni koʻrib chiqish va nomzodlar bilan suhbat oʻtkazish yoʻli bilan aniqlanadi. Nomzodlar bilan suhbat Sugʻurta bozorini rivojlantirish agentligi tomonidan tasdiqlangan va Sugʻurta bozorini rivojlantirish agentligining veb-saytida joylashtirilgan savolnoma asosida oʻtkaziladi.”.

9. 14-bandning ikkinchi xatboshisidagi “Moliya vazirligi” degan soʻzlar “Sugʻurta bozorini rivojlantirish agentligi” degan soʻzlar bilan almashtirilsin.

10. 15-bandning birinchi xatboshisidagi “Oʻzbekiston Respublikasi moliya vazirining” degan soʻzlar “Sugʻurta bozorini rivojlantirish agentligi direktorining” degan soʻzlar bilan almashtirilsin.

11. 17-band quyidagi tahrirda bayon etilsin:

“17. Komissiyaning ishini tashkil etish masalalari boʻyicha Komissiya kotibi tayinlanadi.”.

12. 20 va 21-bandlardagi “Moliya vazirligi” degan soʻzlar “Sugʻurta bozorini rivojlantirish agentligi” degan soʻzlar bilan almashtirilsin.

13. Ilovadan “M.Oʻ.” qisqartmasi chiqarib tashlansin.