Oʻzbekiston Respublikasi Prezidentining “Yovvoyi holda oʻsuvchi dorivor oʻsimliklarni muhofaza qilish, madaniy holda yetishtirish, qayta ishlash va mavjud resurslardan oqilona foydalanish chora-tadbirlari toʻgʻrisida” 2020-yil 10-apreldagi PQ-4670-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha oʻrinbosari Oʻ.I. Barnoyev va Oʻzbekiston Respublikasi qishloq xoʻjaligi vaziri J.A. Xodjayev zimmasiga yuklansin.

1. Vazirlar Mahkamasining 2009-yil 8-apreldagi 102-son qarori (Oʻzbekiston Respublikasi QT, 2009-y., 4-son, 26-modda) bilan tasdiqlangan Davlat mulkini ijaraga berish tartibi toʻgʻrisidagi nizomga quyidagi mazmundagi 10³-band qoʻshilsin:

“10³. Tadbirkorlik subyektlari tomonidan davlat muassasalarida fitobarlar tashkil etilganda, davlat mulki obyektlaridan foydalanganlik uchun ijara toʻlovi belgilangan miqdorning 50 foiziga kamaytirilgan holda hisoblanadi.

Bunda fitobarlarda vending avtomatlaridan foydalanilgan hollarda davlat mulki obyektlaridan foydalanganlik uchun ijara toʻlovlari hisoblanmaydi”.

2. Vazirlar Mahkamasining “Biologik resurslardan foydalanishni tartibga solish va tabiatdan foydalanish sohasida ruxsat berish tartib-taomillaridan oʻtish tartibi toʻgʻrisida” 2014-yil 20-oktabrdagi 290-son qarorida:

a) 1-ilovaning 11-bandida:

quyidagi mazmundagi toʻrtinchi xatboshi qoʻshilsin:

“Kamayib borayotgan tabiiy holda oʻsuvchi noyob dorivor oʻsimliklarni toʻplash (gʻamlash) va respublikadan tashqariga olib chiqish uchun ruxsatnomalar ajratiladigan kvotaning kamida 50 foizi hajmida tabiiy plantatsiyalarni barpo etish sharti bilan beriladi”;

toʻrtinchi-beshinchi xatboshilar tegishli ravishda beshinchi-oltinchi xatboshilar deb hisoblansin;

b) 4-ilova 1-bandining uchinchi xatboshi quyidagi tahrirda bayon etilsin:

“yovvoyi hayvonlar va yovvoyi oʻsimliklarning boshqa turlarini tutganlik va toʻplaganlik (gʻamlaganlik) uchun 60 foizi — alohida modda bilan tabiatni muhofaza qilish tadbirlariga sarflanadigan Qoraqalpogʻiston Respublikasi budjeti, viloyatlar va Toshkent shahar mahalliy budjetlari daromadiga oʻtkaziladi. Bunda dorivor oʻsimliklarni toʻplashga (gʻamlashga) ruxsatnoma berganlik uchun yigʻim undirilib, mahalliy budjetga yoʻnaltiriladigan toʻlovlar (oʻrmon fondi yerlari bundan mustasno) tabiiy holda oʻsuvchi, shu jumladan yoʻqolib borayotgan dorivor oʻsimliklarni saqlash, xatlovdan oʻtkazish, ularning madaniy plantatsiyalarini, onalik koʻchatzorlarini tashkil etish, dorivor oʻsimliklarni yetishtirishga doir texnologik xaritalar ishlab chiqish xarajatlarini qoplash uchun sarflanadi;”.

3. Vazirlar Mahkamasining 2018-yil 28-iyundagi 487-son qarori bilan tasdiqlangan Oʻzbekiston Respublikasi Qishloq xoʻjaligi vazirligi tuzilmasiga kiradigan budjet tashkilotlari roʻyxatining 1-bandi quyidagi tahrirda bayon etilsin: