Oʻzbekiston Respublikasi Qurolli Kuchlari harbiy xizmatchilarini ovqatlantirish, uy-joy bilan taʼminlash, ularga tibbiy yordam koʻrsatish va majburiy sugʻurta qilish boʻyicha autsorserlar tomonidan koʻrsatilgan xizmatlar uchun oʻzaro hisob-kitoblarni oʻz vaqtida amalga oshirish hamda Oʻzbekiston Respublikasining mudofaa qobiliyatini taʼminlash xarajatlarini moliyalashtirishni yanada takomillashtirish maqsadida Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.

2. Oʻzbekiston Respublikasi Mudofaa vazirligi boshqa manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda mazkur qarorga muvofiqlashtirsin.

3. Mazkur qarorning ijrosini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov va Oʻzbekiston Respublikasi mudofaa vaziri B.N. Kurbanov zimmasiga yuklansin.

1. Vazirlar Mahkamasining “Harbiy xizmatchilar va harbiy majburiyatli shaxslarning, oddiy askarlar hamda boshliqlar tarkibiga kiruvchi shaxslarning davlat majburiy shaxsiy sugʻurtasi toʻgʻrisida” 1994-yil 26-yanvardagi 38-son qarorida (Oʻzbekiston Respublikasi QT, 1994-y., 1-son, 6-modda):

a) 1-bandda:

ikkinchi xatboshiga “Davlat xavfsizlik xizmatiga,” soʻzlaridan keyin “Elektron texnologiyalarni rivojlantirish markaziga” soʻzlari qoʻshilsin;

uchinchi xatboshiga “Davlat xavfsizlik xizmati,” soʻzlaridan keyin “Elektron texnologiyalarni rivojlantirish markazi” soʻzlari qoʻshilsin;

b) 4²-bandning ikkinchi xatboshiga “Davlat xavfsizlik xizmati,” soʻzlaridan keyin “Elektron texnologiyalarni rivojlantirish markazi” soʻzlari qoʻshilsin.

2. Vazirlar Mahkamasining “Oʻzbekiston Respublikasi Ichki ishlar vazirligi va Milliy xavfsizlik xizmatining ichki va chegara qoʻshinlari harbiy xizmatchilariga, oʻquv muassasalari tinglovchilari hamda kursantlariga tibbiy xizmat koʻrsatishni tartibga solish toʻgʻrisida” 1996-yil 27-sentabrdagi 336-son qarorida:

a) nomlanishi quyidagi tahrirda bayon qilinsin:

“Oʻzbekiston Respublikasi Ichki ishlar vazirligi, Favqulodda vaziyatlar vazirligi, Milliy gvardiya va Davlat xavfsizlik xizmatining harbiy xizmatchilariga, oʻquv muassasalari tinglovchilari hamda kursantlariga tibbiy xizmat koʻrsatishni tartibga solish toʻgʻrisida”;

b) muqaddimadagi “va Milliy xavfsizlik xizmatining ichki va chegara qoʻshinlari harbiy xizmatchilariga” soʻzlari “, Favqulodda vaziyatlar vazirligi, Milliy gvardiya va Davlat xavfsizlik xizmatining harbiy xizmatchilariga” soʻzlari bilan almashtirilsin;

v) 1-band quyidagi tahrirda bayon qilinsin:

“1. Oʻzbekiston Respublikasi Mudofaa vazirligining harbiy-davolash muassasalariga Oʻzbekiston Respublikasi Ichki ishlar vazirligi, Favqulodda vaziyatlar vazirligi, Milliy gvardiya va Davlat xavfsizlik xizmatining harbiy xizmatchilarini, oʻquv muassasalari tinglovchilari hamda kursantlarini belgilangan tartibda tuziladigan shartnomalarga asosan statsionar davolash vazifasi yuklansin.

Oʻzbekiston Respublikasi Mudofaa vazirligining harbiy-davolash muassasalari tomonidan tibbiy xizmatlar koʻrsatishda Ichki ishlar vazirligi, Favqulodda vaziyatlar vazirligi va Milliy gvardiya ovqatlanish, kommunal xizmatlar, hammom-kirxona xizmati, dori vositalari va tibbiyot buyumlari uchun qilingan harajatlarni Mudofaa vazirligiga qoplab beradi, ushbu mablagʻlar keyinchalik Mudofaa vazirligining moddiy-texnik bazasini takomillashtirishga yoʻnaltiriladi”;

g) 3-bandning uchinchi xatboshi quyidagi tahrirda bayon qilinsin:

“Oʻzbekiston Respublikasi Ichki ishlar vazirligi, Favqulodda vaziyatlar vazirligi, Milliy gvardiyasi va Davlat xavfsizlik xizmati smetasida harbiy xizmatchilarini davolash uchun mablagʻlarni har yili nazarda tutsin”.

3. Vazirlar Mahkamasining 2009-yil 31-dekabrdagi 343-son qarori bilan tasdiqlangan Budjet tashkilotlari va davlat unitar korxonalarining asosiy vositalarini hamda qurilishi tugallanmagan obyektlarini sotish, shuningdek ularni sotishdan tushgan pul mablagʻlarini taqsimlash tartibi toʻgʻrisidagi nizomning 8-bandi quyidagi mazmundagi xatboshi bilan toʻldirilsin:

“Oʻzbekiston Respublikasi Mudofaa vazirligi tomonidan umumfuqaro foydalanishidagi boʻshayotgan mol-mulklar, shuningdek, avtomobil va maxsus texnikalarni sotishdan olingan pul mablagʻlari toʻliq miqdorda Mudofaa vazirligining ixtiyorida qoladi va maqsadli ravishda Mudofaa vazirligi boʻlinmalarining moddiy-texnik bazasini mustahkamlash va rivojlantirish uchun yoʻnaltiriladi”.

4. Vazirlar Mahkamasining “Oʻzbekiston Respublikasi Mudofaa vazirligining harbiy qismlarida autsorsing xizmatlari koʻrsatish tartibi toʻgʻrisidagi nizomni tasdiqlash haqida” 2019-yil 4-martdagi 189-son qarorida:

a) 3-bandning ikkinchi xatboshiga “zarur oziq-ovqat zahiralarini saqlash” soʻzlaridan keyin “, shuningdek, doimiy joylashuv punktlaridan tashqarida shaxsiy tarkibni taʼminlash uchun” soʻzlari qoʻshilsin;

b) 1-ilovada:

17-band quyidagi tahrirda bayon qilinsin:

“17. Koʻrsatilgan xizmatlar uchun harbiy qism va autsorser oʻrtasidagi oʻzaro xisob-kitoblar har oyda birinchi oʻn kunlik uchun harbiy qism tomonidan autsorsingning bankdagi hisobraqamiga autsorsing xizmatlari koʻrsatishning tegishli jadvalida koʻrsatilgan oylik summaning 15 foizi miqdorini dastlabki toʻlov sifatida, qolgan 85 foizini esa har oylik uchun tuzilgan shartnoma shartlariga muvofiq xizmatlar amalda koʻrsatilgandan soʻng oʻtkazish orqali amalga oshiriladi”;

18-bandning birinchi xatboshidagi “soliqlar,” soʻzi chiqarib tashlansin.

5. Vazirlar Mahkamasining 2019-yil 31-iyuldagi 653-f-son farmoyishi bilan tasdiqlangan Oʻzbekiston Respublikasi Mudofaa vazirligi Toshkent va Markaziy harbiy okruglarining ayrim harbiy shaharchalarining infrastrukturasini takomillashtirish boʻyicha tadbirlar Rejasi I boʻlimi rus tilidagi matni 12 pozitsiyasining “Moliyalashtirish manbalari” grafasiga “Dopolnitelnie istochniki mestnogo budjeta xokimiyata Djizakskoy oblasti” soʻzlaridan keyin “, vnebudjetnie sredstva Ministerstva oboroni i inie istochniki, ne zapreщennie zakonodatelstvom” soʻzlari qoʻshilsin.