1. | S. Bekenov | — | O‘zbekiston Respublikasi Davlat aktivlarini boshqarish agentligi direktori, tugatish komissiyasi raisi |
2. | O. Nasritdinxodjayev | — | O‘zbekiston Respublikasi moliya vaziriningbirinchi o‘rinbosari, tugatish komissiyasi raisi o‘rinbosari |
3. | B. Abdinazarov | — | O‘zbekiston Respublikasi iqtisodiy taraqqiyot va kambag‘allikni qisqartirish vaziri o‘rinbosari, tugatish komissiyasi raisi o‘rinbosari |
4. | O. Kudratov | — | O‘zbekiston Respublikasi Hisob palatasi bosh inspektori |
5. | Lavozimiga ko‘ra | — | O‘zbekiston Respublikasi Vazirlar Mahkamasi Sanoat va uning bazaviy tarmoqlarini hamda kooperatsiya aloqalarini rivojlantirish masalalari departamenti boshlig‘i o‘rinbosari |
6. | X. Meliyev | — | O‘zbekiston Respublikasi adliya vaziri o‘rinbosari |
7. | S. Xodjayev | — | O‘zbekiston Respublikasi qishloq xo‘jaligi vaziri o‘rinbosari |
8. | F. Umarov | — | O‘zbekiston Respublikasi Davlat soliq qo‘mitasi raisi o‘rinbosari |
9. | T. Samandarov | — | O‘zbekiston Respublikasi Davlat aktivlarini boshqarish agentligining boshqarma boshlig‘i |
10. | N. Otajonov | — | “O‘zagrotexsanoatxolding” AJ boshqaruvi raisi |
11. | R. Yusupov | — | “O‘zavtosanoat” AJ boshqaruvi raisi o‘rinbosari |
12. | N. Volosina | — | “O‘zagrotexsanoatxolding” AJ boshqarma boshlig‘i |
13. | O. Omonov | — | O‘zbekiston Respublikasi Moliya vazirligining Davlat moliyaviy nazorat departamenti direktori o‘rinbosari |
14. | D. Muxammadiyev | — | “O‘zagrotexsanoatxolding” AJ boshqarma boshlig‘i, tugatish komissiyasi kotibi |
O‘zbekiston Respublikasi Prezidentining qarori, 30.06.2020 yildagi PQ-4765-son
Кучга кириш санаси
30.06.2020
Рус
Ўзб
O’zb
O‘zb|Рус
Qishloq xo‘jaligi mashinasozligi korxonalarini boshqarish tizimini yanada maqbullashtirish va takomillashtirish maqsadida:
1. O‘zbekiston Respublikasi Davlat aktivlarini boshqarish agentligining “O‘zagrotexsanoatxolding” aksiyadorlik jamiyatini tugatish to‘g‘risidagi taklifiga rozilik berilsin.
2. “O‘zagrotexsanoatxolding” aksiyadorlik jamiyatini tugatish komissiyasi ilovaga muvofiq tarkibda tuzilsin.
O‘zbekiston Respublikasi Vazirlar Mahkamasi ikki hafta muddatda “O‘zagrotexsanoatxolding” AJni tugatish bo‘yicha “yo‘l xaritasi”ni tasdiqlasin va uning bajarilishini ta’minlansin.
3. Belgilansinki, “O‘zagrotexsanoatxolding” AJ korxonalari uchun imtiyozlar va preferensiyalar (qo‘shilgan qiymat solig‘i bo‘yicha imtiyozlar bundan mustasno) berish bo‘yicha ilgari qabul qilingan qonun hujjatlari o‘z kuchini O‘zbekiston Respublikasi Prezidenti va Hukumatining tegishli hujjatlari bilan belgilangan muddat tugagunga qadar saqlab qoladi.
4. O‘zbekiston Respublikasi Davlat aktivlarini boshqarish agentligi manfaatdor idoralar bilan birgalikda bir oy muddatda qonun hujjatlariga mazkur qarordan kelib chiqadigan o‘zgartirish va qo‘shimchalar to‘g‘risida Vazirlar Mahkamasiga takliflar kiritsin.
5. Mazkur qarorning ijrosini nazorat qilish O‘zbekiston Respublikasining Bosh vaziri A.N. Aripov zimmasiga yuklansin.