Mamlakatimizda istiqbolli yoshlarni qo‘llab-quvvatlash, ularning iqtidorini ro‘yobga chiqarish, ulg‘ayib kelayotgan yosh avlodni ilmga keng jalb qilish va intellektual salohiyatini oshirish, shuningdek, xalqaro maydonda mamlakatimizning nufuzini yanada yuksaltirish uchun iqtidorli yoshlarni aniqlash va yuqori malakali kadrlar tayyorlashning uzluksiz tizimini yanada takomillashtirish maqsadida Vazirlar Mahkamasi qaror qiladi:
1. O‘zbekiston Respublikasi Xalq ta’limi vazirligi, Adliya vazirligi hamda Xorazm viloyati hokimligining:
Xorazm viloyati, Shovot tumani, Komiljon Otaniyozov ko‘chasi, 65-uy manzilida joylashgan ayrim fanlar chuqur o‘rganiladigan 1-son ixtisoslashtirilgan davlat umumta’lim maktab-internati negizida Al-Xorazmiy nomidagi Xalqaro fizika va matematika maktab-internatini (keyingi o‘rinlarda — xalqaro maktab) tashkil etish;
belgilangan tartibda tasdiqlanadigan loyiha-smeta hujjatlari asosida budjetdan tashqari Adliya organlari va muassasalarini rivojlantirish jamg‘armasi va Xorazm viloyati mahalliy budjeti mablag‘lari hisobiga xalqaro maktabni rekonstruksiya qilish, kapital ta’mirlash va qayta jihozlash, shuningdek, maktab uchun 20 o‘rinli turar joy binosini qurish to‘g‘risidagi takliflariga rozilik berilsin.
umumiy o‘rta ta’limning davlat ta’lim standartlari asosida zamonaviy axborot texnologiyalaridan keng foydalangan holda aniq va tabiiy fanlar, shuningdek, chet tillari chuqur o‘qitilishini tashkil etish;
har bir o‘quvchining individual xususiyatlarini hisobga olgan holda mustaqil tadqiqotchilik faoliyati ko‘nikmalarini shakllantirish va rivojlantirish;
mahalliy va xorijiy mamlakatlardan yuqori kasb mahoratiga ega bo‘lgan tajribali o‘qituvchilarni jalb qilish;
iqtidor va iste’dodni aniqlash hamda kamol toptirish bo‘yicha o‘quvchilarni respublika va xalqaro fan olimpiadalari, tanlovlar va boshqa tadbirlarda qatnashishga tayyorlash.
O‘zbekiston Respublikasi Xalq ta’limi vazirligiga xalqaro maktabning moddiy-texnika bazasidan, pedagog kadrlarning salohiyati hamda ehtiyojidan kelib chiqqan holda keyingi yillarda o‘quvchilarni qabul qilish parametrlariga o‘zgartirish kiritish huquqi beriladi;
xalqaro maktabda xorijiy mamlakatlar fuqarolari hisoblangan, tegishli fanlarni o‘zlashtirishga ishtiyoqi bo‘lgan iqtidorli o‘quvchilarning shartnoma asosida ta’lim olishi imkoniyati yaratiladi;
aniq va tabiiy fanlar, shuningdek, chet tillarining chuqur o‘qitilishini ta’minlash maqsadida ilg‘or xorijiy mamlakatlarning o‘quv dasturlarini tatbiq etish va xalqaro maktabda o‘quvchilarga chuqur bilim berish, xorijiy mamlakatlarning ilg‘or tajribasi va o‘qitish metodikasini tatbiq etish uchun xorijiy mamlakatlardan o‘qituvchilarni homiylik mablag‘lari hisobiga ishga qabul qilishga ruxsat beriladi;
2020-2021 o‘quv yilidan boshlab xalqaro maktabning direktori, direktor o‘rinbosarlari va ixtisoslashgan fanlardan dars beradigan o‘qituvchilariga Vazirlar Mahkamasining “Ayrim fanlar chuqur o‘rganiladigan davlat ixtisoslashtirilgan umumta’lim muassasalari faoliyatini takomillashtirish to‘g‘risida” 2008-yil 7-avgustdagi 173-son qarorida nazarda tutilgan ustamalardan tashqari homiylar tomonidan ajratilgan mablag‘lar hisobiga 100 foizgacha qo‘shimcha ustama haq to‘lanishi mumkin;
xalqaro maktab faoliyatini yanada takomillashtirish budjetdan tashqari manbalar va homiylik (beg‘araz yordam) mablag‘lari hisobiga amalga oshirilishi mumkin;
xalqaro maktabga qo‘shimcha budjetdan tashqari mablag‘larni jalb etish Davlat budjetidan moliyalashtirish pasayishiga olib kelmaydi.
a) ikki oy muddatda xalqaro maktabning ustavi tasdiqlanishini va belgilangan tartibda davlat ro‘yxatidan o‘tkazilishini ta’minlasin;
Xorazm viloyati hokimligi, Moliya vazirligi bilan birgalikda xalqaro maktabni o‘quv-metodik majmualar, o‘qituvchilar uchun metodik qo‘llanmalar va badiiy adabiyotlar bilan ta’minlash choralarini ko‘rsin;
Vazirlar Mahkamasi huzuridagi Davlat test markazi bilan birgalikda xalqaro maktabga iqtidorli o‘quvchilarni saralab olish maqsadida fizika, matematika va chet tili fanlaridan test sinovini hamda psixologik-pedagogik diagnostikani o‘tkazsin.
Oldingi tahrirga qarang.
5. O‘zbekiston Respublikasi Xalq ta’limi vazirligi O‘zbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasi hamda boshqa manfaatdor vazirlik va idoralar bilan birgalikda:
2021-yil 1-yanvarga qadar xalqaro maktabning rahbar va boshqa kadrlarini attestatsiyadan o‘tkazsin hamda tanlov asosida xalqaro maktabni zamonaviy talablarga javob beradigan, yuksak malaka va yuqori professional tayyorgarlikka ega boshqaruv va boshqa kadrlar bilan to‘ldirishni ta’minlasin;
bir oy muddatda xalqaro maktabni rahbar va boshqa kadrlarini attestatsiyadan o‘tkazish hamda xodimlarni tanlov asosida xalqaro maktabga ishga qabul qilish tartibini ishlab chiqsin va tasdiqlasin.
(5-band O‘zbekiston Respublikasi Vazirlar Mahkamasining 2020-yil 30-oktabrdagi 677-sonli qarori tahririda — Qonun hujjatlari ma’lumotlari milliy bazasi, 31.10.2020-y., 09/20/677/1443-son)
6. O‘zbekiston Respublikasi Adliya vazirligi Xorazm viloyati hokimligi bilan birgalikda xalqaro maktabni rekonstruksiya qilish, kapital ta’mirlash, moddiy-texnik bazasini mustahkamlash, yotoqxona, oshxona, kutubxona, faollar zali, o‘quv-laboratoriya jihozlari va kompyuter texnikasi bilan qayta jihozlash, shuningdek, maktab uchun 20 o‘rinli turar joy binosi qurish ishlarini (keyingi o‘rinlarda — xalqaro maktabning qurilish-tiklash ishlari) 2021-yil 1-sentabrga qadar tugallash choralarini ko‘rsin.
7. Xorazm viloyati hokimligi xalqaro maktabning qurilish-tiklash ishlari tugallangunga qadar maktab o‘quvchilarining uzluksiz ta’lim olishlarini ta’minlash maqsadida o‘qish uchun barcha qulayliklarga ega bo‘lgan bino bilan ta’minlash choralarini ko‘rsin.
9. O‘zbekiston Respublikasi Adliya vazirligiga homiylar, shu jumladan, xalqaro maktab sobiq bitiruvchilari tomonidan taqdim etiladigan homiylik xayriyalarini jamlash uchun g‘azna hisobvarag‘ini ochishga ruxsat berilsin hamda O‘zbekiston Respublikasi Adliya vazirligi ushbu g‘azna hisobvaraqda jamlangan mablag‘larni ushbu qarorda belgilangan maqsadlar uchun yo‘naltirsin.
10. O‘zbekiston Respublikasi Adliya vazirligi bosh loyihachi tashkilot bilan birgalikda xalqaro maktabning qurilish-tiklash ishlari bo‘yicha loyiha-smeta hujjatlari ishlab chiqilishini va vakolatli ekspertiza organlaridan belgilangan tartibda ekspertiza xulosalari olinishini ta’minlasin.
11. O‘zbekiston Respublikasi Qurilish vazirligi xalqaro maktabda olib boriladigan qurilish-montaj ishlari sifati yuzasidan belgilangan tartibda davlat arxitektura-qurilish nazoratini o‘rnatsin.
12. O‘zbekiston Respublikasi Moliya vazirligi 2020-2021 o‘quv yilidan boshlab O‘zbekiston Respublikasi Davlat budjetida xalqaro maktabning joriy ta’minoti uchun zarur mablag‘larni nazarda tutsin.
13. O‘zbekiston Milliy axborot agentligi hamda O‘zbekiston Milliy teleradiokompaniyasiga ushbu qarorning maqsad va vazifalarini ommaviy axborot vositalarida keng yoritish tavsiya etilsin.
14. Mazkur qarorning bajarilishini nazorat qilish O‘zbekiston Respublikasi xalq ta’limi vaziri Sh.X. Shermatov, O‘zbekiston Respublikasi adliya vaziri R.K. Davletov, Xorazm viloyati hokimi F.U. Ermanov zimmasiga va Vazirlar Mahkamasining Ta’lim va sog‘liqni saqlash masalalari kotibiyatiga yuklansin.