Bugungi kunda respublika bo‘yicha jamoat transportida, shu jumladan, avtobus, metro, tramvay, trolleybus yo‘nalishlarida bir kunda 3 millionga yaqin, yil davomida 1,1 milliarddan ortiq yo‘lovchilarga xizmat ko‘rsatilmoqda.
Joriy yilning 9 oyi mobaynida avtobus yo‘nalishlarida 808 million, metropolitenda 56 million, tramvayda 3,2 million va trolleybusda 525 ming nafar yo‘lovchi tashilib, 872 milliard so‘mlik xizmat ko‘rsatilgan.
Biroq, o‘tkazilgan tahlil natijalari umumiy foydalaniladigan transportda yo‘lovchilarga xizmat ko‘rsatishda qator yechimini kutib turgan muammolar mavjudligini ko‘rsatmoqda. Xususan:
birinchidan, umumiy foydalaniladigan transportda, shu jumladan, avtobus, metro, tramvay, trolleybus yo‘nalishlarida ko‘rsatilgan xizmatlar uchun yagona to‘lov tizimi mavjud emas;
ikkinchidan, umumiy foydalaniladigan transportning yo‘nalishlari o‘zaro maqbullashtirilmagan, ko‘rsatiladigan xizmatga nisbatan, shu jumladan, masofa va vaqt ko‘rsatkichlarini inobatga olgan holda aholiga yo‘nalishlar bo‘yicha qulay to‘lov shartlari taklif etilmagan;
uchinchidan, umumiy foydalaniladigan transportda zamonaviy texnologiyalar asosida to‘lovlarni amalga oshirish borasida aholiga qulay shart-sharoitlar yaratilmagan va axborot-kommunikatsiya sohasidagi yangiliklar sohaga keng jalb etilmagan.
Qayd etilgan muammolarni bartaraf etish, jamoat transportida yo‘lovchilarni tashishda zamonaviy axborot-kommunikatsiya texnologiyalarini joriy etish orqali aholiga transport xizmatlari ko‘rsatish sifatini yaxshilash, yo‘lkira haqini yig‘ishda shaffoflikni ta’minlash, umumiy foydalaniladigan transportda yo‘lovchi tashish tizimini yanada takomillashtirish maqsadida Vazirlar Mahkamasi qaror qiladi:
1. O‘zbekiston Respublikasi Transport vazirligi, Toshkent shahar hokimligi, Aksiyadorlik tijorat “Aloqabank”ning:
umumiy foydalaniladigan transportda yo‘lovchi tashish uchun yo‘lkira haqini to‘lashning avtomatlashtirilgan tizimini (keyingi o‘rinlarda avtomatlashtirilgan tizim deb ataladi) bosqichma-bosqich joriy etish;
umumiy foydalaniladigan transportda yo‘lovchi tashish uchun yo‘lkira haqini amalga oshirishning avtomatlashtirilgan tizimini joriy etish bo‘yicha ixtisoslashtirilgan kompaniyani (keyingi o‘rinlarda ixtisoslashtirilgan kompaniya deb ataladi) Transport vazirligi tarkibidagi “O‘zavtotranstexnika” ilmiy ishlab chiqarish markazi” DUK, Aksiyadorlik tijorat “Aloqabank” muassisligida tashkil etilgan “Aloqa Aktiv” MChJ va “Yagona umumrespublika protsessing markazi” MChJ QK ishtirokida ustav fondi (kapitali)da 12 mln AQSh dollariga teng miqdorida tomonlarning tegishli ravishda 25, 24 va 51 foiz ulushi bilan mas’uliyati cheklangan jamiyat shaklida tashkil etish;
Ixtisoslashtirilgan kompaniyaning ustav fondi (kapitali)da Transport vazirligining “O‘zavtotranstexnika” ilmiy ishlab chiqarish markazi” DUKning 3 mln AQSh dollari ekvivalenti miqdoridagi ulushini shakllantirish uchun Transport vazirligining Transport va logistika sohasini rivojlantirish jamg‘armasi mablag‘laridan foydalanish to‘g‘risidagi takliflari ma’qullansin.
2. Shunday tartib o‘rnatilsinki, unga ko‘ra, umumiy foydalaniladigan transportda yo‘lovchi tashish uchun yo‘lkira haqini to‘lashning avtomatlashtirilgan tizimini joriy etish bosqichma-bosqich:
Toshkent shahrida “Toshshahartransxizmat” AJ va “Toshkent metropoliteni” UKning ayrim yo‘nalishlarida ko‘rsatilgan yo‘lovchi tashish xizmatlari uchun — 2020-yil 1-yanvardan boshlab;
Nukus shahri va viloyat markazlarida yo‘lovchi tashish xizmatlari uchun — 2020-yil 1-avgustdan boshlab;
O‘zbekiston Respublikasining barcha hududida yo‘lovchi tashish xizmatlari uchun — 2021-yil 1-yanvardan boshlab amalga oshiriladi.
ixtisoslashtirilgan kompaniya avtomatlashtirilgan tizimni joriy etish bo‘yicha buyurtmachi hisoblanadi va avtomatlashtirilgan tizim operatori sifatida qatnashadi;
Oldingi tahrirga qarang.
investitsiya xarajatlarini qoplash muddati davomida — 2026-yil 31-dekabrga qadar ixtisoslashtirilgan kompaniya xizmatlari uchun vositachilik to‘lovi Toshkent shahar jamoat transportida (avtobus va metro) belgilangan amaldagi cheklangan tarifdan kelib chiqqan holda, avtomatlashtirilgan tizim orqali o‘tgan barcha tranzaksiyalarning 4 foizi, 2027-yil 1-yanvardan boshlab — 3 foizi miqdorda o‘rnatiladi;
(3-bandning uchinchi xatboshisi O‘zbekiston Respublikasi Vazirlar Mahkamasining 2023-yil 18-martdagi 116-sonli qarori tahririda — Qonunchilik ma’lumotlari milliy bazasi, 22.03.2023-y., 09/23/116/0158-son)
Oldingi tahrirga qarang.
Nukus shahri va viloyat markazlari jamoat transportida (avtobus, tramvay, trolleybus) ixtisoslashtirilgan kompaniya xizmatlari uchun vositachilik to‘lovi belgilangan amaldagi cheklangan tarifdan kelib chiqqan holda, avtomatlashtirilgan tizim orqali o‘tgan barcha tranzaksiyalarning 3 foizi miqdorida o‘rnatiladi;
(3-band O‘zbekiston Respublikasi Vazirlar Mahkamasining 2023-yil 18-martdagi 116-sonli qaroriga asosan to‘rtinchi xatboshi bilan to‘ldirilgan — Qonunchilik ma’lumotlari milliy bazasi, 22.03.2023-y., 09/23/116/0158-son)
alohida fuqarolar toifalari uchun imtiyozli transport kartalarini shaxsiylashtirish va karta tannarxi bo‘yicha sotish davlat xizmatlari markazlari orqali amalga oshiriladi;
aholiga transport xizmati ko‘rsatuvchi yuridik shaxslarning (keyingi o‘rinlarda tashuvchilar deb ataladi) avtomatlashtirilgan tizimga ulanishi yo‘lovchi tashish xizmatlari ko‘rsatish huquqini beruvchi tender (tanlov) bo‘yicha bitimlarda aks ettiriladi;
“Yagona umumrespublika protsessing markazi” MChJ QK avtomatlashtirilgan tizimning dasturiy-apparat kompleksini ishlab chiqish, integratsiyalashtirish, joriy etishni ta’minlash bo‘yicha ijrochi;
Transport vazirligi avtomatlashtirilgan tizim respublikaning barcha hududlarida joriy etilishi bo‘yicha muvofiqlashtiruvchi organ;
O‘zbekiston Respublikasi Transport vazirligi va Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari avtomatlashtirilgan tizim 2020-2021-yillarda amaliyotga to‘liq joriy etilishi uchun shaxsan mas’ul hisoblanadilar.
4. Transport vazirligi Moliya vazirligi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bilan birgalikda ikki oy muddatda avtomatlashtirilgan tizim uchun tariflarni belgilash tartibi to‘g‘risida Vazirlar Mahkamasiga taklif kiritsin.
Bunda, bitta to‘lov bilan bir nechta transport yoki transport turidan foydalanish imkoniyati, yo‘nalishdagi vaqt hamda masofadan kelib chiqqan holda belgilanadigan tarif rejalarini joriy etish, shuningdek, ushbu tariflar bo‘yicha tushgan mablag‘larni tashuvchilar o‘rtasida taqsimlash tartibi nazarda tutilsin.
5. O‘zbekiston Respublikasi Markaziy bankiga to‘lov tizimlari va avtomatlashtirilgan tizimni o‘zaro integratsiyalashtirish, umumiy foydalaniladigan transportda yo‘lovchi tashish uchun yo‘lkira haqini bank plastik kartochkalari yordamida amalga oshirish, shuningdek, ko‘rsatilgan xizmatlar uchun vositachilik to‘lovlarisiz tushumlar to‘liqligini ta’minlagan holda transport kartalarini to‘ldirish uchun terminallar, bankomatlar va axborot kioskalari orqali to‘lovlarni qabul qilish tavsiya etilsin.
6. O‘zbekiston Respublikasi Transport vazirligi O‘zbekiston Milliy teleradiokompaniyasi, O‘zbekiston Milliy axborot agentligi bilan birgalikda ushbu qarorning mazmuni va mohiyati ommaviy axborot vositalarida keng yoritilishini hamda aholi e’tiboriga yetkazilishini ta’minlasin.
7. O‘zbekiston Respublikasi Transport vazirligi manfaatdor vazirliklar va idoralar bilan birgalikda bir oy muddatda qonun hujjatlariga ushbu qarordan kelib chiqadigan o‘zgartirish va qo‘shimchalar to‘g‘risida Vazirlar Mahkamasiga takliflar kiritsin.
8. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari — transport vaziri A.J. Ramatov zimmasiga yuklansin.