Oʻzbekiston Respublikasi Prezidentining “Soliq va bojxona imtiyozlari berilishini yanada tartibga solish chora-tadbirlari toʻgʻrisida” 2019-yil 27-iyundagi PF-5755-son Farmoniga muvofiq hamda donni qayta ishlash korxonalari va qolipli non ishlab chikaruvchilarni qoʻllab-quvatlash va narx-navoning oshib ketishiga yoʻl qoʻymaslik maqsadida Vazirlar Mahkamasi qaror qiladi:

1. Belgilab qoʻyilsinki:

a) 2020-yil 1-iyulgacha:

donni qayta ishlash korxonalari tomonidan un ishlab chiqarishda mahalliy don qiymatini chiqarib tashlagan holda, tushumlar hajmidan kelib chiqib qoʻshilgan qiymat soligʻi boʻyicha soliqqa tortiladigan aylanmani aniqlash tartibi saqlab qolinadi;

faqat mahaliy dondan ishlab chiqarilgan undan tayyorlangan qolipli non ishlab chiqarish va sotish qoʻshilgan qiymati soligʻidan ozod qilinadi;

b) 2019-yil 1-oktabrdan boshlab import qilinganda qoʻshilgan qiymati soligʻiga tortilgan donni qayta ishlash korxonalari qoʻshilgan qiymati soligʻi boʻyicha soliqqa tortiladigan aylanmani Oʻzbekiston Respublikasining Soliq kodeksida belgilangan tartibda aniqlaydilar.

2. Oʻzbekiston Respublikasi Hukumatining 1-ilovaga muvofiq ayrim qarorlariga oʻzgartirish va qoʻshimchalar kiritilsin.

3. Oʻzbekiston Respublikasi Hukumatining 2-ilovaga muvofiq ayrim qarorlari oʻz kuchini yoʻqotgan deb hisoblansin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov zimmasiga yuklansin.

1. Vazirlar Mahkamasining “Birjadan tashqari valyuta bozorini yanada rivojlantirish va mustahkamlash chora-tadbirlari toʻgʻrisida” 2000-yil 29-iyundagi 245-son qarorining (Oʻzbekiston Respublikasi QT, 2000-y., 6-son, 33-modda) 4-bandiga quyidagi mazmundagi “d” kichik band qoʻshilsin:

“d) tadbirkorlik subyektlariga nisbatan asbob-uskunalar va (yoki) butlovchi buyumlar yetkazib berish boʻyicha import shartnomalari yuzasidan muddati oʻtgan debitor qarzdorlik uchun, agar ushbu kontraktlar shartlarida asbob-uskunalar va (yoki) butlovchi buyumlarni yetkazib berish muddati ularning texnik xususiyatlari va oʻziga xosligidan kelib chiqqan holda 180 kundan ortiq belgilangan boʻlsa, moliyaviy jazo choralari qoʻllanilmaydi”.

2. Vazirlar Mahkamasining “Ichki bozorni yogʻoch-taxta materiallari bilan toʻldirishga doir qoʻshimcha chora-tadbirlar toʻgʻrisida” 2003-yil 7-iyuldagi 305-son qarorida (Oʻzbekiston Respublikasi QT, 2003-y., 7-son, 58-modda):

1-banddagi “va qoʻshilgan qiymat soligʻi” soʻzlari chiqarib tashlansin;

ilovaning nomidagi “va qoʻshilgan qiymat soligʻi” soʻzlari chiqarib tashlansin.

3. Vazirlar Mahkamasining 2008-yil 24-iyundagi 141-son qarori (Oʻzbekiston Respublikasi QT, 2008-y., 6-son, 32-modda) bilan tasdiqlangan transport vositalari egalarining fuqarolik javobgarligini majburiy sugʻurta qilish boʻyicha toʻlovlarni kafolatlash jamgʻarmasi toʻgʻrisidagi Nizomning 16-bandidagi “Jamgʻarma daromadlari” soʻzlaridan keyin “(Tijorat banklariga joylashtirilgan mablagʻlardan toʻlov manbaida soliqqa tortiladigan foizlardan tashqari)” soʻzlari qoʻshilsin.

4. Vazirlar Mahkamasining “MAN” ogʻir yukli avtotransport vositalarini ishlab chiqarishni yanada kengaytirish chora-tadbirlari toʻgʻrisida” 2015-yil 24-martdagi 66-son qarorining (Oʻzbekiston Respublikasi QHT, 2015-y., 12- son, 136-modda) rus tili matnidagi 7-bandi koʻyidagi tahrirda bayon etilsin:

“7. Osvobodit ot tamojennix platejey (za isklyucheniyem naloga na dobavlennuyu stoimost i sborov za tamojennoye oformleniye) tovari, ne proizvodimie v Respublike Uzbekistan i vvozimie SP OOO “JV MAN Auto-Uzbekistan” i DP “ToshIESkurilish” AO “Uzbekgidroenergokurilish” dlya realizatsii proyekta po osvoyeniyu proizvodstva kabin dlya bolshegruznix avtotransportnix sredstv “MAN” po perechnyam, utverjdayemim v ustanovlennom poryadke”.

5. Vazirlar Mahkamasining 2017-yil 17-apreldagi 222-son qarori (Oʻzbekiston Respublikasi QHT, 2017-y., 17-son, 294-modda) bilan tasdiqlangan Oʻzbekiston Respublikasi Vazirlar Mahkamasi huzuridagi Respublika yoʻl jamgʻarmasi toʻgʻrisidagi nizomning 12-bandidagi oltinchi xatboshi chiqarib tashlansin.

6. Vazirlar Mahkamasining “Paxta-toʻqimachilik ishlab chiqarishini tashkil etishning zamonaviy shakllarini joriy etish chora-tadbirlari toʻgʻrisida” 2018-yil 25-yanvardagi 53-son qarorining 6-bandida:

a) beshinchi xatboshi “(qoʻshilgan qiymat soligʻidan tashqari)” soʻzlari bilan toʻldirilsin;

b) qoʻyidagi tahrirdagi oltinchi xatboshi qoʻshilsin:

“Paxta-toʻqimachilik ishlab chiqarish tashkilotchilariga 2018-yil 1-oktabrdan keyin fermer xoʻjaliklariga berilgan mol-mulkni tovarlar (ishlar, xizmatlar) boʻyicha qoʻshilgan qiymat soligʻi bilan oʻtkazishni amalga oshirish huquqi berilsin”.

7. Vazirlar Mahkamasining “Qizilmiya va boshqa dorivor oʻsimliklarni yetishtirish hamda sanoat usulida qayta ishlashni samarali tashkil etishga doir qoʻshimcha chora-tadbirlar toʻgʻrisida” 2019-yil 15-fevraldagi 138-son qarori 9-bandi “a” kichik bandining uchinchi xatboshi qoʻyidagi tahrirda bayon qilinsin:

“oʻzlarining ishlab chiqarish ehtiyojlari uchun respublikada ishlab chiqarilmaydigan va olib kelinadigan texnologik uskunalar, maxsus qishloq xoʻjaligi texnikalari, ularning butlovchi va ehtiyot qismlari, xom ashyolar, materiallar, shu jumladan qurilish materiallari, qizilmiya va boshqa dorivor oʻsimliklar urugʻlari va koʻchatlari, shuningdek, uchuvchisiz uchish apparatlari uchun bojxona toʻlovlaridan (qoʻshilgan qiymati soligʻi va bojxona yigʻimlaridan tashqari) ozod qilish. Bunda respublikaga olib kelinadigan maxsus qishloq xoʻjaligi texnikalari, ularning butlovchi va ehtiyot qismlari belgilangan tartibda qoʻshilgan qiymat soligʻiga tortiladi”.

8. Vazirlar Mahkamasining “Paxta-toʻqimachilik ishlab chiqarishlarini yanada rivojlantirish chora-tadbirlari toʻgʻrisida” 2019-yil 18-martdagi 230-son qarorining 3 bandida:

a) “(qoʻshilgan qiymat soligʻidan tashqari)” soʻzlari bilan toʻldirilsin;

b) qoʻyidagi tahrirdagi ikkinchi xatboshi qoʻshilsin:

“Paxta-toʻqimachilik ishlab chiqarishi tashkilotchilariga 2018-yil 1-oktabrdan keyin fermer xoʻjaliklariga berilgan mol-mulkni tovarlar (ishlar, xizmatlar) boʻyicha qoʻshilgan qiymat soligʻi bilan oʻtkazishni amalga oshirish huquqi berilsin”.

9. Vazirlar Mahkamasining 2019-yil 15-maydagi 402-son qarori bilan tasdiqlangan Oʻzbekiston Respublikasi Monopoliyaga qarshi kurashish qoʻmitasi huzuridagi budjetdan tashqari Raqobatni rivojlantirishga koʻmaklashish jamgʻarmasi mablagʻlarini shakllantirish va ulardan foydalanish tartibi toʻgʻrisidagi nizomning 5-bandida “manbalaridan” soʻzidan keyin “(Toʻlov manbaida yuridik shaxslardan olinadigan foyda soligʻidan tashqari)” soʻzlari bilan toʻldirilsin.

10. Vazirlar Mahkamasining 2019-yil 15-fevraldagi 114-f-son farmoyishining rus tilidagi matni 4-bandidagi “za isklyucheniyem” soʻzlaridan keyin “naloga na dobavlennuyu stoimost i” soʻzlari bilan toʻldirilsin.

1. Vazirlar Mahkamasining “Qoʻshilgan qiymat soligʻidan ozod qilinadigan oziq-ovqat mahsulotlari roʻyxatini tasdiqlash toʻgʻrisida” 2018-yil 31-dekabrdagi 1065-son qarori (Oʻzbekiston Respublikasi QHT, 2018., 52-son, 999-modda).

2. Vazirlar Mahkamasining “Oʻzbekiston Respublikasida ishlab chiqariladigan realizatsiya qilish oborotlari qoʻshilgan qiymat soligʻidan ozod etiladigan oziq-ovqat mahsulotlari roʻyxatiga qoʻshimcha kiritish toʻgʻrisida” 2019-yil 24-yanvardagi 56-son qarori (Oʻzbekiston Respublikasi, QHT, 2019-y., 4-son, 63-modda).

3. Vazirlar Mahkamasining “2019-yil hosili uchun qishloq hoʻjaligi mahsulotlarini yetishtiruvchilarga urugʻlik kartoshka yetkazib berish va ichki isteʼmol bozorini ijtimoiy muhim turdagi oziq-ovqat mahsulotlari bilan kafolatli toʻldirish chora-tadbirlari toʻgʻrisida” 462-son qaroriga 2-ilovaning 2-bandi.

4. Vazirlar Mahkamasining “Oʻzbekiston Respublikasida ishlab chiqariladigan realizatsiya qilish oborotlari qoʻshilgan qiymat soligʻidan ozod etiladigan oziq-ovqat mahsulotlari roʻyxatiga oʻzgartirish va qoʻshimcha kiritish toʻgʻrisida” 2019-yil 16-iyuldagi 591-son qarori.