Idoraviy normativ-huquqiy hujjatlarni davlat reyestridan chiqarish boʻyicha 2019-yil 27-sentabrdagi xulosaga muvofiq hamda Oʻzbekiston Respublikasining “Normativ-huquqiy hujjatlar toʻgʻrisida”gi Qonuni, Oʻzbekiston Respublikasi Prezidentining 2018-yil 13-apreldagi PQ-3666-son “Oʻzbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar toʻgʻrisida”gi qarori, Oʻzbekiston Respublikasi Vazirlar Mahkamasining 1997-yil 9-oktabrdagi 469-son “Vazirliklar, davlat qoʻmitalari va idoralar meʼyoriy hujjatlarining qonuniyligini taʼminlash chora-tadbirlari toʻgʻrisida”gi qaroriga asosan, buyuraman:

1. Davlat qisqa muddatli obligatsiyalar bozorida dilerlik vazifalarini bajarish boʻyicha shartnoma tuzish tartibini (roʻyxat raqami 525, 1998-yil 9-noyabr) Idoraviy normativ-huquqiy hujjatlarning davlat reyestridan chiqarish yuzasidan Oʻzbekiston Respublikasi Markaziy bankining 2019-yil 26-sentabrdagi 17-25/455-son xati maʼlumot uchun qabul qilinsin.

2. Quyidagilar Idoraviy normativ-huquqiy hujjatlarning davlat reyestridan chiqarilsin:

Oʻzbekiston Respublikasi Markaziy banki Boshqaruvi tomonidan 1997-yil 4-oktabrda 48v-son bilan tasdiqlangan Davlat qisqa muddatli obligatsiyalar bozorida dilerlik vazifalarini bajarish boʻyicha shartnoma tuzish tartibi (roʻyxat raqami 525, 1998-yil 9-noyabr);

Oʻzbekiston Respublikasi Markaziy banki Boshqaruvi tomonidan 1999-yil 20-fevralda 48v-1-son bilan tasdiqlangan Davlat qisqa muddatli obligatsiyalar bozorida dilerlik vazifalarini bajarishga oid shartnoma tuzish tartibiga 1-sonli oʻzgartirishlar (roʻyxat raqami 525-1, 1999-yil 1-aprel);

Oʻzbekiston Respublikasi Markaziy banki Boshqaruvi tomonidan 1999-yil 20-noyabrda 48v-2-son bilan tasdiqlangan Davlat qisqa muddatli obligatsiyalari bozorida dilerlik vazifalarini bajarishga doir shartnomalar tuzish tartibiga 2-sonli oʻzgartirishlar (roʻyxat raqami 525-2, 2000-yil 11-may);

Oʻzbekiston Respublikasi Markaziy banki Boshqaruvining 2003-yil 29-martdagi 6/19-son “Davlat qisqa muddatli obligatsiyalari bozorida dilerlik vazifalarini bajarishga doir shartnomalar tuzish tartibiga oʻzgartirish kiritish toʻgʻrisida”gi qarori (roʻyxat raqami 525-3, 2003-yil 15-aprel);

Oʻzbekiston Respublikasi Markaziy banki Boshqaruvining 2013-yil 16-dekabrdagi 48v-4-son “Davlat qisqa muddatli obligatsiyalari bozorida dilerlik vazifalarini bajarish boʻyicha shartnomalar tuzish tartibiga oʻzgartirishlar kiritish toʻgʻrisida”gi qarori (roʻyxat raqami 525-4, 2013-yil 26-dekabr);

Oʻzbekiston Respublikasi Markaziy banki Boshqaruvining 2015-yil 21-maydagi 48v-5-son “Davlat qisqa muddatli obligatsiyalari bozorida dilerlik vazifalarini bajarishga doir shartnomalar tuzish tartibiga oʻzgartirishlar kiritish toʻgʻrisida”gi qarori (roʻyxat raqami 525-5, 2015-yil 1-iyun);

Oʻzbekiston Respublikasi Markaziy banki Boshqaruvining 2015-yil 8-oktabrdagi 48v-6-son “Davlat qisqa muddatli obligatsiyalari bozorida dilerlik vazifalarini bajarishga doir shartnomalar tuzish tartibining 2.2-bandiga oʻzgartirish kiritish toʻgʻrisida”gi qarori (roʻyxat raqami 525-6, 2015-yil 21-oktabr);

Oʻzbekiston Respublikasi Markaziy banki Boshqaruvining 2017-yil 30-dekabrdagi 48-V-7-son “Davlat qisqa muddatli obligatsiyalari bozorida dilerlik vazifalarini bajarishga doir shartnomalar tuzish tartibiga oʻzgartirish va qoʻshimchalar kiritish toʻgʻrisida”gi qarori (roʻyxat raqami 525-7, 2018-yil 8-yanvar);

Oʻzbekiston Respublikasi Markaziy banki Boshqaruvining 2018-yil 16-apreldagi 48-V-8-son “Davlat qisqa muddatli obligatsiyalari bozorida dilerlik vazifalarini bajarishga doir shartnomalar tuzish tartibiga oʻzgartirishlar kiritish toʻgʻrisida”gi qarori (roʻyxat raqami 525-8, 2018-yil 26-aprel).

3. Mazkur buyruq davlat roʻyxatidan oʻtkazilsin va bu haqda Idoraviy normativ-huquqiy hujjatlarning davlat reyestriga tegishli yozuv kiritilsin.

4. Qonun hujjatlarini tahlil qilish va turkumlash boshqarmasi ushbu idoraviy normativ-huquqiy hujjatni “Oʻzbekiston Respublikasi qonun hujjatlari toʻplami” — “Sobraniye zakonodatelstva Respubliki Uzbekistan”da hamda Oʻzbekiston Respublikasi Qonun hujjatlari maʼlumotlari milliy bazasida eʼlon qilinishini taʼminlasin.

5. Mazkur buyruq rasmiy eʼlon qilingan kundan eʼtiboran kuchga kiradi.