Oʻzbekiston Respublikasi Prezidentining “Tashqi iqtisodiy faoliyatni amalga oshirishda maʼmuriy tartib-taomillarni yanada takomillashtirish chora-tadbirlari toʻgʻrisida” 2019-yil 23-apreldagi PQ-4297-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.

2. Vazirlik va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari E.M. Gʻaniyev zimmasiga yuklansin

1. Vazirlar Mahkamasining “Ekologik xavfli mahsulotlar va chiqindilarni Oʻzbekiston Respublikasiga olib kirishni va ularni uning hududidan olib chiqishni tartibga solish toʻgʻrisida” 2000-yil 19-apreldagi 151-son qaroriga (Oʻzbekiston Respublikasi QT, 2000-y. 4-son, 21-modda) 2-ilovaning rus tilidagi matnida:

a) 5-banddagi “i v sroki, ustanovlennie soglasno prilojeniyu” soʻzlari “v srok ne boleye pyati rabochix dney s dati podachi zayavleniya s prilojeniyem dokumentov, predusmotrennix zakonodatelstvom” soʻzlari bilan almashtirilsin;

b) ilova oʻz kuchini yoʻqotgan deb topilsin.

2. Vazirlar Mahkamasining “Mahsulotlarni sertifikatlashtirish tartibotini soddalashtirishga doir qoʻshimcha chora-tadbirlar toʻgʻrisida” 2004-yil 6-iyuldagi 318-son qaroriga (Oʻzbekiston Respublikasi QHT, 2004-y., 27-son, 315-modda) 1-ilovada:

a) 7-band quyidagi tahrirda bayon qilinsin:

“7. Sanitariya-epidemiologiya xulosasini olish uchun ariza beruvchi davlat sanitariya nazoratining hududiy organiga qonunchilikda belgilangan tartibda tasdiqlangan shakldagi ariza bilan murojaat qiladi.

Oziq-ovqat ishlab chiqaruvchilar arizaga texnologik yoʻriqnoma va retseptura ilova qiladi”;

b) 14-bandga quyidagi mazmundagi uchinchi xatboshi qoʻshilsin:

“Aynan bir xil tovarlarga bir tashqi savdo shartnomasi (kontrakti) doirasida sanitariya-epidemiologiya xulosasi bir kalendar yilidan oshmagan muddatga bir marotaba beriladi”;

v) 19-bandda:

beshinchi xatboshi quyidagi tahrirda bayon qilinsin:

“Chetdan olib kelinayotgan mahsulotni sertifikatlashtirish uchun mahsulotni markirovka qilish namunasi (mahsulot toʻgʻrisida axborot) taqdim etiladi.”;

oltinchi — toʻqqizinchi xatboshilar chiqarib tashlansin;

g) 20-banddagi:

“Sertifikatlashtirish maqsadida” soʻzlari “Ishlab chiqarilayotgan mahsulotni sertifikatlashtirish maqsadida” soʻzlari bilan almashtirilsin;

d) 21-bandda:

birinchi xatboshidagi “sertifikatlashtirish organi” soʻzlaridan keyin “ishlab chiqarilayotgan mahsulotni” soʻzlari qoʻshilsin;

ikkinchi xatboshidagi “sertifikatlashtirish organi” soʻzlaridan keyin “ishlab chiqarilayotgan mahsulotga” soʻzlari qoʻshilsin;

e) 24-bandning uchinchi xatboshisi quyidagi tahrirda bayon qilinsin:

“Chetdan olib kelinayotgan mahsulotning zarur normativ hujjati yoki texnik tasnifnomalar mavjud boʻlmasa, mazkur mahsulotni sertifikatlash mahsulotning ana shunday turlariga xos hujjatlar boʻyicha amalga oshiriladi”;

j) 26-bandga quyidagi mazmundagi uchinchi xatboshi qoʻshilsin:

“Aynan bir xil tovarlarga bir tashqi savdo shartnomasi (kontrakti) doirasida muvofiqlik sertifikati bir kalendar yilidan oshmagan muddatga bir marotaba taqdim etiladi”.

3. Vazirlar Mahkamasining 2010-yil 2-apreldagi 62-son qarori (Oʻzbekiston Respublikasi QHT, 2010-y., 14-15-son) bilan tasdiqlangan Vazirliklar, davlat qoʻmitalari va idoralarning budjetdan tashqari jamgʻarmalariga yoʻnaltirilayotgan davlat bojlari, yigʻimlar va soliq boʻlmagan toʻlovlardan, maʼmuriy va moliyaviy jazolardan ajratmalar miqdorlarining 29-pozitsiyasidagi “Oʻzbekiston Respublikasi hududi orqali oʻsimliklar karantini boʻyicha chegara punktlarida tranzit oʻtayotgan karantin ostidagi yuklarni ochmasdan transport birligiga hujjatlarni rasmiylashtirishdan” soʻzlari chiqarib tashlansin.

4. Vazirlar Mahkamasining 2011-yil 17-noyabrdagi 305-son qarori bilan tasdiqlangan “Bir darcha” tamoyili boʻyicha eksportga yetkazib berishlar bilan bogʻliq tartibotlarni amalga oshirish mexanizmi toʻgʻrisidagi vaqtinchalik nizomda:

a) 6-bandda:

“v” kichik bandining beshinchi xatboshi chiqarib tashlansin;

oltinchi xatboshi beshinchi xatboshi deb hisoblansin;

“g” kichik bandi quyidagi tahrirda bayon qilinsin:

“g) sanitariya-epidemiologiya xulosasini olish uchun (Oʻzbekiston Respublikasi Sogʻliqni saqlash vazirligi huzuridagi Davlat sanitariya-epidemiologiya nazorati markazi) sertifikatni rasmiylashtirish xizmatlari uchun toʻlovlar toʻgʻrisidagi toʻlov hujjati”;

b) 11-bandning uchinchi xatboshiga “, oʻrov varagʻi bundan mustasno” soʻzlari qoʻshilsin.

5. Vazirlar Mahkamasining 2015-yil 20-iyuldagi 197-son qarori (Oʻzbekiston Respublikasi QHT, 2015-y., 29-son, 382-modda) bilan tasdiqlangan Eksport-import operatsiyalarini amalga oshirishda davlat bojxona xizmati organlariga taqdim etiladigan hujjatlar roʻyxati I boʻlimining 3-bandi va II boʻlimining 3-bandi quyidagi tahrirda bayon qilinsin:

“3. Transport hujjatlari, oʻrov varagʻi bundan mustasno”;

6. Vazirlar Mahkamasining “Davlat veterinariya xizmati tizimida ruxsat etish xususiyatiga ega hujjatlarni berish tartib-taomillaridan oʻtish tartibi toʻgʻrisidagi nizomlarni tasdiqlash haqida” 2017-yil 15-martdagi 139-son qarorida (Oʻzbekiston Respublikasi QHT, 2017-y., 11-son, 166-modda):

a) Mahalliy va import qilinadigan veterinariya dori vositalari hamda ozuqabop qoʻshimchalarni roʻyxatdan oʻtkazish va ularga roʻyxatdan oʻtkazilganlik guvohnomasi berish tartibi toʻgʻrisidagi nizomda:

8-band quyidagi tahrirda bayon qilinsin:

“8. Roʻyxatdan oʻtkazilganlik guvohnomasini olish uchun arizachi (yoki uning nomidan harakat qiluvchi ishonchli vakil) vakolatli organga mazkur Nizomga 3-ilovaga muvofiq shaklda ariza taqdim etib, unga mazkur Nizomga 4-ilovaga muvofiq veterinariya dori vositalari va ozuqabop qoʻshimchalarni roʻyxatdan oʻtkazish uchun talab etiladigan hujjatlar va namunalarni ilova qiladi”;

4-ilovaning 2-bandi oʻz kuchini yoʻqotgan deb hisoblansin;

b) Davlat veterinariya xizmati nazoratidagi tovarlarni eksport, import qilishga hamda Oʻzbekiston Respublikasi hududi orqali tranzit qilishga ruxsatnomalar berish tartibi toʻgʻrisidagi nizomda:

31-banddagi “kamida 30 kun oldin” soʻzlari chiqarib tashlansin;

2-ilovadagi “Bajarish muddati” ustunining 1-bosqichidagi “(zarur hollarda 30 kun oldin)” soʻzlari chiqarib tashlansin.

7. Vazirlar Mahkamasining 2017-yil 18-sentabrdagi 742-son qarori bilan tasdiqlangan Davlat foydasiga voz kechish bojxona rejimiga joylashtirilgan tovarlarni davlat mulkini boshqarish boʻyicha vakolatli organga topshirish tartibi toʻgʻrisidagi nizomning 2-bandi oltinchi xatboshidagi “va oʻrov” soʻzlari chiqarib tashlansin.

8. Vazirlar Mahkamasining “Oʻzbekiston Respublikasining Davlat chegarasi orqali oʻtkazish punktlarida chegara, bojxona, sanitariya-karantin, fitosanitariya va veterinariya nazoratini tashkil etish tartibini takomillashtirish toʻgʻrisida”gi 2017-yil 21-dekabrdagi 1007-son qaroriga 1-ilovada:

3-bandga quyidagi mazmundagi ikkinchi xatboshi qoʻshilsin:

“Bunda agar mazkur tovarlar va transport vositalari qonun hujjatlariga muvofiq fitosanitariya va veterinariya nazoratiga tegishli boʻlmasa, ularni fitosanitariya va (yoki) veterinariya nazoratidan oʻtkazish taqiqlanadi.”;

ikkinchi xatboshi uchinchi xatboshi deb hisoblansin.

9. Vazirlar Mahkamasining “Oʻzbekiston Respublikasi hududini oʻsimliklar karantinidagi zararli organizmlardan himoya qilish va oʻsimliklar karantini sohasida ruxsat berish tartib-taomillaridan oʻtish tartibi toʻgʻrisidagi nizomlarni tasdiqlash haqida” 2018-yil 29-yanvardagi 65-son qarorida:

a) 1-ilovaning 29-bandi quyidagi tahrirda bayon qilinsin:

“29. Oʻsimliklar karantini nazoratidagi mahsulotlar tranzit tarzida Oʻzbekiston Respublikasi hududidan yopiq yoki izotermik, tashishga yaroqli va plombalangan vagonlarda, avtofurgonlarda, avtorefrejerator yoki konteynerlarda Bojxona tranzit rejimi toʻgʻrisidagi nizomga muvofiq hamda oʻsimliklar karantini nazoratidagi mahsulotlarni ochmasdan transport birligiga dalolatnoma berilgandan soʻng olib oʻtiladi.

Oʻsimliklar karantini nazoratidagi mahsulotlarni ochmasdan transport birligiga dalolatnoma berish uchun haq undirilmaydi.”;

b) 2-ilovada:

17-band quyidagi tahrirda bayon qilinsin:

“17. Karantin ruxsatnomasini berish yoki berishni rad etish toʻgʻrisidagi qaror ariza beruvchilar tomonidan ariza Inspeksiyaga kelib tushgan kundan boshlab besh ish kuni davomida qabul qilinadi va bu haqidagi tegishli hujjatni ariza beruvchilarga berish (yuborish) yoki bunday hujjatni berish rad etilganligi toʻgʻrisida Inspeksiya uni yozma shaklda, shu jumladan axborot tizimi orqali elektron shaklda xabardor qilishi shart”;

“Bajarish muddati” ustunining 2-bosqichidagi “Yetti ish kun davomida. Qaror qabul qilingan sanadan eʼtiboran bir ish kunidan kechiktirmay” soʻzlari “Besh ish kun davomida” soʻzlari bilan almashtirilsin;

v) 3-ilovada:

9-bandning sakkizinchi xatboshidagi “kamida 30 kun avval” soʻzlari “oldin istalgan vaqtda” soʻzlari bilan almashtirilsin.

17-band quyidagi tahrirda bayon qilinsin:

“17. Fitosanitar sertifikatini berish yoki berishni rad etish toʻgʻrisidagi qaror ariza beruvchilar tomonidan ariza kelib tushgan kundan boshlab besh ish kuni davomida qabul qilinadi va bu haqidagi tegishli hujjatni ariza beruvchilarga berish (yuborish) yoki bunday hujjatni berish rad etilganligi toʻgʻrisida hududiy inspeksiya uni yozma shaklda, shu jumladan axborot tizimi orqali elektron shaklda xabardor qilishi shart.”;

“Bajarish muddati” ustunining 1-bosqichidagi “kamida 30 kun qolganda” soʻzlari “oldin istalgan vaqtda” soʻzlari bilan almashtirilsin;

“Bajarish muddati” ustunining 2-bosqichidagi “Yetti ish kun davomida. Qaror qabul qilingan sanadan eʼtiboran bir ish kunidan kechiktirmay” soʻzlari “Besh ish kun davomida” soʻzlari bilan almashtirilsin.