LexUZ sharhi
Mazkur qaror O‘zbekiston Respublikasi Prezidentining 2021-yil 24-iyuldagi PQ-5193-sonli “Surxondaryo viloyatida quvvati 1500-1600 MVt bo‘lgan bug‘-gaz elektr stansiyasi qurilishini tashkil etish bo‘yicha chora-tadbirlar to‘g‘risida”gi qaroriga asosan o‘z kuchini yo‘qotgan.
Mamlakatimizning energetika tarmog‘ini jadal rivojlantirish, uning raqobatbardoshligini oshirish, shuningdek elektr energiyasini ishlab chiqarishning yangi quvvatlarini qurishga to‘g‘ridan to‘g‘ri xorijiy investitsiyalarni faol jalb qilishni ta’minlash maqsadida:
1. O‘zbekiston Respublikasining Turkiya Respublikasi bilan hamkorligi doirasida Energetika vazirligi, Investitsiyalar va tashqi savdo vazirligi, Moliya vazirligi huzuridagi Davlat-xususiy sheriklikni rivojlantirish agentligi tomonidan “Yildirim Enerji Nolding A.Ş” (Turkiya) kompaniyasi (keyingi o‘rinlarda — investor) bilan Surxondaryo viloyatida 900 MVt quvvatli kombinatsiyalangan siklli issiqlik elektr stansiyasini qurish loyihasini (keyingi o‘rinlarda — investitsiya loyihasi) amalga oshirish to‘g‘risida kelishuvga erishilganligi ma’lumot uchun qabul qilinsin.
2. O‘zbekiston Respublikasi Energetika vazirligi, Investitsiyalar va tashqi savdo vazirligi, Moliya vazirligi huzuridagi Davlat-xususiy sheriklikni rivojlantirish agentligining:
a) investor kafolati asosida jalb qilinadigan to‘g‘ridan to‘g‘ri xorijiy investitsiya va kreditlar hisobiga moliyalashtirish orqali Surxondaryo viloyatida 900 MVt umumiy quvvatli kombinatsiyalangan siklli issiqlik elektr stansiyasini qurish hamda uni elektr energiyasini sotib olish to‘g‘risida kelishuv kuchga kirgan kundan boshlab 36 oy mobaynida foydalanishga topshirish to‘g‘risidagi;
b) “O‘zbekiston milliy elektr tarmoqlari” AJ va investor o‘rtasida elektr energiyasini sotib olish to‘g‘risida kelishuvni 30 yil muddatga tuzish to‘g‘risidagi takliflariga rozilik berilsin;
3. O‘zbekiston Respublikasi Moliya vazirligi investitsiya loyihasi doirasida ishlab chiqarilgan elektr energiyasining uch oylik sotib olish hajmini qoplash uchun “O‘zbekiston milliy elektr tarmoqlari” AJga foizsiz budjet ssudasi ajratilishini ko‘zda tutsin.
investitsiya loyihasini amalga oshirish uchun investitsiya kelishuvini investor bilan O‘zbekiston Respublikasi nomidan belgilangan tartibda tuzsin;
investitsiya kelishuvi tuzilgandan so‘ng ikki hafta muddatda O‘zbekiston Respublikasi Energetika vazirligi bilan birgalikda investitsiya loyihasini amalga oshirish bo‘yicha tarmoq jadvalini tasdiqlasin.
O‘zbekiston Respublikasi Energetika vazirligiga Investitsiyalar va tashqi savdo vazirligi bilan birgalikda investitsiya loyihasini amalga oshirish doirasida investor bilan tuziladigan kelishuvlar va kontraktlarni tayyorlashda ko‘maklashish va ekspertiza qilish uchun “White & Case” xalqaro yuridik kompaniyasini to‘g‘ridan to‘g‘ri muzokaralar orqali jalb qilishga ruxsat berilsin.
5. Surxondaryo viloyati hokimligi O‘zbekiston Respublikasi Yer resurslari, geodeziya, kartografiya va davlat kadastri davlat qo‘mitasi bilan birgalikda bir oy muddatda investorga investitsiya loyihasini amalga oshirish muddatiga teng davrga foydalanish uchun bepul asosda yer uchastkasining belgilangan tartibda ajratilishini ta’minlasin.
6. O‘zbekiston Respublikasi Energetika vazirligi, Uy-joy kommunal xizmat ko‘rsatish vazirligi, Axborot texnologiyalari va kommunikatsiyalarni rivojlantirish vazirligi, Transport vazirligi investitsiya loyihasini amalga oshirish uchun ajratiladigan yer uchastkasi chegarasi oldiga zarur bo‘lgan muhandislik-kommunikatsiya tarmoqlari, shu jumladan suv ta’minoti, gaz ta’minoti, elektr energiyasi ta’minoti va kanalizatsiya o‘tkazib berilishini ta’minlasin.
a) 2023-yil 1-yanvarga qadar belgilangan tartibda shakllantiriladigan ro‘yxatlar bo‘yicha chetdan olib kelinadigan, shu jumladan “vaqtincha olib kirish” bojxona rejimida olib kiriladigan O‘zbekiston Respublikasida ishlab chiqarilmaydigan materiallar, uskuna, maxsus va transport texnikalari, ularning ehtiyot qismlari, priborlar va asboblar, texnik va loyiha hujjatlari, dasturiy ta’minot — bojxona to‘lovlaridan (bojxona yig‘imlaridan tashqari);
b) import qilinadigan materiallar, mashina va mexanizmlar, butlovchi buyumlar va uzellar, texnologik jihoz, priborlar, ehtiyot qismlar, asboblar — respublikada akkreditatsiyadan o‘tgan tegishli sinov laboratoriyalari mavjud bo‘lmagan holda majburiy sertifikatsiya amaliyotidan;
9. Investorga 2020-yil 1-avgustga qadar, istisno tariqasida, investitsiya loyihasini amalga oshirish doirasida loyihalash ishlarini va moliyalashtirishni qurilish-montaj ishlari bilan parallel ravishda olib borishga ruxsat berilsin.
10. O‘zbekiston Respublikasi Qurilish vazirligi investitsiya loyihasini amalga oshirish doirasida loyiha-smeta hujjatlarining davlat ekspertizasini hamda qurilish-montaj ishlarining sifatli bajarilishi ustidan tegishli darajadagi davlat arxitektura-qurilish nazoratini ta’minlasin.
11. O‘zbekiston Respublikasi Tashqi ishlar vazirligi investorning buyurtmanomalariga ko‘ra investitsiya loyihasini amalga oshirishda qatnashuvchi xorijiy mutaxassislarga kirish vizalarini konsullik va boshqa yig‘imlarni undirmagan holda belgilangan tartibda rasmiylashtirilishi va muddati uzaytirilishini ta’minlasin.
12. O‘zbekiston Respublikasi Ichki ishlar vazirligi investorning buyurtmanomalari ko‘ra investitsiya loyihasini amalga oshirishda qatnashuvchi xorijiy mutaxassislarga ko‘p martalik vizalar berilishi va muddati uzaytirilishini, shuningdek, ularning vaqtincha turgan joyi bo‘yicha ro‘yxatga olinishi hamda muddati uzaytirilishini davlat bojini undirmagan holda belgilangan tartibda ta’minlasin.
(12-band O‘zbekiston Respublikasi Prezidentining 2021-yil 26-yanvardagi PF-6146-sonli Farmoni tahririda — Qonun hujjatlari ma’lumotlari milliy bazasi, 27.01.2021-y., 06/21/6146/0065-son)