Mahsulot taqsimoti to‘g‘risidagi amaldagi bitimlar samarali amalga oshirilishini ta’minlash, shuningdek, ularni amalga oshirish bo‘yicha vakolatli organ funksiyalari O‘zbekiston Respublikasi Energetika vazirligi tomonidan to‘laqonli bajarilishini ta’minlash uchun zarur shart-sharoitlar yaratish maqsadida Vazirlar Mahkamasi qaror qiladi:

1. O‘zbekiston Respublikasi Prezidentining “O‘zbekiston Respublikasi Energetika vazirligining faoliyatini tashkil etish chora-tadbirlari to‘g‘risida” 2019-yil 1-fevraldagi PQ-4142-son qaroriga muvofiq O‘zbekiston Respublikasi Iqtisodiyot va sanoat vazirligi va “O‘zbekneftgaz” AJning quyidagi amalga oshirilayotgan mahsulot taqsimoti to‘g‘risidagi bitimlar (keyingi o‘rinlarda Mahsulot taqsimoti to‘g‘risidagi bitimlar deb ataladi) bo‘yicha funksiyalari O‘zbekiston Respublikasi Energetika vazirligiga berilganligi ma’lumot uchun qabul qilinsin:

“O‘zbekneftgaz” milliy xolding kompaniyasi bilan “Zarubejneftegaz” yopiq aksiyadorlik jamiyati va “Gas Project Development Central Asia AG” kompaniyasidan iborat tarkibdagi investorlar konsorsiumi o‘rtasida 2004-yil 14-apreldagi “Shaxpaxti” konini o‘zlashtirishni davom ettirish bo‘yicha Mahsulot taqsimoti to‘g‘risidagi bitim;

O‘zbekiston Respublikasi bilan “Lukoyl” neft kompaniyasi” ochiq aksiyadorlik jamiyati va “O‘zbekneftgaz” milliy xolding kompaniyasidan iborat tarkibdagi investorlar konsorsiumi o‘rtasida 2004-yil 16-iyundagi Kandim konlar guruhi uchastkasiga, Xauzak va Shodi uchastkalariga, shuningdek, Qo‘ng‘irot uchastkasiga nisbatan Mahsulot taqsimoti to‘g‘risidagi bitim;

O‘zbekiston Respublikasi bilan “Soyuzneftegaz Vostok Limited” kompaniyasi o‘rtasida 2007-yil 23-yanvardagi O‘zbekiston Respublikasining Janubi-G‘arbiy Hisor va Ustyurt mintaqasi hududlaridagi konlarga nisbatan Mahsulot taqsimoti to‘g‘risidagi bitim;

O‘zbekiston Respublikasi bilan “Gas Project Development Central Asia AG”, “Altmax Nolding Ltd”dan iborat tarkibdagi investorlar konsorsiumi o‘rtasida 2007-yil 5-apreldagi Surxondaryo viloyatida gaz-kimyo kompleksi qurilgan holda “Mustaqillikning 25 yilligi koni”da dastlabki qidiruv va konni qazish ishlarini olib borish bilan birga “O‘zbekiston mustaqilligi” investitsiya blokiga nisbatan Mahsulot taqsimoti to‘g‘risidagi bitim;

O‘zbekiston Respublikasi bilan “Gazprom EP Interneshnl B.V.” kompaniyasi o‘rtasida 2018-yil 18-oktabrdagi Jel koniga nisbatan Mahsulot taqsimoti to‘g‘risidagi bitim.

2. O‘zbekiston Respublikasi Energetika vazirligi — amalga oshiriladigan Mahsulot taqsimoti to‘g‘risidagi bitimlar doirasida vakolatli organ:

Mahsulot taqsimoti to‘g‘risidagi bitimlarning tomoni sifatida O‘zbekiston Respublikasi manfaatlari ifodalanishi va himoya qilinishini;

Mahsulot taqsimoti to‘g‘risidagi bitimlar bo‘yicha majburiyatlar bajarilishi uchun mas’ul bo‘lgan davlat boshqaruvi respublika organlari va mahalliy ijro etuvchi hokimiyat organlari faoliyati muvofiqlashtirilishini;

Mahsulot taqsimoti to‘g‘risidagi bitimlarda nazarda tutilgan tartibda investorlar tomonidan majburiyatlar va ishlarni bajarish jadvallari ijro etilishi ustidan nazorat qilinishini;

Mahsulot taqsimoti to‘g‘risidagi bitimlar shartlariga muvofiq Mahsulot taqsimoti to‘g‘risidagi bitimlar bo‘yicha Vazirlar Mahkamasining Yoqilg‘i-energetika va kimyo sohalarini rivojlantirish masalalari kotibiyati, O‘zbekiston Respublikasi Energetika vazirligi, Iqtisodiy taraqqiyot va kambag‘allikni qisqartirish vazirligi, Moliya vazirligi, Investitsiyalar va tashqi savdo vazirligi hamda Adliya vazirligi vakillaridan iborat bo‘lgan O‘zbekiston tomonidan Boshqaruvchi qo‘mitaning shaxsiy tarkibi belgilanishini;

bir oy muddatda O‘zbekiston Respublikasi Energetika vazirligi huzurida Mahsulot taqsimoti to‘g‘risidagi bitimlarni amalga oshirish bo‘yicha amaldagi guruhlarni birlashtirish, ularning huquqlari va majburiyatlarini, mol-mulki va pul mablag‘larini Mahsulot taqsimoti to‘g‘risidagi bitimlarni amalga oshirish bo‘yicha yangidan tashkil etilayotgan guruhga berish yo‘li bilan yuridik shaxs maqomiga ega bo‘lgan muassasa shaklida Mahsulot taqsimoti to‘g‘risidagi bitimlarni amalga oshirish bo‘yicha guruh tashkil etilishini ta’minlasin.

3. Quyidagilar O‘zbekiston Respublikasi Energetika vazirligi huzuridagi Mahsulot taqsimoti to‘g‘risidagi bitimlarni amalga oshirish bo‘yicha guruhning asosiy vazifalari etib belgilansin:

Mahsulot taqsimoti to‘g‘risidagi bitimlar doirasida ishlarni amalga oshirish uchun konlarni qazish dasturlari, yillik ish dasturlari va budjetlar ekspert baholanishini tashkil etish;

Mahsulot taqsimoti to‘g‘risidagi bitimlar, konlarni qazish dasturlari, yillik ish dasturlari va budjetlar amalga oshirilishi, shu jumladan, ularni bajarishning belgilangan muddatlari va hajmlariga rioya qilinishi ustidan doimiy monitoring olib borish;

Mahsulot taqsimoti to‘g‘risidagi bitimlarda nazarda tutilgan tartibda investorlarning faoliyati tekshirilishini tashkil etish;

Mahsulot taqsimoti to‘g‘risidagi bitimlar doirasida investor tomonidan ochiladigan qo‘shma hisob raqamlari bo‘yicha pul mablag‘lari harakati ustidan nazorat qilish;

Mahsulot taqsimoti to‘g‘risidagi bitimlar doirasida tovarlar (ishlar, xizmatlar)ni xarid qilishga o‘tkazilgan tanlovlar (tenderlar) natijalarini kelishish bo‘yicha takliflar tayyorlash va vakolatli organga kiritish;

Mahsulot taqsimoti to‘g‘risidagi bitimlarda nazarda tutilgan shartlarda ishlab chiqarilgan mahsulotni xarid qilishning ustunlik huquqidan foydalanishning maqsadga muvofiqligi to‘g‘risida vakolatli organga takliflar kiritish;

Mahsulot taqsimoti to‘g‘risidagi bitimlarga va O‘zbekiston Respublikasi qonunchiligiga muvofiq boshqa vazifalarni bajarish.

6. O‘zbekiston Respublikasi Energetika vazirligi ikki oy muddatda investorlar bilan muzokaralar olib borsin va ularning natijalari bo‘yicha Mahsulot taqsimoti to‘g‘risidagi tegishli Bitimga ushbu qarordan kelib chiqadigan o‘zgartirish va qo‘shimchalar kiritish bo‘yicha takliflar kiritsin.

O‘zbekiston Respublikasi energetika vaziriga O‘zbekiston Respublikasi nomidan tegishli Mahsulot taqsimoti to‘g‘risidagi bitimlarga qo‘shimcha bitimni imzolash vakolati berilsin.

7. Vazirliklar va idoralar bir oy muddatda o‘zlari tomonidan qabul qilingan normativ-huquqiy hujjatlarni ushbu qarorga muvofiqlashtirsinlar.

8. Mazkur qarorning bajarilishini nazorat qilish O‘zbekiston Respublikasi energetika vaziri A.S. Sultanov zimmasiga va O‘zbekiston Respublikasi Vazirlar Mahkamasining Yoqilg‘i-energetika sohasi va sanoatning bazaviy tarmoqlarini rivojlantirish masalalari kotibiyatiga yuklansin.