Oʻzbekiston Respublikasining Soliq kodeksi va Oʻzbekiston Respublikasining “Fuqarolarning davlat pensiya taʼminoti toʻgʻrisida”gi Qonuniga muvofiq buyuraman:

1. Oʻzbekiston Respublikasi moliya vazirining 2011-yil 14-oktabrdagi 63-son buyrugʻi (roʻyxat raqami 2282, 2011-yil 17-noyabr) (Oʻzbekiston Respublikasi qonun hujjatlari toʻplami, 2011-y., 45-46-son, 483-modda) bilan tasdiqlangan Pensiya ishlarini rasmiylashtirish va yuritish tartibi hamda pensiya hujjatlarining shakllari va ularni toʻldirish qoidalari toʻgʻrisidagi yoʻriqnomaga ilovaga muvofiq oʻzgartirish va qoʻshimchalar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. 1-bandning ikkinchi xatboshisi quyidagi tahrirda bayon etilsin:

“Yakka tartibdagi tadbirkor (chet elda yollangan holda ishlovchi shaxs, dehqon xoʻjaligi aʼzosi, oilaviy tadbirkorlik subyekti oilasi aʼzosi uchun, shuningdek yakka tartibdagi tadbirkor tomonidan mehnat shartnomasi boʻyicha yollangan xodimlar uchun) tomonidan Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga yagona ijtimoiy toʻlov (2019-yil 1-yanvarga qadar boʻlgan davr uchun — sugʻurta badallari) toʻlanganligini tasdiqlovchi maʼlumotnoma uning yashash joyi boʻyicha Oʻzbekiston Respublikasi davlat soliq xizmati organlari tomonidan taqdim etilgan maʼlumotlar asosida beriladi.”.

2. 11-bandning birinchi xatboshisi quyidagi tahrirda bayon etilsin:

“11. Inspektor arizachi yoki tashkilot vakiliga taqdim etilgan hujjatlarning (mehnat daftarchasi, arxiv maʼlumotlari, tashkilot tomonidan taqdim etilgan maʼlumotnomalar, yakka tartibdagi tadbirkor (chet elda yollangan holda ishlovchi shaxs, dehqon xoʻjaligi aʼzosi, oilaviy tadbirkorlik subyekti oilasi aʼzosi uchun, shuningdek yakka tartibdagi tadbirkor tomonidan mehnat shartnomasi boʻyicha yollangan xodimlar uchun) tomonidan 2019-yil 1-yanvarga qadar boʻlgan davr uchun sugʻurta badallari, 2019-yil 1-yanvardan keyingi davr uchun esa yagona ijtimoiy toʻlov toʻlanganligini tasdiqlovchi maʼlumotnomalar va soliq agenti hisoblanmaydigan ish beruvchidan daromad oluvchi xodimning jami yillik daromad toʻgʻrisidagi deklaratsiyalaridan tashqari) asl nusxalarni qaytaradi va unga arizaning tegishli qismini qirqib olgan holda, hujjatlar qabul qilinganligi toʻgʻrisida tilxat beradi, bunda tilxat nusxasi taqdim etilgan hujjatlar bilan birgalikda Pensiya jamgʻarmasi boʻlimida saqlanadi. Mehnat daftarchasining asl nusxasi Pensiya jamgʻarmasi boʻlimining pensiya tayinlash komissiyasi (keyingi oʻrinlarda — komissiya deb yuritiladi) tomonidan pensiya, ijtimoiy nafaqa va boshqa toʻlovlarni tayinlash yoki tayinlashni rad etish toʻgʻrisidagi qarori qabul qilingandan soʻng arizachiga qaytarilishi shart.”.

3. 13-bandda:

a) birinchi xatboshi quyidagi mazmundagi jumla bilan toʻldirilsin:

b) ikkinchi xatboshi quyidagi tahrirda bayon etilsin:

“Inspektor ariza beruvchining soliq toʻlovchining identifikatsiya raqami va shaxsiy jamgʻarilib boradigan pensiya hisobvaragʻiga asosan Oʻzbekiston Respublikasi Davlat soliq qoʻmitasi va Aksiyadorlik-tijorat Xalq banki bilan axborot almashinuvi boʻyicha oʻzaro hamkorlik, shu jumladan axborot-kommunikatsiya texnologiyalaridan foydalangan holda, ariza beruvchining ish staji, ish haqi va 2019-yil 1-yanvarga qadar boʻlgan davr uchun hisoblangan sugʻurta badallarini, 2019-yil 1-yanvardan keyingi davr uchun esa mehnatga haq toʻlash tarzidagi daromadlar summasini oʻzaro solishtiradi.”.

4. 18-band quyidagi tahrirda bayon etilsin:

“18. Tekshirish tasdiqlovchi hujjatlarni bergan tashkilotda yoki arxivda amalga oshiriladi. Tekshirish natijalari boʻyicha ikki nusxada dalolatnoma tuziladi, u tekshiruvchining va tashkilot yoki arxiv mansabdor shaxsining imzosi, shuningdek tashkilot (tadbirkorlik subyektlaridan tashqari) yoki arxivning muhri bilan tasdiqlanadi. Dalolatnomaning bir nusxasi tashkilot yoki arxivda, ikkinchi nusxasi Pensiya jamgʻarmasi boʻlimida qoladi. Dalolatnomada tasdiqlovchi hujjatlarning kim tomonidan berilganligi va tekshirish vaqtida hujjatlarning joylashgan joyi toʻgʻrisidagi maʼlumot majburiy tartibda koʻrsatiladi.”.

5. 22-band quyidagi tahrirda bayon etilsin:

“22. Toʻlov hujjatlari rasmiylashtirilgandan soʻng pensiya yigʻmajildi inspektorga qaytariladi, inspektor oʻz navbatida pensiya yigʻmajildini Pensiya jamgʻarmasi arxivida saqlash uchun arxivariusga topshiradi.”.

6. 30²-band oʻz kuchini yoʻqotgan deb topilsin.

7. 35-band quyidagi tahrirda bayon etilsin:

“35. Tekshirish tashkilot yoki arxiv vakili ishtirokida oʻtkazilishi lozim, bunda tekshirish natijasi boʻyicha dalolatnoma Pensiya jamgʻarmasi boʻlimi xodimi, tashkilot yoki arxiv vakili tomonidan imzolanadi, shundan soʻng tashkilot (tadbirkorlik subyektlaridan tashqari) yoki arxiv muhri bilan tasdiqlanadi.”.

8. 44 va 45-bandlar quyidagi tahrirda bayon etilsin:

“44. Pensiya, ijtimoiy nafaqa va boshqa toʻlovlar toʻlovi amalga oshirilgan muddat pensioner (nafaqa oluvchi)ning pensiya yigʻmajildiga kiritiladi.

45. Pensiya yigʻmajildini hisobdan chiqarish avvalgi yashash joyi boʻyicha Pensiya jamgʻarmasi boʻlimi pensiya va nafaqalar toʻlovi monitoringi guruhi tomonidan rasmiylashtiriladi. Bu haqdagi tegishli yozuv pensiya yigʻmajildi, shuningdek mazkur Yoʻriqnomaning 28-ilovasiga muvofiq, pensioner (nafaqa oluvchi) yashash manzili oʻzgarganligi munosabati bilan pensiya yigʻmajildini hisobdan chiqarishni roʻyxatga olish kitobiga kiritiladi.”.

9. 49-bandning uchinchi xatboshisidan “va shaxsiy hisobvaraq” degan soʻzlar chiqarib tashlansin.

10. 1-ilovadan 12-pozitsiya chiqarib tashlansin.

11. 2-ilovaning Arizaga ilova qilingan hujjatlar roʻyxatidan 4-pozitsiya chiqarib tashlansin.

12. 3-ilovaning Arizalarga ilova qilingan hujjatlar roʻyxatidan 5 va 6-pozitsiyalar chiqarib tashlansin.

13. 4-ilovaning Arizalarga ilova qilingan hujjatlar roʻyxatidan 4-pozitsiya chiqarib tashlansin.

14. 11-ilovada:

a) “Yoshga doir pensiya tayinlash boʻyicha yigʻmajildlarda” boʻlimining 9-pozitsiyasidan “MFYdan maʼlumotnoma,” degan soʻzlar chiqarib tashlansin;

b) “Nogironlik pensiyasini tayinlash yigʻmajildida” boʻlimining 10-pozitsiyasidan “MFYdan maʼlumotnoma,” degan soʻzlar chiqarib tashlansin;

v) “Boquvchisini yoʻqotganlik pensiyasini tayinlash yigʻmajildida” boʻlimining 6-pozitsiyasi quyidagi tahrirda bayon etilsin:

15. 12-ilovada:

a) “Yoshga doir nafaqa tayinlash boʻyicha yigʻmajildda” boʻlimining 4-pozitsiyasidan “MFYdan maʼlumotnoma,” degan soʻzlar chiqarib tashlansin;

b) quyidagi mazmundagi 5 va 6-pozitsiyalar bilan toʻldirilsin:

v) “Nogironlik nafaqasi tayinlash boʻyicha yigʻmajildda” boʻlimining 5-pozitsiyasidan “MFYdan maʼlumotnoma,” degan soʻzlar chiqarib tashlansin;

g) “Boquvchisini yoʻqotganlik nafaqasi tayinlash boʻyicha yigʻmajildda” boʻlimining 3-pozitsiyasi quyidagi tahrirda bayon etilsin:

16. 23-ilova oʻz kuchini yoʻqotgan deb topilsin.