O‘zbekiston Respublikasida xalqaro konferensiyalar, ko‘rgazmalar, yarmarkalar, forumlar va boshqa tadbirlarni sifatli tashkil etish va o‘tkazish, mamlakatimizning xorijdagi imijini yanada oshirish, investitsiya, savdo-iqtisodiy, diplomatik hamkorlikning dolzarb masalalarini, tashqi iqtisodiy, tashqi siyosiy, madaniy-gumanitar va boshqa faoliyat turlari yo‘nalishlarini muhokama qilish uchun yagona maydoncha yaratish maqsadida:
1. O‘zbekiston Respublikasi Prezidenti huzuridagi Loyiha boshqaruvi milliy agentligi va O‘zbekiston Respublikasi Investitsiyalar va tashqi savdo vazirligining:
Oldingi tahrirga qarang.
O‘zbekiston Respublikasi Investitsiyalar va tashqi savdo vazirligi huzurida “InterForum” davlat unitar korxonasini (keyingi o‘rinlarda — “InterForum” DUK) tashkil etish;
(1-bandning ikkinchi xatboshisi O‘zbekiston Respublikasi Prezidentining 2020-yil 27-sentabrdagi PF-6075-sonli Farmoni tahririda — Qonun hujjatlari ma’lumotlari milliy bazasi, 28.09.2020-y., 06/20/6075/1330-son)
“InterForum” DUK ta’sischiligida “InterNotel” mas’uliyati cheklangan jamiyatini (keyingi o‘rinlarda — “InterNotel” MChJ) tashkil etish to‘g‘risidagi takliflari ma’qullansin.
tashqi iqtisodiy va tashqi siyosiy faoliyat, shuningdek, madaniy-gumanitar, ma’naviy-ma’rifiy hamda boshqa yo‘nalishlarda davlatlararo, hukumatlararo va idoralararo darajalarda xalqaro kongress-ko‘rgazma tadbirlarini (keyingi o‘rinlarda — tadbirlar) tashkil etish va o‘tkazish;
belgilangan tartibda tadbirlarni axborot jihatdan ta’minlash, o‘tkaziladigan tadbirlarni atroflicha yoritish maqsadida, shu jumladan xorijiy ommaviy axborot vositalari bilan hamkorlik qilish;
O‘zbekiston Respublikasida tadbirlarni o‘tkazish bilan bog‘liq masalalar bo‘yicha xorijiy sheriklar va ishbilarmon doiralar bilan samarali muloqotni tashkil etish;
tadbirlarni o‘tkazish konsepsiyalarida ko‘rsatilgan tashkiliy, texnik va logistik talablarni bajarish;
O‘zbekiston Respublikasi va xorijda tadbirlar tashkil etish va o‘tkazish, shu jumladan media jihatdan qo‘llab-quvvatlashni o‘z ichiga olgan kompleks tijorat xizmatlarini ko‘rsatish.
“InterForum” DUK “Xalqaro hamkorlik markazi” va “O‘zekspomarkaz“ milliy ko‘rgazma kompleksi” aksiyadorlik jamiyatlarining ustav kapitallaridagi (jamg‘armalaridagi) davlat aksiyalari (ulushlari) paketlari bo‘yicha aksiyador huquqini amalga oshiradi;
Oldingi tahrirga qarang.
“International Hotel Tashkent” mehmonxonasining tutash hududi bilan bino va inshootlari, shuningdek, unda joylashgan ilgari ““Interservis” respublika xo‘jalik hisobidagi tashqi savdo birlashmasi” davlat korxonasiga tegishli bo‘lgan mol-mulk beg‘araz ravishda majburiyatlar bilan “InterHotel” MChJga o‘tkaziladi.
(3-bandning to‘rtinchi xatboshisi O‘zbekiston Respublikasi Prezidentining 2020-yil 27-sentabrdagi PF-6075-sonli Farmoni tahririda — Qonun hujjatlari ma’lumotlari milliy bazasi, 28.09.2020-y., 06/20/6075/1330-son)
O‘zbekiston Respublikasi Prezidenti huzuridagi Loyiha boshqaruvi milliy agentligi Davlat aktivlarini boshqarish agentligi bilan birgalikda bir oy muddatda binolar, inshootlar va boshqa mol-mulklarni, shu jumladan davlat aksiyalari (ulushlari) paketlari o‘tkazilishini, O‘zbekiston Respublikasi Investitsiyalar va tashqi savdo vazirligi esa ularni qabul qilib olinishini hamda kelgusida maqsadli foydalanilishini ta’minlasin.
O‘zbekiston Respublikasi Investitsiyalar va tashqi savdo vazirligi huzuridagi “InterForum” davlat unitar korxonasining tashkiliy tuzilmasi 1-ilovaga muvofiq;
O‘zbekiston Respublikasi Investitsiyalar va tashqi savdo vazirligi huzuridagi “InterForum” davlat unitar korxonasining boshqaruv apparati tuzilmasi 2-ilovaga muvofiq tasdiqlansin.
a) “InterForum” DUKning direktori O‘zbekiston Respublikasi investitsiyalar va tashqi savdo vaziri tomonidan lavozimga tayinlanadi va lavozimidan ozod etiladi;
b) “InterForum” DUK o‘zining mustaqil balansi, O‘zbekiston Respublikasi tijorat banklarida milliy va xorijiy valyutadagi hisob raqamlari, O‘zbekiston Respublikasi Davlat gerbi va o‘z nomi tushirilgan muhrga ega;
v) “InterForum” DUKning sof foydasi qisman O‘zbekiston Respublikasi Investitsiyalar va tashqi savdo vazirligining budjetdan tashqari Rivojlanish va moddiy rag‘batlantirish jamg‘armasiga yo‘naltiriladi;
yuridik shaxslarning ustav kapitalidagi (jamg‘armasidagi) “InterForum” DUKga tegishli aksiyalar (ulushlar) paketlari bo‘yicha olinadigan daromadlar;
“InterForum” DUKning vaqtincha bo‘sh turgan mablag‘larini tijorat banklarining depozitlariga joylashtirishdan olinadigan daromadlar;
d) “InterForum” DUK va uning tarkibiy tuzilmasiga kiruvchi tashkilotlarga tadbirlarni tashkil etish va o‘tkazish uchun zarur bo‘lgan tovarlarni yetkazib berish, ishlarni bajarish, xizmatlar ko‘rsatishga oid shartnomalarni tovarlarni (ishlar, xizmatlar) yetkazib beruvchilar yoki ularning rasmiy dilyerlari (distribyutorlari, subpudratchilari) bilan shartnomalarni belgilangan tartibda ekspertizadan o‘tkazgan holda eng yaxshi takliflarni tanlash asosida tuzishga istisno tariqasida ruxsat etiladi.
6. “InterForum” DUK 2022-yil 1-yanvarga qadar respublikada ishlab chiqarilmaydigan, belgilangan tartibda ro‘yxati shakllantiriladigan materiallar va boshqa tovar-moddiy boyliklarni olib kirishda bojxona boji to‘lovlaridan ozod etilsin.
7. “InterForum” DUK Toshkent shahri, Yunusobod tumani, Amir Temur shoh ko‘chasi, 107B-uy manzilida bepul foydalanish huquqi asosida joylashtirilsin.
8. Toshkent shahri, Mirobod tumani, I. Karimov ko‘chasi, 1-uy va T. Shevchenko ko‘chasi, 34a-uy manzilida joylashgan bino va inshootlar tutash hududi bilan birga, shu jumladan ularda mavjud mol-mulk O‘zbekiston Respublikasi Investitsiyalar va tashqi savdo vazirligi balansiga operativ boshqaruv huquqi asosida o‘tkazilsin.
O‘zbekiston Respublikasi Prezidenti huzuridagi Loyiha boshqaruvi milliy agentligi va Tashqi iqtisodiy faoliyat milliy banki bir oy muddatda binolar, inshootlarni tutash hududi bilan birga, shu jumladan ularda mavjud mol-mulkni O‘zbekiston Respublikasi Investitsiyalar va tashqi savdo vazirligiga o‘tkazilishini, vazirlik esa ularni qabul qilib olinishini hamda kelgusida maqsadli foydalanilishini ta’minlasin.
Oldingi tahrirga qarang.
O‘zbekiston Respublikasi Investitsiyalar va tashqi savdo vazirligiga Toshkent shahri, Mirobod tumani, I. Karimov ko‘chasi, 1-uy manzilida joylashgan binoda qurilish-montaj ishlarini olib borish uchun to‘g‘ridan to‘g‘ri shartnomalar tuzishga ruxsat berilsin.
(8-band O‘zbekiston Respublikasi Prezidentining 2020-yil 27-sentabrdagi PF-6075-sonli Farmoniga asosan xatboshi bilan to‘ldirilgan — Qonun hujjatlari ma’lumotlari milliy bazasi, 28.09.2020-y., 06/20/6075/1330-son)
9. Belgilansinki, O‘zbekiston Respublikasi Prezidenti huzuridagi Loyiha boshqaruvi milliy agentligi “Toshkent shahrida “Delta city“ ko‘p funksiyali kompleksini qurish“ investitsiya loyihasini amalga oshirish bo‘yicha mas’ul organ hisoblanadi.
O‘zbekiston Respublikasi Prezidenti huzuridagi Loyiha boshqaruvi milliy agentligi direktori D.R. Li va Toshkent shahar hokimi J.A. Artikxodjayev bir oy muddatda “Posco E&C” kompaniyasining (Koreya Respublikasi) vakolatli shaxslari bilan “Toshkent shahrida “Delta city”“ ko‘p funksiyali kompleksini qurish“ investitsiya loyihasini poytaxtning boshqa qismida amalga oshirish bo‘yicha muzokaralar o‘tkazsin va natijalar, shu jumladan ushbu investitsiya loyihasini boshqarish mexanizmlari yuzasidan O‘zbekiston Respublikasi Prezidenti Administratsiyasiga takliflar kiritsin.
10. O‘zbekiston Respublikasi Prezidentining 2018-yil 4-iyuldagi “Toshkent shahrida “Delta city” xalqaro yuqori texnologiyali innovatsiya markazi“ loyihasini amalga oshirishga doir tashkiliy chora-tadbirlar to‘g‘risida“gi PQ-3833-son qarorining 1, 3, 4, 5-bandlari va 6-bandining “b” kichik bandi o‘z kuchini yo‘qotgan deb hisoblansin.
“InterForum” DUK va “InterNotel” MChJning ustavlari belgilangan tartibda ishlab chiqilishi, tasdiqlanishi va ularning davlat ro‘yxatidan o‘tkazilishini ta’minlasin;
O‘zbekiston Respublikasi Prezidenti huzuridagi Loyiha boshqaruvi milliy agentligi bilan birgalikda qonun hujjatlariga ushbu qarordan kelib chiqadigan o‘zgartirish va qo‘shimchalar to‘g‘risida O‘zbekiston Respublikasi Vazirlar Mahkamasiga takliflar kiritsin.
12. Mazkur qarorning ijrosini nazorat qilish O‘zbekiston Respublikasining Bosh vaziri A.N. Aripov va O‘zbekiston Respublikasi Bosh vazirining o‘rinbosari E.M. G‘aniyev zimmasiga yuklansin.