Oʻzbekiston Respublikasi Prezidentining 2018-yil 13-apreldagi PF-5415-son “Davlat huquqiy siyosatini amalga oshirishda adliya organlari va muassasalari faoliyatini tubdan takomillashtirish chora-tadbirlari toʻgʻrisida”gi Farmoni, 2018-yil 13-apreldagi PQ-3666-son “Oʻzbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar toʻgʻrisida”gi va 2018-yil 12-iyundagi PQ-3785-son “Fuqarolik holati dalolatnomalarini qayd etish tizimini yanada takomillashtirish chora-tadbirlari toʻgʻrisida”gi qarorlariga muvofiq buyuraman:

1. Oʻzbekiston Respublikasi adliya vazirining 2013-yil 31-dekabrdagi 400-mh-son buyrugʻi (roʻyxat raqami 2547, 2013-yil 31-dekabr) (Oʻzbekiston Respublikasi qonun hujjatlari toʻplami, 2014-y., 1-son, 10-modda) bilan tasdiqlangan Fuqarolik holati dalolatnomalarini yozish organlarida ish yuritish tartibi toʻgʻrisidagi yoʻriqnomaga ilovaga muvofiq oʻzgartirish va qoʻshimchalar kiritilsin.

2. Mazkur buyruq davlat roʻyxatidan oʻtkazilsin hamda Hukumat bayonnoma qarorlari va idoraviy normativ hujjatlarni huquqiy ekspertizadan oʻtkazish boshqarmasi Idoraviy normativ-huquqiy hujjatlarning davlat reyestriga tegishli yozuv kiritsin.

3. Qonun hujjatlarini tahlil qilish va turkumlash boshqarmasi ushbu idoraviy normativ-huquqiy hujjatni “Oʻzbekiston Respublikasi qonun hujjatlari toʻplami” — “Sobraniye zakonodatelstva Respubliki Uzbekistan”da hamda Oʻzbekiston Respublikasi Qonun hujjatlari maʼlumotlari milliy bazasida eʼlon qilinishini taʼminlasin.

4. Mazkur buyruq 2019-yil 1-iyundan kuchga kiradi.

5. Mazkur buyruqning ijrosini nazorat qilish Davlat xizmatlari agentligi direktori X. Turaxujayev zimmasiga yuklansin.

1. 1-banddagi “Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalarining” degan soʻzlar “Oʻzbekiston Respublikasi Adliya vazirligi huzuridagi Davlat xizmatlari agentligining Qoraqalpogʻiston Respublikasi, viloyatlar va Toshkent shahar hududiy boshqarmalari (bundan buyon matnda Agentlikning hududiy boshqarmalari deb yuritiladi)” degan soʻzlar bilan almashtirilsin.

2. 5-bandda:

ikkinchi xatboshidagi “Yagona elektron FHDY arxiviga” degan soʻzlar “FHDY yagona elektron arxivi” axborot tizimiga (bundan buyon matnda elektron axborot tizimi deb yuritiladi)” degan soʻzlar bilan almashtirilsin;

uchinchi xatboshidagi “Yagona elektron FHDY arxiviga” degan soʻzlar “elektron axborot tizimiga” degan soʻzlar bilan almashtirilsin.

3. 8-band quyidagi tahrirda bayon etilsin:

“8. Barcha FHDY organlarida hujjatlar FHDY organlarida yuritilishi lozim boʻlgan hujjatlar nomenklaturasiga 1, 1a, 1b-ilovalarga muvofiq elektron axborot tizimida elektron shaklda yuritiladi.

Faqat gerbli guvohnomalarni sarflash bilan bogʻliq daftarlar 3 — 6 va 8-ilovalarga muvofiq qogʻoz shaklda ham yuritiladi.”.

4. Quyidagi mazmundagi 8¹-band bilan toʻldirilsin:

“8¹. Elektron shaklda yuritilgan daftarlar yil yakunlangandan soʻng qogʻozga chop etilib (ikki va undan ortiq varaqlardan iborat boʻlgan taqdirda — varaqlari raqamlangan va ip oʻtkazilgan holda), FHDY boʻlimi rahbari tomonidan imzolanadi hamda tegishli hujjatlar yigʻma jildi bilan birga FHDY boʻlimlarida saqlanadi, qogʻoz shaklidagi alfavit daftarlari bundan mustasno.”.

5. 9-bandda:

quyidagi mazmundagi uchinchi xatboshi bilan toʻldirilsin:

“Gerbli guvohnomalarni Oʻzbekiston Respublikasi Adliya vazirligidan qabul qilib olish, hisobga olish, saqlash va topshirish Oʻzbekiston Respublikasi Adliya vazirligi huzuridagi Davlat xizmatlari agentligi (bundan buyon matnda Agentlik deb yuritiladi) tomonidan amalga oshiriladi.”;

uchinchi xatboshi toʻrtinchi xatboshi deb hisoblansin;

toʻrtinchi xatboshi quyidagi tahrirda bayon etilsin:

“Gerbli guvohnomalarni Agentlikdan qabul qilib olish, hisobga olish, saqlash va topshirish Agentlikning hududiy boshqarmalari rahbarlarining buyrugʻi bilan tuzilgan komissiya (bundan buyon matnda komissiya deb yuritiladi) tomonidan amalga oshiriladi.”.

6. 11-bandning birinchi va ikkinchi xatboshilari quyidagi tahrirda bayon etilsin:

“11. Qabul qilingan gerbli guvohnomalar komissiya tomonidan shu kunning oʻzida Agentlikdan qabul qilingan gerbli guvohnomalarni kirim qilish daftariga (3-ilova) hamda elektron axborot tizimiga kirim qilinadi.

Agentlikning hududiy boshqarmasidan qabul qilingan gerbli guvohnomalar tuman (shahar) hokimliklarida, tuman (shahar) hokimliklaridan qabul qilingan gerbli guvohnomalar FHDY organlarida, FHDY organlaridan qabul qilingan gerbli guvohnomalar shaharcha, qishloq, ovul fuqarolar yigʻinlarida (bundan buyon matnda QFYlar deb yuritiladi) xuddi shu tarzda Agentlikning hududiy boshqarmasidan (FHDY organidan) qabul qilingan gerbli guvohnomalarni kirim qilish daftariga (4-ilova) kirim qilinadi.”.

7. 12-band quyidagi tahrirda bayon etilsin:

“12. Agentlikning hududiy boshqarmasida gerbli guvohnomalarni tuman (shahar) hokimliklariga (Agentlikning Toshkent shahar hududiy boshqarmasida Oʻzbekiston Respublikasi Tashqi ishlar vazirligiga ham), tuman (shahar) hokimliklarida FHDY organlariga, FHDY organlarida esa QFYlarga tarqatish daftarlari yuritiladi. Qogʻoz shaklidagi daftarlar raqamlangan, ip oʻtkazib tikilgan va Agentlikning hududiy boshqarmasi rahbari yoki oʻrinbosari, tegishli tuman (shahar) hokimlari oʻrinbosari tomonidan uning familiyasi, ismi, otasining ismi va sana koʻrsatilgan holda imzolanib, muhrlangan boʻlishi lozim.”.

8. 13-bandda:

birinchi xatboshidagi “adliya” degan soʻz “Agentlikning hududiy” degan soʻzlar bilan almashtirilsin;

ikkinchi xatboshi quyidagi tahrirda bayon etilsin:

“Gerbli guvohnomalar tegishli hokimlikning ishonchnomasi asosida toʻgʻridan-toʻgʻri FHDY organlari rahbarlariga, ular vaqtincha boʻlmaganida (xizmat safari, mehnat taʼtili, kasallik va h. k.) tegishli buyruq bilan ularning vazifasini bajarish vaqtincha yuklatilgan xodimga Gerbli guvohnomalarni tarqatish daftariga (5-ilova) ularning lavozimi, familiyasi yozilib, imzo qoʻydirgan holda topshiriladi va bu haqda elektron axborot tizimiga maʼlumot kiritiladi.”.

9. 14-bandning ikkinchi xatboshisi “imzo qoʻydirgan holda beriladi” degan soʻzlardan keyin “va bu haqda elektron axborot tizimiga maʼlumot kiritiladi” degan soʻzlar bilan toʻldirilsin.

10. 15 ― 17-bandlar quyidagi tahrirda bayon etilsin:

“15. Gerbli guvohnomalarning hisobga olinishi, saqlanishi va sarflanishi boʻyicha masʼuliyat Agentlikning hududiy boshqarmasida boshqarma rahbarining oʻrinbosari, hokimlikda hokimning masʼul oʻrinbosari, FHDY organlarida FHDY organi rahbarlari va QFYlarda QFY raislari zimmasiga yuklatiladi. Ushbu shaxslar uzrli sabablarga koʻra vaqtincha ishda boʻlmaganida (xizmat safari, mehnat taʼtili, kasallik va h.k.) masʼuliyat tegishli buyruq bilan boshqa shaxs zimmasiga yuklatilishi lozim.

16. FHDY organlari tomonidan Agentlikning hududiy boshqarmasidan gerbli guvohnomalarni qabul qilib olishda komissiya aʼzolari ishtirokida har bir guvohnoma oʻrami alohida ochilgan holda tekshirib koʻriladi. Guvohnomalarning yetishmasligi yoki nuqsonlar borligi (himoya kataklarining va bosma matnning yoʻqligi yoki buzilganligi, tartib raqamlarining takroriyligi yoxud boshqa seriyalar yoki tartib raqamlari boʻlgan, notoʻgʻri shriftli, notoʻgʻri kesilgan va notoʻgʻri shaklli, seriya va tartib raqamlari yoʻq boʻlgan yoki oʻram yorligʻiga boshqacha tarzda nomuvofiq boʻlgan guvohnomalar) aniqlangan taqdirda, komissiya tomonidan uch nusxada dalolatnoma tuziladi va shu kunning oʻzida Agentlikka pochta va faks orqali maxsus xabar yuboriladi. Dalolatnomaning birinchi nusxasi oʻram yorligʻining kseronusxasi bilan Agentlikning hududiy boshqarmasida qoldiriladi. Dalolatnomaning ikkinchi va uchinchi nusxalari nuqsonli guvohnomalar chiqqan oʻram yorligʻi, nuqsoni bor guvohnomalar ilova qilingan xat bilan uch kun ichida Agentlikka joʻnatiladi. Bunda dalolatnomaning ikkinchi nusxasi Agentlikning Moddiy-texnika taʼminoti boʻlimida qoldiriladi, uchinchi nusxasi oʻram yorligʻi va nuqsoni bor guvohnomalar bilan “Davlat belgisi” DICHBga yuborish uchun Adliya vazirligining Ishlar boshqarmasiga joʻnatiladi.

17. FHDY organlarining Agentlikning hududiy boshqarmasidan qabul qilingan gerbli guvohnomalarni kirim qilish daftari raqamlangan, ip oʻtkazib tikilgan va Agentlikning hududiy boshqarmasi rahbari yoki oʻrinbosari tomonidan uning familiyasi, ismi, otasining ismi va sana koʻrsatilgan holda imzolanib, muhrlangan boʻlishi lozim. QFYlarning FHDY organidan qabul qilingan gerbli guvohnomalarni kirim qilish daftari raqamlangan, ip oʻtkazib tikilgan va FHDY organi rahbari tomonidan uning familiyasi, ismi, otasining ismi va sana koʻrsatilgan holda imzolanib, muhrlangan boʻlishi lozim.

Agentlikning hududiy boshqarmasidan qabul qilingan gerbli guvohnomalar, tuman (shahar) hokimliklari tomonidan, tuman (shahar) hokimliklaridan qabul qilingan gerbli guvohnomalar FHDY organlari tomonidan va FHDY organlaridan qabul qilingan gerbli guvohnomalar QFYlar tomonidan shu kunning oʻzida ularning hisobga olinishi, sarflanishi va saqlanishi uchun masʼul shaxs tomonidan kirim qilinadi.”.

11. 18-bandda:

birinchi xatboshi quyidagi tahrirda bayon etilsin:

“18. FHDY organida gerbli guvohnomalarning hisobga olinishi, sarflanishi va saqlanishi uchun masʼul shaxs oʻzgargan hollarda gerbli guvohnomalarni va ularning hisobot hujjatlarini qabul qilish-topshirish ishlari Agentlikning hududiy boshqarmasi rahbarining oʻrinbosari va tuman (shahar) hokimligi masʼul vakili ishtirokida amalga oshiriladi va bu haqda uch nusxada dalolatnoma tuzilgan paytdan boshlab gerbli guvohnomalarni hisobga olish, saqlash va sarflash masʼuliyati yangi masʼul xodim zimmasiga yuklatiladi. Dalolatnomaning bir nusxasi FHDY organida, ikkinchi nusxasi tuman (shahar) hokimligida, uchinchi nusxasi Agentlikning hududiy boshqarmasida saqlanadi.”;

ikkinchi xatboshidagi “adliya” degan soʻz “Agentlikning hududiy” degan soʻzlar bilan almashtirilsin.

12. 19-bandda:

birinchi xatboshidagi “adliya” degan soʻz “Agentlikning hududiy” degan soʻzlar bilan almashtirilsin;

ikkinchi xatboshidagi “adliya boshqarmasi va Adliya vazirligining” degan soʻzlar “Agentlikning hududiy boshqarmasi, tuman (shahar) hokimliklari va Agentlikning” degan soʻzlar bilan almashtirilsin.

13. 20-banddagi “adliya boshqarmasi yoki Adliya vazirligi” degan soʻzlar “Agentlikning hududiy boshqarmasi yoki Agentlik” degan soʻzlar bilan almashtirilsin.

14. 21-bandda:

birinchi xatboshi quyidagi tahrirda bayon etilsin:

“21. Gerbli guvohnomalar, dalolatnoma yozuvlari va FHDY organlarida yuritiladigan boshqa hujjatlarning, shuningdek muhrlar va shtamplarning yoʻqolganligi yoki noqonuniy sarflanganligi (foydalanilganligi) aniqlanganda, FHDY organi tomonidan bu haqda darhol Agentlikning hududiy boshqarmasiga xabar beriladi, bunda Agentlikning hududiy boshqarmasi tomonidan 24 soat ichida Agentlikka va tegishli huquqni muhofaza qiluvchi organlarga maxsus xabar berilishi va besh kun muddat ichida xizmat tekshiruvi oʻtkazilishi lozim.”;

ikkinchi xatboshidagi “Adliya vazirligiga” degan soʻzlar “Agentlikka” degan soʻz bilan almashtirilsin.

15. 22-banddagi “adliya” degan soʻz “Agentlikning hududiy” degan soʻzlar bilan, “Adliya vazirligiga” degan soʻzlar “Agentlikka” degan soʻz bilan almashtirilsin.

16. 24-banddagi “adliya” degan soʻz “Agentlikning hududiy” degan soʻzlar bilan, “oʻrinbosarlaridan biri” degan soʻzlar “oʻrinbosari” degan soʻz bilan almashtirilsin.

17. 25-banddagi “adliya” degan soʻz “Agentlikning hududiy” degan soʻzlar bilan almashtirilsin.

18. 29-band “sarflash daftariga” degan soʻzlardan keyin “hamda elektron axborot tizimiga” degan soʻzlar bilan toʻldirilsin.

19. 31-banddagi “adliya” va “Adliya” degan soʻzlar “Agentlikning hududiy” degan soʻzlar bilan almashtirilsin.

20. 32-band quyidagi tahrirda bayon etilsin:

“32. Har oyda va har chorakda qayd etilgan dalolatnoma yozuvlari haqida, shuningdek har chorakda sarflangan va qoldiqdagi gerbli guvohnomalar toʻgʻrisida hisobotlar tuziladi va tegishliligi boʻyicha FHDY organlari, Agentlikning hududiy boshqarmasi va Agentlikka topshiriladi. Hisobotlarning toʻgʻriligi uchun QFYlarda ularning raislari, FHDY organlarida ularning rahbarlari, Agentlikning hududiy boshqarmasida rahbarning oʻrinbosari masʼul hisoblanadi.”.

21. 34-band quyidagi tahrirda bayon etilsin:

“34. Qogʻoz shaklida yuritilgan alfavit daftarlari raqamlangan, ishonch yozuvi yopishtirilgan holda ip oʻtkazib tikilgan va Agentlikning hududiy boshqarmasi rahbari yoki uning oʻrinbosari tomonidan imzolanib, muhrlangan boʻlishi lozim. Ishonch yozuvida Qogʻoz shaklida yuritilgan alfavit daftari necha varaqdan iboratligi, sana, Agentlikning hududiy boshqarmasi rahbari yoki uning oʻrinbosari familiyasi, ismi va otasining ismi koʻrsatilishi zarur.”.

22. 35-banddan “alohida va bir yoʻla ikki nusxada, shuningdek” degan soʻzlar chiqarib tashlansin.

23. 37-bandning ikkinchi xatboshisi quyidagi tahrirda bayon etilsin:

“Elektron shaklda yuritilgan alfavit daftarlari yil yakunlangandan soʻng, keyingi yilning 15-yanvaridan kechiktirmasdan ikki nusxada chop etilib, bir nusxasi FHDY boʻlimida saqlanadi, ikkinchisi FHDY arxiviga topshiriladi.”.

24. 107-band quyidagi mazmundagi ikkinchi xatboshi bilan toʻldirilsin:

“FHDY organi er-xotinni yarashtirish boʻyicha tegishli choralar koʻrish uchun er-xotinning birga yashash joyidagi fuqarolar yigʻinining yarashtirish komissiyasini, agar ular birga yashamayotgan boʻlsa, har birining yashash joyidagi fuqarolar yigʻinining yarashtirish komissiyasini nikohdan ajratish toʻgʻrisidagi ariza berilgan kundan eʼtiboran uch kundan kechiktirmay yozma ravishda xabardor qilishi kerak.”.

25. 124-bandning ikkinchi xatboshisidagi “adliya” degan soʻz “Agentlikning hududiy” degan soʻzlar bilan almashtirilsin.

26. 166-bandning uchinchi xatboshisidagi, 176-bandning birinchi xatboshisidagi “Oʻzbekiston Respublikasi Adliya vazirligi” degan soʻzlar “hokimliklar, Agentlik” degan soʻzlar bilan almashtirilsin.

27. 178-banddagi “adliya” degan soʻz “hokimlik va Agentlikning hududiy” degan soʻzlar bilan almashtirilsin.

28. 180-banddagi “adliya boshqarmasi va Adliya vazirligining” degan soʻzlar “hokimlik, Agentlikning hududiy boshqarmasi va Agentlikning” degan soʻzlar bilan almashtirilsin.

29. 185²-bandda:

birinchi xatboshidagi “adliya” va “oʻrinbosarlaridan biri” degan soʻzlar tegishlicha “Agentlikning hududiy” va “oʻrinbosari” degan soʻzlar bilan almashtirilsin;

ikkinchi xatboshidagi “adliya” degan soʻz “Agentlikning hududiy” degan soʻzlar bilan almashtirilsin.

30. 185⁵-banddagi “adliya” degan soʻz “Agentlikning hududiy” degan soʻzlar bilan almashtirilsin.

31. 1-ilovadagi “Adliya” degan soʻz “Agentlikning hududiy” degan soʻzlar bilan, “Adliya vazirligi va adliya” degan soʻzlar “Hokimlik, Agentlik va uning hududiy” degan soʻzlar bilan almashtirilsin.

32. 1a-ilovadagi “Adliya” degan soʻz “Agentlikning hududiy” degan soʻzlar bilan, “Adliya vazirligi va adliya” degan soʻzlar “Hokimlik, Agentlik va uning hududiy” degan soʻzlar bilan almashtirilsin.

33. 1b-ilovadagi “Adliya” degan soʻz “Agentlikning hududiy” degan soʻzlar bilan, “Adliya vazirligi va adliya” degan soʻzlar “Agentlik va uning hududiy” degan soʻzlar bilan almashtirilsin.

34. 3-ilovadagi “Adliya vazirligidan” degan soʻzlar “Agentlikdan” degan soʻzlar bilan almashtirilsin.

35. 4-ilovadagi “Adliya” degan soʻz “Agentlikning hududiy” degan soʻzlar bilan almashtirilsin.

36. 65-ilovadagi “1999-yil 12-apreldagi 171-sonli” degan soʻzlar “2016-yil 14-noyabrdagi 387-son” degan soʻzlar bilan, “138” va “144” raqamlari “136” va “142” raqamlari bilan almashtirilsin.

37. 66-ilovadagi “1999-yil 12-apreldagi 171-sonli” degan soʻzlar “2016-yil 14-noyabrdagi 387-son” degan soʻzlar bilan, “138, 146, (147)” raqamlari “136, 143 (144)” raqamlari bilan almashtirilsin.