5. Belgilansinki:

Filialda “huquqbuzarliklar profilaktikasi va jamoat xavfsizligini ta’minlash” soha mutaxassisligi bo‘yicha yuridik kadrlarni tayyorlash kunduzgi ta’lim shaklida bakalavriatning maxsus uch yillik dasturi bo‘yicha belgilangan namunadagi diplom berilgan holda amalga oshiriladi;

Filialda “huquqbuzarliklar profilaktikasi va jamoat xavfsizligini ta’minlash” mutaxassisligi bo‘yicha oliy noyuridik ma’lumotga ega bo‘lgan kadrlarni qayta tayyorlash kunduzgi ta’lim shaklida maxsus olti oylik dastur bo‘yicha belgilangan namunadagi diplom berilgan holda amalga oshiriladi;

Filialda o‘qitish davlat grantlari asosida amalga oshiriladi;

Filial bakalavriatiga qabul kvotasi yiliga 255 kishini, kadrlarni qayta tayyorlash dasturi bo‘yicha esa — har olti oyda 50 kishini tashkil etadi;

O‘zbekiston Respublikasi Ichki ishlar vazirligi va Milliy gvardiyasiga budjetdan tashqari mablag‘lari hisobidan alohida shaxslarni yuridik kadrlarni tayyorlash dasturlari bo‘yicha belgilangan kvotalar (davlat grantlari)dan tashqari Filialda o‘qitish uchun to‘lovni amalga oshirish huquqi beriladi;

Filial diplomining mavjudligi ichki ishlar organlariga O‘zbekiston Respublikasi Ichki ishlar vazirligi Akademiyasida maxsus kasbiy tayyorgarlikni o‘tmasdan, “leytenant” maxsus unvoni berilgan holda xizmatga qabul qilish uchun asos bo‘ladi.

6. Shunday tartib o‘rnatilsinki, unga ko‘ra:

bakalavriat dasturi bo‘yicha Filialga qabul tanlov asosida amalga oshiriladi;

Filialga qayta tayyorlash dasturi bo‘yicha o‘qishga O‘zbekiston Respublikasi ichki ishlar vaziri va Milliy gvardiya qo‘mondoni tavsiyalari asosida oliy noyuridik ma’lumotga ega bo‘lgan amaldagi xodimlar va harbiy xizmatchilar belgilangan tartibda egallab turgan lavozimi va pul ta’minoti saqlab qolingan holda qabul qilinadi;

huquqbuzarliklar profilaktikasi va jinoyatchilikka qarshi kurashishga munosib hissa qo‘shgan Toshkent shahri va Toshkent viloyati profilaktika inspektorlarining jamoat tartibini saqlash bo‘yicha yordamchilariga o‘rnatilgan qabul kvotalari doirasida O‘zbekiston Respublikasi adliya vaziri tomonidan belgilanadigan alohida kvotalar bo‘yicha Filialga o‘qishga kirish uchun tanlovda ishtirok etish huquqini taqdim etadigan Toshkent shahar va Toshkent viloyati ichki ishlar bosh boshqarmalari boshliqlarining tavsiyalari berilishi mumkin;

Filialda o‘qishni tamomlagan shaxslar Toshkent shahri va Toshkent viloyatida huquqbuzarliklar profilaktikasi va jamoat xavfsizligini ta’minlash tizimida kamida 5 yil ishlab berish majburiyatini oladilar;

9. Belgilab qo‘yilsinki:

huquqni muhofaza qiluvchi va boshqa davlat organlaridan ishga qabul qilingan Filial xodimlariga oldingi ish joyidagi barcha ustama va qo‘shimcha to‘lovlar, tibbiy xizmat ko‘rsatishning imtiyoz va shartlari ularni tegishli organning amaldagi kadrlar zaxirasiga qonunchilikda belgilangan tartibda o‘tkazgan holda saqlab qolinadi;

Filialning xodimlariga Toshkent davlat yuridik universitetining tegishli lavozimlari uchun nazarda tutilgan mehnatga haq to‘lash miqdorlari tatbiq etiladi;

o‘z xizmat vazifalarini vijdonan va samarali bajargan Filial xodimlariga direktor buyrug‘i asosida Vasiylik kengashi bilan kelishgan holda tarif stavkasining 200 foizigacha bo‘lgan miqdorda har oylik shaxsiy ustamalar belgilanishi mumkin;