Oʻzbekiston Respublikasi Prezidenti Davlat xavfsizlik xizmati tashkil etilgani munosabati bilan normativ-huquqiy bazani muvofiqlashtirish maqsadida Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirishlar va qoʻshimchalar kiritilsin.

2. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.

3. Mazkur qarorning bajarilishini nazorat qilish Oʻzbekiston Respublikasi Prezidenti Davlat xavfsizlik xizmatining raisi vazifasini bajaruvchi B.X. Tashmatov zimmasiga yuklansin.

1. Vazirlar Mahkamasining “Harbiy xizmatchilar va harbiy majburiyatli shaxslarning, oddiy askarlar hamda boshliqlar tarkibiga kiruvchi shaxslarning davlat majburiy shaxsiy sugʻurtasi toʻgʻrisida” 1994-yil 26-yanvardagi 38-son qarorida (Oʻzbekiston Respublikasi QT, 1994-y., 1-son, 6-modda):

a) 1-bandda:

ikkinchi xatboshidagi “Davlat xavfsizlik xizmatiga” soʻzlaridan keyin “Oʻzbekiston Respublikasi Prezidenti Davlat xavfsizlik xizmatiga” soʻzlari qoʻshilsin;

uchinchi xatboshidagi “Davlat xavfsizlik xizmati” soʻzlaridan keyin “Oʻzbekiston Respublikasi Prezidenti Davlat xavfsizlik xizmati” soʻzlari qoʻshilsin.

b) 4²-bandning ikkinchi xatboshidagi “Davlat xavfsizlik xizmati” soʻzlaridan keyin “Oʻzbekiston Respublikasi Prezidenti Davlat xavfsizlik xizmati” soʻzlari qoʻshilsin.

2. Vazirlar Mahkamasining 1994-yil 23-martdagi 158-son qarori bilan tasdiqlangan Oʻzbekiston Respublikasi rahbarlari va delegatsiyalarining xorijiy mamlakatlarga tashriflarini va chet el delegatsiyalarini, davlat va siyosiy arboblarini qabul qilishni uyushtirish hamda shu maqsadlar uchun davlat budjetidan ajratiladigan mablagʻlarni sarflash tartibi toʻgʻrisidagi nizomning 1.3-bandidagi “Oʻzbekiston Respublikasi Prezidentining xavfsizlik xizmati” soʻzlari “Oʻzbekiston Respublikasi Prezidenti Davlat xavfsizlik xizmati” soʻzlari bilan almashtirilsin.

3. Vazirlar Mahkamasining 1998-yil 1-iyuldagi 274-son qarori bilan tasdiqlangan Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining Maxsus avariya-tiklash boshqarmasi toʻgʻrisidagi nizomda:

a) 7-banddagi “Davlat xavfsizlik xizmati” soʻzlaridan keyin “Oʻzbekiston Respublikasi Prezidenti Davlat xavfsizlik xizmati” soʻzlari qoʻshilsin;

b) 10-band “a” kichik bandning oʻninchi xatboshidagi “Davlat xavfsizlik xizmati” soʻzlaridan keyin “Oʻzbekiston Respublikasi Prezidenti Davlat xavfsizlik xizmati” soʻzlari qoʻshilsin.

4. Vazirlar Mahkamasining 2003-yil 4-martdagi 119-son qarori (Oʻzbekiston Respublikasi QT, 2003-y., 3-son, 21-modda) bilan tasdiqlangan Oʻzbekiston Respublikasi fuqarolarini harbiy roʻyxatga olish toʻgʻrisidagi nizomning 5-bandi ikkinchi — toʻrtinchi xatboshilaridagi “Davlat xavfsizlik xizmati” soʻzlaridan keyin “Oʻzbekiston Respublikasi Prezidenti Davlat xavfsizlik xizmati” soʻzlari qoʻshilsin.

5. Vazirlar Mahkamasining “Mustaqillik kuni va Navroʻz umumxalq bayramlariga tayyorgarlikni tashkil etishni takomillashtirish toʻgʻrisida” 2004-yil 23-iyuldagi 357-son qaroriga ilovada:

quyidagi mazmundagi oʻn oltinchi xatboshi qoʻshilsin:

“Tashmatov B.X. — Oʻzbekiston Respublikasi Prezidenti Davlat xavfsizlik xizmati raisi v.b.”.

oʻn oltinchi — qirqinchi xatboshilar tegishincha oʻn yettinchi — qirq birinchi xatboshilar deb hisoblansin.

6. Vazirlar Mahkamasining 2011-yil 8-sentabrdagi 252-son qarori (Oʻzbekiston Respublikasi QT, 2011-y., 37-son, 377-modda) bilan tasdiqlangan Davlat pensiyalarini tayinlash va toʻlash tartibi toʻgʻrisidagi nizomda:

a) 62-bandning uchinchi xatboshidagi “va Oʻzbekiston Respublikasi Davlat xavfsizlik xizmatining” soʻzlari “Oʻzbekiston Respublikasi Davlat xavfsizlik xizmati va Oʻzbekiston Respublikasi Prezidenti Davlat xavfsizlik xizmatining” soʻzlari bilan almashtirilsin.

b) 91-banddagi “Davlat xavfsizlik xizmati” soʻzlaridan keyin “Oʻzbekiston Respublikasi Prezidenti Davlat xavfsizlik xizmati” soʻzlari qoʻshilsin.

7. Vazirlar Mahkamasining 2012-yil 13-apreldagi 109-son qarori (Oʻzbekiston Respublikasi QT, 2012-y., 4-son, 26-modda) bilan tasdiqlangan Oʻzbekiston Respublikasi temir yoʻl transportida yoʻlovchilar, bagaj va yuk bagaj tashish qoidalari 22-bandining “v” kichik bandidagi “Davlat xavfsizlik xizmati” soʻzlaridan keyin “Oʻzbekiston Respublikasi Prezidenti Davlat xavfsizlik xizmati” soʻzlari qoʻshilsin.

8. Vazirlar Mahkamasining 2016-yil 7-oktabrdagi 336-son qarori (Oʻzbekiston Respublikasi QT, 2016-y., 10-son, 89-modda) bilan tasdiqlangan Rahbarlari xodimlarni Toshkent shahri va Toshkent viloyatida doimiy propiska qilish toʻgʻrisida iltimosnoma kiritishi mumkin boʻlgan davlat hokimiyati organlari, davlat va xoʻjalik boshqaruvi organlari, respublika ahamiyatiga molik boshqa davlat tashkilotlari roʻyxatiga quyidagi mazmundagi 8²-band qoʻshilsin:

“8². Oʻzbekiston Respublikasi Prezidenti Davlat xavfsizlik xizmati”.

9. Vazirlar Mahkamasining 2017-yil 22-dekabrdagi 1013-son qarori (Oʻzbekiston Respublikasi QT, 2017-y., 12-son, 299-modda) bilan tasdiqlangan Normativ-huquqiy hujjatlar matnlari hamda zarur boʻlgan taqdirda ularga tegishli axborot-tahliliy materiallar elektron shaklda yuboriladigan davlat organlari va boshqa tashkilotlar roʻyxatining “1. Markaziy muassasalar” boʻlimiga quyidagi mazmundagi 9-band qoʻshilsin:

“9. Oʻzbekiston Respublikasi Prezidenti Davlat xavfsizlik xizmati”.

10. Vazirlar Mahkamasining 2006-yil 26-apreldagi 180-F-son farmoyishiga kiritilayotgan qoʻshimchalar rus tilidagi matnda berilgan.