Oʻzbekiston Respublikasi Prezidentining “Fuqarolik holati dalolatnomalarini qayd etish tizimini yanada takomillashtirish chora-tadbirlari toʻgʻrisida” 2018-yil 12-iyundagi PQ-3785-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.

2. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.

3. Mazkur qarorning ijrosini nazorat qilish Oʻzbekiston Respublikasining Bosh vaziri oʻrinbosari — Oʻzbekiston Xotin-qizlar qoʻmitasi raisi T.K. Narbayeva va Oʻzbekiston Respublikasi adliya vaziri R.K. Davletov zimmasiga yuklansin.

1. Vazirlar Mahkamasining 2011-yil 29-martdagi 93-son qarori (Oʻzbekiston Respublikasi QT, 2011-y., 3-son, 22-modda) bilan tasdiqlangan Oʻzbekiston Respublikasi adliya organlari va muassasalari xodimlarining martaba darajalari toʻgʻrisidagi nizom 4-bandining toʻqqizinchi xatboshisidagi “notarial arxivlar mudirlariga; FHDY organlari arxivlari mudirlariga” soʻzlari “idoraviy notarial arxivlar mudirlariga; FHDY organlari idoraviy arxivlari mudirlariga” soʻzlari bilan almashtirilsin.

2. Vazirlar Mahkamasining “Gerbli guvohnomalar shakllarini va ularni berganlik uchun gerb yigʻimi miqdorini tasdiqlash toʻgʻrisida” 2012-yil 25-apreldagi 119-son qarori (Oʻzbekiston Respublikasi QT, 2012-y., 4-son, 29-modda) 6-bandida:

a) uchinchi xatboshi quyidagi tahrirda bayon etilsin:

“51 foizi — Oʻzbekiston Respublikasi Adliya vazirligining gʻaznachilik hisob raqamlariga oʻtkaziladi va gerbli guvohnomalar va fuqarolik holati yozuvlari blankalarini tayyorlash bilan bogʻliq xarajatlarni qoplashga, shuningdek adliya organlari va muassasalarining moddiy-texnika bazasini mustahkamlash va xodimlarini moddiy ragʻbatlantirish tadbirlariga”;

b) quyidagi mazmundagi xatboshi qoʻshilsin:

“34 foizi — Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining maxsus tashkil qilinadigan gʻaznachilik shaxsiy hisobvaragʻiga yoʻnaltiriladi va faqat FHDY boʻlimlarining moddiy-texnik bazasini mustahkamlash boʻyicha tadbirlar, ularning xodimlarini uzoq muddat xizmat qilgani uchun ish haqiga ustama haq toʻlash va martaba darajalari uchun qoʻshimchalariga, shuningdek, ularni moddiy ragʻbatlantirish (lavozim maoshining va mukofotlarning 100 foizi miqdorigacha shaxsiy ustamalar) tadbirlariga sarflanadi”.

3. Vazirlar Mahkamasining “Viloyatlar, shaharlar va tumanlar hokimliklari boshqaruv apparatlari toʻgʻrisidagi namunaviy nizomlarni tasdiqlash haqida” 2016-yil 27-apreldagi 123-son qarorida (Oʻzbekiston Respublikasi QT, 2016-y., 4-son, 29-modda):

a) 1-ilovada:

6-bandga quyidagi mazmundagi oʻn ikkinchi xatboshi qoʻshilsin:

“tuman (shahar) hokimliklarining fuqarolik holati dalolatnomalarini yozish boʻlimlari va nikoh uylari faoliyati ustidan umumiy rahbarlikni amalga oshirish, oilani mustahkamlash, ajrimlarning oldini olish, tugʻilish va nikohni qayd etish hamda targʻibot va maʼrifat choralarini koʻrish masalalaridagi faoliyatini muvofiqlashtirib borish”;

oʻn ikkinchi — oʻn toʻrtinchi xatboshilar tegishlicha oʻn uchinchi — oʻn beshinchi xatboshilar deb hisoblansin;

16-bandning “e” kichik bandiga quyidagi mazmundagi oltinchi xatboshi qoʻshilsin:

“oilani mustahkamlash, ajrimlarning oldini olish, tugʻilish va nikohni oʻz vaqtida qayd etish, targʻibot va maʼrifat boʻyicha chora-tadbirlarni koʻrish boʻyicha amalga oshirilayotgan ishlarni muvofiqlashtirish hamda nazoratini olib borish”;

oltinchi xatboshi yettinchi xatboshi deb hisoblansin;

b) 2-ilovada:

6-bandga quyidagi mazmundagi oʻninchi xatboshi qoʻshilsin:

“fuqarolik holati dalolatnomalarini yozish boʻlimlari va nikoh uylari (keyingi oʻrinlarda FHDY boʻlimlari deb ataladi) faoliyati ustidan umumiy rahbarlikni amalga oshirish, oilalarni mustahkamlash, tugʻilish va nikohni qayd etish, targʻibot ishlarini olib borish”;

oʻninchi — oʻn ikkinchi xatboshilar tegishlicha oʻn birinchi — oʻn uchinchi xatboshilar deb hisoblansin;

17-bandda:

toʻrtinchi xatboshidagi “rahbarlari va mutaxassislarini” soʻzlaridan keyin “shuningdek FHDY boʻlimlari xodimlarini” soʻzlari qoʻshilsin;

oʻninchi xatboshidagi “hokimlik apparati” soʻzlaridan keyin “hamda FHDY boʻlimlari” soʻzlari qoʻshilsin;

oʻn birinchi xatboshidagi “boshqaruv kadrlari” soʻzlaridan keyin “FHDY boʻlimlari xodimlari” soʻzlari qoʻshilsin;

v) 3-ilovada:

6-bandga quyidagi mazmundagi oʻninchi xatboshi qoʻshilsin:

“fuqarolik holati dalolatnomalarini yozish boʻlimlari va nikoh uylari (keyingi oʻrinlarda FHDY boʻlimlari deb ataladi) faoliyati ustidan umumiy rahbarlikni amalga oshirish, oilalarni mustahkamlash, tugʻilish va nikohni qayd etish, targʻibot ishlarini olib borish”;

oʻninchi — oʻn ikkinchi xatboshilar tegishli ravishda oʻn birinchi — oʻn uchinchi xatboshilar deb hisoblansin;

17-bandda:

toʻrtinchi xatboshidagi “rahbarlari va mutaxassislarini” soʻzlaridan keyin “shuningdek FHDY boʻlimlari xodimlarini” soʻzlari qoʻshilsin;

oʻninchi xatboshidagi “hokimlik apparati” soʻzlaridan keyin “hamda FHDY boʻlimlari” soʻzlari qoʻshilsin;

oʻn birinchi xatboshidagi “boshqaruv kadrlari” soʻzlaridan keyin “FHDY boʻlimlari xodimlari” soʻzlari qoʻshilsin.

4. Vazirlar Mahkamasining 2016-yil 14-noyabrdagi 387-son qarori (Oʻzbekiston Respublikasi QT, 2016-y., 11-son, 104-modda) bilan tasdiqlangan Fuqarolik holati dalolatnomalarini qayd etish qoidalarida:

a) 1-bandning toʻrtinchi xatboshisida, 60-bandning ikkinchi xatboshisida, 71-bandda, 94-bandning ikkinchi xatboshisida, 131-bandning uchinchi xatboshisida, 135-bandda, 139-bandning uchinchi xatboshisida, 143-bandning uchinchi xatboshisida, 144-bandning uchinchi xatboshisida, 154, 171, 182-bandlarda, 193-bandning ikkinchi xatboshisida, 198-bandning yettinchi xatboshisida, 199-bandning birinchi xatboshisida, 208, 209, 213, 216-bandlarda, 222-bandning birinchi xatboshisida, 229-banddagi “FHDY arxivi” soʻzlari tegishli kelishikdagi “idoraviy FHDY arxivi” soʻzlari bilan almashtirilsin;

b) 159-bandning ikkinchi xatboshisida, XIV-bobning nomida, 210 — 212, 215, 217, 218-bandlardagi “FHDY organi arxivi” soʻzlari tegishli kelishikdagi “FHDY organi idoraviy arxivi” soʻzlari bilan almashtirilsin;

v) 205-bandning birinchi va ikkinchi xatboshilari quyidagi tahrirda bayon etilsin:

“205. Tumanlar (shaharlar) dagi FHDY boʻlimlari va nikoh uylari idoraviy arxivlari (keyingi oʻrinlarda FHDY boʻlimlari va nikoh uylari idoraviy arxivlari deb ataladi) hamda Agentlik boshqarmalari idoraviy FHDY arxivlari FHDY organlarining idoraviy arxivi hisoblanadi.

FHDY boʻlimlari va nikoh uylari idoraviy arxivlari tegishli tuman (shahar) hududida tuzilgan dalolatnoma yozuvlarining birinchi nusxalaridan iborat boʻlgan daftarlardan tashkil topadi”;

g) 207-bandning birinchi va uchinchi xatboshilaridagi “uylari arxivlarida” va “uylari arxivlari” soʻzlari tegishlicha “uylari idoraviy arxivlarida” va “uylari idoraviy arxivlari” soʻzlari bilan almashtirilsin;

d) 220 va 221-bandlar quyidagi tahrirda bayon etilsin:

“220. FHDY organi idoraviy arxivlarida dalolatnoma yozuvlarining birinchi nusxalari ularning tuzilgan kunidan boshlab 75 yil mobaynida saqlanadi. Bu muddat tugagach, dalolatnoma yozuvlari daftarlari Agentlik boshqarmalarining idoraviy FHDY arxivlariga topshiriladi.

221. Agentlik boshqarmalarining idoraviy FHDY arxivlari dalolatnoma yozuvlarining har ikkala nusxalarini bir-biri bilan solishtirib, zaruriy oʻzgartirishlar, tuzatishlar, qoʻshimchalar va belgilar kiritadilar, foydalanishga yaroqsiz holdagi dalolatnoma yozuvlarini almashtiradilar, belgilangan tartibda rasmiylashtiradilar va ularni doimiy saqlash uchun davlat arxiviga topshiradilar”.

e) 223-band quyidagi tahrirda bayon etilsin:

“223. Dalolatnoma yozuvining birinchi nusxasi mavjud boʻlmagan taqdirda, ushbu yozuvning ikkinchi nusxasi saqlanayotgan Agentlik boshqarmasining idoraviy FHDY arxivi tomonidan tegishli FHDY boʻlimiga yoki nikoh uyiga dalolatnoma yozuvining nusxasi yoki undan koʻchirma yuboriladi.

Zaruriyat boʻlganda, Agentlik boshqarmasining ushbu idoraviy FHDY arxivi mazkur Qoidalarda belgilangan tartibda ushbu dalolatnoma yozuviga oʻzgartirishlar, tuzatishlar va qoʻshimchalar kiritadi hamda bu haqda tegishli FHDY boʻlimi yoki nikoh uyi idoraviy arxiviga xabarnoma yuboradi”.

5. Vazirlar Mahkamasining “Adliya organlari va muassasalarining budjetdan tashqari jamgʻarmalariga mablagʻlar ajratishni tartibga solish chora-tadbirlari toʻgʻrisida” 2016-yil 23-dekabrdagi 413-son qarori (Oʻzbekiston Respublikasi QHT, 2016-y., 52-son, 603-modda) 1-bandi “a” kichik bandining toʻrtinchi xatboshisidagi “notarial arxivlarni” soʻzlari “idoraviy notarial arxivlarni” soʻzlari bilan almashtirilsin.

6. Vazirlar Mahkamasining “Oʻzbekiston Respublikasi Adliya vazirligi huzuridagi Davlat xizmatlari agentligi faoliyatini tashkil etish chora-tadbirlari haqida” 2018-yil 31-yanvardagi 70-son qarorida (Oʻzbekiston Respublikasi QT, 2018-y., 1-son, 26-modda):

a) 2-bandning beshinchi xatboshisidagi “hududiy boshqarmalari va davlat xizmatlari markazlari” soʻzlari “hududiy boshqarmalari, davlat xizmatlari markazlari va fuqarolik holati dalolatnomalari yozish arxivlari” soʻzlari bilan almashtirilsin;

b) 1-ilovada:

quyidagi mazmundagi 9¹-band qoʻshilsin:

“9¹. Hududiy boshqarmalarning fuqarolik holati dalolatnomalarini yozish (keyingi oʻrinlarda FHDY deb ataladi) arxivlari yuridik shaxs hisoblanmaydi, mol-mulkka, xoʻjalik yurituvida yoki operativ boshqaruvida alohida mol-mulkka ega boʻlmaydi.

FHDY arxivlari Oʻzbekiston Respublikasi Davlat gerbi tasviri tushirilgan muhr va blankalarga ega boʻladilar”;

13-bandning 1-kichik bandi uchinchi xatboshisidagi “sohasidagi faoliyatni” soʻzlaridan keyin “shuningdek FHDY sohasini” soʻzlari qoʻshilsin;

15-bandda:

3-kichik banddagi “hududiy boshqarmalar va davlat xizmatlari markazlari” soʻzlari “boshqarmalar, davlat xizmatlari markazlari va FHDYning hududiy arxivlari (keyingi oʻrinlarda FHDY arxivlari deb ataladi)” soʻzlari bilan almashtirilsin;

quyidagi mazmundagi 3¹-kichik band qoʻshilsin:

“3¹) “FHDYning yagona elektron arxivi” axborot tizimini texnik taʼminlash va yuritish”;

4-kichik banddagi “hududiy boshqarmalar va davlat xizmatlari markazlari” soʻzlari “hududiy boshqarmalar, davlat xizmatlari markazlari va FHDY arxivlari” soʻzlari bilan almashtirilsin;

16-bandda:

1-kichik banddagi “hududiy boshqarmalar hamda davlat xizmatlari markazlari” soʻzlari “hududiy boshqarmalar, davlat xizmatlari markazlari hamda FHDY arxivlari” soʻzlari bilan almashtirilsin;

4-kichik banddagi “hududiy boshqarmalar va davlat xizmatlari markazlari” soʻzlari “hududiy boshqarmalar, davlat xizmatlari markazlari va FHDY arxivlari” soʻzlari bilan almashtirilsin;

10-kichik banddagi “hududiy boshqarmalar hamda davlat xizmatlari markazlari” soʻzlari “hududiy boshqarmalar, davlat xizmatlari markazlari hamda FHDY arxivlari” soʻzlari bilan almashtirilsin;

11-kichik banddagi “markazlariga” soʻzi “markazlari va FHDY arxivlariga” soʻzlari bilan almashtirilsin;

16-kichik banddagi “hududiy boshqarmalar va davlat xizmatlari markazlarini” soʻzlari “hududiy boshqarmalar, davlat xizmatlari markazlari va FHDY arxivlarini” soʻzlari bilan almashtirilsin;

17-bandda:

quyidagi mazmundagi 2¹-kichik band qoʻshilsin:

“2¹) Qoraqalpogʻiston Respublikasi Vazirlar Kengashi Raisi, viloyatlar, Toshkent shahar hamda tuman (shahar) hokimliklari bilan FHDY sohasida hamkorlik qilish”;

4-kichik banddagi “markazlarida” soʻzi “markazlari hamda FHDY arxivlarida” soʻzlari bilan almashtirilsin;

quyidagi mazmundagi 5¹-kichik band qoʻshilsin:

“5¹) FHDY arxivlariga rahbarlik qilish”;

18-bandda:

2-kichik banddagi “markazlari” soʻzidan keyin “va FHDY arxivlari” soʻzlari qoʻshilsin;

3-kichik band quyidagi tahrirda bayon etilsin:

“3) davlat xizmatlari markazlari hamda FHDY arxivlari faoliyati ustidan rahbarlik va nazorat qiladi”;

4-kichik banddagi “tizimini” soʻzidan keyin “shuningdek FHDY organlari faoliyatini” soʻzlari qoʻshilsin;

5 va 6-kichik bandlardagi “markazlari” soʻzlaridan keyin “va FHDY arxivlari” soʻzlari qoʻshilsin;

20-bandning oltinchi xatboshisi quyidagi tahrirda bayon etilsin:

“hududiy boshqarmalar, davlat xizmatlari markazlari va FHDY arxivlari bilan birgalikda Agentlikka yuklangan vazifalar va funksiyalar oʻz vaqtida va sifatli bajarilishini taʼminlash uchun javobgardir”;

23-bandga quyidagi mazmundagi oʻninchi va oʻn birinchi xatboshilar qoʻshilsin:

“FHDY boʻlimlarining davlat xizmatlari sohasidagi faoliyatini oʻrganish;

FHDY arxivlari faoliyatini oʻrganish”;

oʻninchi — oʻn ikkinchi xatboshilar tegishli ravishda oʻn ikkinchi — oʻn toʻrtinchi xatboshilar deb hisoblansin;

25-bandda:

21-kichik banddagi “markazlari” soʻzidan keyin “hamda FHDY arxivlari” soʻzlari qoʻshilsin;

27-kichik banddan “shuningdek, davlat xizmatlari markazlari” soʻzlari chiqarib tashlansin;

quyidagi mazmundagi 27¹-kichik band qoʻshilsin:

“27¹) Davlat xizmatlari markazlari direktorlari va FHDY arxivlari mudirlarini qonun hujjatlarida belgilangan tartibda lavozimga tayinlash va lavozimdan ozod etishni kelishish”;

28-kichik banddagi “markazlari” soʻzidan keyin “va FHDY arxivlari” soʻzlari qoʻshilsin;

27-bandda:

3-kichik banddagi “hududiy boshqarmalar va davlat xizmatlari markazlari” soʻzlari “hududiy boshqarmalar, davlat xizmatlari markazlari va FHDY organlari” soʻzlari bilan almashtirilsin;

8 va 9-kichik bandlardagi “hududiy boshqarmalar va davlat xizmatlari markazlari” soʻzlari “hududiy boshqarmalar, davlat xizmatlari markazlari va FHDY organlari” soʻzlari bilan almashtirilsin;

28-bandda:

2-kichik band quyidagi tahrirda bayon etilsin:

“2) hududiy boshqarmalar, davlat xizmatlari markazlari va FHDY arxivlari faoliyatiga umumiy rahbarlik qilish, Oʻzbekiston Respublikasi Prezidentining, Oʻzbekiston Respublikasi Vazirlar Mahkamasining tegishli qarorlari, boshqa qonun hujjatlari, adliya vaziri buyruqlari va Direktor buyruqlari bilan ularga yuklangan vazifalar va funksiyalar bajarilishini tashkil etish”;

quyidagi mazmundagi 9¹-kichik band qoʻshilsin:

“9¹) belgilangan tartibda FHDY organlarida kadrlar masalalarini hal etishda ishtirok etish”;

17-kichik banddagi “markazlari” soʻzidan keyin “va FHDY arxivlari” soʻzlari qoʻshilsin;

35-bandning 4-kichik bandida:

uchinchi xatboshidagi “boshqarmalari va davlat xizmatlari markazlarining” soʻzlari “boshqarmalari, davlat xizmatlari markazlari va FHDY arxivlarining” soʻzlari bilan almashtirilsin;

beshinchi xatboshidagi “Agentlik xodimlariga” soʻzlaridan keyin “shuningdek FHDY boʻlimlari xodimlariga” soʻzlari qoʻshilsin;

38-bandda:

ikkinchi xatboshidan “amalga oshiriladi” soʻzlari chiqarib tashlansin;

toʻrtinchi xatboshidagi “FHDYning hududiy arxivlari” soʻzlari “FHDY arxivlari” soʻzlari bilan almashtirilsin;

beshinchi xatboshi quyidagi tahrirda bayon etilsin:

“hududiy boshqarmalarning texnik va xizmat koʻrsatuvchi xodimlari, shuningdek davlat xizmatlari markazlari va FHDY arxivlarining boshqa xodimlari — hududiy boshqarmalar boshliqlari tomonidan amalga oshiriladi”;

7-bobning 2-paragrafi nomidagi “hududiy boshqarmalar va davlat xizmatlari markazlari” soʻzlari “hududiy boshqarmalar, davlat xizmatlari markazlari va FHDY arxivlari” soʻzlari bilan almashtirilsin;

39-band quyidagi tahrirda bayon etilsin:

“39. Agentlik markaziy apparati tarkibiy boʻlinmalarining hududiy boshqarmalar, davlat xizmatlari markazlari va FHDY arxivlari bilan oʻzaro hamkorligi Agentlik markaziy apparati tarkibiy boʻlinmalarining rahbarlari tomonidan taʼminlanadi.

Agentlik markaziy apparatining tarkibiy boʻlinmalari hududiy boshqarmalar, davlat xizmatlari markazlari va FHDY arxivlari bilan oʻz faoliyati yoʻnalishlari boʻyicha hamkorlik qilib:

1) topshiriqlarni hududiy boshqarmalar, davlat xizmatlari markazlari va FHDY arxivlariga yetkazadi hamda ularning bajarilishini nazorat qiladi;

2) hududiy boshqarmalar, davlat xizmatlari markazlari va FHDY arxivlariga tarkibiy boʻlinmalarning bevosita faoliyati masalalari boʻyicha soʻrovlar yuboradi hamda ularning ijro etilishini nazorat qiladi;

3) hududiy boshqarmalar, davlat xizmatlari markazlari va FHDY arxivlari faoliyati amaliyotini tekshiradi va oʻrganadi, umumlashtiradi, uni takomillashtirishga qaratilgan chora-tadbirlarni ishlab chiqadi va qabul qiladi;

4) hududiy boshqarmalar, davlat xizmatlari markazlari va FHDY arxivlari faoliyatini tashkil etish va faoliyati natijalari toʻgʻrisida hisobot va axborot materiallari, statistika maʼlumotlari va boshqa maʼlumotlar oʻrganilishini tashkil etadi;

5) hududiy boshqarmalar, davlat xizmatlari markazlari va FHDY arxivlari ish rejalarini tahlil qiladi, ularning faoliyatini rejalashtirishni takomillashtirishga doir chora-tadbirlar koʻradi;

6) hududiy boshqarmalar, davlat xizmatlari markazlari va FHDY arxivlaridan tushgan takliflarni koʻrib chiqadi;

7) normativ-huquqiy hujjatlar loyihalarini tayyorlashda hududiy boshqarmalar, davlat xizmatlari markazlari va FHDY arxivlari ishtirokini tashkil etadi, davlat xizmatlari koʻrsatish va FHDY sohalarida qonun hujjatlarini takomillashtirish boʻyicha ulardan tushgan takliflarni koʻrib chiqadi”;

quyidagi mazmundagi 40¹-band qoʻshilsin:

“40¹. FHDY arxivlari Agentlik markaziy apparatining tarkibiy boʻlinmalari va hududiy boshqarmalar bilan hamkorlik qiladi, shu jumladan:

1) Agentlik rahbariyati va hududiy boshqarmalar topshiriqlari ijrosi haqida axborot beradi;

2) FHDY sohasida qonun hujjatlarini amalga oshirish boʻyicha faoliyat natijalari toʻgʻrisida hududiy boshqarmalarga axborot taqdim etadi;

3) ularning faoliyatini tekshirish va oʻrganish natijasida aniqlangan ishdagi kamchiliklarni va qonun buzilishlarini bartaraf etish natijalari toʻgʻrisida maʼlumot beradi;

4) oʻz ishi natijalari toʻgʻrisidagi hisobotlarni belgilangan tartibda va muddatlarda hududiy boshqarmalarga taqdim etadi;

5) FHDY sohasidagi muammolarini hal qilishga qaratilgan takliflarni Agentlikning markaziy apparati va hududiy boshqarmalarga yuboradi;

6) vakolatli organlar tomonidan oʻtkazilgan oʻz faoliyatini tekshirish natijalari toʻgʻrisida xabar beradi”;

41-banddagi “hududiy boshqarmalar va davlat xizmatlari markazlarining” soʻzlari “hududiy boshqarmalar, davlat xizmatlari markazlari va FHDY arxivlarining” soʻzlari bilan almashtirilsin;

quyidagi mazmundagi 47¹-band qoʻshilsin:

“47¹. FHDY arxivlari quyidagi manbalardan moliyalashtiriladi:

xodimlar mehnatiga haq toʻlash — Qoraqalpogʻiston Respublikasi budjeti, viloyatlar va Toshkent shahar mahalliy budjetlari hamda qonun hujjatlarida taqiqlanmagan boshqa manbalar hisobiga;

moddiy-texnik bazani shakllantirish va mustahkamlash, xodimlarni moddiy ragʻbatlantirish va ijtimoiy himoya qilish, xodimlarga martaba darajalari hamda uzoq muddatli xizmati uchun ustamalar va qoʻshimcha haq toʻlash, “FHDYning yagona elektron arxivi” axborot tizimini yuritish — Adliya vazirligining maxsus gʻaznachilik shaxsiy hisobvaragʻiga gerb yigʻimidan tushadigan mablagʻlar va qonun hujjatlarida taqiqlanmagan boshqa manbalar hisobiga moliyalashtiriladi”;

49-bandda:

beshinchi va sakkizinchi xatboshilardagi “hududiy boshqarmalari va davlat xizmatlari markazlari” soʻzlari “hududiy boshqarmalari, davlat xizmatlari markazlari va FHDY arxivlari” soʻzlari bilan almashtirilsin;

oʻninchi xatboshidagi “hududiy boshqarmalari va davlat xizmatlari markazlarning” soʻzlari “hududiy boshqarmalari, davlat xizmatlari markazlari va FHDY arxivlarining” soʻzlari bilan almashtirilsin;

52-bandga quyidagi mazmundagi ikkinchi xatboshi qoʻshilsin:

“Agentlik direktori mazkur Nizomning 47¹-bandi uchinchi xatboshisida koʻrsatilgan mablagʻlar yetarli boʻlmaganda Agentlikning budjetdan tashqari jamgʻarmasi mablagʻlarini 47¹-bandi uchinchi xatboshisida koʻrsatilgan maqsadlarga yoʻnaltirish huquqiga ega”;

53-bandning uchinchi xatboshisi quyidagi tahrirda bayon etilsin:

“Davlat xizmatlari markazlari xodimlari va FHDY arxivlari mudirlari lavozim maoshlariga qonun hujjatlarida belgilangan ustamalar (mehnatni ragʻbatlantirish koeffitsiyenti) miqdori, mukofotlash va moddiy yordam koʻrsatish shartlari boʻyicha tegishlicha Agentlikning hududiy boshqarmalari boʻlimlari xodimlari hamda boʻlim boshliqlariga tenglashtiriladi”.