Oʻzbekiston Respublikasi Prezidentining 2017-yil 10-apreldagi PF-5005-son “Ichki ishlar organlarining faoliyati samaradorligini tubdan oshirish, jamoat tartibini, fuqarolar huquqlari, erkinliklari va qonuniy manfaatlarini ishonchli himoya qilishni taʼminlashda ularning masʼuliyatini kuchaytirish chora-tadbirlari toʻgʻrisida”gi Farmoni hamda Oʻzbekiston Respublikasi Vazirlar Mahkamasining 2012-yil 16-fevraldagi 41-son “Toshkent shahri va Toshkent viloyatida doimiy propiska qilinishi lozim boʻlgan shaxslar — Oʻzbekiston Respublikasi fuqarolari toifalarining roʻyxati toʻgʻrisida”gi Oʻzbekiston Respublikasi Qonunini amalga oshirish chora-tadbirlari haqida”gi qaroriga muvofiq buyuraman:

1. Oʻzbekiston Respublikasi ichki ishlar vazirining 2016-yil 16-maydagi 79-son buyrugʻi (roʻyxat raqami 2804, 2016-yil 28-iyun) (Oʻzbekiston Respublikasi qonun hujjatlari toʻplami, 2016-y., 26-son, 321-modda) bilan tasdiqlangan Oʻzbekiston Respublikasi fuqarolarini Toshkent shahri va Toshkent viloyatida turgan joyi boʻyicha hisobga olish tartibi toʻgʻrisidagi yoʻriqnomaga ilovaga muvofiq oʻzgartirishlar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. 4-bandda:

birinchi xatboshidagi “xorijga chiqish, kelish va fuqarolikni rasmiylashtirish boʻlimiga (boʻlinmasiga) (bundan buyon matnda XChKvaFRB deb yuritiladi)” degan soʻzlar “migratsiya va fuqarolikni rasmiylashtirish boʻlimiga (boʻlinmasiga) (bundan buyon matnda MvaFRB deb yuritiladi)” degan soʻzlar bilan almashtirilsin;

toʻqqizinchi — oʻn birinchi xatboshilar quyidagi tahrirda bayon etilsin:

“turar joyni yoxud uning bir qismini ijaraga olish yoki turar joydan yoxud uning bir qismidan tekin foydalanish toʻgʻrisida notarial tasdiqlangan shartnomaning nusxasi.

Agar vaqtincha turgan joyi boʻyicha hisobda turish uchun murojaat qilgan fuqaro (oila aʼzolari bilan birga) turar joy mulkdorining (mulkdorlarning) yoki ushbu turar joyda doimiy yashayotgan shaxsning yaqin qarindoshi boʻlsa, notarial tasdiqlangan turar joy yoxud uning bir qismidan tekin foydalanish shartnomasining nusxasini taqdim etish talab etilmaydi. Ushbu holatda vaqtincha turgan joyi boʻyicha hisobda turish uchun murojaat qilgan fuqaroning va turar joy mulkdorining (mulkdorlarning) yoxud ushbu turar joyda doimiy yashayotgan shaxsning qarindoshligi darajasini tasdiqlaydigan hujjatlar taqdim etilishi kerak. Bunda vaqtincha turgan joyi boʻyicha hisobda turish uchun murojaat qilgan fuqaroning oila aʼzolari (er, xotin, shuningdek, ularning oʻz oilasi boʻlmagan farzandlari, farzandlikka olinganlari) fuqaroning oila aʼzolari ekanligini tasdiqlovchi hujjatlarni taqdim qilishlari kerak.

Agar vaqtincha turgan joyi boʻyicha hisobda turish uchun murojaat qilgan fuqaro Toshkent shahar va Toshkent viloyatiga respublikaning boshqa hududlaridan xizmat safari, mehnat taʼtili, malakasini oshirish, davolanish munosabati bilan kelgan boʻlsa, tasdiqlovchi hujjatlar taqdim etilganda notarial tasdiqlangan turar joyning yoxud uning bir qismining ijara shartnomasining yoki turar joydan yoxud uning bir qismidan tekin foydalanish shartnomasining nusxasini taqdim etish talab etilmaydi.”.

2. 7-bandning birinchi xatboshisidagi, 14-banddagi, 18-bandning birinchi xatboshisidagi, 20, 21-bandlardagi, 24-bandning birinchi, ikkinchi va yettinchi xatboshilaridagi, 30-banddagi hamda 1 — 9, 12 va 13-ilovalardagi “XChKvaFRB” qisqartmalari “MvaFRB” qisqartmalari bilan almashtirilsin.

3. 8-band:

birinchi xatboshidagi “XChKvaFRBning” qisqartmasi “MvaFRBning” qisqartmasi bilan almashtirilsin;

ikkinchi xatboshidagi “XChKvaFRB” qisqartmasi “MvaFRB” qisqartmasi bilan almashtirilsin.

4. 12-band quyidagi tahrirda bayon qilinsin:

“12. TShIIB MvaFRB inspektori fuqaroga qayd varagʻi berishdan avval uning qidiruvda emasligini aniqlash uchun Oʻzbekiston Respublikasi Ichki ishlar vazirligi (bundan buyon matnlarda IIV deb yuritiladi) Migratsiya va fuqarolikni rasmiylashtirish bosh boshqarmasi (bundan buyon matnlarda MvaFRBB deb yuritiladi) “Pasport-viza” avtomatlashtirilgan axborot tizimiga fuqaro haqidagi maʼlumotlarni kiritib, ularni tizim orqali avtomatik tarzda IIV Axborot markazining maʼlumotlar bazasidan tekshiradi.

Tekshiruv natijasi yuzasidan fuqaro qidiruvda boʻlganligi holati aniqlangan taqdirda IIV Axborot markazi ushbu holat boʻyicha IIV Jinoyat qidiruv va terrorizmga qarshi kurashish bosh boshqarmasi va IIV MvaFRBBga xabar beradi.”.

5. 13, 17, 19 va 21-bandlardagi “XChKvaFRBga” qisqartmalari “MvaFRBga” qisqartmalari bilan almashtirilsin.

6. 15-banddagi “XChKvaFRBni” qisqartmasi “MvaFRBni” qisqartmasi bilan almashtirilsin.

7. 16-bandda:

birinchi xatboshidagi “XChKvaFRB” qisqartmasi “MvaFRB” qisqartmasi bilan almashtirilsin;

ikkinchi xatboshidagi “XChKvaFRBda” qisqartmasi “MvaFRBda” qisqartmasi bilan almashtirilsin.

8. 25-banddagi hamda 12 va 13-ilovalarning izohidagi “XChKvaFRBda” qisqartmasi “MvaFRBda” qisqartmasi bilan almashtirilsin.

9. 23-bandning birinchi xatboshisi quyidagi tahrirda bayon qilinsin:

“23. Oxirgi hisobga olish rasmiylashtirilgan paytdan boshlab bir yil mobaynida hisobga olishni qayta rasmiylashtirish masalasini koʻrib chiqish fuqaroning vaqtincha yashab turgan joyidagi TShIIB MvaFRB tomonidan amalga oshiriladi. Buning uchun fuqaro qayd varagʻi muddati tugashidan kamida oʻn besh kun oldin vaqtincha yashab turgan joyidagi TShIIB MvaFRBga mazkur Yoʻriqnomaning 4-bandida nazarda tutilgan tegishli hujjatlar (ikkinchi xatboshisida koʻrsatilgan arizadan tashqari) bilan birga mazkur Yoʻriqnomaning 7-ilovasiga muvofiq shaklda qayta hisobga olish toʻgʻrisida ariza taqdim etadi.”.

10. 26-band quyidagi tahrirda bayon qilinsin:

“26. Fuqaro Toshkent shahri va Toshkent viloyatida turgan joyi boʻyicha hisobga olingandan soʻng TShIIB MvaFRB inspektori mazkur Yoʻriqnomaning 10-ilovasiga muvofiq shaklda ikki nusxada fuqaroning kelish varaqasini toʻldiradi hamda uning birinchi nusxasini bir sutka mobaynida Toshkent shahar IIBBning Manzil-maʼlumotlar byurosiga yuboradi. Kelish varaqalarining ikkinchi nusxasi va ularning roʻyxati haftada bir marta tegishli TShIIB Huquqbuzarliklar profilaktikasi boʻlimiga (boʻlinmasi, guruhi) (bundan buyon matnda HPB deb yuritiladi) ishda foydalanish uchun yuboriladi.”.

11. 27-band quyidagi tahrirda bayon qilinsin:

“27. TShIIB MvaFRB inspektori vaqtincha hisobga olingan fuqaro haqida kelish varaqasidagi maʼlumotlarni kompyuter maʼlumotlar bazasiga kiritgandan keyin ularni real vaqt rejimida maʼlumotlarni uzatishning idoraviy tarmogʻi boʻyicha IIV MvaFRBning markaziy maʼlumotlar bazasiga yuboradi.”.

12. 28-band quyidagi tahrirda bayon qilinsin:

“28. IIV MvaFRBB har oyda maʼlumotlarni uzatish idoraviy tarmogʻi boʻyicha Toshkent shahri va Toshkent viloyatida hisobga qoʻyilgan fuqarolarning roʻyxatlarini (elektron shaklda) ularning doimiy yashash joyi boʻyicha tegishli ravishda Qoraqalpogʻiston Respublikasi IIV va viloyatlar IIB MvaFRBlariga yuboradi.

Qoraqalpogʻiston Respublikasi IIV va viloyatlar IIB MvaFRBlari fuqaroning doimiy yashash joyidagi TShIIB HPBga fuqaroning Toshkent shahri yoki Toshkent viloyatida hisobga olinganligi toʻgʻrisida maʼlum qiladi.”.

13. 29-band quyidagi tahrirda bayon qilinsin:

“29. Har oy yakuni boʻyicha turgan joyi boʻyicha hisobga olingan fuqarolar toʻgʻrisidagi maʼlumotlar keyingi oyning 3-sanasiga qadar TShIIB MvaFRB tomonidan mazkur Yoʻriqnomaning 11-ilovasiga muvofiq shaklda Toshkent shahar IIBB va Toshkent viloyati IIB MvaFRBga taqdim etiladi. Toshkent shahar IIBB va Toshkent viloyati IIB MvaFRB esa, oʻz navbatida, maʼlumotlarni jamlab har oy yakuni boʻyicha keyingi oyning 5-sanasiga qadar IIV MvaFRBBga taqdim etadi.

TShIIB MvaFRB berilgan qayd varaqlari soni toʻgʻrisidagi maʼlumotlarni har oyda TShIIB HPBga taqdim etishi shart.”.

14. 31-band quyidagi tahrirda bayon qilinsin:

“31. IIV rahbariyati tomonidan tasdiqlangan reja-topshiriq asosida IIV MvaFRBB masʼul xodimlari bir yilda kamida ikki marotaba Toshkent shahar IIBB va Toshkent viloyati IIB MvaFRBlar va TShIIB MvaFRBlari tomonidan fuqarolarni Toshkent shahri va Toshkent viloyatida vaqtincha yashab turgan joyi boʻyicha hisobga olish ishlarining ahvolini oʻrganib chiqadi va yoʻl qoʻyilayotgan kamchiliklarni aniqlab, ularni bartaraf etish yuzasidan tegishli chora-tadbirlarni belgilaydi.”.

15. 32-bandda:

ikkinchi xatboshidagi “XChKvaFRB” qisqartmasi “MvaFRB” qisqartmasi bilan almashtirilsin;

uchinchi xatboshidagi “XChKvaFRBda” qisqartmasi “MvaFRBda” qisqartmasi bilan almashtirilsin.

16. 33-band quyidagi tahrirda bayon qilinsin:

“33. Qayd varaqlari blankalari TShIIB MvaFRBlari rahbari yoki uning oʻrinbosari tomonidan mazkur Yoʻriqnomaning 13-ilovasiga muvofiq shaklda yuritiladigan Qayd varaqlari blankalarini kirim va chiqim qilish kitobiga qayd qilinib, ularning qatʼiy hisobi yuritiladi hamda xizmatda foydalanish uchun TShIIB MvaFRB inspektoriga taqdim etiladi.

TShIIB MvaFRB inspektorlari xizmatda foydalanish uchun olgan qayd varaqlarini belgilangan tartibda saqlanishini taʼminlaydi.”.

17. Mazkur oʻzgartirishlar Oʻzbekiston Respublikasi Bosh prokuraturasi, Davlat xavfsizlik xizmati, Oliy va oʻrta maxsus taʼlim vazirligi hamda Xalq taʼlimi vazirligi bilan kelishilgan.