LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Vazirlar Mahkamasi qaror qiladi:
1. “O‘zbekturizm” milliy kompaniyasining Germaniyaning “Inpro Xotels” va “Shtaynberger Rezervatsion Servis” firmalari bilan Samarqand shahridagi “Afrosiyob” mehmonxonasini va Buxoro shahridagi “Buxoro” mehmonxonasini ularning boshqaruviga berish to‘g‘risidagi bitimni imzolash to‘g‘risidagi taklifiga rozilik berilsin.
2. Vazirlar Mahkamasining 2000-yil 17-noyabrdagi 449-son qaroriga quyidagi o‘zgartirishlar kiritilsin:
qarorning nomidagi “Fransiyaning “Akkor” kompaniyasi” so‘zlari “Germaniyaning “Inpro “Xotels” va “Shtaynberger Rezervatsion Servis” firmalari” so‘zlari bilan almashtirilsin;
1-banddagi “Akkor” kompaniyasi (Fransiya) kompaniyasi” so‘zlari “Germaniyaning “Inpro Xotels” va “Shtaynberger Rezervatsion Servis” firmalari” so‘zlari bilan almashtirilsin;
2-bandning “a” kichik bandidagi “Akkor” firmasi” so‘zlari “Inpro “Xotels” va “Shtaynberger Rezervatsion Servis” firmalari” so‘zlari bilan almashtirilsin;
2-bandning “b” kichik bandidagi, 3 va 5-bandlardagi “Akkor” kompaniyasi, “Akkor” kompaniyasiga”, “Akkor” firmasi” so‘zlari tegishli ravishda “Inpro Xotels” firmasi, “Inpro Xotels” firmasiga”, “Inpro Xotels” firmasi” so‘zlari bilan almashtirilsin.