Vazirlar Mahkamasining “Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi faoliyatini tashkil etish toʻgʻrisida” 2000-yil 2-avgustdagi 300-son qarorining 10-bandini va Vazirlar Mahkamasining “Tovarlarning ayrim turlarini Oʻzbekiston Respublikasi hududiga olib kelishni tartibga solishga doir qoʻshimcha chora-tadbirlar toʻgʻrisida” 2000-yil 25-avgustdagi 333-son qarorining 3-bandini bajarish yuzasidan Vazirlar Mahkamasi qaror qiladi:

1. Oʻzbekiston Respublikasi Hukumatining ayrim qarorlariga ilovaga muvofiq oʻzgartirishlar va qoʻshimchalar kiritilsin.

2. Quyidagilar:

Vazirlar Mahkamasining “Oʻzbekiston Respublikasi Hukumatining baʼzi qarorlariga oʻzgartirish va qoʻshimchalar kiritish toʻgʻrisida” 1997-yil 7-avgustdagi 392-son qarori bilan tasdiqlangan Oʻzbekiston Respublikasi Hukumatining baʼzi qarorlariga kiritiladigan oʻzgartirishlar va qoʻshimchalarning 7-bandi;

Vazirlar Mahkamasining “Importni tariflar bilan boshqarish chora-tadbirlari toʻgʻrisida” 1998-yil 24-fevraldagi 80-son qaroriga 2-ilova oʻz kuchini yoʻqotgan deb hisoblansin.

1. Vazirlar Mahkamasining 1995-yil 12-oktabrdagi 398-son qarori (Oʻzbekiston Respublikasi QT, 1995y., 10-son, 39-modda) bilan tasdiqlangan xoldinglar toʻgʻrisidagi nizomning II boʻlimi 2-bandining birinchi xatboshidagi “Oʻzbekiston Respublikasi Moliya vazirligining monopoliyadan chiqarish va raqobatni rivojlantirish Bosh boshqarmasining” soʻzlari “Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasining” soʻzlari bilan almashtirilsin.

4. Vazirlar Mahkamasining “Monopoliyaga qarshi qonun hujjatlarini buzganlik toʻgʻrisida ish qoʻzgʻatish va ularni koʻrib chiqish tartibini tasdiqlash haqida” 1997-yil 25-iyundagi 321-son qarorida (Oʻzbekiston Respublikasi QT, 1997y., 6-son, 23-modda):

ushbu qaror bilan tasdiqlangan Monopoliyaga qarshi qonun hujjatlarini buzganlik toʻgʻrisida ish qoʻzgʻatish va ularni koʻrib chiqish tartibi 1-boʻlimi 3-bandining birinchi xatboshidagi “Oʻzbekiston Respublikasi Moliya vazirligi huzuridagi Monopoliyadan chiqarish va raqobatni rivojlantirish qoʻmitasida” soʻzlari “Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasida” soʻzlari bilan almashtirilsin.

6. Vazirlar Mahkamasining “Tovarlarning ayrim turlarini chakana sotish qoidalarini tasdiqlash toʻgʻrisida” 1997-yil 23-oktabrdagi 485-son qarori (Oʻzbekiston Respublikasi QT, 1997y., 10-son, 36-modda)ning 2-bandidagi “Oʻzbekiston Respublikasi Moliya vazirligi huzuridagi Monopoliyadan chiqarish va raqobatni rivojlantirish qoʻmitasi” soʻzlari “Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi” soʻzlari bilan almashtirilsin.

10. Vazirlar Mahkamasining 1999-yil 29-iyuldagi 368-son qarori (Oʻzbekiston Respublikasi QT, 1999y., 7-son, 44-modda) bilan tasdiqlangan Shaharlararo — viloyatlararo va xalqaro yoʻnalishlarni joylashtirish uchun ochiq tenderlar oʻtkazishni tashkil etish masalalari boʻyicha idoralararo komissiya toʻgʻrisidagi Nizomning 4-bandidagi “Moliya vazirligi huzuridagi Monopoliyadan chiqarish va raqobatni rivojlantirish qoʻmitasi” soʻzlari “Monopoliyadan chiqarish va raqobatni rivojlantirish davlat qoʻmitasi” soʻzlari bilan almashtirilsin.

11. Oʻzbekiston Respublikasi Vazirlar Mahkamasining “Pillachilikning ozuqa bazasini mustahkamlash va ipakchilik mahsulotlari yetishtirish hajmlarini koʻpaytirish chora-tadbirlari toʻgʻrisida” 2000-yil 15-martdagi 96-son qarori 8-bandining birinchi xatboshidagi “Oʻzbekiston Respublikasi Moliya vazirligi huzuridagi Monopoliyadan chiqarish va raqobatni rivojlantirish qoʻmitasi” soʻzlari “Monopoliyadan chiqarish va raqobatni rivojlantirish davlat qoʻmitasi” soʻzlari bilan almashtirilsin.

13. Vazirlar Mahkamasining “Import isteʼmol tovarlari olib kelish va sotishni takomillashtirish chora-tadbirlari toʻgʻrisida” 2000-yil 24-iyundagi 242-son qarori (Oʻzbekiston Respublikasi QT, 2000-y., 6-son, 31-modda)ning:

1-bandi uchinchi xatboshidagi “oʻsimlik moyi” soʻzlari chiqarib tashlansin;

3-bandi ikkinchi xatboshidagi “Oʻzbekiston Respublikasi Moliya vazirligi huzuridagi Monopoliyadan chiqarish va raqobatni rivojlantirish qoʻmitasi” soʻzlari “Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi” soʻzlari bilan almashtirilsin.

15. Vazirlar Mahkamasining “2000-yildagi Oʻzbekiston Respublikasi asosiy makroiqtisodiy koʻrsatkichlar prognozi va Davlat budjeti toʻgʻrisida” 1999-yil 31-dekabrdagi 554-son qaroriga 8-2-ilovalardagi:

TIF TN boʻyicha tovar kodining 19 tovar guruhi quyidagi tahrirda bayon qilinsin:

“19 (190110000 va 1902 dan tashqari)”;

“Qandolatchilik mahsulotlari”, “Kiyimlar va trikotaj kiyim-kechaklar (bolalarnikidan tashqari)”, “Video va audioapparat”, “Mebel, tibbiyot mebellaridan tashqari” va TIF TN boʻyicha ularga tegishli kodlar va stavkalar chiqarib tashlansin.