3-modda. Oʻzbekiston Respublikasining 1992-yil 2-iyulda qabul qilingan “Birjalar va birja faoliyati toʻgʻrisida”gi 625-XII-sonli Qonunining (Oʻzbekiston Respublikasining 2014-yil 12-sentabrda qabul qilingan OʻRQ-375-sonli Qonuni tahririda) (Oʻzbekiston Respublikasi Oliy Majlisi palatalarining Axborotnomasi, 2014-yil, № 9, 246-modda) 16-moddasi quyidagi mazmundagi oltinchi qism bilan toʻldirilsin:

“Birja bitimi toʻgʻrisidagi axborot Oʻzbekiston Respublikasi Hisob palatasiga qonun hujjatlariga muvofiq oʻz zimmasiga yuklatilgan vazifalarni amalga oshirish maqsadida uning soʻroviga koʻra taqdim etiladi”.

4-modda. Oʻzbekiston Respublikasining 1992-yil 9-dekabrda qabul qilingan “Prokuratura toʻgʻrisida”gi 746-XII-sonli Qonuniga (Oʻzbekiston Respublikasining 2001-yil 29-avgustda qabul qilingan 257-II-sonli Qonuni tahririda) (Oʻzbekiston Respublikasi Oliy Majlisining Axborotnomasi, 2001-yil, № 9-10, 168-modda; 2003-yil, № 5, 67-modda; 2005-yil, № 1, 18-modda; Oʻzbekiston Respublikasi Oliy Majlisi palatalarining Axborotnomasi, 2007-yil, № 6, 249-modda; 2008-yil, № 9, 487-modda, № 12, 636-modda; 2011-yil, № 4, 101-modda; 2012-yil, № 9/2, 244-modda; 2015-yil, № 8, 310-modda; 2016-yil, № 9, 276-modda; 2017-yil, № 3, 47-modda, № 6, 300-modda, № 9, 510-modda, № 10, 605-modda; 2018-yil, № 4, 218-modda) quyidagi oʻzgartish va qoʻshimcha kiritilsin:

1) 10-moddaning ikkinchi qismidagi “hamda Majburiy ijro byurosi” degan soʻzlar “Majburiy ijro byurosi hamda Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi” degan soʻzlar bilan almashtirilsin;

2) quyidagi mazmundagi 18²-modda bilan toʻldirilsin:

Oʻzbekiston Respublikasi Bosh prokuraturasi huzurida Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi (bundan buyon matnda Inspeksiya deb yuritiladi) tashkil etiladi. Inspeksiyaga maqomi, mehnatga haq toʻlash, tibbiy va transport taʼminoti shart-sharoitlari boʻyicha Oʻzbekiston Respublikasi Bosh prokurorining oʻrinbosariga tenglashtirilgan, Oʻzbekiston Respublikasi Bosh prokurorining taqdimnomasiga binoan Oʻzbekiston Respublikasi Prezidenti tomonidan lavozimga tayinlanadigan hamda lavozimidan Oʻzbekiston Respublikasi Prezidenti tomonidan ozod etiladigan boshliq rahbarlik qiladi.

Inspeksiya boshligʻining oʻrinbosarlari Inspeksiya boshligʻining taqdimnomasiga binoan Oʻzbekiston Respublikasi Bosh prokurori tomonidan lavozimga tayinlanadi hamda lavozimidan ozod etiladi.

Inspeksiya hududiy boshqarmalarining boshliqlari Inspeksiya boshligʻining taqdimnomasiga binoan Oʻzbekiston Respublikasi Bosh prokurori tomonidan lavozimga tayinlanadi hamda lavozimidan ozod etiladi.

Inspeksiyaning tumanlar (Quvasoy shahar) boʻlimlari boshliqlari Inspeksiya boshligʻi tomonidan lavozimga tayinlanadi hamda lavozimidan ozod etiladi.

Inspeksiya boshligʻi va uning oʻrinbosarlari, shuningdek Inspeksiya hududiy boshqarmalarining hamda tumanlar (Quvasoy shahar) boʻlimlarining boshliqlari va ularning oʻrinbosarlari ushbu Qonunning 37-moddasida belgilangan prokuror nazorati hujjatlarini qoʻllaydi.

Inspeksiya va uning hududiy boʻlinmalarining tashkil etilishi hamda faoliyati tartibi qonun hujjatlarida belgilanadi”.

5-modda. Oʻzbekiston Respublikasining 1992-yil 10-dekabrda qabul qilingan “Oʻzbekiston Respublikasining Davlat madhiyasi toʻgʻrisida”gi 768-XII-sonli Qonuni (Oʻzbekiston Respublikasi Oliy Kengashining Axborotnomasi, 1993-yil, № 1, 52-modda; Oʻzbekiston Respublikasi Oliy Majlisining Axborotnomasi, 2005-yil, № 1, 18-modda; Oʻzbekiston Respublikasi Oliy Majlisi palatalarining Axborotnomasi, 2010-yil, № 12, 473-modda; 2017-yil, № 6, 300-modda) 9-moddasining birinchi qismidagi “Oʻzbekiston Respublikasi Jismoniy tarbiya va sport davlat qoʻmitasi” degan soʻzlar “Oʻzbekiston Respublikasi Jismoniy tarbiya va sport vazirligi” degan soʻzlar bilan almashtirilsin.

8-modda. Oʻzbekiston Respublikasining 1993-yil 7-mayda qabul qilingan “Valyutani tartibga solish toʻgʻrisida”gi 841-XII-sonli Qonuni (Oʻzbekiston Respublikasining 2003-yil 11-dekabrda qabul qilingan 556-II-sonli Qonuni tahririda) (Oʻzbekiston Respublikasi Oliy Majlisining Axborotnomasi, 2004-yil, № 1-2, 6-modda; Oʻzbekiston Respublikasi Oliy Majlisi palatalarining Axborotnomasi, 2009-yil, № 9, 330-modda; 2014-yil, № 9, 244-modda; 2015-yil, № 12, 452-modda) 20-moddasining birinchi qismi “Markaziy banki” degan soʻzlardan keyin “Hisob palatasi” degan soʻzlar bilan toʻldirilsin.

9-modda. Oʻzbekiston Respublikasining 1993-yil 2-sentabrda qabul qilingan “Mahalliy davlat hokimiyati toʻgʻrisida”gi 913-XII-sonli Qonunining (Oʻzbekiston Respublikasi Oliy Kengashining Axborotnomasi, 1993-yil, № 9, 320-modda; Oʻzbekiston Respublikasi Oliy Majlisining Axborotnomasi, 1997-yil, № 9, 241-modda; 1999-yil, № 1, 20-modda; 2005-yil, № 1, 18-modda; Oʻzbekiston Respublikasi Oliy Majlisi palatalarining Axborotnomasi, 2005-yil, № 12, 418-modda; 2007-yil, № 4, 163-modda, № 9, 420-modda; 2008-yil, № 12, 640-modda; 2013-yil, № 12, 350-modda; 2014-yil, № 4, 86-modda, № 5, 130-modda; 2015-yil, № 6, 228-modda; 2017-yil, № 6, 300-modda, № 8, 383-modda, № 9, 510-modda, № 12, 772-modda) 24-moddasiga quyidagi qoʻshimcha va oʻzgartish kiritilsin:

quyidagi mazmundagi ikkinchi qism bilan toʻldirilsin:

“Xalq deputatlari viloyat, tuman va shahar Kengashlari bir yilda kamida bir marta oʻz majlisida viloyatlar va Toshkent shahar, tumanlararo, tuman (shahar) sudlari raislarining tegishli sudning fuqarolar huquqlari va erkinliklarini, shuningdek korxonalar, muassasalar va tashkilotlarning huquqlari hamda qonun bilan qoʻriqlanadigan manfaatlarini sud yoʻli bilan himoya qilishni amalga oshirishga doir faoliyati toʻgʻrisidagi axborotini eshitadi. Xalq deputatlari Kengashining mazkur masala yuzasidan qarori Oʻzbekiston Respublikasi Sudyalar oliy kengashiga yuboriladi”;

ikkinchi qism uchinchi qism deb hisoblansin.

10-modda. Oʻzbekiston Respublikasining 1993-yil 2-sentabrda qabul qilingan “Fuqarolarning oʻzini oʻzi boshqarish organlari toʻgʻrisida”gi 915-XII-sonli Qonuniga (Oʻzbekiston Respublikasining 2013-yil 22-aprelda qabul qilingan OʻRQ-350-sonli Qonuni tahririda) (Oʻzbekiston Respublikasi Oliy Majlisi palatalarining Axborotnomasi, 2013-yil, № 4, 96-modda; 2016-yil, № 4, 125-modda, № 12, 383-modda; 2017-yil, № 9, 510-modda) quyidagi oʻzgartishlar kiritilsin:

1) 8-moddaning uchinchi qismidagi “yagona darcha” markazlarida” degan soʻzlar chiqarib tashlansin;

2) 10-modda birinchi qismining oʻn birinchi xatboshisidagi “fuqarolar yigʻinining diniy maʼrifat va maʼnaviy-axloqiy tarbiya masalalari boʻyicha maslahatchisining” degan soʻzlar chiqarib tashlansin;

3) 11-modda birinchi qismining yettinchi xatboshisidagi “fuqarolar yigʻinining diniy maʼrifat va maʼnaviy-axloqiy tarbiya masalalari boʻyicha maslahatchisining” degan soʻzlar chiqarib tashlansin;

4) 13-modda:

ikkinchi qismidagi “fuqarolar yigʻinining diniy maʼrifat va maʼnaviy-axloqiy tarbiya masalalari boʻyicha maslahatchisi” degan soʻzlar “tuman (shahar) xotin-qizlar qoʻmitasining xotin-qizlar bilan ishlash va oilalarda maʼnaviy-axloqiy qadriyatlarni mustahkamlash boʻyicha mutaxassisi” degan soʻzlar bilan almashtirilsin;

uchinchi qismining:

yigirma uchinchi xatboshisi chiqarib tashlansin;

yigirma toʻrtinchi va yigirma beshinchi xatboshilari tegishincha yigirma uchinchi va yigirma toʻrtinchi xatboshilar deb hisoblansin;

5) 14-modda birinchi qismining oʻn oltinchi xatboshisidagi “diniy maʼrifat va maʼnaviy-axloqiy tarbiya masalalari boʻyicha maslahatchisi” degan soʻzlar chiqarib tashlansin;

6) 25-moddaning toʻrtinchi qismidagi “fuqarolar yigʻinining diniy maʼrifat va maʼnaviy-axloqiy tarbiya masalalari boʻyicha maslahatchisi” degan soʻzlar chiqarib tashlansin.

12-modda. Oʻzbekiston Respublikasining 1994-yil 22-sentabrda qabul qilingan 2013-XII-sonli Qonuni bilan tasdiqlangan Oʻzbekiston Respublikasining Jinoyat-protsessual kodeksi (Oʻzbekiston Respublikasi Oliy Kengashining Axborotnomasi, 1995-yil, № 2, 5-modda; Oʻzbekiston Respublikasi Oliy Majlisining Axborotnomasi, 1995-yil, № 12, 269-modda; 1997-yil, № 2, 56-modda, № 9, 241-modda; 1998-yil, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda; 2000-yil, № 5-6, 153-modda, № 7-8, 217-modda; 2001-yil, № 1-2, 11, 23-moddalar, № 9-10, 165, 182-moddalar; 2002-yil, № 9, 165-modda; 2003-yil, № 5, 67-modda; 2004-yil, № 1-2, 18-modda, № 9, 171-modda; Oʻzbekiston Respublikasi Oliy Majlisi palatalarining Axborotnomasi, 2005-yil, № 12, 418-modda; 2006-yil, № 6, 261-modda; 2007-yil, № 4, 166-modda, № 6, 248, 249-moddalar, № 9, 422-modda, № 12, 594, 595, 607-moddalar; 2008-yil, № 4, 177, 187-moddalar, № 9, 482, 484, 487-moddalar, № 12, 636, 641-moddalar; 2009-yil, № 1, 1-modda, № 4, 136-modda, № 9, 335-modda, № 12, 469, 470-moddalar; 2010-yil, № 6, 231-modda, № 9, 334, 336, 337, 342-moddalar, № 12, 477-modda; 2011-yil, № 4, 103, 104-moddalar, № 9, 252-modda, № 12/2, 363-modda; 2012-yil, № 1, 3-modda, № 9/2, 244-modda, № 12, 336-modda; 2014-yil, № 9, 244-modda; 2015-yil, № 8, 310, 312-moddalar, № 12, 452-modda; 2016-yil, № 4, 125-modda, № 9, 276-modda, № 12, 385-modda; 2017-yil, № 3, 47-modda, № 6, 300-modda, № 9, 510-modda; 2018-yil, № 1, 1-modda, № 4, 224-modda) 39¹-moddasining birinchi qismi quyidagi mazmundagi 12-band bilan toʻldirilsin:

“12) Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi hamda uning joylardagi boʻlinmalari — qishloq va suv xoʻjaligi, shuningdek oziq-ovqat xavfsizligi sohasidagi qonun hujjatlari va normativ hujjatlar talablari buzilishi toʻgʻrisidagi ishlar boʻyicha”.

13-modda. Oʻzbekiston Respublikasining 1994-yil 22-sentabrda qabul qilingan 2015-XII-sonli Qonuni bilan tasdiqlangan Oʻzbekiston Respublikasining Maʼmuriy javobgarlik toʻgʻrisidagi kodeksiga (Oʻzbekiston Respublikasi Oliy Kengashining Axborotnomasi, 1995-yil, № 3, 6-modda; Oʻzbekiston Respublikasi Oliy Majlisining Axborotnomasi, 1995-yil, № 9, 193-modda, № 12, 269-modda; 1996-yil, № 5-6, 69-modda, № 9, 144-modda; 1997-yil, № 2, 56-modda, № 4-5, 126-modda, № 9, 241-modda; 1998-yil, № 3, 38-modda, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda; 2000-yil, № 5-6, 153-modda, № 7-8, 217-modda; 2001-yil, № 1-2, 23-modda, № 9-10, 165, 182-moddalar; 2002-yil, № 1, 20-modda, № 9, 165-modda; 2003-yil, № 1, 8-modda, № 5, 67-modda, № 9-10, 149-modda; 2004-yil, № 1-2, 18-modda, № 5, 90-modda, № 9, 171-modda; 2005-yil, № 1, 18-modda; Oʻzbekiston Respublikasi Oliy Majlisi palatalarining Axborotnomasi, 2005-yil, № 9, 312-modda, № 12, 413, 417, 418-moddalar; 2006-yil, № 6, 261-modda, № 9, 498-modda, № 10, 536-modda, № 12, 656, 659-moddalar; 2007-yil, № 4, 158, 159, 164, 165-moddalar, № 9, 416, 421-moddalar, № 12, 596, 604, 607-moddalar; 2008-yil, № 4, 181, 189, 192-moddalar, № 9, 486, 488-moddalar, № 12, 640, 641-moddalar; 2009-yil, № 1, 1-modda, № 9, 334, 335, 337-moddalar, № 10, 380-modda, № 12, 462, 468, 470, 472, 474-moddalar; 2010-yil, № 5, 175, 179-moddalar, № 6, 231-modda, № 9, 335, 339, 341-moddalar, № 10, 380-modda, № 12, 468, 473, 474-moddalar; 2011-yil, № 1, 1-modda, № 4, 104, 105-moddalar, № 9, 247, 252-moddalar, № 12/2, 365-modda; 2012-yil, № 4, 108-modda, № 9/1, 242-modda, № 12, 336-modda; 2013-yil, № 4, 98-modda, № 10, 263-modda; 2014-yil, № 1, 2-modda, № 5, 130-modda, № 9, 244-modda, № 12, 341, 343-moddalar; 2015-yil, № 6, 228-modda, № 8, 310, 312-moddalar, № 12, 452-modda; 2016-yil, № 1, 2-modda, № 4, 125-modda, № 9, 276-modda, № 12, 383, 385-moddalar; 2017-yil, № 4, 137-modda, № 6, 300-modda, № 9, 510-modda, № 10, 605-modda; 2018-yil, № 1, 1, 4-moddalar, № 4, 224-modda) quyidagi qoʻshimcha va oʻzgartishlar kiritilsin:

1) quyidagi mazmundagi 104²-modda bilan toʻldirilsin:

Qishloq xoʻjaligi mahsulotini va urugʻliklarni qabul qilish, saqlash, qayta ishlash hamda ulardan foydalanish tartibini, shuningdek agrosanoat majmui sohasida texnologik jarayonlar talablarini buzish —

eng kam ish haqining oʻn besh baravaridan yigirma baravarigacha miqdorda jarima solishga sabab boʻladi.

Qishloq xoʻjaligi oʻsimliklariga doir hujjatlarni yuritish qoidalarini buzish yoxud ushbu hujjatlarga urugʻliklarning navlari va ekilish sifatlari toʻgʻrisidagi notoʻgʻri maʼlumotlarni kiritish, —

mansabdor shaxslarga eng kam ish haqining yigirma besh baravaridan oʻttiz baravarigacha miqdorda jarima solishga sabab boʻladi.

Ushbu moddaning birinchi va ikkinchi qismlarida nazarda tutilgan huquqbuzarliklar maʼmuriy jazo chorasi qoʻllanilganidan keyin bir yil davomida takror sodir etilgan boʻlsa, —

eng kam ish haqining oʻttiz baravaridan qirq baravarigacha miqdorda jarima solishga sabab boʻladi”;

2) quyidagi mazmundagi 197³-modda bilan toʻldirilsin:

Dalolatnomalarni va boshqa zarur hujjatlarni, materiallarni va maʼlumotlarni taqdim etishni, tekshirishlar, taftishlar oʻtkazishni, mutaxassislar ajratishni rad etishda, Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi organlariga kelishdan, qonunni buzganlik toʻgʻrisida tushuntirish berishdan boʻyin tovlashda ifodalangan tarzda Inspeksiya organlari xodimining qonuniy faoliyatiga toʻsqinlik qilish va uning talablarini bajarmaslik, xuddi shuningdek Inspeksiya organlari xodimining hujjatlarini koʻrib chiqmaslik yoxud ularni toʻliq hajmda bajarmaslik, shuningdek Inspeksiya organlari xodimining gʻayriqonuniy qaror qabul qilishiga erishish maqsadida unga qanday shaklda boʻlmasin taʼsir oʻtkazish, —

eng kam ish haqining ikki baravaridan besh baravarigacha miqdorda jarima solishga sabab boʻladi”;

3) 215²-modda quyidagi tahrirda bayon etilsin:

Oʻzbekiston Respublikasi Hisob palatasining koʻrsatmalari va taqdimnomalarini bajarishdan boʻyin tovlaganlikda yoki oʻz vaqtida bajarmaganlikda, maʼlumotlar bazasiga kirishga ruxsat bermaganlikda va axborot taqdim etmaganlikda, bila turib notoʻgʻri maʼlumot taqdim etganlikda ifodalangan tarzda Oʻzbekiston Respublikasi Hisob palatasining qonuniy faoliyatiga toʻsqinlik qilish, shuningdek Oʻzbekiston Respublikasi Hisob palatasining faoliyatiga aralashganlik hamda uning mansabdor shaxslariga ularning zimmasiga yuklatilgan vazifalar va funksiyalarni qonuniy ravishda bajarishiga toʻsqinlik qilish maqsadida har qanday shaklda taʼsir koʻrsatganlik, —

mansabdor shaxslarga eng kam ish haqining besh baravaridan oʻn baravarigacha miqdorda jarima solishga sabab boʻladi”;

4) quyidagi mazmundagi 215⁵-modda bilan toʻldirilsin:

Davlat xizmatlari koʻrsatish sohasidagi qonun hujjatlarining arz qiluvchidan murojaatni qabul qilishni rad etganlikda, davlat xizmatlari koʻrsatish chogʻida murojaatlarni koʻrib chiqish tartibini va muddatlarini buzganlikda, arz qiluvchidan qonun hujjatlarida nazarda tutilmagan hujjatlarni talab qilib olganlikda, davlat xizmatlari koʻrsatish sohasidagi vakolatli davlat organining qonuniy talabini (topshirigʻini) bajarmaganlikda ifodalangan tarzda buzilishi, —

mansabdor shaxslarga va xizmatchilarga eng kam ish haqining uch baravaridan besh baravarigacha miqdorda jarima solishga sabab boʻladi.

Xuddi shunday huquqbuzarlik maʼmuriy jazo chorasi qoʻllanilganidan keyin bir yil davomida takror sodir etilgan boʻlsa, —

mansabdor shaxslarga va xizmatchilarga eng kam ish haqining besh baravaridan oʻn baravarigacha miqdorda jarima solishga sabab boʻladi”;

5) 241⁹-modda chiqarib tashlansin;

6) 245-moddaning birinchi qismidagi “241¹ — 241¹¹” raqamlari “241¹ — 241⁸, 241¹⁰ va 241¹¹” raqamlari bilan almashtirilsin;

7) quyidagi mazmundagi 245⁵, 245⁶ va 245⁷-moddalar bilan toʻldirilsin:

Oʻzbekiston Respublikasi Adliya vazirligi huzuridagi Davlat xizmatlari agentligi organlariga ushbu Kodeksning 215⁵-moddasida nazarda tutilgan maʼmuriy huquqbuzarliklar toʻgʻrisidagi ishlar taalluqlidir.

Oʻzbekiston Respublikasi Adliya vazirligi huzuridagi Davlat xizmatlari agentligi organlari nomidan maʼmuriy huquqbuzarliklar toʻgʻrisidagi ishlarni koʻrib chiqishga va jarima tariqasidagi maʼmuriy jazo choralarini qoʻllashga quyidagilar haqli:

Oʻzbekiston Respublikasi Adliya vazirligi huzuridagi Davlat xizmatlari agentligi direktori va uning oʻrinbosarlari;

Oʻzbekiston Respublikasi Adliya vazirligi huzuridagi Davlat xizmatlari agentligi hududiy boshqarmalarining boshliqlari va ularning oʻrinbosarlari.

Ushbu Kodeksning 215²-moddasida nazarda tutilgan huquqbuzarliklar aniqlangan taqdirda, Oʻzbekiston Respublikasi Hisob palatasining mansabdor shaxslari maʼmuriy huquqbuzarlik toʻgʻrisida bayonnoma tuzadi.

Maʼmuriy huquqbuzarlik toʻgʻrisidagi bayonnoma koʻrib chiqish uchun ushbu Kodeksning 282-moddasida belgilangan tartibda sudga yuboriladi.

Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi organlariga ushbu Kodeksning 65, 66, 67, 68, 69-moddalarida (qishloq xoʻjaligi yerlari bilan bogʻliq qismi), 72-moddasida, 74-moddasining ikkinchi va uchinchi qismlarida, 75, 76-moddalarida (sunʼiy suv inshootlari va qishloq xoʻjaligiga moʻljallangan suv resurslaridan foydalanishga oid qismi), 87-moddasida (qishloq xoʻjaligi, melioratsiya va yoʻl-qurilishi texnikasiga oid qismi), 89 va 89¹-moddalarida (qishloq va suv xoʻjaligi, shuningdek oziq-ovqat xavfsizligiga oid qismi), 92-moddasida (naslchilikka oid qismi), 95-moddasida (qishloq xoʻjaligiga oid qismi), 104¹, 104²-moddalarida, 107-moddasida (qishloq xoʻjaligiga oid qismi), 112-moddasida, 136, 139, 140, 141-moddalarida (qishloq xoʻjaligi, melioratsiya va yoʻl-qurilishi texnikasiga oid qismi), 172, 173, 176¹-moddalarida (qishloq va suv xoʻjaligi, shuningdek oziq-ovqat xavfsizligiga oid qismi), 197³-moddasida, 200, 212, 213, 214, 227¹⁴-moddalarida (qishloq va suv xoʻjaligi, shuningdek oziq-ovqat xavfsizligiga oid qismi) nazarda tutilgan maʼmuriy huquqbuzarliklar toʻgʻrisidagi ishlar taalluqlidir.

Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi nomidan maʼmuriy huquqbuzarliklar toʻgʻrisidagi ishlarni koʻrib chiqish va maʼmuriy jazolarni qoʻllashga Inspeksiya boshligʻi va uning oʻrinbosarlari, Inspeksiya hududiy boshqarmalarining hamda tumanlar (Quvasoy shahar) boʻlimlarining boshliqlari va boshliq oʻrinbosarlari haqlidir”;

8) 266-modda chiqarib tashlansin;

9) 266² va 266³-moddalar chiqarib tashlansin.

16-modda. Oʻzbekiston Respublikasining 1995-yil 21-dekabrda qabul qilingan “Naslchilik toʻgʻrisida”gi 165-I-sonli Qonuniga (Oʻzbekiston Respublikasi Oliy Majlisining Axborotnomasi, 1995-yil, № 12, 255-modda; 1997-yil, № 4-5, 126-modda; 2003-yil, № 5, 67-modda) quyidagi oʻzgartish va qoʻshimchalar kiritilsin:

1) 6-modda chiqarib tashlansin;

2) 7-modda quyidagi tahrirda bayon etilsin:

Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi:

zotli mollar yetkazib beruvchi korxonalar hamda ularning isteʼmolchilari tomonidan hayvonlarning sifat (nasldorlik) koʻrsatkichlari toʻgʻri aniqlanganligi ustidan nazoratni amalga oshiradi;

naslchilik zavodlari, naslchilik xoʻjaliklari va naslchilik fermalarini davlat attestatsiyasidan oʻtkazadi;

zotli mollardan oqilona foydalanilishi, hayvonlar va ularning urugʻlari eksport va import qilinishi ustidan nazoratni amalga oshiradi;

chorvachilikda naslchilik ishlarining hisobi yuritilishi ustidan nazoratni amalga oshiradi;

davlat, idoraviy va xususiy sektorlardagi chorvachilikda naslchilik ishlari boʻyicha mutaxassislar faoliyati ustidan nazoratni amalga oshiradi, ularning faoliyatini muvofiqlashtirib boradi;

qishloq xoʻjaligi hayvonlarini zoti boʻyicha rayonlashtirish rejalarining bajarilishini tekshiradi;

nasldor hayvonlarning, naslchilik xoʻjaliklarining va podalarning davlat roʻyxatidan oʻtkazilishini, seleksiya jarayonida foydalanadigan naslchilik resurslarining kelib chiqishi, mahsuldorligi hisobga olinishining, turi va boshqa sifatlari boʻyicha baholanishining ishonchliligi taʼminlanishi ustidan nazoratni amalga oshiradi;

chorvachilikda naslchilik ishlari xoʻjaliklariga yer uchastkalari ajratilishi va ulardan samarali foydalanilishi, omuxta yem korxonalari tomonidan ishlab chiqariladigan mahsulotlarning sifat koʻrsatkichlari ustidan nazoratni amalga oshiradi;

naslchilik mahsulotini (materialini) yetishtirish va uning texnologik jarayonlarini tashkil etish muvofiqlashtirilishi ustidan nazoratni amalga oshiradi”;

3) 8-modda chiqarib tashlansin;

4) 9-modda quyidagi tahrirda bayon etilsin:

Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi organlarining xodimlari oʻz vakolatlari doirasida quyidagi huquqlarga ega:

idoraviy mansubligidan qatʼi nazar, naslchilik tashkilotlariga moneliksiz kirish va ulardan zarur axborotni olish;

naslchilik tashkilotlariga qoidabuzarliklarni bartaraf etish yuzasidan koʻrsatmalar berish va ularning bajarilishi ustidan nazoratni amalga oshirish;

qoidabuzarliklar aniqlangan taqdirda, naslli mahsulotni (materialni) realizatsiya qilishni toʻxtatib turish;

hayvonlar seleksiyasi, naslli mahsulotni (materialni) takror koʻpaytirish sohasida yangi texnologiyalarning va biotexnologiya usullarining qoʻllanilishi ustidan davlat nazoratini amalga oshirish;

naslli mahsulotning (materialning) sertifikatsiz realizatsiya qilinishiga va undan boshqacha tarzda foydalanilishiga yoʻl qoʻymaslik;

naslchilik subyektlari oʻrtasida yuzaga keladigan nizolar boʻyicha xulosalar berish.

Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi organlarining xodimlari qonun hujjatlariga muvofiq boshqa huquqlarga ham ega boʻlishi mumkin”;

5) 11-moddaning beshinchi xatboshisidagi “chorvachilikda naslchilik ishlari davlat inspeksiyasiga” degan soʻzlar “Qishloq xoʻjaligi vazirligiga” degan soʻzlar bilan almashtirilsin;

6) 16-moddaning toʻrtinchi qismidagi “Qishloq va suv xoʻjaligi vazirligining Chorvachilikda naslchilik ishlari bosh davlat inspeksiyasi” degan soʻzlar “Qishloq xoʻjaligi vazirligi” degan soʻzlar bilan almashtirilsin;

7) 21-moddaning ikkinchi qismidagi “Qishloq va suv xoʻjaligi vazirligining Chorvachilikda naslchilik ishlari bosh davlat inspeksiyasi” degan soʻzlar “Qishloq xoʻjaligi vazirligi” degan soʻzlar bilan almashtirilsin;

8) 22-moddaning uchinchi qismidagi “Qishloq va suv xoʻjaligi vazirligining Chorvachilikda naslchilik ishlari bosh davlat inspeksiyasi” degan soʻzlar “Qishloq xoʻjaligi vazirligi” degan soʻzlar bilan almashtirilsin”.

17-modda. Oʻzbekiston Respublikasining 1996-yil 29-avgustda qabul qilingan “Xorijdan mablagʻ jalb qilish toʻgʻrisida”gi 263-I-sonli Qonuni (Oʻzbekiston Respublikasi Oliy Majlisining Axborotnomasi, 1996-yil, № 9, 126-modda; Oʻzbekiston Respublikasi Oliy Majlisi palatalarining Axborotnomasi, 2013-yil, № 12, 350-modda) quyidagi mazmundagi 9¹-modda bilan toʻldirilsin:

Oʻzbekiston Respublikasi Hisob palatasining davlatning xorijdan mablagʻ jalb qilish sohasidagi vakolatlari jumlasiga quyidagilar kiradi:

davlatning xorijdan mablagʻ jalb qilish hajmlarini va uning maqsadga muvofiqligini baholash, davlatning xorijdan mablagʻ jalb qilish boʻyicha olinadigan mablagʻlardan samarali hamda oqilona foydalanilishi, shuningdek davlat tashqi qarzlariga oʻz vaqtida xizmat koʻrsatilishi ustidan nazorat qilish;

davlatning xorijdan mablagʻ jalb qilishi hisobidan amalga oshiriladigan investitsiya loyihalarining maqsadga muvofiqligi va asoslanganligini baholash;

qonun hujjatlariga muvofiq boshqa vakolatlar”.

19-modda. Oʻzbekiston Respublikasining 1996-yil 30-avgustda qabul qilingan “Seleksiya yutuqlari toʻgʻrisida”gi 270-I-sonli Qonuni (Oʻzbekiston Respublikasining 2002-yil 29-avgustda qabul qilingan 395-II-sonli Qonuni tahririda) (Oʻzbekiston Respublikasi Oliy Majlisining Axborotnomasi, 2002-yil, № 9, 156-modda; Oʻzbekiston Respublikasi Oliy Majlisi palatalarining Axborotnomasi, 2011-yil, № 12/2, 364-modda; 2017-yil, № 9, 510-modda) 4-moddasining uchinchi qismi quyidagi tahrirda bayon etilsin:

“Qishloq xoʻjalik ekinlari navlarini sinash davlat komissiyasi, Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi (bundan buyon matnda ixtisoslashtirilgan tashkilotlar deb yuritiladi) talabnomada koʻrsatilgan seleksiya yutuqlarining patentga layoqatliligini ekspertizadan oʻtkazadi”.

20-modda. Oʻzbekiston Respublikasining 1996-yil 26-dekabrda qabul qilingan “Notariat toʻgʻrisida”gi 343-I-sonli Qonuni (Oʻzbekiston Respublikasi Oliy Majlisining Axborotnomasi, 1997-yil, № 2, 42-modda; 2001-yil, № 1-2, 23-modda; 2003-yil, № 5, 67-modda; 2004-yil, № 1-2, 18-modda; Oʻzbekiston Respublikasi Oliy Majlisi palatalarining Axborotnomasi, 2005-yil, № 9, 312-modda; 2006-yil, № 9, 498-modda; 2007-yil, № 12, 608-modda; 2009-yil, № 9, 337-modda; 2010-yil, № 9, 335-modda; 2012-yil, № 4, 105-modda; 2014-yil, № 5, 130-modda; 2017-yil, № 9, 510-modda; 2018-yil, № 4, 224-modda) 6-moddasining uchinchi qismi quyidagi mazmundagi jumla bilan toʻldirilsin:

“Amalga oshirilgan notarial harakatlar toʻgʻrisidagi maʼlumotlar qonun hujjatlariga muvofiq Oʻzbekiston Respublikasi Hisob palatasining zimmasiga yuklatilgan vazifalarni amalga oshirish maqsadida uning soʻroviga koʻra taqdim etiladi”.

22-modda. Oʻzbekiston Respublikasining 2002-yil 12-dekabrda qabul qilingan “Umumiy harbiy majburiyat va harbiy xizmat toʻgʻrisida”gi 436-II-sonli Qonuni (Oʻzbekiston Respublikasi Oliy Majlisining Axborotnomasi, 2002-yil, № 12, 217-modda; 2003-yil, № 9-10, 149-modda; 2005-yil, № 1, 18-modda; Oʻzbekiston Respublikasi Oliy Majlisi palatalarining Axborotnomasi, 2006-yil, № 6, 262-modda; 2008-yil, № 9, 481-modda, № 12, 630-modda; 2009-yil, № 12, 470-modda; 2016-yil, № 9, 276-modda; 2017-yil, № 6, 300-modda) 13-moddasining birinchi qismidagi “umumtaʼlim maktablarida, oʻrta maxsus va oʻrta kasb-hunar taʼlimi muassasalarida” degan soʻzlar “umumtaʼlim maktablarida va oʻrta maxsus taʼlim muassasalarida” degan soʻzlar bilan almashtirilsin.

23-modda. Oʻzbekiston Respublikasining 2003-yil 29-avgustda qabul qilingan “Oʻzbekiston Respublikasi Oliy Majlisi Qonunchilik palatasining Reglamenti toʻgʻrisida”gi 522-II-sonli Qonunining (Oʻzbekiston Respublikasi Oliy Majlisining Axborotnomasi, 2003-yil, № 9-10, 136-modda; Oʻzbekiston Respublikasi Oliy Majlisi palatalarining Axborotnomasi, 2007-yil, № 4, 163-modda, № 7, 326-modda; 2008-yil, № 12, 637-modda; 2009-yil, № 4, 136-modda; 2011-yil, № 4, 101-modda; 2013-yil, № 4, 95-modda; 2014-yil, № 4, 86-modda, № 5, 130-modda; 2015-yil, № 12, 452-modda; 2016-yil, № 9, 276-modda; 2017-yil, № 6, 300-modda, № 9, 510-modda; 2018-yil, № 1, 4-modda, № 4, 224-modda) 15-moddasiga quyidagi oʻzgartishlar kiritilsin:

sakkizinchi qismining birinchi jumlasi quyidagi tahrirda bayon etilsin:

“Masʼul qoʻmita qonun loyihasini ikkinchi oʻqishga tayyorlash chogʻida qonun loyihasining moddama-modda muhokamasini oʻtkazadi, kelib tushgan fikrlar va takliflarni umumlashtiradi”;

oʻn ikkinchi qismi quyidagi tahrirda bayon etilsin:

“Qonun loyihasini Qonunchilik palatasi tomonidan ikkinchi oʻqishda koʻrib chiqish chogʻida muhokama moddama-modda oʻtkaziladi. Bunda masʼul qoʻmita tomonidan maʼqullangan fikrlar va takliflar ham, maʼqullanmagan fikrlar va takliflar ham muhokama qilinadi. Qonun loyihasi boʻyicha ovoz berish, qoida tariqasida, moddama-modda oʻtkaziladi. Qonunchilik palatasining qaroriga koʻra qonun loyihasi boʻyicha ovoz berish boblar yoki boʻlimlar boʻyicha oʻtkazilishi mumkin”.

24-modda. Oʻzbekiston Respublikasining 2003-yil 29-avgustda qabul qilingan “Oʻzbekiston Respublikasi Oliy Majlisi Senatining Reglamenti toʻgʻrisida”gi 523-II-sonli Qonuni (Oʻzbekiston Respublikasi Oliy Majlisining Axborotnomasi, 2003-yil, № 9-10, 137-modda; Oʻzbekiston Respublikasi Oliy Majlisi palatalarining Axborotnomasi, 2007-yil, № 4, 163-modda; 2009-yil, № 4, 136-modda; 2011-yil, № 4, 101-modda; 2014-yil, № 4, 86-modda; 2015-yil, № 12, 452-modda; 2016-yil, № 9, 276-modda; 2017-yil, № 6, 300-modda, № 9, 510-modda; 2018-yil, № 1, 4-modda, № 4, 224-modda) 7-moddasining uchinchi qismi quyidagi tahrirda bayon etilsin:

“Senatda budjet va iqtisodiy islohotlar masalalari qoʻmitasi, qonunchilik va sud-huquq masalalari qoʻmitasi, mudofaa va xavfsizlik masalalari qoʻmitasi, xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qoʻmitasi, fan, taʼlim va sogʻliqni saqlash masalalari qoʻmitasi, yoshlar, madaniyat va sport masalalari qoʻmitasi, agrar, suv xoʻjaligi masalalari va ekologiya qoʻmitasi tuzilishi shart. Senatda boshqa qoʻmitalar ham tuzilishi mumkin”.

27-modda. Oʻzbekiston Respublikasining 2008-yil 7-yanvarda qabul qilingan “Bola huquqlarining kafolatlari toʻgʻrisida”gi OʻRQ-139-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2008-yil, № 1, 1-modda; 2009-yil, № 12, 471-modda; 2016-yil, № 12, 383-modda; 2017-yil, № 6, 300-modda) quyidagi oʻzgartishlar kiritilsin:

1) 23-moddaning ikkinchi qismi quyidagi tahrirda bayon etilsin:

“Davlat bolaning bepul majburiy umumiy oʻrta taʼlim va oʻrta maxsus taʼlim olishini kafolatlaydi”;

2) 27¹-moddaning birinchi qismidagi “kasb-hunar” degan soʻzlar chiqarib tashlansin.

28-modda. Oʻzbekiston Respublikasining 2010-yil 29-sentabrda qabul qilingan “Voyaga yetmaganlar oʻrtasida nazoratsizlik va huquqbuzarliklarning profilaktikasi toʻgʻrisida”gi OʻRQ-263-sonli Qonuni (Oʻzbekiston Respublikasi Oliy Majlisi palatalarining Axborotnomasi, 2010-yil, № 9, 343-modda; 2016-yil, № 12, 383-modda; 2017-yil, № 9, 510-modda) 13-moddasi birinchi qismining toʻrtinchi xatboshisidagi “kasb-hunar” degan soʻzlar chiqarib tashlansin.

30-modda. Oʻzbekiston Respublikasining 2013-yil 26-dekabrda qabul qilingan OʻRQ-360-sonli Qonuni bilan tasdiqlangan Oʻzbekiston Respublikasining Budjet kodeksiga (Oʻzbekiston Respublikasi Oliy Majlisi palatalarining Axborotnomasi, 2013-yil, 12-songa 1-ilova; 2014-yil, № 9, 244-modda; 2015-yil, № 12, 452-modda; 2016-yil, № 12, 383, 385-moddalar; 2017-yil, № 6, 300-modda; 2018-yil, № 1, 1-modda) quyidagi oʻzgartishlar kiritilsin:

1) 63-modda birinchi qismining ikkinchi xatboshisidagi “olimpiya zaxiralari kollejlari” degan soʻzlar “ixtisoslashtirilgan olimpiya zaxiralari maktab-internatlari” degan soʻzlar bilan almashtirilsin;

2) 72-modda 1-bandining beshinchi xatboshisi quyidagi tahrirda bayon etilsin:

“tumanlar (shaharlar) madaniyat boʻlimlari tasarrufidagi madaniyat muassasalarini, tumanlar (shaharlar) jismoniy tarbiya va sport boʻlimlari tasarrufidagi jismoniy tarbiya va sport muassasalarini saqlab turish, shuningdek madaniyatni, jismoniy tarbiya va sportni, bolalar musiqa va sanʼat maktablarini rivojlantirishga doir maqsadli tadbirlar xarajatlari”;

3) 174-moddaning matni quyidagi tahrirda bayon etilsin:

“Oʻzbekiston Respublikasi Hisob palatasi:

Oʻzbekiston Respublikasi Davlat budjeti loyihasi parametrlari shakllantirilishini va mamlakatni ijtimoiy-iqtisodiy rivojlantirish ustuvorliklariga ularning muvofiqligini tizimli tahlil qilishni;

qabul qilinayotgan davlat dasturlari va hududiy dasturlarning moliyalashtirish manbalari bilan taʼminlanganligi auditini;

budjet tizimi budjetlariga hamda belgilangan tartibda tashkil etilgan boshqa jamgʻarmalarga mablagʻlar tushumining toʻliqligini oʻrganish va nazorat qilishni;

budjet tizimi budjetlarining hamda belgilangan tartibda tashkil etilgan boshqa jamgʻarmalarning daromadlarini koʻpaytirish zaxiralarini zamonaviy axborot-kommunikatsiya texnologiyalarini qoʻllash orqali aniqlash va safarbar qilishni;

budjet tizimi budjetlarining hamda belgilangan tartibda tashkil etilgan boshqa jamgʻarmalarning amalga oshirilayotgan xarajatlari samaradorligini va qonuniyligini auditdan oʻtkazishni, barcha darajalarda ularni qisqartirish boʻyicha zaxiralarni aniqlashni;

budjet tizimi budjetlari mablagʻlari va davlatdan qarz olish hisobidan amalga oshirilayotgan investitsiya loyihalarining maqsadga muvofiqligini va asosliligini baholashni;

soliq va budjet toʻgʻrisidagi qonun hujjatlarini yanada takomillashtirishga doir takliflar ishlab chiqishni, budjetga oid rejalashtirishning zamonaviy usullarini tizimli qoidabuzarliklarning sabablarini, shuningdek xalqaro tajribani umumlashtirish va oʻrganish orqali joriy etishni;

Oʻzbekiston Respublikasining respublika budjeti va Qoraqalpogʻiston Respublikasi budjeti, viloyatlar va Toshkent shahar mahalliy budjetlari oʻrtasidagi nisbat maqbulligini, mahalliy davlat hokimiyati organlarining daromadga oid vakolatlari va xarajatlarga doir majburiyatlari chegaralanishining toʻgʻriligini baholashni, ularning moliyaviy jihatdan oʻzini oʻzi taʼminlashi yuzasidan takliflar ishlab chiqishni;

Oʻzbekiston Respublikasi pul-kredit va valyuta siyosatining, Oʻzbekiston Respublikasi aktivlari va majburiyatlari holatining, oltin-valyuta zaxiralarini boshqarishning, shuningdek qimmatbaho metallar va qimmatbaho toshlar bilan amalga oshirilayotgan operatsiyalarning tashqi auditini amalga oshiradi”.

31-modda. Oʻzbekiston Respublikasining 2014-yil 2-yanvarda qabul qilingan “Vasiylik va homiylik toʻgʻrisida”gi OʻRQ-364-sonli Qonuni (Oʻzbekiston Respublikasi Oliy Majlisi palatalarining Axborotnomasi, 2014-yil, № 1, 1-modda; 2016-yil, № 12, 383-modda; 2017-yil, № 6, 300-modda) 32-moddasi birinchi qismining toʻrtinchi xatboshisi quyidagi tahrirda bayon etilsin:

“oʻz vasiyligidagi shaxsning maktabgacha taʼlim, umumiy oʻrta va oʻrta maxsus taʼlim olishi uchun sharoitlarni taʼminlashi”.

32-modda. Oʻzbekiston Respublikasining 2016-yil 14-sentabrda qabul qilingan “Yoshlarga oid davlat siyosati toʻgʻrisida”gi OʻRQ-406-sonli Qonuni (Oʻzbekiston Respublikasi Oliy Majlisi palatalarining Axborotnomasi, 2016-yil, № 9, 271-modda; 2017-yil, № 6, 300-modda) 23-moddasi birinchi qismining uchinchi va toʻrtinchi xatboshilari quyidagi tahrirda bayon etilsin:

“bepul umumiy oʻrta va oʻrta maxsus taʼlim olish;

davlat taʼlim muassasalarida davlat grantlari doirasida bepul kasb-hunar va oliy taʼlim olish”.

33-modda. Oʻzbekiston Respublikasining 2017-yil 7-sentabrda qabul qilingan “Huquqiy axborotni tarqatish va undan foydalanishni taʼminlash toʻgʻrisida”gi OʻRQ-443-sonli Qonuni (Oʻzbekiston Respublikasi Oliy Majlisi palatalarining Axborotnomasi, 2017-yil, № 9, 507-modda; 2018-yil, № 4, 224-modda) 11-moddasining birinchi qismidagi “Oʻrta maxsus, kasb-hunar taʼlimi markazi” degan soʻzlar “Kasb-hunar taʼlimi markazi” degan soʻzlar bilan almashtirilsin.

34-modda. Oʻzbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

davlat boshqaruvi organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin;

ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.

35-modda. Ushbu Qonun rasmiy eʼlon qilingan kundan eʼtiboran kuchga kiradi.