Oʻzbekiston Respublikasining “Oʻzbekiston Respublikasi Davlat xavfsizlik xizmati toʻgʻrisida”gi Qonuniga muvofiq buyuraman:

1. Oʻzbekiston Respublikasi ichki ishlar vazirining 2009-yil 4-oktabrdagi 75-son buyrugʻi (roʻyxat raqami 2041, 2009-yil 16-noyabr) (Oʻzbekiston Respublikasi qonun hujjatlari toʻplami, 2009-y., 47-son, 508-modda) bilan tasdiqlangan Ichki ishlar organlari tomonidan giyohvandlik vositalari, psixotrop moddalar va prekursorlar saqlanadigan obyekt hamda xonalarning texnik mustahkamligi va qoʻriqlash-yonginga qarshi signalizatsiya moslamalari bilan jihozlanganligi holati ustidan nazoratni amalga oshirish tartibi toʻgʻrisidagi nizom muqaddimasining ikkinchi xatboshisi quyidagi tahrirda bayon etilsin:

“Mazkur Nizom talablari Oʻzbekiston Respublikasi Mudofaa vazirligi, Ichki ishlar vazirligi, Davlat xavfsizlik xizmati, Davlat bojxona qoʻmitasi tuzilmasiga kiruvchi tashkilotlar hamda Adliya vazirligining sud-ekspertiza muassasalariga tatbiq etilmaydi.”.

2. Mazkur buyruq Oʻzbekiston Respublikasi Sogʻliqni saqlash vazirligi bilan kelishilgan.

3. Mazkur buyruq rasmiy eʼlon qilingan kundan eʼtiboran kuchga kiradi.