Oʻzbekiston Respublikasi Oliy Majlisi Qonunchilik palatasining Kengashi qaror qiladi:

1. Xalq deputatlari tuman va shahar Kengashlarining 2015-yilda tuman va shaharlarni ijtimoiy-iqtisodiy rivojlantirish yakunlari va 2016-yilga moʻljallangan ijtimoiy-iqtisodiy dasturning eng muhim ustuvor yoʻnalishlariga bagʻishlangan majlislarida Oʻzbekiston Respublikasi Oliy Majlisi Qonunchilik palatasi deputatlarining roʻyxati tasdiqlansin.

2. Oʻzbekiston Respublikasi Oliy Majlisi Qonunchilik palatasining deputatlari mazkur majlislarni lozim darajada oʻtkazishda tegishli xalq deputatlari Kengashlariga koʻmaklashsin.

3. Ushbu Qarorning ijrosini nazorat qilish Oʻzbekiston Respublikasi Oliy Majlisi Qonunchilik palatasi Spikerining oʻrinbosarlari zimmasiga yuklatilsin.